影片
更多
2022-06-23
1178 瀏覽
有時食得多日式火鍋，都好想食返個中式邊爐😂之前已經試過一次呢一間，覺得味道唔錯，仲可以食成三粒鐘☺️今次又嚟食～佢有兩層，所以啲位都算幾多，我哋就坐喺卡位😆我哋叫咗個最基本嘅餐，頂級肩胛肉眼雞煲套餐 (星期五六日及公眾假期前夕每位$268)🍲同出面好多雞煲店一樣，首先會食咗個雞煲先，我哋就揀咗養生蟲草花雞煲🤤個湯底好濃好夠味，啲蟲草花都好多好好食🤣啲雞都仲係好滑，份量都唔少呀～佢仲可以免費加雞🤤不過我哋都已經好滿足，想食多啲其他嘢，所以就冇再加到～之後就叫配料啦，因為張枱唔太大，佢會將啲配料放埋一碟慳返啲位～呢個做法就見仁見智啦，不過好彩啲料都企理，豬肉都唔會有肉水～牛肉就係分開上嘅，味道都唔錯，算淋滑😌各樣配料都正常發揮～呢度特別就特別在仲有炸物食，一次過滿足哂幾個願望！任飲飲品就一定唔少得，都有幾多款揀☺️飽到嘔之際，仲有個焦糖布甸食🤣不過甜品係第二個胃，都ok～雖然呢個餐冇咩名貴食材，但食足三個鐘嘅話可以話一定飽😂呢個價錢都相當抵食呀👍🏻
我哋叫咗個最基本嘅餐，頂級肩胛肉眼雞煲套餐 (星期五六日及公眾假期前夕每位$268)🍲同出面好多雞煲店一樣，首先會食咗個雞煲先，我哋就揀咗養生蟲草花雞煲🤤個湯底好濃好夠味，啲蟲草花都好多好好食🤣啲雞都仲係好滑，份量都唔少呀～佢仲可以免費加雞🤤不過我哋都已經好滿足，想食多啲其他嘢，所以就冇再加到～
之後就叫配料啦，因為張枱唔太大，佢會將啲配料放埋一碟慳返啲位～呢個做法就見仁見智啦，不過好彩啲料都企理，豬肉都唔會有肉水～牛肉就係分開上嘅，味道都唔錯，算淋滑😌各樣配料都正常發揮～
呢度特別就特別在仲有炸物食，一次過滿足哂幾個願望！任飲飲品就一定唔少得，都有幾多款揀☺️
飽到嘔之際，仲有個焦糖布甸食🤣不過甜品係第二個胃，都ok～
雖然呢個餐冇咩名貴食材，但食足三個鐘嘅話可以話一定飽😂呢個價錢都相當抵食呀👍🏻
張貼
