麵屋黑岩

營業中

休息中

深水埗出名美食多，這次就來試這間地道拉麵店，店舖非常近地鐵站，交通非常方便。店舖裝修也非常具日本特色。蟹肉拉麵蟹肉拉麵不是間間拉麵店也有得品嚐，他的蟹肉鮮甜，但份量不是很多，叉燒看似普通，但吃落很香的黑椒味，非常嘢味。他的湯底不會很鹹，這點我比較喜歡。醬油拉麵醬油拉麵的湯底很香，配搭店內特色的醬油味道，吃落很香濃。加上他的叉燒充滿油香味，咬落肉質像在口腔溶化一樣，出奇好味。煎餃子他的餃子皮脆肉香配上特色的沙律醬，很好味。

無心插柳，喺附近做完嘢，就嚟試下門口好日式睇下餐牌有咩食先拉麵店一向選擇唔多， 不過這一間就有多d唔同湯底選擇。原味,辛辣,醬油,黑蒜,海老,鰹魚蟹肉,仲有一款啱。時間尚早，未有咩人，內裏乾淨企理坐低就QR code落單蟹肉拉麵厚切叉燒，配上絲絲蟹肉， 拌上椰菜 。湯底鮮香，口感幼滑，味道清甜。 叉燒肉質滑嫩。鰹魚拉麵同蟹肉拉麵一樣用料十足。選擇了炙燒叉燒， 多了一份焦香味。鰹魚湯底， 偏濃及重鹹香味。 愛魚人士的首選。溏心蛋好香，望住蛋黃流出嚟，好療癒。炸蝦餅外層香脆，內裏肉質鮮甜，蝦味濃。

剛巧經過，被店舖外觀吸引了。1. 食物 - 叫了個黑蒜豚肉拉麵，另加煮蘿蔔。一碗豚肉面，上面有一球黑蒜，好可愛，面質可選軟身，適中及偏硬。我選了軟的，吃落有面味而質感軟得來又有彈性，豚肉一大片，湯底濃淡合宜，黑蒜很香。喜歡的還可以選擇加大碼，不過忘了有甚麼，但必定有蛋。小吃選了白蘿蔔，切成丁粒，一口吃，味道清淡易入口，輕輕感受到有鰹魚味湯底釋出，不錯呢！工作人員 - 年輕人招待，有禮貌，衹是說話有點快及不清楚。環境 - 日式小店，感覺舒適，乾淨。眼見不多食客，店舖雖位處大街，四週不是食店，晚上6時多已全關門，若不是落車見到，也不知有間食店。門口既有大燈籠裝飾，建議老闆著燈，好讓遠處也能吸引客人，希望這店生意長好。

辛辣拉麵:濃郁杰身豬骨湯頭、一勺辣味噌半肥瘦肉碎，木耳絲，厚切火炙叉燒。辣味不算強烈，大約譚仔十小辣，反而厚重既豬骨湯頭更出。叉燒被火熗噴燒，焦黑但無苦味，肥瘦相間，入口軟綿。午市套餐配送炸雞，新鮮熱辣，外脆內軟。

放假同Mcdull食晏，經過深水埗，有咩好食呢？唔知點解我第一時間就諗起佢 - 黑岩拉麵其實都好耐冇幫襯，味道係點呢都唔係太記的，印象淨係記得粒溏心蛋同個麵好食。我同Mcdull叫咗兩個午市套餐，包一份小食或汽水，散叫溏心蛋/替玉$8。小食唐揚雞肉☹️炸得over左，鹹，唔好食。芥末薯蓉😐份量太少，得壹個雪糕球size嘅份量，凍食，味道都OK。火灸叉燒黑蒜拉麵+ 溏心蛋 $82+8 🙂Mcdull食第一啖麵就即刻話「好食」，塊叉燒偏肥，但一放落口度肥膏個part溶化，我試咗啖，感覺真係好肥😗你根本唔可以咬咗佢掉咗佢。到食到中段，碗麵開始冇咁熱：Mcdull話「唔好飲啲湯，鹹！」Mcmug說「依啲就係濃而不鹹，正！」Mcdull繼續話「鹹呀！」ummm, 開頭食嘅感覺幾好，但食落食落就會feel到佢啲味濃到一個點，油+鹹。最後會覺得膩。慢煮肩肉辛辣拉麵 + 溏心蛋 $80+8 🙂有啲辣，但我開頭唔覺，塊肉偏瘦，同薄身，Mcdull個塊火灸叉燒好食啲。我叫正常軟硬度嘅麵底，麵底幾好食，軟硬適中，索埋啲湯食，辣辣地感覺都真係幾爽，但真係愈食愈辣/鹹。由於我食得好快，好快就叫左替玉(軟)，點知替

今晚去到深水埗買嘢，經過呢間拉麵舖，叫麵屋黑岩，就決定今晚晚餐食日本拉麵。今晚叫咗個蟹肉拉麵，一上枱蟹肉香味撲鼻。真材實料嘅蟹肉，即使拉麵湯底濃郁，都唔會蓋過蟹肉嘅味道。叉燒肥瘦適中，以少量黑椒令味道更突出。拉麵配菜亦豐富，海苔同椰菜係我今晚嘅選擇。拉麵軟硬適中，再加一隻半熟溏心蛋，令滿足感倍增。小食就揀咗日式豬軟骨，用咗唔少蔥調味，口感一流，仲可以保充大量骨膠原。我特別鍾意拉麵舖入面播嘅日文歌，勾起我唔少童年回憶。

呢幾日天氣開始轉涼，心思思想食返碗熱騰騰嘅拉麵，今晚咁啱嚟到深水埗，就同朋友試咗一間幾有人氣嘅拉麵店。呢度係用QR code自助落單，可以自己慢慢揀想食嘅款式同要求，都幾方便。拉麵款式嘅選擇都唔少，總共有七款。🥢辛辣拉麵（+$20追加紫菜+溏心蛋+叉燒）湯底香濃惹味，又唔會太油膩。辣度剛剛好，唔會食得太辛苦。加$20嘅套餐都幾抵食，即刻變得好豐富。🥢海老拉麵（+$12溏心蛋）湯底同樣濃郁，上面鋪了滿滿的櫻花蝦，賣相非常吸引。慢煮叉燒值得一讚，肉質軟嫩，非常好味。仲有溏心蛋亦煮得非常出色，有少少流心，口感味道都控制得啱啱好。🥢炸餃子🥟平時比較多見係煎餃子，而呢度係用炸嘅。呢個炸餃子幾香口，裏面嘅肉餡鮮嫩美味，配上呢個明太子醬，好好食

深水埗搵食, 食吓拉麵都係唔錯嘅選擇, 這間拉麵店在地鐵站附近, 木器傢俱更顯古樸格調, 小店主打拉麵, 有湯底多款以供選擇。蟹肉拉麵嘅蟹肉份量都唔少, 味道鮮甜, 令湯底更顯濃郁, 义燒完全不覺肥膩, 拉麵煙韌夠彈牙, 掛滿美味濃湯, 椰菜清甜爽脆, 和拉麵很合襯。海老拉麵中櫻花蝦香脆味濃又多份量, 食落口感豐富, 令海老湯底味道更突出, 慢煮肩肉腍滑又入味。配以溏心蛋, 軟滑蛋黃混合拉麵濃湯, 特別滋味。唐揚雞肉即叫即炸, 炸得熱辣香脆, 肉質唔錯, 稍鹹味道點以麵湯又有另一番口感, 用嚟送拉麵都幾合適。

點樣食推介✨⭐️超濃湯底拉麵⭐️⭐️深水埗日本菜⭐️麵屋黑岩 地址：深水埗長沙灣道219號地下🍖鰹魚拉麵 $82 (7.7/10)今次係我第二次食佢嘅鰹魚湯拉麵，我個人真係特別偏好依個湯底，同埋唔係好多拉麵舖有鰹魚拉麵食🧐，黑岩嘅湯底整體係偏濃郁重口味，我會話有d似沾麵嘅湯，微微偏杰身，飲落口勁重魚香又帶有一點甜味，佢地嘅面質又介乎係幼麵同粗麵之間，都幾掛湯🤩，舊火炙叉燒肥瘦剛剛好，咬落口又香又有口感，整體成碗拉麵都唔錯👍🏻，佢地嘅拉麵係比較啱重口味嘅朋友🍖海老拉麵 加大 $82 +20 (7.8/10)依度嘅拉麵本身係冇溏心蛋嘅，想食溏心蛋嘅朋友就要加$20，就可以多塊紫菜+叉燒+溏心蛋，我發現咁樣都幾抵嗌🤣，講返碗海老湯，本身已經有超多櫻花蝦係麵，飲落個湯底超重蝦味！比鰹魚湯底再鹹d同鮮甜d😋，會忍唔住瘋狂咁飲佢個湯，推介海老湯底！回頭指數: 🍧🍧🍧🍧 (滿分:🍧🍧🍧🍧🍧)好坐指數: 🧎🏻‍♀️️🧎🏻‍♀️️🧎🏻‍♀️(滿分:🧎🏻‍♀️🧎🏻‍♀️🧎🏻‍♀️🧎🏻‍♀️🧎🏻‍♀️）拉麵黎講黑岩都算抵食，仲要係唔收加一，同埋店內座位都幾多，想係深水埗快食一餐都係唔錯嘅選擇🙆🏻‍♀️

麵屋黑岩🍜「深水埗拉麵小店」❤️‍🔥小編今次嚟咗深水埗食拉麵🍜呢間拉麵舖都算有幾多唔同湯底同配料選擇，而且會定期出一啲期間限定嘅拉麵！原味拉麵🥢$74配料有蔥同木耳，叉燒有得揀厚切叉燒或者火炙叉燒，小編揀咗厚切叉燒，都幾大塊同厚，肥瘦均勻，湯底濃度都適中，唔會太油膩✨黑蒜拉麵🧄$82配料都係一樣，朋友加咗$20有埋紫菜、溏心蛋同叉燒🍖朋友就揀咗火炙叉燒，總共有3塊，試咗啖朋友嘅湯底，黑蒜味濃！比原味嘅湯底更重口味！溏心蛋都有流心🥚總括而言，黑蒜拉麵比較啱啲重口味嘅人👍🏻總括嚟講👻係一間中規中矩嘅拉麵舖，經過可以一試🙌🏻整體：🌟🌟🌟性價比:🌟🌟🌟食物：🌟🌟🌟環境：🌟🌟🌟📍深水埗長沙灣道219號地下人均消費：～100/head

麵屋黑岩 (深水埗)深水埗長沙灣道219號地下叉燒幾大塊，可以揀火灸 / 厚切～唯兩碗拉麵的火炙叉燒，基本上差不多全塊都是肥膏，叉燒肉近乎零(如圖)🙈正因為是脂肪膏，火炙後焦香味吸引～但湯底本身油，再食埋每碗2塊肥膏，就未必個個都啱胃口～😳拉麵，屬批發交貨的拉麵，比較普通～店內外裝潢、拉麵外觀擺盤，日式風格～湯底、拉麵，就比較港式風格～海老拉麵🦐 $82大量櫻花蝦配上火灸叉燒，外觀好吸引🤩飲得出湯底有加蝦殼之類熬煮，蝦湯味幾濃醬油拉麵 $80湯底偏鹹，豉油味好重章魚小丸子🐙 $20唔脆，4粒其中有2粒內裏完全無章魚粒….淨粉漿…..就算有章魚粒個2顆，有都係極細粒嘅…..🙈總結，湯底同麵質略欠誠意，比較港式。一大堆櫻花蝦確實搶眼，打卡吸引🤩。沒有章魚粒的章魚小丸子🙃。

耐唔耐就想食拉麵，次次食都會掛住日本，好想去旅行😛蟹肉拉麵$86真係有一疏疏蟹肉😍份量都唔少㗎。肉可以揀火炙叉燒或者慢煮肩肉，但係當日慢煮肩肉賣晒，我哋就只好揀叉燒。一食之下有驚喜，叉燒肉質鬆化，黐住少少肥膏，甘香美味。，我哋忍唔住叫多一份小食火炙叉燒$16，每人食多一塊添。海老拉麵$82呢個有超多櫻花蝦，店主好慷慨，櫻花蝦令到個拉麵湯超級香。其實我勁鍾意食蝦嘅香味😋，每次見到蝦湯拉麵都想食，拉麵掛滿湯汁，真係勁好食。配菜我就揀咗椰菜，佢仲有啲木耳絲，幾爽口。唐揚魷魚$24呢個好香口，魷魚鬚外層嘅炸粉厚度恰到好處，炸得金黃香脆，裏面嘅魷魚鬚軟硬適中，唔會𡁻橡筋咁。

深水埗一向出名多平民美食，例如腸粉、車仔麵等，所以每次過嚟掃街，都一定會盡興而返。今日要去深水埗攞月餅，辦完正經事，又係時候開餐。有人話想食拉麵，選了這間鄰近港鐵站嘅「麵屋黑岩」。餐廳以木色系為主調，店內地方不大，木檯櫈再配以盡頭嘅一列吧檯位及開放式廚房，十足日式拉麵店風味。湯底有原味、辛辣、醬油、黑蒜、海老、鰹魚、蟹肉等可供選擇。叉燒可以揀慢煮肩肉或火炙，連麵底都可以自選軟硬度，做法貼心！先嘗黑蒜拉麵 ($82)，配料揀咗慢煮肩肉同蔥花，上桌時還伴以炸蒜、木耳及免治豬肉，分量十足。湯底加入了自家炮製嘅黑蒜油，入口帶陣陣蒜香，濃厚豐腴。叉燒有兩大塊，以慢煮方式炮製，令肉質更嫩滑，入口鬆軟即化，味道惹味。麵條煙韌爽口，掛湯力適中。加配的溏心蛋 (+$12) 食味亦一流，蛋黃黏稠，入口濃郁滑溜。至於另一款蟹肉拉麵 ($86) 用料亦不欺場。今次配料就揀咗椰菜，同樣伴上了木耳，分量十足。湯底金黃鮮香，口感幼滑，味道非常清甜。叉燒雖然只得一塊，但質感爽滑，肥瘦均勻，香口惹味。蟹肉一絲絲，肉質紮實，入口鮮味十足，配以煙韌有咬口的拉麵，十分好吃。一場嚟到，當然要試下店裡的小食，揀咗客章魚小丸子 (

深水埗區有很多特式小店，今次為大家介紹一間日式拉麵。餐廳位於深水埗地鐵站附近，裝修充滿日式拉麵店風味。拉麵有多款選擇，麵可以自己選擇軟硬度。亦可加小食、配菜及飲品，特別推介薯片雞翼。辛辣拉麵火紅湯底超級惹味，麵條口感彈牙，加上紅椒、肉碎、黑木耳絲同椰菜，味道豐富。慢煮肩肉非常入味，肉質嫩滑，肉味香濃。蟹肉拉麵湯底味道清甜，配上新鮮蟹肉，鮮味十足。汁燒豚肉飯醬汁微甜，豚肉厚身，脂肪比例平均，份量十足。

今日去左黃金商場行完，經過見到間特色拉麵店， 裝修有日本風，而且讓我見到實物好吸引😍😍「蟹肉拉麵」麵質軟硬剛好❤️ 內有蟹肉碎🥰🥰「鰹魚拉麵」湯底味濃厚😆我揀了火炙叉燒， 肉味更香口😍 ，配菜係椰菜😋。「糖心蛋」流心的糖心蛋，拉麵絕對是必備😋😋 「炸餃子」炸得通透😆香口呀👍🏻👍🏻👍🏻備註：🔺追加$20 ，抵！可加紫菜+糖心蛋+叉燒👍🏻🔺「薯片雞翼」今次賣完，下次一定要試下💪🏻