影片
電話號碼
90848687
營業時間
今日營業
12:00 - 16:00
18:00 - 00:00
星期一至日
12:00 - 16:00
18:00 - 00:00
以上資料只供參考, 請與餐廳確認詳情
有關獎賞計劃
影片
相片
刺身拼盤（4人份量海鮮套餐已包）
+61
之前一路都好傷心，因為麻甩爐撤出咗大埔，只係留返旺角嘅舖頭，但係近嚟見到IG，佢哋提及會重新考慮返返嚟大埔，結果期待已久佢哋開張營業，終於等到，而且食物質素仍然維持好高水準：喺呢度嘅食法，係好多元化，首先會有前菜刺身，可以有三文魚食，開咗個胃先；然之後可以去選擇雞煲嘅整法，有花膠、藥膳、甚至乎呢度最出名嘅麻甩炒法，由於只可以揀一樣，所以我一定會食花膠先；一嚟到嘅時候，個煲熱辣辣，而且花膠味好香濃，雞湯亦都呈現先黃色，便用咗好足料去熬製。-食完雞煲之後，就開始正式打邊爐，呢度有好多唔同套餐可以選擇，我自己個人就比較喜歡佢哋嘅海鮮盛宴。大大粒嘅鮑魚，大大粒嘅貴妃蚌，所有都係新鮮喺水箱度拎出嚟，貴妃蚌簡直係一絕，食完之後，就算要俾錢，我都會繼續加。-呢度飲品係任飲，我自己另外會加多$48去飲佢生啤，一路食住雞煲，一路打邊爐，一路飲住生啤係一件好開心嘅享受。-總括而言，麻甩佬今次返嚟，令我非常開心，作為大埔人，甚至乎作為區外嘅人，都會欣賞佢哋嘅堅持同埋獨特嘅雞煲味道。
繼續閱讀
✨ 麻甩爐海鮮雞煲私房菜(大埔)之前舊鋪位都有食過覺得唔錯 最近佢地又翻翻黎大埔😍有3個價位比大家選擇我地今次簡左海鮮聖宴、招牌麻甩雞煲、湯底就叫左沙嗲湯～麻甩雞煲超濃味好好食😍我地仲加左一次雞🤣真係好惹味又唔會好辣 不過都真係幾麻😂🐟刺身拼盤三文魚可以任食嘅～整體質素都唔錯😛食完雞煲就打邊爐!!沙嗲湯底濃郁 唔使點醬都好夠味✨🦐海鮮拼盤啲蝦勁生猛仲郁緊～仲有沙白、蜆、貴妃蚌、鮑魚同帆立貝Qrcode落單嘅火鍋配料有肥牛、牛板腱、墨魚滑同蝦滑等～仲有少少炸物可以過下口癮自助區都有各式各樣丸類同蔬菜俾大家揀😆野飲、啤酒同雪糕雪條都有～
繼續閱讀
一年四季無論天氣凍定熱都係咁鐘意打邊爐，今日去左大埔麻甩爐，個任食套餐好吸引，我揀左海鮮盛宴，有時令刺身拼盤，海鮮拼盤，雞煲，食完雞煲仲可以再揀火鍋湯底打邊爐，一次可以試兩款火鍋味道，好滿足喔！餐廳岀品好有心思，擺盤好精美，刺身拼盤有油甘魚、北寄貝、赤蝦、八爪魚、我最鐘意係個三文魚刺身，咬落好肥美，仲係任食架！海鮮拼盤好豐富，鮑魚大大隻，烚完都好彈牙，貝類都有幾款種類，啲蝦好新鮮，黎到仲識郁架！雞煲揀左特濃花膠雞，雞件好嫩滑，份量好多呀，花膠炆得好軟腍，湯底奶白色好濃厚，飲落好滋潤。食完雞煲我地揀左上湯金柳素翅冬瓜鍋，冬瓜鍋用料十足，一整件冬瓜，仲有啲金華火腿同紅棗等等，夠哂味道，而火鍋配料都有好多丸類同新鮮蔬菜揀，第一次見到任食有豆苗😍💯除此之外，仲可以QR code落單肉類同埋炸物，選擇真係好多，好有新鮮感，味道仍好好，飲品除咗茶類同埋汽水仲有啤酒🍻好岩同朋友黎聚餐呀！
繼續閱讀
可能睇完呢度之前d好評 太有期望 結果令人大失所望如果為打卡既 去影下個牛肉圈或者海鮮併盤 係可以既服務既話成班侍應 都係唔想做咁年紀大d果女侍應掛住篤電話問佢野 一眼都冇望過我 全程望住自己電話同我講野其實唔期望要好好服務 但都唔好咁差😓 成班做緊野都公然一齊喺度食零食只有一個後生仔叫笑容好d侍應妹妹上個雞煲 擺低 完冇講過野咁即係熟？食得？定煮一陣？🙃雞ok 既 滑既 但個湯都幾咸 海鮮/牛肉/烤魚 我地揀左牛肉 果朶牛肉整成既花 成舊雪到冰咁 食到最後都未溶 唯有成舊掉落去 成圈牛肉其實都係一般 冇乜牛味 如果揀海鮮可能好d 見隔離枱d海鮮係生猛既環境既話坐滿哂人之後 其實完全吾再想行出去拎野飲野食 枱與枱之間勁迫 已經唔係肥 但都行得好辛苦 如果大家去揀坐近攞野食/攞野飲既地方希望老闆見到可以改善下員工質素 🥲
繼續閱讀
晚飯時段同friend去試，座位舒服，走廊闊落，空氣流通，環境又乾淨，音樂又好聽，店員態度又好手腳又快，冷氣又夠涼，雞煲又好食，加左十轉都似啊完全冇問題呀，野飲任砌，最好飲係配純茶一定要試下啦你，唔試唔得
繼續閱讀