麻甩爐海鮮雞煲私房菜 (安樂樓

營業中

休息中

藥膳膳蟲草花雞係我至愛個個月 差唔多同老公食一次湯底有味精海鮮套餐勁抵食次次食到勁飽員工服務超好仲可以主動加雞海鮮蝦勁生猛仲有辣酒煮花螺大埔冇邊幾間咁好食😻😻

醉雞湯底濃厚，飲得出多種藥材煲出黎，唔覺有味精味，真材實料。醉雞件嫩滑，又可以任加雞件，底食飲品種類多，有好多選擇，而出面小有既西柚soda都有！！唔錯而火鍋配料都有好多款色，肥牛雞子同鵝腸都唔錯。仲有炸榴槤係必選，可以翻兜再黎食。

今年母親節選了大埔食雞煲放題 ～每人一只凍蟹/冰火翡學螺（1份） 🔺凍蟹🦀️正👍🏻 ～選左兩個湯底 🔺招牌麻甩雞煲👍🏻/養生蟲草花雞煲 🔺雞煲可以再添加 ～海鮮拼盤 🔺海鮮新鲜😋不可添加 ～火鍋配料，🐂肉🐷肉及炸物放題 ～甜品因為人多安排我哋到閣樓用餐地方普通，當晚小插曲開停電兩次🤔但整體來說食物質素幾好👍🏻會再光顧

這天在大埔區行完山，當然要吃一頓豐富的晚餐補充體力。朋友提議的這間專食雞煲的餐廳雖然位置不太便利，但可以任飲任食3小時相當吸引。🐔3小時任飲任食海鮮雞煲套餐（每位$308）我們選的是海鮮雞煲套餐，頭盤有一人一隻凍蟹🦀️，而招牌麻甩雞煲🐔的醬汁又濃又夠辣，十分惹味，還可以無限添加，不過雞煲會越煮越辣，吃第二round已經到極限。食完雞之後就會上海鮮，海鮮則提供鮑魚、聖子、扇貝、海蝦🦐等。吃完海鮮還有多款火鍋配料包括菜類、肉類、丸類、餃類等及炸物任叫任食，包保吃到飽，但記得要留肚吃甜品燉蛋🍮。飲品方面有很多選擇，因為我們當中有人不喝凍飲，店員亦貼心地到貨倉找未放雪櫃的給我們，抵讚👍🏻👍🏻

海鮮幾新鮮，嗰日食有鮑魚，雞煲味道幾好，啲雞入味，打邊爐啲料都唔少，啲牛都有牛味，特別係啲牛丸同雲吞都好味，雲吞入面有蝦添，員工態度都好nice，有禮貌招呼都好好

第一次食，雞無限加好抵，同埋啲雞件都好滑。想試辣雞煲但唔食得太辣最後叫左花雕醉雞煲，都好入味。回頭率高，下次再試下食辣雞煲。可惜太早截單，職員都冇提醒就last order，否則可以再試多啲野食。

我地total三個人嗌咗海鮮雞煲套餐其實個套餐都好豐富！頭盤我地揀咗凍蟹🦀️出奇地啲殼好易剝同夾 問老細原來係因為凍過！啲肉都好多 好好味😋雞煲任食正！佢個雞煲好惹味 仲有我鍾意既薯仔！反而第二次refill雞煲既肉多好多 第一轉有啲少，或者可能我地都太肚餓！老細話啲辣椒會越煲越辣 真係越食越辣建議如果食唔到太辣 一開始煮一陣可以將啲辣椒夾出來 🌶️唔係之後真係好鬼辣同埋個人經驗 覺得雞煲可以唔使煮咁耐否則啲醬汁就會好杰撻撻～食咗兩轉雞煲夠喉了，上海鮮！因為好少自己煮海鮮 如果可以喺檯面整埋建議煮幾多分鐘海鮮就好啦～我地又費事下下叫老細過黎，但好驚煮得唔熟，又怕煮得耐唔好味😳所以最後上網睇下大概要煮幾耐食完海鮮仲可以食下炸物 616菜丸肉，大滿足！雖然火鍋配料 肉類唔算多 但食完雞煲同海鮮 都已經八成飽，所以都好足夠了～嘢飲都好足夠～最後仲有甜品 - 燉蛋送既燉蛋就一般啦～朋友介紹既 住咗兩年大埔都無發掘到咁正既餐廳❤️另外想讚下服務一流！除咗解釋好仔細，執嘢都好快手，仲預告黎緊有其他新款式～好期待呢間可以再encore

幫襯咗好耐嘅老顧客嚟，真係keep到雞煲即叫即炒，雞煲香辣野味，雞件係好滑。 海洋餐都新鮮，前盤海鮮蟹唔錯但會更推薦麻辣螺，真係必食之選嚟。海鮮餐嘅牛就一般般，要好食啲牛真係牛餐，係呢點要做少少取捨。

已經食過呢間雞煲無數次, 今日先黎補個食評. 第一次食係疫情剛開始, 到而家將近3年, 野食質素都係維持一貫水準, 新鮮又好味, 火鍋配料有誠意, 店家對食物質素亦有追求. 一間小店捱過疫情仍然保持一貫質素, 難得.雖然環境有D 迫, 但小店經營, 唔通俾個床位你食野咩, 呢個價錢, 呢個食物質素, 絕對對得起食客!

今次係第二黎呢間店食雞煲，叫左麻辣雞煲中辣，真係好惹味，醬汁又濃又夠辣。食完一隻雞唔夠喉，可以再加雞，加雞係即叫即炒，真心覺得好有誠意。海鮮雞煲，會先來一人一隻蟹，隻蟹唔記得咗影相，食完雞之後就會上海鮮，海鮮好新鮮，聖子同鮑魚好好食，淨係食個海鮮同雞已經抵晒。食辣雞煲配啤酒真係好正，任叫食物係可以逐粒去落單，方便兩個人想食多啲唔同款式嘅食物，真係覺得間店諗得好周到。絕對推薦鍾意食雞煲嘅人嚟呢間度食，！

星期日去，價錢$328 +1 完全唔明點解會有人話好食😂完全談不上好食😂😂有所謂嘅海鮮六款 ，質素一般….分量唔少雞煲任食，麻麻哋 ，有啲鹹。火鍋配料食材廉價，每次叫每人俾一粒 😂😂😂要係咁叫 ，好煩🤬不過不失性價比低。感覺好似創興嗰啲任食咁。但重點係人哋價錢平好多…..仲要坐得勁唔舒服逼到阿媽都唔認得😂張枱基本上冇乜位擺野。仲衰過麥當勞！！！上菜速度正常整潔一般 服務一般未試過嘅，可以唔使試🙃

有時食得多日式火鍋，都好想食返個中式邊爐😂之前已經試過一次呢一間，覺得味道唔錯，仲可以食成三粒鐘☺️今次又嚟食～佢有兩層，所以啲位都算幾多，我哋就坐喺卡位😆我哋叫咗個最基本嘅餐，頂級肩胛肉眼雞煲套餐 (星期五六日及公眾假期前夕每位$268)🍲同出面好多雞煲店一樣，首先會食咗個雞煲先，我哋就揀咗養生蟲草花雞煲🤤個湯底好濃好夠味，啲蟲草花都好多好好食🤣啲雞都仲係好滑，份量都唔少呀～佢仲可以免費加雞🤤不過我哋都已經好滿足，想食多啲其他嘢，所以就冇再加到～之後就叫配料啦，因為張枱唔太大，佢會將啲配料放埋一碟慳返啲位～呢個做法就見仁見智啦，不過好彩啲料都企理，豬肉都唔會有肉水～牛肉就係分開上嘅，味道都唔錯，算淋滑😌各樣配料都正常發揮～呢度特別就特別在仲有炸物食，一次過滿足哂幾個願望！任飲飲品就一定唔少得，都有幾多款揀☺️飽到嘔之際，仲有個焦糖布甸食🤣不過甜品係第二個胃，都ok～雖然呢個餐冇咩名貴食材，但食足三個鐘嘅話可以話一定飽😂呢個價錢都相當抵食呀👍🏻

我同我friend最鍾意去試啲雞煲，呢次搵到喺香港最好食嘅雞煲。佢哋啲餐牌有牛頸脊套餐同埋海鮮套餐仲有酸菜魚套餐，我同我friend揀嘅係海鮮套餐（凍蟹）配麻辣雞煲，同埋啲嘢飲任飲。嗌完餐冇幾耐就上咗我哋d凍蟹，啱啱開始我仲以為係好細啲蟹唔到竟然三只都咁大。我竟然覺得啲蟹有啲可愛🤣同埋入口好鮮甜。d雞煲就冇講啦，一上來就好大嘅香味，聞到都肚餓啦！從第一口開始食就一直停唔到落嚟，啲味道啱啱好，同埋佢可以無限加雞？！加一轉雞差唔多有半隻雞咁，唔似有啲雞煲店加雞淨係加幾舊😓食呢個雞煲仲想食兩碗飯添！講佢係香港第一好食雞煲都唔會誇張👍食完海鮮就可以叫服務員話轉火鍋，之後就係上我哋啲海鮮啦！但係我覺得加湯加少少就啱啱好如果加多嘅話就冇咩原本啲雞煲味。我想講佢哋啲海鮮真係好新鮮‼️啲蝦上嚟仲喺度郁緊🤩仲有鮑魚，蜆，花甲⋯⋯同埋佢哋有$100任飲啤酒！！喺香港來講已經算超抵㗎啦！

之前黎食過幾次身邊親戚朋友都大讚有啲重特登問我攞地址自己再黎食從湯底到用料都係靚感受到係用心經營雞煲啲雞全部都好有肉，好滑，入味！牛小排都超好食 海鮮新鮮細緻到連小食芝士年糕都好好食香口 唔會太油膩 平時食一兩舊就會食會停我都可以連食4舊而家雖然無晚市 但午市都會去食佢既蒜蓉荷葉蝦飯牛飯都好好食當時店主重推薦我落「麻油」無諗過佢地自家「麻油」係咁正另外佢地小菜伴既豉油都好香好好味一問之下原來係自家調製難怪咁好味由晚市到新年盆菜再到而家午市都試過係好值得俾既雞煲店

今次試左近太和站嘅一間邊爐店😋店舖分兩層，可以OpenRice訂座，任飲任食3小時🎉有兩個套餐可選，分別在平啲嘅$𝟚𝟚𝟠可任食肩胛肉眼牛🥩貴啲嘅有海鮮同牛小排但兩樣都並非任食同無任食牛🦪最後係掙扎下揀左海鮮套餐🤣🔆絕對新鮮海鮮雞煲套餐$𝟚𝟠𝟠 (星期五六日及假期及前夕+$𝟚𝟘)▪️凍蟹/避風塘軟殼蟹 (1隻)聽聞比較多人揀凍蟹所以我地都跟風🤣雖然食落唔係超鮮味，但有膏有肉都好滿足🦀店員會貼心提供手套🧤▪️養生蟲草花雞煲雞煲有4款湯底，我地揀左呢個唔辣嘅養生湯😚呢個湯底同平時食雞煲唔同，食雞果陣已經落哂湯，食完就直接打邊爐🍲雞件係開始打邊爐前都可以無限添加🐔▪️海鮮拼盤(時令5款)+長腳蟹棒及廣島蠔當日時令海鮮包括鮑魚、海蝦、貴妃蚌、花甲同龍躉片😍佢嘅海鮮都相當有質素同新鮮，隻蝦仲腳郁郁🦐鮑魚唔好淥太耐食落超軟嫩😍▪️手切頂級牛小排呢個每人只有幾片😭食完都好想再加🤣佢嘅油花分佈剛剛好，碌完唔會縮埋一舊，好重牛味好好食🤤▪️任食配料及飲品有基本嘅丸類、餃類、蔬菜等，另有幾款炸物，南瓜薯餅有啲驚喜👏🏼我地坐二樓，飲品係自己去雪櫃仔到拎整體覺得個套餐好豐富，海鮮夠新鮮高質，美中不足係無任食牛唔夠盡興😿仲