麥奀記 (忠記) 麵家

營業中

休息中

麥奀記係永吉街唔算易搵，因為有個檔位檔住，所以鋪面唔係好明顯，店唔算大，雜物真的唔少牛腩麵牛腩肉質不錯，最緊要係肉質入味和柔軟,麥奀記做得真係唔錯，麵質有咬口冇梘水味,真係幾傳統,只係份量少，看來大食ge人就唔係咁適合雲吞麵雲吞真係名符其實的七成蝦肉三成肥肉，好食，而湯底個人覺得純屬一般,麵質和牛腩麵麵質一樣有咬口冇梘水味，份量和牛腩麵一樣咁少,價錢就真係貴了d……總結來說,味道係唔錯，只係環境衛生和價錢差d…

到底係咪我唔好彩? 一心諗住未試過入來一試, 叫左個細既水餃面, 點知入面...好多蚊滋!!!! 果時我已經吃哂d水餃, 搵下搵下, 除左湯底之外, d面與面之間都有..你地見到既果3隻係我分開左既, 佢仲有好多兄弟係我碗野度, 公道d講, 佢既服務算好, 佢有主動行埋來問我使唔使換, 但係...你咪又係用返果d湯? 換黎把鬼? 講真, 面質ok的, 我呢碗面仲好有營養tim

細蓉就 N 咁多人食過啦，咁大蓉呢 ? 大大蓉呢 ?食過麥奀記既都知細蓉得兩三啖就食完，麥奀記(忠記)就大碗些少啦，五六啖食完。是日叫了$34既大碗版所以叫佢做大大蓉 大碗版係兩個麵餅，多些少湯咁啦。 雲吞麵麵在上，雲吞中間，湯匙最底，例牌雲吞麵擺法。湯底依舊清而甜但唔見左韭王 開頭食，麵食落爽口有嚼勁，之後出事啦。由於放係底既麵比D熱湯浸得太耐，熟過龍，全都變淋了。而湯又被麵既簡水"污染"了，變得好"拿口" 証明細蓉咁細碗有佢道理欣賞竹昇麵既都係食蝦籽撈麵好過，反正都係$35咋。

本是同根生,大家都是麥奀,但兩者性格各有不同.威靈頓街的麥奀,同永吉街的麥奀{忠記},兩者有什麼關係?並不是這個食評的重點.而是兩者的質素,究竟是否都一樣.門口貼著蘇絲黃的相片,收銀處貼了很多明星相,風格已同威靈頓街的麥奀,低調務實作風不同.如果是真材實料,又何須靠貼上名人相作招徠?細蓉價錢比前者平,$23一碗,食量大一點的朋友,可要個大,但失卻細蓉的的式式意義,麵條同樣地彈牙,沒有鹼水味,雲吞帶點散尾,鮮蝦肉做餡,雲吞皮滑溜蝦肉爽口新鮮.但當喝一口湯,就出事.沒有威靈頓街的鮮,只有一味地咸.結果,換來口腔乾了一整夜,很不舒暢,就算狂灌整支1.25ML可樂,也無補於事.

一個怪怪既標題，只係修正一下大家既錯覺。一個蘋果芒，係蘋果定係芒 ?? 一定要親身睇過先會知道。名牌雲吞麵店好不好，都是要親身試過先會知。我對傳統廣東雲吞麵既喜愛，不下於香港人對"5號仔"既喜愛 麥家後人開既麥奀記..麥兆記，灣仔區何洪記..永華麵家，深水埗劉森記，北角佳記麵家，澳門祥記麵家全都試過。唯獨欠麥奀記(忠記)。叫了招牌貨..細蓉，麵放最上..雲吞中間..湯匙放最底。正宗的雲吞麵擺法。 先一口湯，大地魚味加韭王既味，鮮甜無比 再來一口麵，麵身比麥奀記，麥兆記，永華等麵家粗身，食落更爽更有嚼勁。混入了少許豬油令麵更香，只不過倘有梘水味，可能隔夜時間未夠。 雲吞都很對辦，我估係七份蝦肉三份豬肉。細細粒一啖食完。試食過後，覺得比麥奀記/永華麵家 更平, 更底(大碗些少), 更好食 出名既未必最好

過海揾食，下午茶都食兩餐，自己都覺得過份！細蓉（＄２３）四粒雲吞，大家都話細粒，但係呢啲就係一直以來既size囉，係好多鋪頭越整越大粒啫，而且呢都啲一啖一粒，我好鍾意喎。亦都夠新鮮，蝦彈牙，正！麵都冇梘水味（因為我唔鍾意食麵既原因都係呢個），爽！我呢啲細食人，叫碗細既已經夠囉，今次因為之前食左野所以同友人share，店員都好好人，自動攞碗仔，又問我地加唔加多啲湯分。友人話劉永記好食啲（我未食過），我就覺得呢度都好好食阿！

食完飯後行過, 因為未食過所以忍唔住入去下, 員工態度好, d 蝦好新鮮好彈牙, 比例同size 剛剛好, 配合湯底, 真係值得一試, 唯一可惜食品種類太少, 不過下次一定會再去食o

上星期網上預約申請更換回鄉證,最快可做證的是上環中旅社, 雖然要過海, 但想到哪兒附近有心儀已久的麥奀記(志記)麵家就confirm 在上環辦理.辦理手續簡單快捷, 很快就辦妥, 最後多花$36 用本地速遞服務領證, 唔駛去多一次 pick up, 真方便!雖說我是香港人, 卻極少吃雲吞麵, 牛腩麵等,　因為吃了梘水肚子會不舒服, 此外, 味精雲吞, 水餃也很可怕.! 聽說這間麥奀記超正 -- 絕無梘水, 所以一直待機來試.在附近蹓躂了一會才到麥奀記去. 時間尚早, 客人不多. 店面雖稍陳舊但陳設簡單整潔, 供應的食物(菜式)不多, 連冷熱飲料也欠奉只有$8/罐的罐裝汽水, 甚有性格 (也合我心意, 除非是精良制作, 否則送也不喝. ) 點了水餃 雲吞幼麵 $30. 想是一次過試兩款不用多走一趟. (戒牛肉後已跟牛肉脫離了關係, 永無機會試了……早知試埋麥奀記牛腩先戒啦……)不用等多久, 傳聞中不同凡響的水餃雲吞麵駕到, 先試一口湯, 啊! 充滿了大地魚香, 喝了一口又一口……雲遊其中…… 看到雲吞才如夢初醒, 那麼普通細小的雲吞…可靠嗎, 一口嚐它半個, 沒有強勁味

有免費的意國午餐吃，原本還有些少興趣的，最後卻因無禮的來電，打消了念頭，轉入附近擺滿小販小巷，來到想試已久的麥氏忠記。三時許人客不少，似乎麥氏後人都已上慣大舞檯，對於拿著大機的客人也是見慣不怪的，要了甫魚拼雲吞麵撈麵。廚部位在門口，路人亦可看到師傅表演，是麥氏風格，櫥窗有點蒙朧，似乎是遊客不多的關係吧。等了一回有得吃，大碟甫魚撈伴有八粒左右雲吞，蛋麵是偏粗的風格，大吃的話可加底，很貼平民風味，大個麵餅沒修剪過，蘸上了豬油，幾蝦人吃的，麵粗韌質感強，沒鹼水味，幾好，撈上甫魚粉及舊裝蠔油，甫魚末烘得香鬆，鹹鮮味都有了，不錯的，唯一不好是略帶苦味，幸好情況不嚴重；大地魚湯不是這裡強項，帶很重的辛味，不如天后、中環威靈頓街的麥氏好。雲吞的蝦都是爽口易吃，埋單四十五元，比起吃鬼佬麵更稱心，廣東人都是吃雲吞麵大的。

今日難得從銅鑼灣去中環食飯, 周圍都好多人, 點知有一間冇人排隊, 就入去啦, 先知係麥奀記.都唔多人, 兩個老侍應招呼一台, 因為我係第一次去食, 所以唔知佢地乜都冇. 佢地有牛雜, 我同事問有冇牛肺, 佢話冇, 唯有要碗雲吞粗麵, 佢話冇粗麵, 咁要雲吞麵, 我話要雲吞撈麵, 佢又話冇, 我話"huh", 冇!!! 咁佢先話有撈麵, 有雲吞, 不過分開叫就有, 合埋一齊就冇, 咁我唯有叫碟炸醬麵, 跟住問佢有冇油菜, 幾錢, 佢話"你自己睇啦, 係晒張紙度" 我都知, 不過我真係搵唔到嘛, 講比我聽要幾多時間, 所以我冇叫. 之後來了兩個外國人, 一坐下, 個侍應將台上的所有調味料推到我同事前面, 當個位冇人坐咁, 嘩....佢地兩個, 我地兩個, 咁...算唔算種族歧視?!!麵質黎講, 的確不錯, 好細碗, 好次食風咁, 所以要再去茶餐廳再食個午餐先夠飽. 不過冇下次!

之前食左兩間麥奀估唔到仲有一間麥奀於是就入去試埋佢喇以麵既水準真係三間之中最好但講雲吞既質素就真係半山個間麥奀好喇

男友很喜歡這兒的牛筋腩麪, 所以我們時常會來. 上星期日我們又去食麪, 嘩……點解咁多人既? 再留意舖內一直播”阿so”既訪問, 唔怪得喇……坐在門外的老闆禮貌地招呼我們. 例牌叫了一碗大雲吞麪, 一碗大牛筋腩麪及一碟芥”欄”. 見到平日煮麪的叔叔很忙碌, 幸而質素冇變, 最喜歡還是這個幼麪, 爽口有彈性, 且沒有強勁既鹼水味. 不過最好還是不要重複又重複播那段訪問, 好嘢自然有人欣賞, 不用太hard sell呢!

來到中環, 腸胃又開始滾滾地, 原先想食的一間餐廳, 看完Price, 決定吃別的. 咁不如就近食碗麵算. 永吉街的巷仔麥奀, 同威寧頓街麥奀其實不同, 不過好似出自同一師父, 所以忠記, 亦可大條大理地, 打埋麥奀個名出黎. 而且的確, 有返咁上下水準. 門口有個dvd電視仔, 不停播呀蘇介紹, 再加點名人效應, 中午, 座無虛席.麥奀喎! 出名碗麵奀過人. 不過此麥奀不同彼麥奀. 碗頭始終大少少, 叫了一碗大雲吞麵, 有雲吞六粒. 同事就加上牛腩. 雲吞不是那些一味標榜多蝦, 大隻的鮮蝦吞. 而是傳統的肉蝦mixture. 檯中亦有介紹雲吞之出處. 原來只是同治時期才發明.....原來咁年輕.湯底是取勝之處, 味道鮮美, 有梘水味的湯底, 配上生麵, 同用來灼菜. 是一流之選. 鮮什麼味不知道, 飲過沾仔記, 羅富記的湯底. 麥奀忠記的, 不相伯仲.地方非常小, 一名話得事既人在門口counter指三道四, 安排客人, 安排伙記. 忙中有他指點. 好有秩序.

這裏是我最喜歡的午餐去處之一。原本是想吃個牛筋腩河再加一個雲吞什麼的，但因為當天還了神，所以被提點了不要吃牛肉。最後要了一碟蝦子撈麵，一碗雲吞拼水餃和一碟芥蘭全走。先說蝦子撈麵，（因為另外兩樣到差不多食完碟麵才端上）看下去不算太多蝦子，麵夠乾，油不多，正合我心意。味道也一如所看到的好。再說水餃拼雲吞，平常來的時候，因為價錢的關係，通常都只會叫一碗細蓉加一碟腩汁芥蘭，未有試過這裏的水餃，但今次覺得如果是淨食的話，水餃是比雲吞美味的，可能小小的雲吞總要一碗麵才能有互相輝映的效果。最後來的是芥蘭全走，不幸的是今趟的芥蘭太稔太軟，原來很粗，色水很靚的芥蘭變得差點吃不下去。其實食肆水準的穩定性始終是最難拿揑的，一次好吃是沒用的。就正如早幾個月前來這一家舖，吃過的雲吞麵就有麵條過稔問題，立時向老闆反映，而下幾次再來問題沒有重現，信心重建。後記 - 相信忠記如能提供樽裝可樂伴麵客人會更加滿意。亦希望老闆不要用阿蘇過份宣傳，令店鋪過份曝光而影響出品質素。

聽就聽得多la, 終於去了試中環麥奀記雲吞麵...好多人都話好好食......叫左雲吞麵&蝦子勞麵,麵身都ok爽&彈, 雲吞係全鮮蝦雲吞 (無加豬肉), 28蚊碗。蝦子勞麵 D 蝦子都OK香口, 一小pat 40蚊, mmm......點講lei...可能有人覺得好正.我覺得麻麻咋喎....., 係同個D廿蚊碗貨仔有唔同, 但食落都唔係話太突出, 一早知佢D麵細碗, 所以這方面我無say......anyway只係我個人意見, 食完當然唔飽la... pls check my blog for details: http://hk.myblog.yahoo.com/donsterz-donsterz