鴨仔冰室 (已結業)

過觀塘搵朋友收工聚一聚，唔駛自己諗當然由地膽帶我去搵食啦～行吓行吓嚟到一棟棟工廠大廈？入到鴻圖中心裡面好似個food court咁，有唔同嘅種類嘅餐廳選擇，我哋就揀咗呢間有可愛鴨仔吉祥物嘅西餐廳。招牌西冷牛扒$158跟薯菜🥩，叫五成熟嚟到掛住影相搞到熟晒哈哈！嘩可以加鵝肝$28成件事即刻高級咗十倍，鵝肝仲有返咁上下份量！朋友就叫咗焗三文魚柳配薯蓉$108🐟，件三文魚好厚兼大件而且焗得啱啱好，滴晒汁好好味啊！晚餐會跟埋餐湯/沙律同飲品。想讚吓服務係好周到的✨，食完一道先上一道，唔會chur住上晒全部，可以每一碟慢慢品嘗幾抵讚！

一開始見到依間餐廳以為係食鴨既，但原來係平民價既西餐，而成間餐廳都好多鴨仔既擺設，真係幾得意。佢個dinner set都好多野揀，扒、意粉、飯都有。餐廳既dinner set都會包餐湯或者沙律同埋餐飲，我地叫咗餐湯，係粟米忌廉湯。我叫咗個大蝦牛柳配黑椒汁同埋薯蓉，好欣賞餐廳會提供薯蓉做配菜，有時覺得配意粉同飯都太heavy，因為已經食咗塊扒，而叫薯菜又會太熱氣。隻大蝦上面有啲蒜蓉做調味，所以好惹味。舊牛柳嚟到既時候大約係三成，因為放咗係鐵板上面，所以可以自己調整個熟度。舊牛柳比較厚，所以我覺得放係鐵板上面熱一熱會更加juicy。我哋仲叫咗法式寶雲酥羊架，羊架大約煎到7成熟，啲肉質岩岩好，同埋羊架吾會好酥，岩晒啲吾鐘意酥味既朋友仔。依個餐我地都叫咗黑椒汁，所以都幾夾。

一向對鐵板餐有種情意結，這晚就來到位於觀塘的The Ugly Duckling鴨仔冰室鋸扒。餐廳環境開揚，坐得舒服自在。全晚一直播著The Beatles 的黑膠唱片，營造出懷舊的氛圍。餐牌選擇雖然不算多，不過價錢親民，而且不收加一服務費。天花板還掛著胖胖的黃鴨，可愛又趣緻。所有套餐包括是日餐湯或沙律，油醋沙律口味清新，健康又開胃。忌廉粟米湯口感柔滑，調味不過鹹，更能突出本身的甘甜味。丹麥肉丸 $38肉丸一口一粒，形狀圓潤飽滿，煎得外皮焦脆。肉丸口感紮實不鬆散，一口咬下立即溢出豐富肉汁。印度烤雞配薯條 $98烤雞size 頗巨型，色澤豔紅，舖滿微辣香料，別具異國風味，味道濃郁而又辣度適中。烤雞燒得夠乾爽，尤其是雞脾位夠啖啖肉，肉質嫩滑，沒有絲毫雪味。厚切薯條炸得外脆內軟，不會過於油膩，完全吃到停不了口！美式什扒 $158上菜時，鐵板熱氣逼人，倒下醬汁時，接觸到鐵板的一剎那，滋滋咋咋，煙霧瀰漫，即時香氣四溢。而且最欣賞這裡的鐵板夠熱，吃到最後依然保持熱盪溫度。什扒就是肉食大包圍，有齊火腿、司華力腸、煙肉、豬扒和雞扒，肯定可滿足各食肉獸，重量粒份量極之飽肚，配上黑椒汁尤其惹味。丹麥朱古力餅

上面掛咗個鴨鴨好得意，裝修好懷舊風，有七彩嘅燈同紅白相隔嘅餐桌布，好似回到過去咁叫咗兩個all day menu 有湯/沙律、飲品同主菜，都好豐富餐湯-好香好creamy，唔錯大蝦牛柳配薯條$168-原來係鐵板，店員會幫手倒汁，聽到滋滋聲已經流口水，牛柳半熟，好有口感，大蝦都夠大幾鮮，薯條係粗扁形好少見，薯味重焗三文魚柳配薯蓉$108-三文魚好大舊，有啲蒜蓉味，薯蓉好腍，入口即溶最有驚喜係甜品！丹麥朱古力餅+$20-朱古力味濃，香滑得嚟加上餅乾脆脆地超好味意式奶凍+$20-質感超滑，士多啤梨啲啲嘅果酸令奶凍甜味更出

星期六去咗觀塘行吓，因為成日都行APM嘅關係，今次就試吓去遠少少咁去咗鴻圖道果邊搵野食，經過見到呢間丹麥餐廳，個場有D似係FOOD COURT 再劃分左唔同餐廳唔同區，佢呢區叫特別係有D裝修既，一坐低店員會比張紙你擺口罩，雖然唔係話D咩，但係疫情期間呢D細心位係要加分的，餐牌選擇都算多..不過對於我地呢啲食肉獸..梗係食鐵板啦..同友人一人一個扒餐試試佢，分別叫左大蝦牛柳 同 西冷牛柳另加再加28蚊配鵝肝(抵)，先來羅宋湯~足料有肉好味，扒餐就分別叫左燒汁同黑椒汁，燒汁可能本身冇咁杰同塊鐵板真係好夠熱既關係，一倒汁落去果下真係好震撼! 記得拎紙巾擋丫!而大蝦牛柳配左黑椒汁，牛柳夠嫩同好有牛味，大蝦開頭以為只係陪襯，但食落夠鮮，肉又夠實，一隻真係唔夠喉! 黑椒汁食落亦都同出面唔同，黑椒汁係特別香，唔通呢個就係丹麥風味既黑椒汁? 兩位女仕胃口唔大，食完扒餐試唔到佢D 甜品了，但睇隔離檯食個賣相幾好，期待下次覆桌再試佢既甜品!

又到左介紹觀塘美食既時間啦🥳 今次係巧明街到揾到間幾抵食既西餐介紹比大家😚我地就叫左2個套餐 套餐已經包括左soup/salad, main course 同drink😋 主菜我地就揀左法式寶雲酥羊架同海鮮燴飯 羊架我地配左燒汁薯蓉 有3大件羊架 面頭舖上麵包糠 肉質鮮嫩多汁 加了檸檬汁 味道昇華不少👅 海鮮燴飯有大蝦 蟹肉同青口 蝦肉新鮮爽口 加上啖啖蟹肉 好味又滿足👍🏻另外 我地仲點左一客鵝肝多士做小食 味道有驚喜 估唔到咁平會有2件厚過多士既鵝肝 煎得好香 油香滿溢 好正🤤套餐加$20仲有甜品 我地要左一份意式奶凍同一份丹麥朱古力餅 奶凍面層係士多啤梨醬 酸酸甜甜配上奶香濃郁既奶凍好夾🍓 丹麥朱古力餅出面唔常見 係一大塊朱古力入面包含左2件餅 味道較甜 不過幾特別🌟

炸海鮮籃🦑🦐🐟 ($68)朋友好鐘意食炸野，所以我哋就叫咗依個炸海鮮籃，一嚟到估唔到小食都會咁大份！！炸蝦餅🍤，炸魚🐟同炸魷魚圈🦑每樣都有幾舊，仲有海量薯條添🍟😍。中間有一大盤沙律醬俾我哋點🤤。炸海鮮全部都好有鮮味，其中我最鐘意食炸蝦餅🦐，好彈牙同有蝦味。朋友就最鐘意食炸薯條🍟，話大大條好有薯味同鹽味😂。大蝦牛柳🍤🐄 ($168)見依到嘅鐵板係招牌🤩，就揀咗我最鐘意嘅蝦加牛鐵板餐🦐🐮，另外仲有薯條同黑椒汁🍟。牛嘅鐵板紋好靚，切開五成熟剛剛好🥩，肉質鮮嫩，超級林，好有牛味，依個價錢嚟講絕對係超級無敵高質👍🏻。大蝦用咗蒜蓉調味，好惹味，肉質彈牙新鮮🍤。另外個黑椒汁加薯條都好好食🍟。海鮮燴飯🦀🦐 ($88)驚唔夠飽我哋仲叫咗個燴飯，飯上面有好多蟹肉🦀，蝦🦐同青口。張蟹肉撈入意大利燴飯到，食到蕃茄酸酸甜甜嘅香味🍅，同海鮮嘅鮮味。飯嘅質感幾好，唔會太林太濕，粒粒分明👍🏻。另外兩個餐都包咗沙律🥗（或者餐湯）同飲品🥤，沙律大大碟，加埋黑醋好開胃🤩。🦆結論係The Ugly Duckling又平又多選擇又好食，推薦附近嘅打工仔同街坊嚟食！！🦆

鴻圖中心既食肆越黎越多今日經過觀塘，又黎食個lunch 先，今次去the ugly duckling試下先成間鋪都好多鴨仔既裝飾睇下menu有咩好食先～我地點咗2個lunch set, lunch set配有沙律/餐湯+餐飲沙律🥗有西瓜、車厘茄、生菜是日餐湯，羅素湯～焗三文魚柳飯（$108）三文魚用錫紙包住拎去焗，魚柳下面墊咗d蔬菜🥬～炸魚薯條$98 炸魚好大舊，粗薯好好食啊，如果薯條份量再多d就好了，真係好好食加$20有麥丹朱古力餅，呢個甜品係我呢餐既至愛，好似成舊朱古力放落口咁，好好味🤣餐飲分別點咗凍檸茶同熱檸茶～

鴻圖中心地下有多間不同料理的特色餐廳,而且座位舒服是打工仔的一個不錯的選擇。是日放左工同同事去左The Ugly Duckling食晚飯。大家分別叫左大蝦牛柳鐵板餐同香烤蕃茄腸仔煙肉燉牛肉飯，套餐會送是日餐湯同餐飲，我地仲加左$20叫左一個丹麥朱古力餅甜品。大蝦牛柳鐵板餐: 大蝦真係冇叫錯，比平時的大隻。厚切牛柳，好有咬感。同事配茶叫左薯條，外脆內軟，我偷食左唔少~~香烤蕃茄腸仔煙肉燉牛肉飯: 喜出望外的一個飯，材料配塔得很好香烤蕃茄汁十分惹味，而且腸仔同牛肉份量絕不孤寒。丹麥朱古力餅: 其實是朱古力磚，但內裏有餅乾，不會太甜，像放大和變硬的麥提莎。

夜晚搵地方食飯去鴻圖中心望下， 見到呢間鴨仔~有d茶記feel~ 都冇咩人，想食飯坐低試下~ 叫咗個鵝肝扒飯… 套餐形式有前菜有湯加錢要咗個甜品， 其實應該都算係一間正式嘅餐廳， 菜品嘅質素唔錯，應該話廚師嘅手勢有驚喜， 其實材料當然唔會好高級~百幾蚊嗰餐， 但大廚師嘅手勢將材料控制得好好，鵝肝好夠香~ 真心唔係好cheap嘅貨， 牛扒煎得啱啱好 冇纖維但係冇肉鬆粉味~正~~朋友食嘅羊扒畀我試咗一啖~都唔錯， 個奶凍其實真係一流，不過我就唔係好like佢啲醬， 唔知有冇純味叫呢~ 呢間真係可以再嚟…

餐廳：The Ugly Duckling (觀塘)地址：觀塘巧明街94-96號鴻圖中心地下5D-E號鋪之前去過鴻圖中心地下食飯，見到嗰度好似一個小型food court咁樣🍴，今次再次去到呢度食晏，去咗廣場正中心嘅The Ugly Darkling鴨仔冰室餐廳四周圍有唔同嘅黃色鴨仔裝飾🦆，唔知你又搵到幾多隻呢？而餐廳仲有唔少懷舊唱片同唱碟機📻，有一種返返去七八十年代嘅世紀咁呢間餐廳主打西式菜式，除左有各款燴飯同肉類之外仲有唔同嘅鐵板套餐，價錢由$65至$188不等中午時分黎食都幾多打工仔，亦有唔少人係叫外賣🥡，黎食嘅話可能就要早少少叫左個鐵板大蝦牛柳($168)同法式寶雲酥羊架($158)，是日靚湯仲有周打魚湯😍，用料都唔差，好耐都冇食過鐵板確實係一種風味♨️，不過兩款扒都有少少over-cooked，如果火候可以控制返好少少就好喇💪🏻，不過賣相同份量都唔差嘅，老細仲好好請左雪糕我哋食添

今晚同男朋友黎到觀塘，上網見到呢間好似唔錯就決定要黎上下🤭佢既裝飾幾懷舊仲有幾隻鴨仔好得意☺️一去到就好貼心比左兩張紙我地放口罩我地分別叫左一個大蝦牛柳，仲有西班牙多汁豬扒～個dinner set包餐湯/沙律🥗我同男朋友都簡左餐湯係薯仔湯，呢個好出色，好重薯仔味有d似忌廉湯跟住到個主菜，佢個樣都幾唔錯🤤係港式扒房咁樣🤭大蝦好入味煎得好香，都幾大隻牛都煎得好靚唔想太熟！到我個份豬扒個肉幾多汁，我好鐘意呢隻粗薯條！加埋黑椒汁好夾最後包埋兩杯餐飲～Overall 覺得好抵食，環境都唔錯☺️

近排疫情放湲，即刻出去觀塘工廈尋寶。行過見到有間西餐叫 The Ugly Duckling, 覺得幾得意,比個名吸引左, 就去試下。佢似一間置身於food court中央既餐廳,沒有華麗裝修,但有特別小擺設,例如呢部cd機, 店主播張國榮既歌,有taste。叫左2個set lunch, 跟餐上corn soup, 好快就有。夠甜味,而且都幾多corn。叫左一個羊架同一個西冷牛扒, 上菜時會叫你用塊紙巾擋住, 然後佢就淋黑椒汁, 好有食港式扒房豉油西餐既feel。個羊架冇蘇味, 而且d 肉夠淋,唔會似有d餐廳咁咬唔開, 呢個羊架值得一試。個西冷牛扒少有地係5成熟上, 平時HK食牛扒都煮都好熟, 叫5成比7成,叫7成比全熟, 呢一點佢地做得好。所以可以食到軟熟肉汁, 配上黑椒汁,好味。餐飲叫左一杯熱啡同一杯凍啡。正正常常。

聽其英文名，以為她是一家有點高檔的餐廳，查看openrice的圖片及餐牌，都覺得挺不錯，實際是一家很有地道文化的西餐廳 — 鴨仔冰室！位於九龍灣商廈的一個food court，相信佔food court的比例也不少。餐廳的枱布用上經典的紅色格仔布，卡位設計，很有地道文化的風味。➡️ 芥末汁雞胸意大利飯 $88，雞胸是估不到的不柴不乾超 juicy！Risotto 黏度不錯，而且不會太膩。➡️ 丹麥豬排配薯條 $108，薯條好味，網燒豬扒更出色！既鬆軟又有豬味，不比西班牙豬差！（雖然我沒有點西班牙豬xd）很久沒吃過西餐，見她的前菜價錢很相宜，放任點了三款，食物布滿全枱很治療～➡️ 白酒忌廉藍青口 $48 size也不小，頗肥美，白汁帶酸味，在這炎熱天氣很是消暑。➡️ 丹麥豬丸 $38 四粒勁大粒很飽肚，肥瘦適中，還跟沙律，這款很超值。➡️ 凱撒沙律 $58 吃西餐必點。

呢間餐廳有唔少鴨仔，餐廳裝修有少少懷舊風味，而且播放着懷舊歌曲。座位有梳化，都坐得幾舒服。午餐有一啲焗飯、意粉或者主菜。午餐跟沙律或餐湯及飲品。叫咗牛柳大蝦鐵板餐，可跟薯蓉、薯條或飯。牛柳唔會太老，上鐵板時比較生，所以自己可以按自己喜好整熟啲。蝦都好新鮮爽口，亦都揀咗燒汁，味道唔會太重，薯條卜卜脆。另外叫咗羊架，都係鐵板上嘅。有三件羊架。羊味幾香，羊肉又夠林，唔錯。揀咗燒汁。不過燒汁味唔算太突出，薯蓉幾細滑，軟綿綿口感，帶點牛油香。餐廳食物比想像中好食，鐵板餐有懷舊風味。