黑木亭居酒屋 (金馬倫道)

📍 黑木亭居酒屋｛尖沙咀｝@blackwoodizakayatst呢一間居酒屋喺食飯時間有好多人已經喺度等緊位，聽到好多人都係經OpenRice預約，因為有live show，更加有串燒放題，啤酒任飲🍻更加有汽水、烏龍茶，另外仲有Band+Busking+特色A La Carte😳晚晚都俾人哋炒熱個場🤭今個夜晚，已經唱咗好多經典回憶歌曲，有普通話亦都有廣東話，成餐飯都唔會有悶場🥢🥢🥢串燒嘅款式都好多，以下都已經超過10款！燒生蠔、雞皮串、醬油飯團、日本產牛油蕃薯、雞翼、明太子飯團、煙肉粒牛油燒蠔、厚切豬頸肉串、黑豚五花腩、簿切牛舌、雞軟骨、雞髀肉、粟米、脆燒豆腐、鴛鴦翠玉瓜、豚肉秋葵卷、豚肉蒜心串等等☝️由於因為我有啲晏嚟，所以有啲嘢已經售罄😩😩本人比較最欣賞嘅係燒粟米🌽燒得唔會乾身，而且牛油味勁重！鴛鴦翠玉瓜有沙律醬同明太子醬，明太子醬比較濃郁，係我鍾意嘅口味，而且翠玉瓜好濕潤！明太子飯團，豚肉秋葵卷都係我嘅最愛，不停嗌不停食🩷🩷🩷仲有燒蠔放題，雖然每一隻蠔都細細隻，但係可以任食都已經食返夠本，生蠔上面嘅芝士先係精華，燒得好濕潤，同時亦都唔會蓋過蠔味🦪仲有啤酒任飲，見到每一台都差唔多一

今天又來到這家藏在尖沙咀的寶藏居酒屋黑木亭吃串燒放題！從進門開始就超有feel，日式燈籠、木質裝修、壁畫……一秒穿越到東京街頭！晚上有Live Band演奏，氛圍超chill。1️⃣ 豚肉秋葵卷 豬肉包住秋葵，燒到外層微焦，咬落去肉汁爆出，秋葵仲keep到爽脆！加埋秘製燒汁，真係忍唔住encore多串！2️⃣ 黑豚荔枝卷 超有驚喜！黑豚肉包住成粒荔枝，燒完之後荔枝嘅甜味同肉香完美融合，一啖咬落去juicy到爆，必試！3️⃣ 蜜糖雞翼串 雞翼燒到金黃色，面頭搽滿蜜糖，甜甜哋又帶少少焦香！4️⃣ 厚切豬頸肉串 炭火燒出嚟嘅豬頸肉，外脆內嫩，油脂香濃但唔膩，配啤酒一流！5️⃣ 沖繩黑糖燒菠蘿 甜品控必點！菠蘿燒到熱辣辣，面頭嘅黑糖焦脆香甜，一啖咬落去爆汁，超滿足！🥗自助沙律Bar任夾 餐廳中間有個好靚嘅木製沙律吧，擺滿多款配料： ✨脆口之選：蓮藕片、玉米粒 ✨甜味擔當：菠蘿粒、葡萄乾 ✨健康之選：菠菜、鷹嘴豆 另外我們點了兩杯特飲蜜桃烏龍茶和芒果烏龍茶，加錢汽水啤酒都可以無限續杯，啱晒同朋友吹水慢慢食！

今日去左食尖沙咀好出名既居酒屋，黑木亭既串燒放題個場7點都已經坐到爆哂，好彩我地有book位，$198 1位真係好抵食 平時食1串都要三十幾蚊，再加埋$98蚊有任飲tim,仲有支裝藍妹同asahi,勁正有差唔多20種串燒可以選擇豚肉蒜芯卷燒汁金菇牛肉卷黑豚露荀卷黑豚荔枝卷呢幾種特色串燒好有特色，做得都好好，肉同菜既配搭好match雞軟骨薄切牛舌黑豚五花腩串厚切豬頸肉串雞腿肉雞翼串呢幾種都好正，岩岩燒起熱辣辣，仲有個爐可以熱住d串燒，勁有氣氛，雞翼個皮都超級脆鴛鴦翠玉瓜同粟米都好吸引仲有埋煙肉粒牛油燒蠔，燒到好香但都夠鮮味，食多幾隻都唔會好飽

最近好鐘意串燒，見到尖沙咀黑木亭居酒屋有串燒放題，於是同朋友提議去試吓～呢間居酒屋裝修風格日式簡約又帶點溫馨感，環境舒服，坐得好Relax，啱晒一班朋友聚會。食緊串燒仲有Live Band同Busking表演，歌聲靚又有氣氛，完全提升用餐體驗！聽店員講，每晚都有live band駐場，真係好正，食飯唔會悶。😉—串燒放題詳情價錢：$198串燒放題 + $98任飲無酒精飲品（亦有啤酒任飲選擇🍻）串燒種類：超過20款，全部即叫即燒，保證新鮮熱辣店舖好貼心，會提供小爐仔保溫，避免串燒冷掉，令每串都能保持熱辣狀態，食得更開心。—必點推介美食🔸黑豚荔枝卷呢個真係必點！黑豚肉質超Juicy，配上甜甜嘅荔枝，味道新穎又特別，荔枝嘅果香同豬肉嘅鮮甜完美融合，食落去層次感豐富，令人驚喜。第一次試呢個組合，真係好正，推介必試！💯🔸牛舌串牛舌串質感爽脆，肉味濃郁，燒得剛剛好，外層微焦香，內裡保持嫩滑，口感層次豐富，配合秘製醬汁，令味道更突出，絕對係串燒放題中嘅經典必食。🔸秋葵牛肉串秋葵爽口帶點黏滑，牛肉鮮嫩多汁，兩者結合得恰到好處，既有牛肉的香濃，又有秋葵的清新，口感豐富又健康，係一款好有特色嘅串燒。🔸雞皮串

串燒放題任食 好食好飽網上見到廣告咁抵，就膽粗粗同朋友訂位試試。本來見到啲負評，都有啲驚中伏。最後都算有驚喜，值得再去。個晚去到餐廳已八成滿，等左10分鐘先有得入座🤷‍♀️，坐底即刻嗌嘢食嗌爆佢，等左10幾分鐘後，差不多全部食物上齊，不過太多串燒很快就凍好在餐廳有俾個Gas爐保溫👍🏻，牛舌，荔枝豚肉，雞腿肉，雞翼都幾好食😊, 個人就鍾意金菇牛肉卷，蘆筍卷，菠蘿同埋燒蠔👍。但豆腐同雞皮就有啲乾。整體黎講都算OK! 啤酒要加98蚊任飲！🍺 有Live唱歌表演氣氛都唔錯，經理話可以點歌或者上去唱😂埋！總括呢講，以咁既價錢，都算唔錯～

知道做緊串燒及啤酒放題, 而且價錢可接受, 更重要是這個場好有地道居酒屋feel, 再加埋有現場新進歌手贈興, 實在令到整個場面可以令人暫時放下工作的煩擾, 老實講串燒的選擇不算太多, 但是也頗有質素, 而且是即叫直燒, 也不是將貨就價, 尤其是兩款口味燒蠔、多款豚肉燒和牛舌, 應該已回本, 最重要是可提供一個開心場地, 一班好友暢所欲言, 無拘無束, 杯酒言歡, 而且無限任點的樽裝Asaki啤酒質素也不差, 配串燒雞軟骨, 已可消磨一個晚上, 怪不得座無虛設。

今次試串燒放題，絕對係一個滿意嘅選擇。環境充滿日式居酒屋風格，燈光柔和，座位舒適，仲有 live band 表演，食住串燒聽住音樂，感覺特別輕鬆 🎶🍻 串燒種類豐富，特別推薦豚肉卷類——蒜芯、秋葵等配料令口感更有層次，味道調和得宜。薄切牛舌燒得剛剛好，爽彈之餘仲帶少少嚼勁，食完真係想再追加 🤤 雞翼燒得外脆內嫩，肉汁豐富 🐔 燒菠蘿係意外驚喜，黑糖令甜度更加突出，配燒肉一齊食特別夾 🍍✨ 黑松露白汁燒蝦亦相當出色，蝦肉彈牙，松露香氣濃郁 🍤 店員服務貼心，仲會提醒客人善用時間點餐，所有串燒都係即叫即燒，出菜快，無漏單，食得相當盡興 🍡🍶 整體而言，食物質素出色，適合朋友聚會，輕鬆享受美食。放題模式令大家可以試晒唔同款式，無需顧慮價錢，食得更加開心 💯🔥

之前黎過一次，今次再黎感覺更加好～ 除左裝修一樣充滿和風，一邊掛滿櫻花🌸，樓梯位就有用楓葉🍁同遮☂️砌成既牆，亦有唔少日本卡通畫、燈籠🏮，同埋日式大鼓🥁～ 燈光昏暗，今次多埋有live band🎵，一路聽歌🎤一路食更加有feel🤩 野食亦都更加精緻，除左一樣有可愛既熊仔冰🧸🧊😻之外，亦都更加好食😋(5 😍 係滿分，🤩係半分） 請勿打擾*熊の壽喜鍋 🧸🍲 - $399 (好味指數：😍😍😍😍🤩)一上枱已經決覺得好澎湃，個盤堆滿肉🐮🐷同菜🥬，食既時候真係要請勿打擾🫢😂 呢個鍋🍲有100g A5宮崎和牛🐮同埋150g 爽脆豚肉片 🐷～ 睇住隻熊仔冰🧸🧊慢慢融入湯🥣入面幾治癒🤩 整體惹味香口，味道香甜 A5宮崎和牛🐮肉質細嫩多汁，脂肪分佈均勻，有濃厚既肉香，味道甘甜，食完真係齒頰留香😋 爽脆豚肉片🐷 肥瘦適中，入口有油香，有幾香濃既肉味～ 配埋清新軟嫩既豆腐⬜️、芳香馥郁既冬菇🍄‍🟫、清香爽滑既秀珍菇🍄‍🟫、滑溜爽口既金菇菜、軟腍既小棠菜🥬、清甜既椰菜🥬、清香既大蔥同埋Q彈索湯🥣既冬粉😌薯茄 (牛油脆皮薯仔沙律) 🚬🧈🥔🥗 - $98 (好味指數：😍😍😍😍)第一次見沙律🥗用好似雪茄🚬既方式上幾特別😂

見到好多人幫襯呢間尖沙咀嘅樓上居酒屋，決定今日去試吓，一入到餐廳就見到牆身好靚嘅浮世繪，仲有幾個日本大叔坐喺到飲酒傾偈，即刻覺得呢度應該有啲料到😁🍣 廚師發辦壽司 (8貫) 師傅手勢唔錯，特別係件金箔拖羅，魚油香得嚟唔會膩口。海膽鮮甜冇腥味，食完仲有回甘。油甘魚肥美，另外鮑魚爽口彈牙，每件壽司嘅飯粒粒分明，用料都幾新鮮，值得試吓🫡🍲 請勿打擾•熊之壽喜燒鍋 A5宮崎和牛嘅油花真係靚，輕輕一灼就食得，入口即溶😚豚肉片意外地好食，爽口得嚟有肉香，湯底甜鹹適中，份量都比想像中多，食落幾滿足~🍆 薯茄 造型幾得意，好似雪茄咁，外皮脆脆哋，入面係creamy嘅薯仔沙律，凍食幾開胃🤣🍹 紫幻檸檬青瓜梳打 青瓜味好fresh，檸檬嘅酸味平衡得啱啱好，食完濃味嘢飲返啖好舒服😋🐻紅火龍佛手柑熊茶有好得意嘅熊啤啤冰喺茶面，杯底仲有啲啫喱增添口感，飲落唔算太甜感覺幾清爽！環境幾有日本feel，侍應會介紹食法，雖然單點價錢唔算好平，但食材質素對板，特別係個和牛同壽司，值得encore！下次想試埋佢哋嘅串燒放題，$198望落好抵～

在尖沙咀的這家餐廳，體驗到了一場視覺與味覺的盛宴。餐廳裝潢好有日本特色 首先，薯茄的沙律薯仔真的讓人眼前一亮，外形搞怪，彷彿在扯雪茄，照片打卡絕對吸睛！口感上，沙律薯仔的清新搭配讓人感到滿足。 ❤️接著是A5宮崎和牛和爽脆豚肉片的組合，肉質鮮嫩，油花分佈均勻，入口即化，令人回味無窮。豚肉片則帶來了酥脆的口感，兩者相輔相成 , 擺碟非常吸引最特別的莫過於廚師發辨壽司，這道壽司不僅造型精美，味道也非常出色，魚新鮮且搭配得宜， 有海膽，和牛壽喜燒，劍魚， 帶子讓人忍不住一口接一口。😍 紫幻樽檬青瓜梳打和紅火龍佛手柑的飲品清新爽口，令人心情愉悅。

小店最近推出全新90分鐘燒蠔串燒放題，26款肉類蔬菜，加$98即可配任飲Sapporo生啤。晚上更有Live Band，聽住音樂食串燒，成個感覺零舍唔同！燒蠔有兩款口味，分別為黑松露白汁同煙肉粒牛油，大粒飽滿，鮮甜入味，醬汁夠多，若喜歡食蠔嘅話瘋狂點真係好抵食。豚肉有六款選擇，當中四款係卷物，微微焦香嘅豚肉包住蒜芯、秋葵、露筍同荔枝，菜品鮮亂食，幫助解離，荔枝爆汁， encore咗好幾次。另外有五花腩同厚切豬頸肉串，前者油脂四散後者帶咬口，肉味出，不過都幾飽肚。牛肉就得牛舌同燒汁牛肉金菇卷，味道正常發揮，試試無妨。雞肉有四款，見大部份客人都大量點雞翼，雞腿肉蛋白質UP，相比之下個人更喜歡雞軟骨同雞皮串，兩款脆卜卜，而且唔油膩。蔬菜包含脆燒豆腐、日本產牛油蕃薯、鴛鴦翠玉瓜同粟米，燒完之後都唔會乾爭爭，但建議叫豚肉卷性價比更高。主食有醬油同明太子飯團，一口一粒唔怕飽，最後記得叫埋黑糖菠蘿同生啤Gur吓🍻

同朋友去咗呢間裝潢充滿和風嘅居酒屋,燈光柔和,好有氣氛,而且每晚都有live band同busking,邊聽歌邊享受食物,超正！餐廳除咗特色創意日本料理,仲有日式串燒放題,汽水啤酒任飲,好啱一大班朋友聚會！✨薯茄外形成支雪茄咁,勁得意,用鬆脆嘅牛油脆皮卷住薯仔沙律,食落幾特別！✨廚師發辦壽司(8貫)火炙M7和牛粉嫩油香！海膽帶子好鮮甜,三文魚腩好肥美又充滿油香,,吞拿魚赤身、中拖同埋大拖羅肉質甘甜,全部都鮮味十足！仲用咗金箔做裝飾,用料足,好啱心水！🐻請勿打擾熊之壽喜鍋呢個鍋上枱已經好吸晴！睇得又食得,入邊有隻熊仔湯底冰磚,keep住湯嘅濃度！鍋邊鋪滿A5宮崎和牛,小雪花紋,油花勁靚,大大塊,肉質鮮嫩多汁！豚肉爽脆,肥美又爽口！配菜有娃娃菜,福袋,寬粉等,煮到超鮮甜索晒汁♡🍹紅火龍佛手柑熊茶上面放咗隻熊仔冰粒,又香又甜,有層次好靚,仲好好飲!🍹紫幻檸檬青瓜梳打蝶豆花變色效果靚,青瓜嘅好refresh,解膩一流！

黑木亭居酒屋(香港)地址: 香港尖沙咀金馬倫道58-60號國鈀大廈地舖至1樓電話: +我真係好喜歡食日式居酒屋串燒架，但一般唔點飲品，一個人都$250-300，點多杯飲品都接近$350-400了而黑木亭出了任食串燒，豪食唔再洗每串計住計住啦$198 有90分鐘時間，仲有燒生蠔煙肉粒牛油/黑松露白汁燒蠔一開始當然每款都試啦，由雞腿肉，雞腎，雞肝，雞軟串雞皮，成隻雞每部份都點了牛舌豚肉秋葵卷，黑豚露筍、五花腩沖繩燒菠蘿、豆腐，翠玉瓜、日本產牛油甘薯，要飯氣仲有飯團$98 仲有啤酒/無酒精飲品任飲呀，平時點一杯beer 都要呢個價位，必加有Live Band唱歌，每晚都有氣氛好好

見IG 推介串燒放題任食，趁星期五就去一試，平日收費是$198，星期五要多收$30，訂了晚上7:00的位置，去到已好多人，安排了路口 風口位，腳是伸唔到的，表示要轉位，職員表示全場已滿，只剩下這兩個路口位，只好勉強坐下，不久就冷氣機滴水，再次強烈表示唔想坐呢個位，職員都表示沒有位，只能坐前一個路口位，預早預訂位置最後得來得是路口風口位。職員表示全場人人都訂了位置，又答應如有其他位會替我們轉。只好再次勉強坐下，期望會有其他位轉，可惜是我太天真了，人只會愈來愈多，職員早已忙得把承諾拋諸腦後，然後上菜又上菜，不停和隔離枱的單調亂，別的枱有的火爐，我們枱是沒有，大慨是因為太細了吧！90分鐘的用餐時間吹足90分鐘的風，串燒剛上不久就吹到凍晒，難食至極雖有現場樂隊唱歌但樂隊就在我們背後，聲音之大根本談話不了，捱到用餐完畢之後，結帳時有再和職員反映問題，職員雖有不停抱歉，但此次的體驗奇差，兩人合共$502，換來的是食凍的食物，慘過狗食的食物，路口位，等位的人的袋一不小心就掃落你的食物上，order混亂，一而再再而三咁上錯菜，大家都有訂位，大家都付差不多的價錢，我們得到如此奇差的待遇，永冇下次，別怪港

由於餐廳在一樓要走樓梯，帶著一點懷舊的味道。推門進入，牆上的浮世繪、木質裝潢與佈置，連同整個用餐過程，像是一場短暫的日本旅行，味覺與氣氛雙重滿足。我們首先點了買一送一的🏅煙肉粒牛油燒蠔，香氣撲鼻。接著是一整條🏅池魚刺身，由產地直送，原價$569，現時只需$398便可享用，新鮮甜美得幾乎能感覺到海風。主菜是🏅石板至尊安格斯封門柳扒，配有高湯釜飯、蜆肉魚湯和千島沙律。封門柳足足有300克，兩人分量剛剛好。牛柳在石板上滋滋作響，外層焦香，內裡粉嫩多汁，侍應還貼心地幫忙翻面。三款醬汁各有特色：沖繩菠蘿醬帶點果香、特製蔥鹽醬鹹香惹味，而綠茶海鹽則淡淡清香，無論配牛肉還是拌飯都令人回味。飲品方面，🏅藍蝶花佛手柑熊茶驚喜十足，茶中有一隻可愛的冰熊慢慢融化，帶來淡淡果香與視覺享受。另一款🏅百香果荔枝梳打則有真材實料的荔枝果肉，清爽之餘又帶點浪漫。