麥奀雲吞麵世家 (山頂廣場)

營業中

休息中

前排山頂廣場裝修完, 咁就上去行下順便睇風景。行到lunch time就開始搵野食。見每間餐廳都排哂隊, 望到麥奀記條隊短D就行埋去等。本身同朋友都未食過呢間, 但聽人講間野既野食唔差但份量係好少。入到去坐低, 落單呀姐就好趕咁問我地食乜(可能想做多幾枱客)我叫牛腩河,朋友就雲吞河。上菜既速度好快, 不過份量就真係好少。牛腩夠入味夠冧, 腩汁湯底唔會咸。朋友讃雲吞入面粒蝦好彈牙。 食物既味道真係好既, 但真係貴精不貴多, 可能要食2,3碗先夠飽。

與媽咪到麥奀雲吞麵世家吃午餐🥢， 我媽咪很喜歡吃這裏的雲吞麵🍜， 今次兩母女點了鮮蝦雲吞撈麵$73、 鮮蝦水餃撈麵$77、 炸雲吞$56、蜆蚧鯪魚球$56。📝炸雲吞🥟～ 香酥脆口好好味， 最重要完全沒有油膩感， 超推介！😍👍🏻📝蜆蚧鯪魚球🧆～ 外層酥脆，魚肉新鮮嫩滑，蘸上蜆蚧醬，更好味。📝鮮蝦雲吞撈麵🍜 ＆ 鮮蝦水餃撈麵🍜～ 兩款都是我的最愛， 尤其是水餃， 皮薄餡靚。麥奀雲吞麵世家地址: 山頂山頂道118號山頂廣場1樓16-17號舖

去山頂到行嘅時候，見到有間米之蓮嘅餐廳，俾佢個銜頭吸引咗，於是過嚟試吓，估唔到都幾失望😢.本身諗住拎得米芝蓮都唔會差得去邊但估唔到水準仲差過連鎖快餐店🤯.唯一值得讚嘅係依度嘅服務態度幾好有個叔叔既職員幾有禮貌.唯獨是嘢食真係唔得.叫咗一個細蓉（雲吞麵）大約係一個手心嘅大細但真係唔好食，首先湯底完全冇特別，有啲鹼水味啲面雖然好幼，但係好硬🙁.而且主角嘅雲吞勁失望！即係雲吞勁硬，一啲都唔彈牙，應該擺咗好耐😯

今日15/11(日)，亦係長者日，大部份交通工具都免費乘搭，一早就計劃左當日既行程，朝早搭山頂纜車先，上到山頂後，就行盧吉道(入口近白色屋仔山頂餐廳旁)，大約需時行1個鐘，平路易行，好合適一家大細，行完大約中午12點，就去左山頂廣場，食厘間出名既雲吞麵，可能未到最旺既食午飯時間，唔駛排隊環境:大約有10張枱，設計上有D古典味道味道:雲吞好彈牙，湯底清而不油，飲埋過湯底後都唔覺得好口渴(即冇落味精)，但份量預唔多服務:職員既表情彼唯冷莫，但都有禮埋單後，因消費滿$100以上，以為可以参加傳愛到未來，取免費明信片，投寄去未來，原來係要係凌霄閣消費先接受㗎

見好多人讚佢既雲吞面 但講真我平時唔係好鍾意食梘水麵好怕會有個陣味咁岩上山頂行山 就唸住試一試佢叫左雲吞麵同水餃埋單💰大概一百一十幾雲吞麵真係有d細碗係出面平時食既雲吞麵份量一半多小小不過雲吞麵冇令我失望雲吞皮又薄又滑 蝦都好新鮮唔係雪藏 而且都冇梘水味麵雖然好幼 但有口感唔會軟pat pat 但水餃令我有d失望❗️口感差 而且食唔出咩味 味道有d淡佢個湯幾好飲 有小小胡椒味而且冇味精 我都係第一次會飲曬麵既湯雲吞麵可以值得一試水餃就免啦

入得去食就當然預咗唔係啲乜嘢五星級招呼同食物，但估唔到麥奀記入面啲夥計都解釋得好詳細餐牌每款食物嘅分別，用料，同點樣配搭可以慳返啲錢。而且佢哋都盡量安排啲客人分開坐值得一讚。我嗌嗰個淨水餃啲蝦尚算可以，分量幾多，食落口唔會有霉同雪櫃嘅感覺。嗰個湯飲完之後都唔會口渴，即係唔會有太多味精。可惜啲茶杯有少少污糟，啲茶又係凍嘅，當然嗰啲普洱茶係劣質貨，飲水好過。老婆帶嗰碗雲吞麵啲面就比較差啲，鹼水味太勁，依啲菜心都係比較凍，但收得咁平啲食物質素算係咁

😋花膠香菇麵 $88 菊花蜜$26🚨疫情期間，為人為己，儘量減少外出，避免交叉感染🚨雲吞麵老字號果然名不虛傳，麵條幼，但有咬口🤩👍鹼水湯，但唔巉口🤩👍尤其是個香菇，簡直係吸收左湯底精華嘅爆珠💥花膠亦係高質花膠🌟但係，份量果然都好奀😭唔該，要多碗，thx😈另外，店員都好有禮貌。碗筷亦都乾淨冇崩，上一篇的負評大家睇睇就算，話明遊客區，點會比香港人丢自己架？如果餐餐都係食得唔開心，可能唔係嘢食唔好，店員態度唔好，而係心態唔好。

我是雲吞麵 擁躉，不是專家級別也是愛好者。偶爾經過四大雲吞麵店，也會入店品嘗。今次山頂麥丕記算是伏中之伏，金玉其外。值得一讚是環境裝修能配合遊客區，加一服務費包括一杯無味的顏色茶，碗碟有崩痕。伏中之伏是出品質素比起屋邨麵店還難吃，價錢卻提高不少！無厘頭有揚州炒飯卻難食不堪！結賬服務員態度冷淡，多謝也沒一句，不吐不快。或許分店太多，沒有專注食物出品質素和.服務？現在經濟不景氣，如果不好好經營，可能步*華餐廳後麈，踏入時代終結的道路。

上週六，第一次帶兩兄妹搭纜車登山、行山，還像個旅客一樣參觀了不少景點兼美食，十分難忘！抵達後，雖然山項廣場外圍仍在裝修，但裡面商店仍然正常營業中，而且沒有對面的擠逼多人，我們決定進去找吃的～之前一週在澳門，囝囝已經不斷要求吃雲吞麵，這天就帶他到麥奀朝聖，順便也是回味一下這裡大小標準的「細蓉」，以及好味牛筋牛腩撈麵～ 店內環境古色古香，食物定價比一般雲吞麵店貴，如京都炸醬麵 + 鮮蝦淨雲吞 + 蠔油芥蘭菜就要$136，牛筋牛腩撈麵 + 淨雲吞水餃湯 + 蠔油芥蘭菜更要$148，不過質素的確不錯，以山頂消費來講也合理。 吃飽又繼續去玩囉！

今天和朋友帶着小孩一起去山頂遊玩。到了中午，大家又餓又累，看見百年老店，決定去試試。因為是假期，門口排了人龍。等了好一陣子才有位，馬上進店坐下。店舖裝修得古色古香，很有特色。我們點了最出名的鮮蝦雲吞麵、水餃和牛腩牛根麵。雲吞麵最快送來，雲吞的皮做得很薄很滑。每粒雲吞都有一隻鮮甜彈牙的鮮蝦，味道鮮美極了。麵也十分爽口彈牙，完全沒有皂水味，很可口。水餃和雲吞一樣，皮薄餡靚，除了有鮮蝦和鮮肉外，還加了爽脆的雲耳，囗感更好。而牛腩牛根也做得很腍滑，柱侯味十分突出，味道很好。轉迅間，桌面上的食物被我們一掃而空，小孩子連雲吞麵的湯也喝光。如果食物的份量再多ㄧ點會更好。

小時候這間雲吞麵同另一間Ｘ文記都已經好出名，原因不詳，可能因為好多美食博客都推介過（？）但因為小時候零用不多，而這間比一般雲吞麵貴2-3 倍價錢，份量卻小一半，所以好少機會食到。不過一直以來印象都係好好食的。最近有外國朋友來港，而佢又話想試多點香港的地道小食，所以名單上一直都有「雲吞麵」。咁岩去山頂玩，經過麥奀，就當一餐下午茶。其實都好耐冇食啦，所以都有私心既。碗形餐牌，都幾特別。印象中餐牌冇乜變，不過價錢就比記憶中再貴左唔少（可能因為山頂關係）。廢話唔多講，即點一碗雲吞麵！同行外國人就點了雲吞水餃麵。以前人地講麥奀好食，主要都係3個原因：麵冇鹼水味、湯不搶喉、雲吞全蝦冇撈豬肉入去。今日食返，同記憶中既味道差唔多，以前好怕食粉麵店的麵，因為鹼水味太重，但唯獨是來這一間，一定要叫麵。幾啖食晒，份量好少，總是不夠喉想叫多一碗。下午茶時份人不多，可以慢慢坐，睇住玻璃入面的師傅煮麵。雲吞麵佢未必係最好食，不過味道真係令人好懷念！

因工作關係，需要帶一位來自澳洲的人去山頂遊覽，到達時已是下午茶時間，他說想試Chinese style noodle， 所以入了在山頂廣場的這家店舖。點了雲吞麵及芥蘭菜，這位澳洲朋友吃了之後讚不絕口，亦可能只是他從未吃個這種中國特色食物，覺得很特別而已。但本人吃過之後也覺得幾好，雲吞的蝦很鮮味、皮薄，麵和湯也不會有太大梘水味，芥蘭菜新鮮、爽脆。但雲吞麵太細碗，只是用平時的中式飯碗，但價錢不便宜，地區問題吧！兩三口便吃完，如果當為下午茶，也勉強足夠，但如果作為午膳或晚膳，一定不會飽，相信至少要吃兩碗吧！這位朋友可能比較大食，還想再試其他，他點了牛腩撈麵，他吃過之後也是讚不絕口，但本人吃過之後就覺得牛腩略為韌，味道還可以，份量也是不多。兩個人每人一碗雲吞麵，share一碟牛腩撈麵及一碟芥蘭菜，勉強夠飽。