鹿巷

營業中

休息中

呢間餐廳不太起眼，但正正喜歡它不起眼，唔洗同人迫👍🏻。叫「鹿巷」因餐廳真係喺條巷入面。有飯又有麵食，不錯👍🏻。❤️火炙香料鴨胸咖哩飯 ×1好大碗！鴨胸切得厚薄適中有口感～咖哩多唔太辣好香口～❤️法式清酒煮蜆×1加錢配：烏冬店員話呢款唔同平時果d，除左清酒重落左忌廉和牛油🧈，入口酒超濃超香！蜆份量多，加上大量甜甜的洋蔥🧅和爽滑烏冬，超正👍🏻！❤️淺漬燒蓮藕 x1蓮藕十分爽脆！❤️柚子漬大根×1有柚子的清香和甜味～

嚟到華記士多舊舖，見到頂手嘅呢一間小店，本身諗住同阿哥買外賣返屋企，點知原來有堂食😋🌟香草火炙鴨胸咖喱烏冬 $80一上枱就聞到濃郁咖喱香～烏冬用咗粗身讚岐款，掛汁能力一流，每條都沾滿微辣嘅日式咖喱汁💕唔知點解覺得個咖喱汁有少少藥材香😂湯底濃稠度剛好，唔會太稀或太杰☺️鴨胸外皮沾咗蜜糖，煎到焦糖脆皮，肉質保持勁粉嫩，好食😋🌟柚子醋番茄 $40冰鎮過嘅車厘茄一咬爆汁，柚子醋酸甜清新，好開胃🤤🌟特製雞軟骨 $40呢個雞軟骨唔係有厚炸粉嗰一隻，咬落去油香加埋醬油香好惹味，好食😋送啤酒一流～ ⭐️豚肉生薑燒 $65薄切豚肉片煮到剛好熟透，洋蔥炒到軟腍，生薑醬汁勁濃，好似食緊薑汁撈飯咁，整體口味比較清淡😌整體嚟講覺得餐廳嘅裝修都幾特別，好有日式風格，食物方面大推鴨胸！好好食💕

/梅子醋蕃茄$40/真係好開胃-又入味，每咬一次，都逼曬啲酸爽嘅蕃茄汁出來🍅/特製雞軟骨$40/加入日本山椒粉同特製醬汁，味道辛而不辣，而且幾有口感🌶️/凍柚子湯鴨胸蕎麥麵$80/呢個天氣食真係gur曬～柚子湯口味酸酸地，而且好清涼🆒鴨胸薄薄地又涼涼地，少許嘅鹹味，口感超嫩！🥩/火炙香料鴨胸咖哩飯$80/壓軸登場-是日主角🔥招牌水果甜咖喱飯-由蘋果、蜜桃、洋蔥同紅蘿蔔熬煮而成，極度濃郁👃🏻飯內仲有原塊煮過嘅蜜桃🍑配上炙燒過嘅鴨胸，面層仲有份焦糖嘅感覺，好食到想獨食🤤

呢度氛圍真係好似日本小巷牆上掛著日式菜單同插畫忍唔住影多幾張相入夜後仲靚有人帶可愛寵物一齊用餐睇到都開心外賣堂食都ok洋式清酒煮蜆烏冬真係食唔停成個碗好重稱可見好足料Cream同sake crossover洋蔥與蒜蓉回味無窮水果咖哩重點係超厚鴨肉燒到表皮焦糖化最驚喜係咖哩真係有果肉有黃桃肉等等搭配醃菜同食效果幾好小食有特製雞軟骨肉質多汁外皮香酥淺漬燒蓮藕爽口到好似食生果甘以酸做調味嘅蓮藕都係第一次試

走過西灣河橫巷，看到巷尾開了間日式小店，飄來陣陣食物香氣，主力做外賣，但亦有堂食的桌子，決定進去試試火炙香料鴨胸咖喱飯 $80我絕對會為了鴨胸再來，厚切外脆內嫩，鴨皮灑了砂糖後燒得脆皮，甜味中和煙鴨胸本身的咸味，非常出色日式咖喱亦帶香濃的煙燻味道，份量很足，性價比高法式清酒煮蜆 $95+讚岐烏冬 $15以牛油將洋蔥炒香加入清酒，高湯帶海鮮的鮮甜味，蜆肉嫩滑無沙，一碗最少有20隻，份量超多，烏冬口感軟韌，配海鮮湯一流淺漬燒蓮藕 $40帶酸酸的日本梅子味道，冷凍蓮藕口感爽脆，開胃的小菜食物質素高，值得支持的小店

日式路邊攤風格非常闊落日式圖案打卡枱日式動漫雜誌牆壁好適合cosplay過去打卡餐廳主要食日式菜飯類烏冬仲有多款居酒屋小食平台外賣自取優惠好多選擇了🍚日式甜咖哩煙鴨胸飯煙鴨胸焦糖脆皮處理保持到肉質嫩滑第一次嘗試這種食法日式咖哩飯甜甜地配薯仔蘿蔔好開胃睇落去唔係好大兜 珍珠米好快就飽肚🍚法式清酒煮蜆清酒香 蜆鮮甜清甜湯味配烏冬非常開胃 湯飲清光主食份量剛剛好只嘗試2款小食🍚特制雞軟骨熏香味好重簡單小食極緻處理作為雞軟骨愛好者讚！🍚淺漬燒蓮藕 酸蘿蔔味道清爽口感適合夏天解喝

開胃菜先來個柚子醋蕃茄，車厘茄甜甜酸酸，非常醒胃😙煙薰特製雞軟骨卜卜脆，煙薰後再上孜然粉同醬汁，十分惹味，喚醒晒專食好西既味蕾！日式甜咖哩香料火炙鴨胸飯，甜咖哩調味非常好，撈飯一流！而且鴨胸皮加左焦糖一齊燒到脆口，食落去唔會覺得好油膩，甜甜地脆脆地，唔食皮就嘥左啦 😝法式清酒煮蜆併烏冬，蜆嘅份量勁多，蜆肉肥嘟嘟，用左牛油同清酒煮既湯，一上枱就已經香氣濃郁，食指大動，烏冬又爽又滑，配埋湯一起吃，配搭得好好呀！估唔到橫街細舖，可以有咁多好野食😌

喺個巷度隱藏咗間寶藏外賣餐廳。我喺出邊兜咗幾次先知道道原來要轉入個巷仔。裝修好特別，好似日本嗰啲屋台經過坐低飲杯酒嗰種感覺。柚子醋為調味，搭配新鮮的番茄，帶來清爽的口感和獨特的酸甜味道，好開胃。雞軟骨經過特殊處理以確保軟嫩多汁，是一道獨特而美味的菜品。感覺好似有炸過，外皮挺酥脆的，被醬汁包裹着，醬汁微酸，令人食唔停口。以自家制的日式甜咖喱香料火炙鴨胸搭配米飯，帶來濃厚的咖喱香氣和烤鴨胸的鮮嫩口感，是一道豐盛而美味的餐點。鴨胸好厚好嫩滑。將法式清酒煮熟的蛤蜊和烏冬面結合在一起，融合了法式烹飪和意式麵食的風味，散髮出獨特而豐富的味道。

以前西灣河好出名嘅蛋包飯依家原位開咗間勁隱世嘅和食料理屋 - 鹿巷~不過比以前更加好係佢承包埋隔離嘅地方，依家唔使坐街舒服好多~鹿巷唔只裝飾滿滿日式風情，連食物都係主打日式咖哩🥘，關東煮🍢同埋和式小食~日式甜咖哩牛肉飯 - 佢哋嘅咖哩用上蘋果🍎洋蔥同紅蘿蔔做基底熬煮3小時，食落有豐富的香氣和甜味~真係小朋友都食得~ 仲有日本飯素，漬物拎味道更加豐富好送飯！甜甜嘅咖哩配佢哋自家製嘅洋甘菊蘋果肉桂茶就啱曬~都係好香嘅果味，而且不含咖啡因，夜晚飲都唔怕啦~豬扒蛋蓋飯 豬扒金黃酥脆，口感鬆軟混合滑溜溜蛋汁洋葱~熱辣辣即刻食簡簡單單就係美味法式清酒煮蜆 - 必叫！有清酒香嘅蜆本身已經好吸引，呢度仲用上牛油收汁簡直係香得不得了！🧈🧈🧈蜆嘅份量都唔少，個湯正到可以飲埋~真係唔好曬料特製雞軟骨 - 唔會乾柴硬，口感爽彈，食落鹹香有少少麻味感覺如果用嚟送啤酒會更加正😂 老闆話佢哋仲可以加蘋果木嚟煙燻味道會更加濃🔥呢個夠特別下次再嚟試吓先得！

講起西灣河美食一定會諗起太安樓，行過少少有間隱世小店，呢條巷平時好少行過，舖面似是間外賣店，轉角橫巷則設有用餐區，認真隱秘！餐廳佈置有不少日式海報及貼紙增添東瀛風，更有個哥斯拉小區。而餐枱以飲品膠盆砌成，幾有特色。① 日式甜咖哩炸豬扒飯 $80② 日式甜咖哩香料火炙鴨胸飯 $80店主以傳統煮法製日式咖喔，用洋蔥，紅蘿蔔，蘋果及水蜜桃熬煮4小時。咖哩味道帶微甜，好拌飯，配料真係食到有水蜜桃。炸豬扒外脆肉嫩，炸粉唔厚，食落唔膩。鴨胸厚切，肉質鮮嫩，而且用香料火炙過十分惹味！好食！③ 法式清酒煮蜆 $80大推！！真材實料，用超過廿隻蜆煮成，蜆肉大隻肥美，清甜帶有酒香，仲有洋蔥同蒜粒，成碗清晒！④ 特製雞軟骨$35好多地方食到既雞軟骨都係軟脆，呢度個雞軟骨有醬汁包住，口感爽脆而不乾，好味。價錢唔算好平民價，但每份食物份量及味道都對得住個價錢

想去西灣河食嘢一定會先諗到太安樓，但係近排路經呢一間日本小店，試到佢嘅嘢食真係非常之推介！雖然佢都係用紙盒裝住，但真係唔好睇少許入邊嘅嘢食嘅質量係非常之高💯🦪法式清酒煮蜆($70) 用上清酒同埋牛油底煮蜆，入邊個汁真係非常之香甜，再炒埋啲洋蔥一齊食，呢盤煮蜆真係非常之出色🍅柚子醋蕃茄 ($40)大大粒又新鮮嘅蕃茄，浸住醋酸酸美美咁，食住咖喱飯就可以refresh一下🌱🍢特製雞軟骨 ($30)雞軟骨有少少煙燻嘅味道，做小食都非常之滋味🍛日式甜咖喱火炙鴨胸配飯 ($80)真係要大贊佢嘅咖喱飯🫨呢個係日本甜咖喱，再加上一啲蘿蔔同埋蔬菜，本身撈飯食已經好好味。再加埋去焗完再火炙嘅厚切鴨胸塊，呢個combo 係非常之出色，應該係我近期食過最好味嘅咖喱飯😱🐷豚肉生薑燒飯 ($65)普通一個豚肉生薑飯，但都可以燒到剛剛好，再加上啲薑絲食，暖笠笠非常滿足😋呢間認真有機會一定要去試吓👍🏻我諗下次嚟到西灣河都會先想食呢一間日式小店先，真係想食個宵夜甜品先再去太安樓🤗

一間喺橫街不起眼位置嘅日式和風小店， 門面細細間一眼睇曬， 原來轉角另一個鋪位可堂食， 不錯。 同老闆傾開先知店內裝修全是佢自己一手一腳整心血之作.  真係好佩服佢. 真係一人小店.  日式甜咖喱牛肉饭  份量真的很大, 咖喱味道剛好唔太咸, 有少少甜味同辛味剛剛好,  好多牛肉,而且好嫩. 好快食曬. 豬扒蛋蓋飯 豬扒炸得外脆內軟好大塊，洋蔥滑蛋熟度剛好.  配飯一流 .  每啖都有滑蛋同香脆豬扒, 口感一流 ！可樂餅 - 炸得剛剛好 內餡飽滿, 好食! 特製雞軟骨煙薰味撲鼻，老闆特制, 坊間比較少呢個味道，可以一試。 香脆爽口。鋪頭位置不在大街, 比較不太起眼.  希望多啲客發現佢地. 街坊誠意日式小店. 多多支持! 鹿巷西灣河筲箕灣道48號地下3B號港鐵西灣河站A出口、步行約4分鐘

【日系氣質小店😍 平民價格嘆勁正蛋蓋飯！】呢排喺西灣河行街搵食，無意中發現咗呢間隱世小店「鹿巷」🦌 個外表超有日本feel，啲紅色燈籠同門簾一睇就知係間日式小食店！🏮最吸引係佢間舖日系復古feel爆燈！牆身貼滿晒動漫海報同舊式日本廣告，真係好有昭和年代嘅感覺！仲要成間舖都係木造設計，好有溫度～ 🎌必試嘅係佢嘅招牌蛋蓋飯系列！叫咗個豬扒蛋蓋飯($75)，個蛋滑到爆，豬扒炸得香脆又唔油膩，仲有獨特嘅七味粉提升層次感，絕對值回票價！😋另外推介雙色親子丼($70)，色香味俱全！價錢親民👍🏻 新年期間重會送開運御守添，等你食飽飽仲可以求下年運，抵食又意義滿滿！🎊座位雖然唔多，但勝在夠晒舒服，啱晒兩個人嘆下小食傾下計！真係一間極具特色嘅小店，大推介俾大家！💯

西灣河嘅【鹿巷】真係一間值得一試嘅日式小店！一入到去，滿滿嘅日系風情即刻迎面而來，牆上掛滿懷舊嘅日本海報，仲有特色嘅燈籠裝飾，真係好有氣氛～✨**豬扒蛋蓋飯 ($75)** 呢道菜真係令我一試愛上！豬扒炸得外脆內嫩，配上滑蛋同濃郁嘅醬汁，撈飯一流。每一啖都充滿滋味，食到停唔到口！🍳🐷 **親子丼 ($70)** 雞肉鮮嫩入味，配埋蛋汁淋係飯上，口感滑溜溜，味道清新又唔會太重口～非常適合鍾意簡單味道嘅朋友！🐔🥚特別推介：新年期間仲有小禮物送，真係好有心思～🎁🎋鹿巷除咗食物吸引，環境亦都係一大賣點，簡單但又有心思嘅裝修，令人感覺好舒服。無論你係想同朋友聚會，定係一個人想靜靜地享受美食，呢度都絕對啱你！💖快啲約埋朋友去試下啦～🍱🇯🇵

【日式咖哩豬扒飯】在西灣河地鐵站出，行5-6分鐘，在一條橫街不太起眼的位置。主要是做外賣的。起初見無位坐，望完餐牌諗住走，有位女士告訴我們可以去轉角有地方食。朋友和我都點了濃口蘭王和風牛肉飯($65)，店員說蘭王和普通和風牛肉飯比較主要係多一隻雞蛋，可以生食的。個米有少少失望，感覺不似日本米，牛肉有少少煮得太老。隻蛋真係好靚，橙紅色，很飽滿。另一位朋友點了日式咖哩豬扒飯($75)，等了大約10分鐘，即炸，好脆好熱，豬扒好鬆軟，真心推介。法式清酒煮蜆($70)，都好多隻。網上食評推介話無沙，不過我都好小心食，10隻裡面有兩隻有沙。但個湯真係好好飲，好重清酒味，我地差唔多飲晒。店員推介呢兩日開始有關東煮。係逐樣野叫，個價錢可以參考社交平台，因為店員都係用手機 show俾我睇，所以無影相。我地叫左大根，蒟蒻，年糕魚板。個蘿蔔真係好"林"好入味，值得一試。埋單超過$250有隻杯送，個底係富士山，好靚。(限定的，送完就無)另外，我留意到佢地有學生價，呢個時勢生意難做。Respect。