麻甩爐海鮮雞煲私房菜 (安樂樓 (已結業)

我和朋友第一次去食，睇佢鋪頭新開，見288食雞煲就想試吓啦，點知⋯我超滿足咁樣行返出嚟，有啲難以置信我頭先食嘅嘢係288，好抵食又新鮮！特別係海鮮啲蟹超多膏又新鮮～288估唔到啲蟹可以咁靚～見到去的人都係一班後生仔，其實覺得好適合家庭一家大細去食～介推一家人去～嘢飲係可口可樂涼茶汽水任飲好食過大埔某幾間雞煲😝有heart嘅菜式，絕對冇Hea做嘅感覺～啲雞好滑，去食嗰陣時冇食辣只係食藥膳雞煲個藥膳湯底真係好正好足料！食完仲有甜品添啊！好食呀！最重要係比錢288播⋯我覺得我會成日去食🤣不過提一提呢個係開張優惠要快啲去試吓先可能遲啲會冇咁平㗎啦～

海鮮好新鮮，隻蝦送上台仲跳緊，俾個like ,款式都夠多，價錢實惠。食完個set 已經飽飽啦，連任食都未叫，所以大食既朋友好岩黎。雞好滑，亦都好入味，份量都好夠，簡直無得彈！

提早團年，有朋友住大埔話最近新開一家試業任食食雞煲嘅，有新嘢梗係要一試啦，店面唔算好大，小小迫但氣氛唔錯，一行7人叫咗一個麻辣雞煲、一個藥膳雞煲，唔食辣嘅朋友都啱食，個雞好滑，聽店主講話因為生炒所以煲極都係咁滑，個個食到舔舔脷，連藥膳湯底都可以飲埋，仲可以無限添加🐤，汽水無限添飲，大大個新鮮生猛海鮮拼盤，仲有其他火鍋配料同埋脆炸蠔，誠意十足,埋單都係位位$300樓下！下次一定會再encore😋

好抵食，任食3小時。試業期間做緊8折優惠，頭盤凍蟹好鮮食，雞煲無限加，海鮮時令五款，食完已飽飽地，仲有其他五十幾款食品無限供應，甜品送超級滿足。生日優惠4個送1個，全月計算，等我揾多D朋友嚟，再刷番餐勁，一個月食佢幾餐，抵到爛，食完抱著個肚走呀😂😂😂店舖員工好熱情有禮貌，環境舒適。去開大埔玩就一定要試下這間麻甩爐海鮮火鍋私房菜啦！老闆話1月2日正式開業，到時有午市餐，無添加味精，健康美味私房餐，到時我一定再試下。