鹿巷

營業中

休息中

今日OT，跟住仲要去西灣河訓練，訓練前要醫肚，唯有食外賣，行經一間日式小店，門面都幾吸引喎！牆上餐單有咖哩系列、和風系列、串揚系列、揚物系列、和風小食和加配食品，仲有每日限量。我揀咗炒雜菜加配牛肉、兩份三文魚和溏心蛋（共$95），勁足料，好豐富！睇住老闆即切即煮，夠晒新鮮。炒雜菜好新鮮，除咗有大椰菜外，仲有洋蔥、甘荀，炒得爽口，有些胡椒和芝麻香，不油不鹹，健康之選。加配牛肉（$15）差不多有六至七大件，抵！炒至迫出油份，食落唔肥膩，整得入味，正！追加三文魚 （$30/2份）好厚身，一片片魚肉，無添加太多調味，食到原有味道。追加溏心蛋（$10/隻）流心狀極佳，滑嘟嘟，好有蛋香。

香港人快来这里集合！！尤其是上班或者住在西湾河的宝子们～这是一家外卖店，可以提供1-2人的堂食服务。之前一直觉得外卖店都是快餐🍱式的，但是「鹿巷」的定位真的完全不同。老板是从日本回来的。坐在外面的长桌品尝料理，和老板聊天，都能看到到他眼里的光，感觉出他对料理的热爱🫶所以可想而知口味如何🥹推荐〈日式甜咖喱牛肉饭〉首先分量真的很大，一人食的话真的吃到扶墙出。老板说咖喱里真的一点盐都没有加，所以咖喱味真的很浓郁，酱汁裹满每一粒米饭🍚，真的可以直接光盘行动〈炭烧鸡软骨〉一开始以为是一串一串的，后来才发现有整整一纸碗👍🏼鸡软骨制作完成后，再次用「樱桃木」烟熏，这种果香和烟熏的味道可以渗透进食物里，从而增加质感〈梅子醋慢煮鲭鱼定食〉鲭鱼是用姜和青梅汁腌制而成的，吃起来酸酸甜甜的～老板还在旁边开玩笑说，一般熟客都会问鱼腌制了第几日，腌制的越久越好吃❗️〈蚬肉面鼓汤〉蚬肉很新鲜，汤也只是加了一点盐而已，保留了原本属于海鲜的清甜味，陪着乌冬吃，很爽口

鹿巷依家位於西灣河嘅日式外賣小店，店舖裝修好有日本風格，掛滿咗唔同嘅紙燈籠入到舖頭，老闆主動同我哋推介最出名嘅咖喱系列，我哋就點咗咖喱肥牛烏冬同埋咖喱肥牛飯，加咗個小食關東煮。呢間嘅咖喱，味道唔會太過濃烈，係甜甜嘅日式咖喱味，我自己就鍾意咖喱烏冬，有啲似沾麵嘅感覺，每條烏冬都會沾滿咖喱好入味😋😋而關東煮，$10一款，味道比較普通，但係五目福袋都幾好食，呢個價錢嚟講算係唔錯，支持香港小店文化✨👍🏻

鹿巷 (西灣河)位於寧靜小巷的日式外賣小店😊，專做外賣，應該係家庭式經營，啊仔掌廚，媽媽照顧店面落單嘅感覺。.即使我同前面嘅食客order同一款食物，都係獨立處理，⏱️計時並分開煮。💡感受到對食物一絲不苟嘅日本精神。.自家製日式甜咖喱牛肉烏冬$55香甜可口嘅咖喱，調味啱啱好，每一條烏冬都可以沾滿咖喱汁。🐮肥牛的分量比相象多，有一大堆舖滿滿，牛肉味好香而且滑身又唔太肥，很滿足😆。.雙色親子丼（蘭王+白蛋+雞肉）$50健康之選，口味比較清淡，面上的飯素係主要調味嘅來源。雞肉大件厚身加埋滑蛋配飯，三扒兩撥就食完嚕。.如果二選一的話，我會揀甜咖喱牛肉烏冬！

呢排比較多時間喺西灣河出沒發現原來呢區有唔少小店，選擇多元化咁一定要支持吓啦喺西灣河的橫街有一間極有日本風的日式外賣店「鹿巷」提供多款日式飯、烏冬和多款小吃鋪面雖然不大，但很企理有心思🥰和風牛肉飯加三文魚，牛肉肥瘦適中仲好嫩滑，自家秘製醬汁香濃，配上日本珍珠米再加配三文魚，抵食又好味😋特大炸章魚丸，大大粒新鮮熱辣，咬落鬆脆，裏面還有章魚粒👍北海道芝士，即叫即炸，外層炸到金黃卜卜脆，內裏軟綿綿❤️

朋友推介呢間小店 性價比高👏🏻👏🏻日式小店位於西灣河地鐵站 步行約數分鐘。👉🏻👉🏻小店開左4個月門面已經非常有日式餐廳的風味🎌🇯🇵《學生套餐》 凡光顧咖喱或和風系列，一律35$並送飲品🥤😃😃😃關東煮🍢湯底採用日本昆布及木耳花熬製而成，鮮甜美味😋 每款10$日本大根炆到非常軟腍。年糕魚板、魔芋絲、竹輪准山魚卷第一次食，有驚喜！內裏有淮山加魚卷 非常有口感。雙色親子丼 $50🥚採用 蘭王日本蛋+日本白蛋🤩滿滿的飯素加埋內裏的薑粒混和雞扒日本飯很好食啊🤤滿足的一餐。推介指數：⭐️⭐️⭐️⭐️⭐️

店裡有好多日本食店嘅poster, 係有啲年代感嘅裝修，真係好有日本小店feel。主打咖哩，牛肉，茶漬飯，special manual就有雞扒。幾本上都係飯/烏冬加牛肉再睇下有無咖哩汁咁。雖然選擇唔多，但食物其實都唔錯，份量合理。我就叫咗牛肉烏冬同牛肉飯，啲牛肉好過吉x家/Suxxya好多，唔會好肥。兩款上面都有啲飯素，個湯有啲木魚味，味道唔錯，烏冬相當彈牙。希望店主研究多啲菜色啦。而家有啲似好食版吉x家咁。

西灣河有間日式外賣小店，位置就在巴士站後轉角位，店外掛滿不同顏色的日式燈籠，店內貼滿日式海報及日式飾物主食有和風及咖哩系列，最後選擇了和風系列的 [ 茶漬飯 $36 ] 滿滿飯素灑在米飯上，把熱辣辣的湯汁倒入飯內，米飯慢慢吸引湯汁，中間有大大粒酸梅，伴飯一同食更美味[ 特大炸章魚丸 $15/3粒 ] 一啖都食唔哂，外層香脆內𥚃軟熟，口感鬆脆美味，食三粒真係唔夠喉即叫即整，熱辣辣一碗份量多又滿滿的 [ 雞軟骨 $20 ] 粒粒細細粒有肉有軟骨，食落口感惹味有咬口有幾款不同材料任你選擇 $10/款 [ S級 関東煮 ] 最後配料選擇了玉子、准山魚卷、五目福袋、魔芋絲，湯底清甜好飲，煮到好入味，福袋餡料滿滿

西灣河精緻日式外賣店,店舖雖然細小,但係佢嘅裝修充滿着日本風,有一種感覺自己好似身處日本咁😳店舖嘅嘢食全部即叫即整,價錢非常親民,所以我哋就決定試吓🤭⭐️八爪魚燒餅棒🐙✨燒餅棒入邊有粒粒嘅八爪魚🐙食落口好似食緊大阪燒咁樣,加埋海苔同埋沙律醬,呢個配搭真係冇得輸🤤⭐️特大炸章魚丸✨大大粒嘅章魚丸,咬鬆脆,識落口完全唔會有一種好厚粉嘅感覺,味道非常好食🤩⭐️忌廉粟米可樂餅🌽✨可樂餅外皮卜卜脆,餡內嘅粟米忌廉香滑濃郁,食完一件之後,真係會忍唔住想再食多一件😋⭐️關東煮🍢✨芋絲,蘿蔔,大根,玉子,福袋🍥煮得非常入味, 湯底味道清甜,蘿蔔完全冇渣,食完之後再飲埋啲湯,感覺非常滿足😍

非常推薦呢一間小店，用心製作，價錢又平，唔可以剩係得我知道😁😁😁位置不算繁忙鬧市，但裝修佈置滿滿日本風，幾特別餐牌食物選擇唔算多，主要有飯、烏冬、關東煮，同埋一啲炸物喺餐牌上見到親子丼「即叫即製」呢四隻字，相當吸引日式甜咖喱牛肉飯賣相精緻，牛肉份量亦非常多咖喱甜甜地，冇乜辛辣感覺，餸飯一流超級推薦佢哋嘅親子丼，雞肉份量好多，而且肉質唔會太鞋，除咗雞蛋之外，仲有洋蔥、飯素等等，令到每一啖飯有濕潤感覺之餘，口感味道層次都好豐富，好好食！估唔到小店咁高水準，咁梗係要大力支持啦

今日過開嚟西灣河做嘢，呢頭地方唔熟，行過見到小街角落有一間日式小店，雖然舖頭細細，但係裝修到好有日式氣氛，好奇之下望咗2眼。見餐牌價錢都好親民，所以試試⭐️蟹棒、雞軟骨⭐️蟹棒同雞軟骨都係即叫即整，蟹棒炸起外層脆脆的，面頭仲有半溶狀態嘅芝士配紫菜碎，好好食。雞軟骨份量都有好多，粒粒有肉有軟骨，有豐富嘅口感，食落惹味香脆、鮮美。⭐️和風牛肉飯⭐️和風牛肉丼的精髓就在於肥瘦適中嘅牛肉，加上香濃嘅肉汁，潤而不膩，香濃可口。配上粒粒飽滿嘅米飯，既美味又飽肚😋

麻雀雖小，但食物既質素同店主既用心，好值得欣賞。小店有時會係網上出D突發優惠 / 限定menu，落單之前可以上網睇下先嫁。餐牌一眼睇哂，唔算好多選擇，都相信店主對佢地既食物好有信心，所以先會主打呢幾款，值得大家黎一訪試下。日式甜咖哩牛肉飯 +三文魚 ❤ 牛肉肉質軟嫩，口感唔會好肥膩。咖喱既甜味黎自蘋果 洋蔥 紅蘿蔔，所以食起黎好清新，唔會好膩。牛肉份量如果可以再多D就更好喇。配埋三文魚，口感同味道即刻豐富哂! 店主仲分享佢哋嘅咖喱係日式家庭嘅做法，食起嚟清爽唔油膩，絕對係白飯殺手🥰🥰炸豚肉❤ 炸醬夠晒薄，主要係用淮山整出嚟，所以食起嚟口感一啲都唔粉，仲好爽脆！配埋個甜酸汁勁好食。

位於西灣河的一家日式料理的外賣小店，地點有點隱蔽，就在轉角位置，家庭式自家經營，佈置非常日系，店外掛了燈籠，貼滿日式海報。菜單簡單，主食主要有咖喱及和風系列，其他則是炸物小食、串燒及關東煮，還有限定餐單，不定時更新。有限定餐單：親子丼親子丼，即叫即製，份量足料，白飯上面蓋著洋蔥、雞蛋及雞扒，還灑上了大量飯素，提升整體味道。以日本蘭王雞蛋製作而成的滑蛋及洋蔥絲在烹調時吸收了醬油及汁，相對上較濃味；雞扒肉質嫩滑。和風系列：三文魚茶漬飯茶漬飯，高湯配合濃香的焙茶，倒入飯裡，米飯繼而慢慢吸收湯汁。米飯保留一定的硬度，上面放上三文魚，灑上芝麻、飯素，還有日本醃漬蘿蔔及酸梅，味道有甜有酸，更添開胃。揚物系列：可樂餅新鮮即炸起的可樂餅，炸得金黃，外層鬆脆，內裡是軟滑的忌廉粟米薯蓉，很惹味。揚物系列：雞軟骨這裡的雞軟骨跟外面味道有點不同，店主加入了自家秘製醬汁調味，味道更加鹹香。雞軟骨爽脆，一粒一口，停不了口。

鹿巷😘😘😘精緻曰式外賣店西灣河筲箕灣道48號地下、充滿日式風味外賣專門店、高高掛滿日式紙彩燈、剛巧店鋪是小巷轉角、店主貼滿日式彩畫、擺放精緻收藏品！充滿曰式氣氛、小巷立食、日本很流行！和風系列：和風牛肉飯🍱$42+$10三文魚🐟店主用心製作、對食物有要求、連外賣都攞放精緻、食物上放置可享用蕃紅花、色彩鮮豔、肥牛配洋蔥、味道好夾、肥牛嫩滑、濃香牛味、洋蔥吸收牛肉汁、入囗清甜、互相襯托、產生色香味俱全！好味精髓仲🈶️店主秘製牛肉汁、日本珍珠米、有嚼口、十元就可加配三文魚二片、超抵食！👍🏻追加串揚系列豚肉$25、脆炸香口、不油膩、內軟外脆、又嫩滑、夠juicy 、共🈶️六粒、抵食有水準😜番薯$10、內軟外脆、腍甜蕃薯🍠⋯⋯食到舔舔脷👅超抵抵可樂餅忌廉蟹肉$10日本經典家常菜之一店主推介⋯用馬鈴薯製成泥狀、餡料有忌廉烹調蟹肉、再揉成圓餅狀、沾上麵粉刷上蛋汁、外層蘸上麵包糠、香氣四溢令人不禁流口水🤤*學生套餐優惠*咖喱系列/和風系列大🈹️引$35套餐送盒或罐裝飲品-全日有效-鹿巷西灣河筲箕灣道48號地下3B號港鐵西灣河站A出口、步行約4分鐘

日本家庭式經營小店開鋪時間係老闆嘅媽媽幫手 晏啲就老闆本人返工家庭式經營 變相有啲位唔係咁穩定野食普遍都好食 好開胃 份量都比得多Menu野食唔多佢地Social media 成日有啲話本日限定嘅menu 又有啲限時優惠 買野食前可以留意下不過想睇menu時有啲麻煩要逐個post 逐個story 睇下最好食係可樂餅 炸得剛剛好 超脆超好食親子丼麻麻地 但份量好多茶漬飯好開胃 個三文魚係炸魚腩位 咖哩係偏甜 配飯好食啲因為烏冬拎走焗住會變稔Pat Pat關東煮湯底正常 可以推介鋪頭位置唔理想 希望多啲客發現到佢地