麵屋黑岩

營業中

休息中

黃金商場行完，深水埗揾食。長沙灣道路過一間拉麵店。感覺有別於其它普通拉麵食店。主打款式類似海鮮種類。環境簡單簡約，每個人座位都有距離，食客安心用餐。落單之後，廚房好認真為我們的拉麵做準備。由於不知道份量，暫且不叫其它飲品。但有額外加炸蝦。當作是小食，炸蝦餅。蟹肉拉麵加火炙叉燒本身系拉麵愛好者通常會叫黑蒜，但呢間特別的海鮮拉麵都吸引。可以選擇蔥或者椰菜。因此蟹肉是首選，再加上用火炙的叉燒。火炙通常用在壽司刺身身上，最重要是使食物表面微微變焦或者熟透，有更濃烈的肉燒膿鮮味道。今次可以試一試火炙叉燒。叉燒都厚身，爽滑。拉麵軟度都可以選擇，有軟，硬，普通，軟度拉麵會令到飲湯時候有口感，因此都是叫軟拉麵。顏值一流。相機又爲食喇。同伴選擇鰹魚拉麵，鰹魚是木魚，通常出現木魚豆腐呀，章魚小丸子，而在加入拉麵中，口感的確產生一種特別的風味。食拉麵不可缺少的溏心蛋。溏心蛋軟滑漏汁，加多20元可以要多份。

這天放工後去兼職，中間有晚飯時間，所以我便去吃一頓非常豐富的拉麵大餐！雖然門口還有午市套餐餐牌，但其實我到達的時間已經六點多了，理所當然不會有午餐優惠...這是蟹肉拉麵。基礎的配菜已經有叉燒，不過，我喜歡日式叉燒，所以額外加點了火炙叉燒。拉麵看起來超級豐富！這裡的叉燒算是比較厚切的，所以就算不加點配菜，這裡的配菜已經算是很豐富了！我覺得這裡的叉燒很嫩滑，雖然不會入口即溶，但它肥瘦比例很合理，不會油膩，吃起來很滿足！蟹肉亦是拉麵的主要配菜。蟹肉沒有蟹殼，基本上亦算香甜，但其實因為湯底味道很香濃，吃到最後蟹肉的味道變得很淡...豬軟骨亦是額外加點的，味道重一點點，但這裡的豬軟骨肥肉不多，軟骨部份能夠保持脆脆的口感，所以我還是非常喜歡！

今日雖然熱辣辣，但突然好想食辣拉麵，最好配埋生啤，搜尋一下，搵到呢度。平日下午茶時間，無人，唔知係開少咗冷氣，還是坐近門口，係有啲熱……。有“小盛”嘅下午茶餐，非常好 第一啖試咗湯底，比預期薄身，不過夠味而唔鹹。 然後食佢嘅叉燒，五花腩咁，好啱我口味 另外追加咗溏心蛋，咬開後覺得似溫泉蛋多啲（其實兩者有無分別？😂）至於拉麵本身，屬於淋啲嗰種，我啱呀，不過唔係話出眾嘅程度。下午茶時間，86蚊有個麵，有生啤，都幾開心嘅

星期一，未回暈清醒，收工同朋友出去hea下。放鬆下。今次朋友話想食拉麵，見Openrice咁多讚，咁就試下這間。我同朋友都叫左個火灸叉燒黑蒜拉麵首先試下個湯底。濃郁而厚，飲得出充滿骨膠既豬骨湯底。黑蒜中有豬肉粒，很香的蒜香味。火燒過的叉燒，燒出了點點的焦香。朋友很讚叉燒不像其他拉麵店的很乾，這裡的叉燒帶點油脂使叉燒軟軟淋淋。 而我很喜歡這裡的拉麵，因為沒有很重的鹼水味。我點了普通的軟硬度亦剛剛好。口感十足。日式店鋪裝修，簡潔充滿日本味道。星期一關係，唔多人。自助落單，雖然要店員的情況唔多 但店員都很有禮貌。總括，值得再次幫襯的平民式拉麵小店

今日經過深水埗想食拉面，就去咗依間舖頭試試，叫咗個海老拉麵，湯底好濃，有好多櫻花蝦，厚切叉燒整體都唔係好食既，如果好似日本咁提供凍水被客人飲用，同埋個湯再熱啲，會更好。

好耐冇係深水埗搵野食，見到呢間拉麵店，同隔離嘅店格格不入，好突然既日本風裝修，見到評價都不錯就決定一試！ 🧡黑蒜拉麵：椰菜、灸燒叉燒非！常！好！味！平時食黑蒜味嘅拉麵都怕佢會苦或者太濃，呢碗嘅蒜味好，揭開舊叉燒見到好多黑蒜同炸蒜，叉燒有2塊偏肥但超腍，叫左普通面質，食落岩岩好 鰹魚拉麵：蔥、厚切叉燒成碗面鋪滿木魚，湯底好濃郁嘅魚味，食完成碗都唔會好口渴；雖然得一舊叉燒但真係好厚，配料有蔥同木耳 🧡好鍾意佢哋提供嘅係冰水，真係有種日本小店嘅feel總結：7.5/10

聞說呢間舖頭係深水埗好出名😂😂🤣🤣未試過嘅朋友可以唔洗試。賣相係OK嘅，但係成餐飯最好味係汽水🥲麵底好明顯係平價即食麵型拉麵，湯底除咗鹹，就冇其他味道了。叉燒冇乜味，似湯渣，唔知點樣形容😂😂😂😂😂溏心蛋幾好味，未寫完呢個食評就已經好口渴點解要寫夠200字先可以評分😂😂😂😂😂😂坐係度食嗰時見到佢地翻貨，叉燒係買現成的。究竟香港仲有冇拉麵舖係自己熬湯自己整叉燒呢？我好想知！

真心問，啲笑笑係咪買番黎定間鋪轉左手？冇咩可能有咁多好評⋯個麵同叉燒咸到冇朋友。中午1:00左右，食午飯，竟然冇咩人，都覺得不妙了，原來都真係幾差。Waiter 安排咗座位,都唔算好禮貌，不斷企喺廚房旁邊,撩耳仔…😨不過算啦有lunch set , 包飲品或者小食，不過麵唔跟蛋，其實已經扣咗好多分，個麵嚟到其實我賣相唔錯，都好多櫻花蝦，不過食咗第一啖，嘩已經咸到呢。😭😭😭以拉麵黎講，非常麻麻，失望失望😞

嗰日同男友行完西九，見到呢間拉麵好多人排隊，望吓個價錢都可接受，就決定試下坐低左無耐，店員比左個qr code叫我地自助下單，小食方面就叫咗溏心蛋同埋章魚小丸子，小丸子🍡好快就上嚟啦，$20 有四粒，熱辣辣外脆內軟，滿足😋溏心蛋流心煮得岩岩好✌🏻男友叫黑蒜拉麵with 一塊大大塊厚切豚肉，普通硬度的麵，炸黑蒜香口濃烈，加入湯到好好味我就叫左鰹魚拉麵，不過就係火灸豚肉，細塊d, 就有2塊，魚香味濃，忍唔住狂飲湯底人均都係100左右，幾抵食

we had the original ramen, roasted pork and hard noodles and they were only 74$. the broth was slightly salty but besides that it was a really good bowl of ramen. would def recommend!!!

最近很喜歡吃拉麵，開始四出找尋隱世拉麵小店，今次這間麵屋黑岩，位置正正在深水埗地鐵站C出口行前幾步就到達，非常方便利！店面很大，座位很多，設有吧台座位，感覺日式小店的裝潢，餐牌上的拉麵款式都很多，加上有不同小食及配菜，不同口味的湯底如原味、醬油、蟹肉、鰹魚以及店長推介等等。 今次試了蟹肉和海老拉麵。這餐廳是用手機掃二維碼點菜，拉麵的叉燒可選火炙或厚切，配料可選蔥或椰菜絲及選麵條軟硬度，非常簡易方便！我點了海老拉麵，它鋪滿了細小的櫻花蝦，湯頭很香呈橙啡色，非常香濃很吸引！拉麵沾櫻花蝦，掛滿濃郁蝦味的湯汁，再加配了爽脆木耳絲，椰菜後一起吃下，口感奇佳，最大賣點是厚切叉燒，超大的一件，厚實但爽滑，肥瘦適中，帶咬口！朋友點了蟹肉拉麵，配了蔥花，兩大片惹味的火炙叉燒，加上蔥、蟹肉，湯底相對較柔和，不會有油膩感，蟹肉份量多，拉麵同樣掛湯，叉燒經火炙後滲出的炭香味和其油脂燒焦的香味，味覺的享受!小食點了日式炸餃子，有五隻，鋪滿了橙紅色的明太子醬在外皮，炸得金黃色，肉餡料多，香脆可口，咬下去吃得到肉汁，惹味之選！總括來說，湯頭及麵底素質很好，很有誠意，值得推介！

約了住在長沙灣的朋友一起吃晚餐兩人都突然想吃拉麵朋友推介了這一間 — 麵屋黑岩於是便來了一起試一試拉麵湯底選擇也不少和朋友點了不同的湯底試試日式炸蝦餅一份三件 吉列外層炸得香口蝦餅口感彈牙 海老拉麵叉燒可選配厚切叉燒或火炙叉燒選擇了厚切叉燒 厚厚一片好足料湯料加入了大量蝦米 做湯底帶鮮香湯底是拉麵最重要的一個元素 這裏整得很出色配上選了的軟口感拉麵 正黑蒜拉麵這款得選擇了火炙叉燒 軟綿綿的口感也不錯湯底帶濃濃黑蒜油 入口陣陣蒜香喜歡吃蒜的朋友不可錯過呀 一定有驚喜整體湯底口感細膩卻不會很油膩 好味道加配一片厚切叉燒吃肉獸朋友表示好喜歡這裏的叉燒於是額外加配了一份 大大片好滿足

呢日放工同老公去左深水埗買野, 買完就搵野食, 去左麵屋黑岩食拉麵~門面有好大個日式燈籠好搶眼。座位唔多, 但都幾闊落。我地叫左2個拉麵:黑蒜($82)同海老($82)。黑蒜($82)叉燒有2款可以揀: 厚切叉燒同火灸叉燒。我地2個都叫左火灸叉燒黑蒜湯好香蒜味, 豬骨湯都好濃郁。火灸叉燒有火灸過, 有焦香味~海老($82)海老個湯底都好濃郁, 有好多櫻花蝦, 蝦味好出。日式炸餃子 ($32)HAHA, 本身有5隻既, 畀我食左一隻, 我先記得影相餃子係炸的, 外皮好脆, 入面有肉汁, JUICY~另外我仲加左隻溏心蛋($12)好入味, 溏心亦整得岩岩好, 蛋黃都係流心的~好味。

今日約了朋友去食日式拉麵，我們到達時不需要等位就可以入座。我們叫了一個黑蒜拉麵，一個蟹肉拉麵，一個溏心蛋和一個唐揚魷魚。這間拉麵是有得選擇叉燒是要厚切還是火炙，而菜有得選擇蔥或椰菜，另外還有麵軟硬度選擇。首先來的是黑蒜拉麵，我叫了厚切叉燒加硬麵。黑蒜味道加上碎肉令到湯的味道又更香，而厚切叉燒不硬，而且夠入味。麵身硬份量適中。而蟹肉拉麵中的蟹肉絲絲入扣，味道鮮甜。而湯的味道不會過鹹。而糖心蛋中間的心熟度適中。另外魷魚外脆肉爽，口感不錯。整體而言，厚切叉燒口感同味道都唔錯，而且整體的湯的味道比我想像中好。

第二次食，今次同家姐一齊食。本身好鐘意蒜味，就試吓黑蒜湯底，有唒心理準備會濃味，點知喜出望外，比想像中更正剛剛好，夠蒜味但唔係咸，又香~相比海老湯底，我都係鐘意黑蒜多啲，反而海老感覺有點太濃，有D膩⋯⋯試埋豚肉薯餅，正正正！香脆可口~完全唔冇油膩感覺，我又諗起Love Generation 松隆子食喺便利店買薯餅食但餐廳冷氣有啲唔夠涼大汗嘅我會食到流汗，同埋有啲侷，夏天食可能好快食完就走