麵尊

營業中

休息中

又黎到麵尊食晏 呢間一到lunch time就有好多人 但每次都唔介意排 因為實在好好食每次都要點腩汁底 佢既腩汁好濃味 唔咸 無論跟麵底同料都好搭 雖然每次只係叫三餸一麵 但都好夠食 而且每次見到店員拎住一碗裝到差d滿瀉既碗俾我時 心情都有d雀躍

lunch時間，由皇后大道中轉入蘇杭街，就會見到一間鋪頭堆滿人。正常時間當1點等，都要等3、4個字。如果單人想唔使等咁耐，1:30後會好d。麵尊的秘製麻辣醬係重點（另外有一樽出售55蚊），香又夠麻，唔食得太辣最好唔好將d醬撈晒入碗面。推介豬太腸，雞翼尖，好入味，份量足。3餸1面加飲品，埋單40左右。呢度嘅open kitchen會令食完成身都係食物味，所以冬天唔好著毛毛衫。

lunch time時份黎食 遠處已經見到店出面有好多人等位 但因為唔係第一次食 所以都知等耐d都值今次點左油麵 墨丸 豆卜 美味齋（$36）個腩汁湯底好濃好香 美味齋係必食 唔油 個湯底太正所以幾大碗都食得曬！

很低吃細尊$36大尊$38一到中午就見人龍尋求受歡迎的原因，就試一試一人搭桌不用等，叫左細尊，賣相不錯，蘿蔔夠入味，菜爽，豬紅好食，但湯同麵的味道只是過得去總體，ok ,排長龍可能是價錢平，又近幾座office, 食物ok

午飯時間又到，每天都諗爆頭諗午飯食咩好，今日行過上環蘇杭街，見到呢間車仔麵店排哂長龍。 好，見仲有D時間，就排隊試下呢間「麵尊」，點知比我想像中排得快，不到10分鐘就可入座。好架勢既牌匾「麵尊」今次我叫左個墨丸、豬大腸、鴨腎米線，每個餸我都好滿意，但最特別係個湯底，味道濃郁。平時食車仔麵唔會飲埋d湯，但今次我飲哂。除此之外，佢仲有得比你選擇麻辣汁同咖哩汁，我就試左咖哩汁，十分濃郁香口。總結，車仔麵黎講，佢都算係幾特出，但份量就唔算好多，如果唔係好餓但又想食小小野填下肚，都係唔錯既選擇。

朋友推介的車仔面, 今次叫左牛腩, 冬菇, 麻辣汁, 河粉. 個麻辣味好好食, 個牛腩都幾入味, 不過就有d “un”, 冬菇都幾爽口. 加左杯豆漿解下辣.朋友就叫左一個小尊, 有豬紅, 豬皮, 魚蛋, 蘿蔔, 紅腸. 不得不讚個豬紅, 真係好好食!!!! 下次一定要encore 豬紅食呀!!

見到2點半有下午茶，諗住一定會比平日便宜d,但其實如果唔加野飲都只係平一蚊...見到好多人都係點左個時菜冬菇油麵加少麻辣...一上枱，個湯底顏色咁濃既...飲一啖試下，好飲呀!!!見牆上報章雜誌，大多係米粉同油麵and推介冬菇，蘿蔔，豬大腸，牛腩...咬一啖冬菇，超級'焾'同入味,唔知點樣形容，但係好好食!油麵呢...就唔太係我杯茶，比較硬身，而且食完覺得有d滯,建議女仔可以食米粉 )不得不提麻辣醬係必試!!!辣得過癮!!!!! 同場欣賞女店主極好服務態度...但對員工就有d惡...

上環的車仔麵寥寥可數，如果要數食物、味道、服務和環境都好，我會揀麵尊。麵尊一碗份量唔算多，最愛佢地既秘制咖喱辣和麻辣，其實唔算好辣，不過總比落辣椒油更惹味！每次來都離不開叫酸齋、冬菇同魷魚！樣樣都好入味，酸齋唔厚粉，冬菇好稔，魷魚彈牙爽口，配上麻辣醬，整體的確都比附近車仔麵檔出色！值得一試！

一個人去，等了10分鐘左右有位後點了大尊咖喱辣，豬紅、豬皮、腸、魚蛋、白蘿蔔、生菜。豬紅很有彈性，好吃。豬皮很入味，好吃但豬毛沒處理乾淨，看到毛後有點反胃。紅腸一般。魚蛋有彈性且能感覺到很充實的魚肉。白蘿蔔入味但有根，不夠細膩。

閒時都會周圍食野，今日同朋友黎左麵尊食個麵，估唔到都唔錯依度最正都係Ｄ配菜，魚皮好好咬口，有份量Ｄ菜幾新鮮，幾好味紅腸都唔錯，唔會太難入口最正都係個麵底，夠曬粗，食落唔錯唔算太貴，夜晚同朋友食得過

以前在上環區返工，一直有幾間心水餐廳袋住在身邊，呢間係其中一間，就係麵尊車仔麵。呢間車仔麵總是有一種食過翻尋味的感覺，即使離開左上環區返工，都要間唔中返去食，呢種魔力好少香港既餐廳好少令我有呢種感覺，麵尊是其中一間。我每次去都是叫5餸配油麵，鐵膽叫咖哩魚蛋牛腩豬皮羅白雞中翼(如其中一樣售完會以酸齋補上)。呢間車仔麵既湯底有點似銅鑼灣榮記車仔麵既腩汁湯底，不過呢度就清少少，味道甜甜地。油麵碌得爽口夠彈性，豬皮同樣不會過淋夠索汁，而牛腩就選用新鮮牛腩，比坊間的柱喉牛腩不同，比較懷舊特別，每次必叫，羅白就食到有糖水浸過的感覺，偏甜。而雞中翼都算入味，咖哩魚蛋亦是必叫，大大粒好彈牙，又夠熱又夠香辣，而本店鎮店之寶是咖哩辣醬，落左落碗麵提昇不少質素，不過幾辣下，唔食得辣要叫少辣。總結此店最近已經加價加到$9一款餸，係比較貴，但是，好食既東西係要有溢價，我願山長水遠去上環比$45食呢碗5餸麵。

今個星期不停外勤,想食餐好D都難,好在出去既日子都搵到D唔錯既餐廳今日食車仔麵,叫左個芝士腸,豆卞麵芝士腸幾脆,同埋係多芝士果種豆卞林林地,但幾夠味個湯都幾夠味,所以個麵都夠曬入味而且粉量幾大,都係$36咋

經常來這店, 好有小時候的車仔麵風味.特別喜歡粗麵, 好有口惑, 唔會好林, good!推介豬皮, 豬紅, 這裏的豬紅沒有其他店的怪怪味道, 特別喜歡.另外, 牛柏葉, 雞翼都好好味!如果可以用個大小小的碗就更好, 因為麵好多, 個碗太細, 湯唔夠之餘, D食物好易跌出去, 要食得好小心.其餘都好好.

落雨放lunch真係完全唔想出街食晏，但好多響上環嘅餐廳禮拜六日都唔開，好在仲有車仔麵今次叫左呢個牛腩豆卜魚皮餃米湯底係腩汁咖哩多辣送到黎湯同麵係分開上，所以冇林哂魚皮餃應該係四洲果隻，正正常常，不過不失啦牛腩略為碎左啲，但勝在夠入味最正係個湯底！拎到黎嘅時候咖哩係分開左一pat過咁樣響啲米粉度，怕味道太濃嘅朋友可以自己減啲咖哩咖哩加腩汁真係好正腩汁同咖哩真係絕配，咖哩味唔會搶哂牛腩嘅味，又唔會太鹹車仔麵黎講真係好正

麵尊 - 用心製作的車仔麵2016.03.09 Lunch車仔麵實在是香港的地道特色食物，所以差不多每個地區總會有起碼一間車仔麵，但當中用心製作的卻不多，上環麵尊是其中一間讓人百吃不厭的小店～坐落於蘇杭街，這裡有各行各業，包括餐廳、花店、車房、葯房等等。。。 麵尊沒有誇張華麗的舖面，只是簡單平凡的外貌，稍一不慎，便會錯過了她。。。門面店外通常有位男士招呼，因為lunch時段長期排隊～樹樹深明lunch time長龍的情況，故往往會避開繁忙時段，大約2點後才到，大多數也不用等位～店內環境店內只有六張圓檯，坐的是圓椅，檯與檯之間剛好夠一個身位，非常地道的車仔麵風格～點餐紙檯上有提供紙筆，畫好後便有人收，可於紙上加「少麵」「多蔥」「少辣」等等，奉上麵時，此紙會一同奉上，既可看清楚有沒有出錯，亦可於結賬時直接按此紙計數，方便簡單又直接～樹樹來的時候通常很快便有得吃，但有時由於外賣很多，也遇過要等上5至10分鐘才上麵的時候～時菜、蠔油冬菇、五香牛腩、豬紅、粗麵、麻辣、蔥 （＄40）時菜通常會是生菜，入口爽脆；冬菇細細件，以蠔油炆得入味軟林；牛腩雖說是五香，感覺有點像清湯腩般，不會太大件難以咀爵，