鷹巢

營業中

休息中

食物有太咸，有些冇味 平時去有折，昨天是公眾假期前夕，但七五折後仍很貴。一隻蟹拑好細隻 60元，折了也要45元，沒有蝦膏質感。酒店出面周圍環境太差，在高速路天橋旁，地鐵旺角出，行去酒店，必定要經過很污糟的舊區才到。 酒店大堂酒水部太少Cocktail 品種得5種左右選擇。晚餐我們六点到但六点半仍未清潔好，女侍應態度不好。 新酒店内清潔，大多国内人，很多餐都要預早一天前預訂才有得order . 椰子燉雞湯一位等了一個半小時 沒有雞味。可能冇下次了。

星期一公司全日開會, 晚上７時才完, 為此約了太太和從澳洲剛畢業的兒子一同在旺角開了一年多的酒店內中餐廳"鷹巢"晚飯, 太太先訂位, 晚上７時太太先到,我和兒子亦於數分鐘內分別到達, 我們安排在餐廳中間窗邊的4人枱, 餐廳装修高雅, 光線充足, 有2組水晶吊燈, 雖然坐無虛席, 但並不擠迫.我們看了餐牌, 食品價格中上, 選擇亦多, 我們點了三個菜"花雕醉香雞 (半隻)""花雕蛋白蒸花蟹""杏香荔蓉帶子酥"太座還點了一個甜點 "點品三重奏" , 我和兒子怕肥沒有選甜品.先來的是 " 杏香茘蓉帶子酥"此菜好像一個荢角, 外貼上杏仁片, 一碟有6件, 杏片炒香, 咬下去杏片外皮脆, 荢香及綿, 中心是帶子, 帶子不老, 有帶子鮮甜味第一個菜吃完一會, 第二個菜送來 "花雕蛋白蒸花蟹"此菜放下即發出陣陣花雕香味, 一碟有2隻花蟹, 先試蛋白,蛋白滑鮮甜充滿蟹的鮮味, 有花雕香味完全沒有半點苦, 蟹肉鮮甜肉滑, 十分美味, 2隻花蟹雖是小蟹, 但一家三口剛好.廚房真懂控制上菜時間, 食完蟹不久就送上第三個菜 "花雕醉香雞"花雕醉香雞是凍食的, 菜放下此菜花雕味沒有花雕蟹的花雕香, 可能是凍食,

昨天早上臨時計劃跟家人晚餐，在OpenRice 的訂枱服務查看那間餐廳還能即日訂枱，見鷹巢還能預約，在OpenRice 訂枱還有8折，即時訂了7點。但到中午餐廳店員電話通知，7點他們是沒有位的，要8:30才有，我接受了同時詢問是否在這月生日有壽包可送，他説沒有的，要一早訂！餐廳地方不算很大，但感覺很開揚，座位很舒適。點菜單點也不知點那個好，所以最後點了鷹巢精品宴套餐，想著第一次試，試他們的精品應該不會有錯。我們四大兩小，所以叫了四客，想著兩個小朋友分着點吃就好。第一道菜-叉燒配蜜豆好吃，入口有融化感，但果然是精品，每位只有兩小件。之後的蝦和木瓜盅都不錯，蝦新鮮，木瓜非常甜。之後的菜色就開始遜色了，幾樣都是冷掉了的。以這個價錢，份量真是少得可憐。可能一心想着是獲獎的店，所以期望有點過高。到最後結算時，原來單點的菜色才有八折，早知這樣一早單點菜式就好了，份量也比較多吧。埋單$1800， 以這個份量和菜式，真的有點不值。

慣常晚飯與好友油尖旺“打游擊” 聚聚。 有中學同班校友自美國返港遊玩，就膽粗粗約埋佢同埋我老公仔一行四人 book咗希爾頓間鷹巢晚飯試新嘢， 睇怕都唔平，但上網訂位有 25%折喎， 話晒酒店!。落 order 先黎個類似芋角嘅叫杏香帶子酥，味道相當不錯並賣相精緻。本人是雞痴，跟著上檯喺炸子雞，我唔客氣先夾件試試， 唔………. 熱呼呼皮脆兼鮮雞肉好滑，座上其他人也讚好， 因只 order 了半隻唔多夠，但亦唔似其他酒樓一般大大碟雞但鞋烚烚，始終小食多滋味嘛 Good!睇 menu 叫了南瓜賽螃蟹，吸引在貪佢相片南瓜面滿舖蛋白， 侍應呈上檯後，看見日本南瓜 size 的的式式很趣緻呢! 食落都幾豐富特別， 用料應該新鮮才有此口感！最後兩款包括白玉藏珍(即冬瓜素食)及籠仔蒸飯。 蒸飯的鹹蝦及配料味道夠曬香濃， 但食落……….. 底飯又真的太少， 我們一致嫌唔夠喉啊! 坦白講，下次有機會亦會再點籠仔蒸飯，它香氣吸引， 祇要鹹味減淡些， 飯底多一些， 未嘗不是飽肚的佳之選。 整體嚟講今餐飯 OK，好彩我預先訂位， 7:30 後鷹巢已全滿，它未嘗不是旺角區一個富貴些少的飯聚新選擇。

到了周末一家人想吃得舒服點，想吃中餐。在OpenRice 找個了一下，看到旺角希爾頓花園酒店的鷹巢，周末都有優惠，食評都幾好，即刻book位。一家人到了希爾頓酒店２樓，地方都幾大樓底又高，室內溫度剛好，檯與檯的間隔很寬敞，坐下好舒服。餐牌除了一般點心，還有廚師推介，點左金牌叉燒皇肉質非常好肥瘦適中，香菇燒賣，鴛鴦米海鮮泡飯，等等，水準唔錯。值得一食。

初次得知鷹巢，是因著友人在其剛開業時留下的負面評價 初次接觸鷹巢，事緣於數月後好奇而偕友親身一嚐，先是晚市單點，後為午飯點心 闊別一年，尚記得與友共嚐的菜式味道，以及那時候可圈可點的不穩定 最近友人提到鷹巢的餐點水準改善不少，對話促成是次聚會，一行數人決意來刷新記憶 雖然肥美叉燒皇是鷹巢的主打之作，但是清新少脂的蜜汁燒脆鱔更合我們口味 表層略帶脆感，而且有著蜜味焦香，魚肉彈爽不霉，亦不會太重腥味 旁伴蜜豆亦十分搶手，粒粒富咬口，屬鹹甜並重的下飯佳品 盼得暖熱傳香的花膠菜膽龍皇杏汁白肺湯，湯料分上，一滿碟成小山的豐盛 杏汁湯帶幾分稠潤，香味自然又不刺激，只有細細一環黃油，順緻不膩 豬肺腍綿又保有彈性，毫無異味；還有片片花膠，黏感不算重，幸是嫩滑好嚼 杏香荔蓉帶子酥炸漿層鬆化酥脆，緊緊裹住綿滑而香口的芋蓉 想不到內藏大件頭厚肉帶子，而且留有水份及一抹鹹鮮，彈牙又不至太韌 調味恰到好處，鹹得不過分，就算不沾醬汁亦夠香口，不會膩得過火 臨尾補回飽肚澱粉質，不過並非炒飯炒麵，而是原個日本南瓜賽螃蟹 南瓜肉濕潤細滑，味道清甜不膩，煮至裏外熟透，可以輕易用匙羹舀出 蛋白滑溜不腥，唯調味鹹重

this restutant is n my favourite list for a long time. Evetually, i got a chance to try with my friends this week.we ordered a dinner set and it was around 440 pet head. it has more than 6 dishes. the most impressive one is bbq pork with thick size. it was good. The shrimp was not special. The two style rice soup was fine. however, the live show dessert portion was small. overall comment is good but a bit expensive. recommend to go again next time.

出左黎做野有時都幾難得搵到班朋友一齊酒肉，開心一下難得搵到間唔算人多可以一班人坐低靜靜地食下野係個日衰在無帶酒 =3=好多菜都好岩送酒蜜汁燒脆鱔一黎已有個香脆既鱔片入口外皮少少香脆加上少少密汁既甜可以當開胃小食咁食再黎有個金牌叉燒皇配秘製蜜餞豆叉燒黎講算燒得幾靚少少肥，呢種叉燒先香口再加埋個蜜餞豆，甜甜地唔洗一陣成班已經清左個叉燒食左少少野就到飲湯花膠菜膽龍皇杏汁白肺湯雖然唔係本身唔係好豬肺但飲個湯都OK，甜甜地重點係D 湯料 =P 煮得耐D 雞腳已經好林，有D骨都可以食埋跟手個杏香荔蓉帶子酥都唔錯入口重重芋香帶子都真材實料，大大隻同個酥一樣大細蝦籽鮮菌麒麟海班呢個炒得幾靚起左個魚物做班片再加埋雜菌炒一炒上碟可以為前面既大魚大肉中和一下配埋蝦籽有少少咸香之後個原個日本南瓜賽螃蟹好特別真係成個日本南瓜掘空左中間煮熟左再加賽螃蟹同南瓜蓉難得一個平凡既賽螃蟹加入新原素成件事新鮮左 @@另外，個楊枝金露雪葩又係有新意唔係平時一碗碗係你面前即刻將佢急凍再整成雪葩，幾得意

我已經有一年多沒到旺角的希爾顿花園酒內的鷹巢中菜廳吃飯了。今天有幸朋友相約去鷹巢晚宴，盡管看看有什麼驚喜。1) 鹰巢當红炸子雞:跟着的炸子雞就有驚喜，看上去外皮炸得金黃色。看得廚師很用心去上皮風乾，再用滾油慢慢炊熟做到外脆肉嫩。我選雞胸来吃，果然肉質嫩口不鞋口，皮脆。不沾淮鹽都可口有味道。有功架。2) 日本南瓜賽螃蟹:蛋白炒得嫩滑恰當，味道偏淡。南瓜拼蛋白一起吃頗有新鮮感。唯獨侍應生沒有根據上海菜的傳統附上陳醋。因為蛋白沾上陳醋後才會有蟹肉的口感味道。3)白玉藏珍:這道素菜賣相很討好，皆因是素菜關係，味道偏淡也無可口非。芡汁沒什麼個性，吃不出是蠔汁或是鮑汁。冬瓜和菇菌份量足夠，整體來說是合格。4) 5.漁港風味籠仔蒸飯: 這個蒸飯材料足量。魚肉豬肉蝦乾和蝦糕味道互相輝映，味道出奇地可口。豬肉弹牙，口感很仔。袛嫌飯底為白钣，汁醬浸了白飯後太淋偏咸。若果用蛋白炒飯做飯底，飯身挺身加上醬汁來吃，口感就好很多。另外應該用大片荷葉包着來蒸及上枱，賣相和味道自然加分.

見網評唔錯，去試個午市點心啦。去到，d雜聲嘈到唔想坐低。關個裝修事。安排張枱係中間圓柱腳細枱，上邊加張面，搖到呀，茶水飛濺……有地面相及枱腳相，因實在太嘈太搖，所以會留意及影相。d侍應又好似生手，問咩都生疏不適應咁。冇開餐巾，冇上菜名，冇收餐牌，冇主動加茶水……總之屋邨茶樓級……不如。d點心反而可以食下，特別係要上電腦查返先知的果個綠豆酥，香脆而不會過甜。但都怕怕了。

假日請親戚飲茶，不想去平時去開啲連鎖酒樓，用Apps search到呢間係酒店的茶樓，覺得環境不錯，依傢透過 Apps book位仲可以有八折及賺Asia Miles，決定黎試下。一坐低，我哋當然點左飲茶必食點心，點心賣相精緻，味道都十分有水準。以下是我個人特別想分享的菜式：冬瓜上面配了什菌、竹苼，冬瓜及青菜吸哂啲汁，個汁很好味，清清地，不錯。侍應特別推介紹我哋照牌菜 - 叉燒皇配秘製蜜餞豆。厚切叉燒真係好嫩滑及Juice，同出面的燒味店好大分別。旁邊的秘製蜜餞豆親戚話好好味，但我不喜歡食豆，所以No comment.無飯落肚，對老人傢真係少左啲嘢，特別點左個蒸飯。飯軟硬適中，上面鋪了豬頸肉及蔥，肉汁流入飯裡面，味道很香，配合上面介紹的叉燒食剛剛好。甜品我哋叫了綠豆酥，綠豆蓉炸成酥，外面點綴了杏仁片，外脆內軟，口感特別。我哋見到隔離枱有人叫左楊枝甘露分子雪糕，現場即整，我都係第一次咁近睇分子料理，但真係很飽，唯有留番下一次再試。食物精緻，環境寧靜舒適，工作人員好細心，不時有人斟茶及換碟，最重要是親戚滿意，但價錢比其他連鎖酒樓貴咗少少，幸好Apps book 位有discount。

颱風前夕約了三位好友在旺角見面，平時多電話聯絡，剛於星期三合股買馬贏著多少想在旺角食飯聚舊，有位好友知道附近有間新酒店希爾頓，於是問人好不容易揾到，上面環境不錯，於是每人叫一個菜吃飯談天說地，其中一道菜，漁港風味籠仔蒸飯有蝦有肉絲，飯很軟，味道不錯有漁家風味，黑松露素餃，吃素的人和不吃素的都合食，甜品杏香荔蓉綠豆酥，外相平常但非常好吃，不經不覺吃和談天已有二小時，結帳時價錢都ok，聽講鷹巢的菜式每月都轉有許多創意時節菜，有機會再約多點朋友來試新菜式。

餐廳環境舒適，樓底好高加上落地大玻璃窗感覺好寬闊，今日係假期，去到餐廳時已經爆滿，服務員安排左我地坐左去另外一邊，係平時婚宴場地，台同台之間有好足夠既空間，俾人感覺十分寬闊，加上落地大玻璃窗，光線充足，而且沒有嘈雜既聲浪，整體環境上令人感到十分舒適，服務員的效率都好高。佢地既金牌叉燒皇好值得推介，肉質軟嫩多汁，肥瘦均衡，色澤鮮明，有種令人一口接一口吃下去的衝動。揚州炒飯顆粒分明，香潤爽口，蛋香十足。

早排約班舊同學食飯，想搵個地方要就腳又想坐得舒舒服服，發現左呢間新既酒店中菜看似吾錯，一於訂枱試試環境出奇地好，有窗同樓底超高，仲有live band 現場演唱，算係區內少有既酒店級數中菜。識食朋友拍板點菜，其中有幾味都吾錯可以分享下～本人係南瓜控，呢道南瓜賽螃蟹(?)啱哂我口味足料同擺盤尚算有心思，甜甜清清地當係starter一流蝦多士烤雞肝🐔🐔，鵝肝食得多，雞肝真係第一次試，質地較鵝肝有咬口，味濃兼帶少少香烤味脆脆地，當晚配紅酒一流（如果淨食就建議配多士一齊入口好d)甜品就食左呢個椰皇燉奶，應該係新鮮整的，足料椰味濃，要食要早少少點定因爲都要等第一次試新野無失望，仲望到隔離枱碟叉燒都幾正，侍應話原來係招牌野下次可以encore再試過！

適逢一班舊同學聚會，想找較就腳的旺角。但旺角區一般不是火鍋就是放題，實在太悶了！於是在OpenRice中看到了有折扣優惠的鷹巢星期六晚飯時段亦有八折，十分吸引，決定試試！餐廳位於酒店的二樓，位置不是太難找，我們一人六行，被安排坐於落地玻璃旁的角落，環境不錯，地方都挺舒適和闊落。第一次來，所以叫的大部分都是招牌菜式。花雕醉香雞店員推介這道菜是使用本地農場新鮮雞，新鮮雞吃下去肉質與冰鮮雞大為不同，濃郁的花雕香味大大提升了雞的鮮味，坊間普遍的餐廳都不會使用新鮮雞，這點真的值得一讚！日本南瓜蛋白賽螃蟹由於我太愛吃日本南瓜，看到這道菜是便立即叫了。上菜時並沒有讓我失望，雖然菜式的樣貌不是太吸引，但南瓜蒸得十分淋，蛋白亦很滑，加上有點甜甜的醬汁可謂絕配。推介給喜愛健康菜式的人士清湯蘿蔔牛爽腩牛腩連著筋膜的部份，吃時多了一份咬口。蘿蔔亦是這道菜的主角之一，十分淋身，同時吸收了所有肉湯的精華，十分清甜！總體來說，不論是餐廳的環境，食物，還是服務，都十分理想。再加上折扣優惠，每人都不用$200，簡直是錦上添花！適合一大夥兒的聚會！