麥奀記 (忠記) 麵家

營業中

休息中

尋日12點多少少去左試，d雲吞麵真係好正。話細碗，但係無想像中咁細啦，都ok既。未食到雲吞，先試d面，超正。無鹼水味，又爽，好似細細個食大排檔果d面咁。d雲吞又真係好，細細粒，好爽。有d人吹到佢好好食，我都認同真係好食，不過其實係家陣其他舖d雲吞麵真係越黎越唔得喇，比較之下，先有咁既效果喇。

聽閒阿姨話幾好食，於是食晏便走入去試下~一入去當然叫了個雲吞麵啦! 個湯底真係幾好味，D麵幾爽，D雲吞幾好味，D蝦應沒有漂過(但不幸地有兩粒雲吞D蝦發霉)，好蝦同肉的份量配合得好巧當，我也叫了兩碗吃，其實不是我大食而是實在太細碗了，一碗只有兩口麵，真是少到你不敢相信，要有心理準備D野食不會大得去邊~

四點鐘，約左朋友要睇些文件，午飯吃得不多，正好吃點東西，一諗就諗到食碗麵，在中環就當然非麥奀莫屬。去威靈頓街麥奀太揚，退而求其次，就來永吉街呢間。叫了碗牛筋麵，下午茶不用吃太多，來碗小的可以了。柱候牛筋炆得腍，黑漆漆杰杰的好入味，仍然有水準，汁底還有陳皮，當然香好多。麵即叫即淥，爽口彈牙，又無鹼水味，亦係示範作。比起十蚊﹝定係十一蚊？﹞兜的沾仔當然好過，連價錢相若的黃枝記亦技術擊倒，後者麵是淥定的，邊有得揮？朋友見我食得開心滿意，睇睇下野都忍唔住叫碗雲吞麵來吃，都話無介紹錯。埋單43蚊，係唔平，但有水準的麵食，唔係痞大排檔的話，都要番咁上下價錢。要平，街頭巷尾都有權記或雲吞成之類的，但當然唔係這回事。

1. 雲吞: 皮薄，餡料基本上全是蝦，蝦爽口，不錯!2. 水餃: 比雲吞大粒，餡料以蝦、粗冬菇絲和豬肉，美味非常。整體上，食物不錯，但略貴，凈芥蘭$16，凈雲吞水餃$28(各4粒)。

過晒食晏時間至係中環拾下拾下定醫肚。眼尾射到某小巷內有麥X記字樣，此乃雲吞麵之品質保証，不過明明記得係威靈頓街架?一餐半餐，話之你正牌冒牌啦!雲吞麵有大小超任揀，有大食大囉!麵是半透明橡筋狀，合眼緣，咬落索索聲，晒!湯亦對口，雲吞皮夠薄，餡料以大蝦切粒為主，夠彈牙!坊間麵店有的以整隻大蝦作秀，有的以整隻細蝦取其鮮甜，當然以大蝦彈牙，衹是各施各法。但俺還是喜歡細蝦夾肥豬肉。整体印象仍以威靈頓街麥X記較佳，唔想跩斜路，亦可到此!不過雲吞麵仍以細碗較合適，因為食到後尾，大碗的麵會浸淋左D。

原本想去九記,點知星期日不開門,四圍行去左Lee 度.叫左雲吞麵及牛根牛腩麵.D麵幼細,彈牙,好爽,好好食.云吞細細粒,6粒,蝦多肉少.牛根幾"林",牛腩非常一般,可以不理.連d湯都好好味,幾乎飲完. 但大碗成$31,價錢偏貴!

我次次黎呢度, 只食一大碗雲吞麵.其他野偏貴, 牛筋冇乜特別, 不如幫襯第二度.雲吞麵就真係鮮味無比,抵佢賣貴D! 非常同意淨係湯都拋離其他鋪頭遠一遠! 不過我阿媽食開大粒雲吞, 就嫌佢細粒同貴.

我食過幾次真係超正,d水餃和雲吞簡直回味無窮呀!連d湯都好味過人成條街~其他他雲吞店無嘢好講啦!雖然係貴咗dd一碗面成23元仲係食幾啖就無晒嗰隻,但係我寧願佢收貴d keep住d水準好過難食無晒d客喎~服~加埋杯嘢飲就唔抵啦!最好唔好係佢到買飲品啦!

It is already added in the database long time ago.http://www.openrice.com/big5/sr2.htm?shopid=9678

佢係奧海城有分店,可update一下:大角咀海庭道18號奧海城二期商場地下(By editor : added, thx!)

份量太少, 又貴...食多多都唔夠個云吞又細喎, 蝦多肉太少

牛根睇下佢左有幾耐賣唔晒啦食到林你好彩麵我食過仲爽既(係交返黎既, 用麵碎整成麵返蒸果隻)呢度d麵唔算得......根本無可取之處....分分鐘o係d舊屋村搵到既都好過佢...

去左銅鑼灣o既麥奀記，食左牛根雲吞麵。牛根好軟滑好入味，雲吞ok唔太特別，但係d麵真係非常之正，又幼細又彈牙，奈何碗麵太小，食到最後一啖，真係有d依依不捨o既感覺。此外，佢地o既芥蘭都好好食，又甜又脆。總括黎講，除左價錢偏高之外，真係幾值得去食。

﹝事先講明，呢度個牌頭有「麥奀記」個名，所以如果認為正的雲吞要好似拳頭咁大大粒、有幾隻蝦至叫正的，就千祈唔好幫襯，以免谷氣，亦唔使睇呢篇食評。﹞如果一個人食飯，有時都會來食，今日亦不例外。坐低就叫了雲吞麵同牛腩麵。沿用麥奀的路線，呢度的雲吞是細細粒、麵份量亦不大兩三下食完，雲吞美味麵亦彈牙，絕對是重質不重量之作。牛腩亦炆得入味，柱侯風味成碗黑漆漆的，亦有水準。埋單兩碗麵36蚊唔係平，不過食得多十蚊碗現代版雲吞麵，食番傳統的都唔錯。這裡還有蝦子撈麵供應，但要食我會傾向去麥奀或好到底。1時20分食飽都見有三幾個人在等位，亦有唔少係等緊外賣的，可見傳統麵食都還有其市場及生存空間。