鴨仔冰室 (已結業)

同朋友黎開觀塘附近，佢話鴻圖中心果邊有間好抵食又好味既西餐廳要帶我去試下，餐廳位於中間多眼位置，燈光好浪漫柔和，好有氣氛，而且仲掛住好大隻鴨仔响門面做生招牌好易認又好duck意，由於想食既羊架賣晒，所以職員推介我地叫左大蝦牛柳鐵板配飯，而我就叫左碟西冷扒。落完order之後職員就拎左兩碗忌廉粟米湯黎，粟米蓉好滑個湯應該係自家制既，大蝦開邊彈牙，牛柳好淋易切。西冷扒好大塊配薯蓉，薯蓉好creamy好滑，好好味，甜品叫左杯士多啤梨奶凍，好香奶味配埋酸酸甜甜既士多啤梨醬真係好夾。

觀塘環境超好扒房環境係觀塘黎講可以講係非常靚，坐得又舒服唔迫，加上有d黃色鴨仔，帶女性朋友黎一定好開心。服務好貼心，有唔明果陣侍應會加以講解，不過侍應係講英文的，要留意返。食物質素極高，性價比極高，以200蚊樓下食到呢個質素絕對超值。首先我地叫左西冷牛排$158加鵝肝$28，跟南瓜湯｡首先西冷牛扒煎得非常出色, 入面啲肉汁仲保留喺度, 完全唔會有雪味｡本身我鐘意食鵝肝，食完真係覺得加28蚊有咁大舊係超值又好味。另外配薯蓉亦都好好味｡另外,叫左個烤三文魚$108配菜，烤焗得非常香噴噴，好野味。叫左個酒煮青口$48，食落好香口，亦好帶到酒味，唔錯既配合。

今日嚟到觀塘鴻圖道覓食，聽朋友介紹有間餐廳好好食，是丹麥廚師主理的，所以決定去試。入到餐廳，鴨仔的佈置很好可愛，枱布亦係採用傳統紅白格仔，帶有外國風情。餐廳會為每位客人送上裝口罩袋，十分體貼又衛生👍我地點咗一個牛柳大蝦配白飯嘅套餐，沙律菜爽翠醒胃，有好香嘅橄欖油和意大利醋， 酸酸甜甜的。牛柳七成熟，肉質嫩滑還保留肉汁，牛味十足。開邊大蝦十分大隻，微微的焦香蝦膏相當吸引，入口爽口彈牙相當鮮甜，啖啖蝦膏十分惹味😍我地還點了一個白酒忌廉藍青口，醬汁非常清新。原來白酒和忌廉的配搭好合襯，更突顯藍青口的鮮味。藍青口還好肥美👍不得不讚的鵝肝多士，份量十足，厚切的鵝肝味道濃郁，加上香脆多士和秘製醬汁味道超好味。＄48兩件十分超值👍食埋個香蕉船作甜品，真是一個超值美味丹麥晚餐🥰🥰

呢排疫情緩和咗，好久都冇約過朋友食晏，今日去觀塘攞訂購貨品，順便約朋友行下街，睇下附近有乜嘢好食。我地行到鴻圖中心，見有間叫鴨仔冰室，門口掛咗大大隻B Duck，好得意，環境佈置又舒服，就食呢間啦🤗我地都鍾意食牛，所以大家都叫咗鐵板大大蝦牛柳餐，有餐湯同飲品，餐湯係南瓜湯，南瓜蓉綿滑，湯夠creamy,稠少少就更加好😋鐵板大蝦牛柳配燒汁，我要薯蓉，朋友就要薯條，燒汁其實係蘑菇汁，侍應哥哥淋汁落鐵板，吱吱吱…,即聞到好香嘅蘑菇味,個汁好好味🤩,大蝦鮮甜肉爽😋，牛柳五成熟，肉汁豐富，好冧，肉味濃，好食到唔停得口😂,薯蓉牛油同奶配搭適中，唔膩口，薯條香脆😋飲埋杯凍檸茶，真滿足🥰

好耐無過嚟觀塘，平時喺觀塘返工嘅友人帶路嚟工廠區呢頭搵好嘢食。我哋各自點咗一個套餐，包主食、餐湯/沙律同飲品一杯。沙律係田園沙律，口感好清爽，味道酸酸地幾開胃。餐湯係綠豆湯，真材實料味道好濃郁。炸魚薯條 - 炸魚份量十足好大舊，薯條厚切食落更有口感。招牌西冷牛扒 - 牛扒上檯時約五成熟，可按喜好喺鐵板再加熱燒熟。牛扒肉厚多汁，咬落韌韌地幾有嚼口。跟碟嘅薯蓉好香滑味道唔錯。意式奶凍 - 上層淋咗士多啤梨醬，味道酸中帶甜，奶凍口感好軟滑。

去觀塘一帶買完嘢 有啲餓 早早地 一個人搵冷氣地方食early dinner-美式雜扒晚市套餐 (西湯加主菜加飲品 $158)🥣青豆濃湯好多款式嘅西湯 我都鍾意 青豆湯看似清淡單調 飲落口感綿滑豐厚 青豆之外 加咗薯仔同少量洋蔥攪拌 再灑啲鬼佬芫茜喺湯上面 整體味道唔錯 加啲火腿碎 會更惹味-🥩🥓🍝🥕鐵板雜扒跟意粉個雜扒屬於大堆頭製作 有雞扒豬扒火腿煙肉巨型施華力腸 淋上黑椒汁 味道口感同樣豐富 伴碟嘅薯菜 份量亦多 又有意粉 食極仲有 除非好肚餓 否則未必食得哂 建議自備器皿 盛起一部分 咁可以留啲胃口 食埋甜品先走人-🥤凍檸茶密密鋸扒密密食 叫杯冰凍少甜檸檬茶 消滯解渴 繼續加油努力吃💪-🥪香煎鵝肝多士 ($48）隔離枱份多士好吸引 明知自己眼闊肚窄 都情願叫埋 鵝肝切得厚 煎得香噴噴 油香滿溢 滲入多士度 既邪惡又香口好食😋-📍觀塘巧明街94-96號鴻圖中心地下5D舖 The Ugly Duckling

今晚又喺觀塘搵食，揀咗間近牛頭角既工廈地下既餐廳。入門口餐廳就喺中庭位置，鴨仔既擺設好楊眼，好易搵到間餐廳。餐牌好簡單，晚餐可以揀鐵板類或飯類，我地揀咗一個鐵板餐一個飯餐餐湯或沙律：鮮蕃茄濃湯，用新鮮蕃茄製作，仲食到粒粒蕃茄肉；沙律菜新鮮配上醋汁好開胃大蝦牛柳鐵板配薯菜：牛牛鐵板上菜，淋上黑椒汁，渣渣聲已經聞到香味，大蝦彈牙，牛枊五成熟，放上鐵板燒一陣啱啱好，肉質嫩唔鞋口海鮮燴飯：有蟹肉、蝦同藍青口，飯質軟硬適中，醬汁香濃，拆咗既蟹肉配埋飯一齊食，口感豐富工廈有呢個質素真係唔錯！

去開牛頭角做嘢搵到呢間西餐幾抵食就試下，所有套餐都包括餐湯/沙律同飲品，我第一次飲青豆湯，本身對青豆好反感，但原來青豆蓉湯都幾清甜，口感好creamy，沙律菜新鮮爽脆招牌西冷牛扒($158)加鵝肝(+$28) 可配飯/薯條/意粉，有燒汁同黑椒汁揀，西冷夠厚身，肉質軟滑有嚼勁，肉味濃郁，鵝肝入口細膩軟滑什菌松露燴飯($65)加配雞胸(+$18)，意大利飯好煙韌，個汁稠而不膩，什菌爽口彈牙，雞胸如果煎香下會更加好食自家製甜品(+$20)有意式奶凍同丹麥朱古力餅，奶凍入口滑嘟嘟，奶香十足，朱古力餅就比較甜，朱古力味好濃郁

平時成日去觀塘都會黎愛琴坊搵食😛今日就黎呢間鴨仔西餐試下。.大蝦牛柳 $168整個用懷舊鐵板上，好有feel🥰大蝦燒得好香，新鮮爽滑彈牙。牛柳煎到五成熟，不會過韌又有肉味，配埋黑椒汁好夾。薯蓉好有薯味，係新鮮薯仔壓成既味度🤩.海鮮燴飯 $88有蟹肉、蝦同藍青口，海鮮份量都多，醬汁係蕃茄，個飯好fresh，同海鮮好夾.鵝肝多士 $48呢個價錢其他地方一定食唔到鵝肝多士，仲要好大舊，配埋黑醋汁作為前菜好開胃👍🏻.套餐仲跟餐湯同飲品，好飽🤣

觀塘又有好野食👏#kwuntongfood今次去左昨鴨仔主題嘅丹麥餐廳据扒😍見到招牌好吸引呢~地點係近牛頭角的愛琴坊超多鴨仔的佈置呢~仲有好靚之樂器-手風琴及埋唱片機~坐底就有口罩套送，認真貼心😉我揀左個set dinner: 大蝦牛柳先黎一碗餐湯（露荀湯）跟住就到主菜啦 : 大蝦牛柳牛柳好稔又夠嫩~可以飯,薯條或薯蓉😁我揀左薯蓉，份量十足，仲有紅蘿白同西蘭花，完美均衡😚配上蒜蓉汁更加滋味~再加埋杯解渴嘅凍檸檬茶❤️好enjoy 嘅一個晚餐💞#uglyduckling#theuglyduckling#hkig#hkfoodie#kwuntong#steak#prawn

今日去了觀塘！同朋友去了鴻圖中心食飯我們選了一間門口有部古舊的黑膠唱碟機！好有懷舊的氣氛！我們點了沙律菜好新鮮，沙律汁酸酸甜甜好開胃！法式寶雲酥羊架 配 薯條 羊架好香好有肉味！7成熟剛剛好！肉質嫩滑！寶雲酥增加了脆脆的口感！美式什扒配 薯條有豬扒、雞扒、火腿、腸仔、煙肉好豐富！🤤鐵板燒得紅紅的！上台時支支聲好有小時候食鐵板扒餐的感覺！甜品士多啤梨奶凍上面的士多啤梨醬好香，下面的奶凍好香好滑！👍🏻👍🏻👍🏻

今日早左一粒鐘收工，即興約左個係官塘返工既舊同事食飯，佢推介左呢間丹麥菜話食過一次覺得唔錯，但lunch hour行過去太遠所以平時無乜機會食，今晚一於同佢試下啦！😀我叫左個大蝦牛柳拼薯蓉，朋友叫左個丹麥豬扒拼薯條，另外跟餐加左個丹麥朱古力餅share～我嘅大蝦牛柳薯蓉分量都幾大，勁多薯蓉，入口幾滑，重奶味同幾creamy，但又唔會話好膩👍牛柳都好有份量，外層香脆裡面juicy，唔錯唔錯😁 不過就略嫌隻蝦有啲啲唔夠爽😅朋友話丹麥既豬出名靚，而且佢係一個薯條精，所以呢個餐岩晒佢🙈 豬扒幾嫰滑，薯條好厚實，佢話食完勁飽😂 好抵食，而家呢間餐廳係極少數唔駛收加一既西餐👏👏最後就係個丹麥朱古力餅，連個碟都係凍嘅😁 裏面嘅朱古力入口細滑，中間係夾左層酥餅，味道係好食！不過我自己唔太食得甜食到後尾就覺得有啲“漏”，但我對面果個食得非常滋味清晒😂😂 我強烈推介呢個甜品俾chocoholic👏👏👏

The ugly duckling 🐤🐤🐤全部都用左鴨鴨裝飾 上網話係丹麥餐廳 但我就覺得係多國菜 好似乜都有得食 印度烤雞西班牙菜 丹麥肉丸 鐵板牛扒最後都係揀西餐 鋸扒🔪🔪法式寶雲酥羊架🐑 3大舊羊架 焗得剛剛好 不過愛吃羊既朋友應該覺得無咩羊騷味 但我都食到 舐舐脷😋西班牙多汁豬扒🐷 帶骨豬扒 其實一上菜 職員就幫手上汁 咋咋聲勁香噴噴 睇落去已經好吸引 佢地既薯菜都好出色 唔係一啲炸到脆卜卜又無薯仔既薯菜 正好唔太熱氣 食埋啲薯菜就岩岩夠飽 好full啦

好耐冇去過觀塘，放假去行咗一陣發現原來工廠區翻新過，多咗好多好嘢食。比呢隻鴨仔吸引左，我就去試咗呢一間冰室。一睇以為係香港茶餐廳，原來其實係丹麥菜嚟嘅，主要係食扒同燴飯。Menu得兩張，簡潔整齊，全部都跟套餐嘅，有餐湯或者沙律同埋嘢飲。卡位同卡位之間坐得好闊落，鋪面周圍都有唔少鴨仔嘅裝飾，好鬼得意。我叫咗個丹麥豬扒配薯條（$108），睇個樣幾試正，以為冇乜驚喜但點知切落好林好juicy，有點意料之外！豬扒煎得好香同時又唔奀，每一啖都好多汁，真係值得推介。薯條炸得香脆，皮薄熱辣辣，非常好食。餐湯係粟米忌廉湯，食得出係有料嘅，忌廉味都好濃。加$20仲有甜品，我叫咗個丹麥朱古力餅，因為之前未食過類似嘅，第一次食覺得都幾新奇，有啲似brownie但係中間再會夾幾塊糖餅，對我來講有少少甜，但係鍾意食甜品嘅可以一試。呢度上餐既速度亦都非常快，用餐期間我都聽到唔少人特登嚟試，總括來講係一間開係工廠區入邊但係又幾有特色嘅丹麥菜。

臨收工我最好個同事先話今晚冇飯食😅要我陪佢一齊食喎🤨仲話想請我食添😆😆有老闆梗係要賞面啦🥰鴻圖中心好多選擇...記得有間西餐主廚好好廚藝，之前已經想試呢度嘅大蝦牛柳🤤🤤今晚終於可以食到🥳🥩Danish Juicy Pork Chop 丹麥🇩🇰豬扒又真係幾好食喎😋多汁得嚟又唔韌，網燒到外層甘香👍🏽仲配埋粗薯條🍟🤩🥩Surf & Turf 😍我最期待嘅主菜🥳大蝦燒到乾身內裡爽口彈牙😋牛柳比較淋身肉味濃🤤燒到五成熟啱啱好💯🥣🥗🍮最後加埋個甜品Panna Cotta🇮🇹意式奶凍Perfect💓💓