鴨仔冰室 (已結業)

好耐無過嚟觀塘，平時喺觀塘返工嘅友人帶路嚟工廠區呢頭搵好嘢食。我哋各自點咗一個套餐，包主食、餐湯/沙律同飲品一杯。沙律係田園沙律，口感好清爽，味道酸酸地幾開胃。餐湯係綠豆湯，真材實料味道好濃郁。炸魚薯條 - 炸魚份量十足好大舊，薯條厚切食落更有口感。招牌西冷牛扒 - 牛扒上檯時約五成熟，可按喜好喺鐵板再加熱燒熟。牛扒肉厚多汁，咬落韌韌地幾有嚼口。跟碟嘅薯蓉好香滑味道唔錯。意式奶凍 - 上層淋咗士多啤梨醬，味道酸中帶甜，奶凍口感好軟滑。