鳴虎 (已搬遷) 新店位置

日本手工最出名，最吸引人的當然就是貼心的感覺，細心的服務，拉麵店也是如此，所以十分吸引我。這間拉麵店位於將軍澳，鄰近地鐵站，位於大型商場之內，路程只需要五分鐘左右，十分方便快捷。而這天點選的拉麵就是赤鳴虎，最喜愛就是他湯底，帶有陣陣香辣的味道，充滿著香辣的味道，配搭麵條橫掛滿了湯底，更能帶出真感覺。麵條更能選擇自己喜愛的硬度，牙力不好的也無須擔心。另外我還點選了炸雞，經過油炸的食物，本來擔心會不會十分熱氣，但新鮮即叫即炸，卻能把味道保存適宜，內裏肉汁鮮嫩，軟滑又可口。

鳴虎 (將軍澳)將軍澳貿業路8號新都城中心3期1樓161-162,169及171-174號舖黑鳴虎$88博多黑蒜油拉麵，配上濃厚嘅博多黑蒜油調味，香濃惹味，層次豐富。叉燒勁肉多膏少，咬開撕裂感強，肉味濃郁。綠虎$88加入四國香蔥油，香氣更上一層樓。豬骨湯底堅抽，濃郁湯底打穩咗拉麵嘅基礎。麵質柔靱彈牙，條條分明又細滑，加上湯汁濃郁，味道一絕。我哋點咗香葱油口味同黑蒜油口味兩款，各配温泉蛋同叉燒紙菜，好滿足！半熟蛋追加$8叫拉麵會有一隻流心蛋，糖心 黃有部分凝固又有部分流心，口感相當好又有蛋香，太好味特意加一隻。芝士魚餅拼魚條$38非常唔錯嘅小食，魚餅口感鬆軟，香甜可口，其中兩片仲有流心芝士，味道濃郁，正！肉餃子$36餃子外皮脆卜卜，裏面肉質鮮嫩，肉汁鎖喺香脆外皮之內，非常惹味！

係寶琳新都城逛街行到攰攰哋，👀呢間新開張嘅「鳴虎」，裝修簡潔，座位寬敞乾淨，於是便入內醫下個肚！菜單上好多款式，尤其我的至愛丼飯及小食 # 蒲燒鰻魚丼 $68 ～ 鰻魚燒得剛剛好，魚肉滑得嚟又有咬口，而且煮汁將鰻魚的味道提升，配合埋粒粒煙煙韌韌嘅白飯，真係冇得彈！# 札幌香蔥豚肉丼 $58 ～ 豚肉醃得好入味， 肉又夠嫩，加埋啲香蔥一齊餸飯，超# 鳴虎炸雞 $42 / 芝麻雞翼 $38 ～ 外皮炸得脆卜卜唔油膩，內裏雞肉好嫩滑醃得夠味，吱埋幾滴🍋汁，真係食到停唔到口 # 芝士魚餅拼魚條 $38 ～ 芝士餡嘅魚餅，食落好有質感、好惹味

商場開咗間新嘅日本餐廳，主要系食拉麵及日本小食為主，另外亦見到佢有丼飯提供。不過今日主要都系想食拉麵，見到Menu有幾款顏色代表唔同味道嘅拉麵選擇。我地今日揀左赤虎、鳴海老。赤虎主打香辣惹味，湯底真系唔系講笑既辣度，越食越辣，鐘意食辣嘅人一定唔好錯過。兩塊豚肉叉燒立即充滿辣味。鳴海老湯底帶有海鮮味，味道唔會好似其他拉麵店咁咸，櫻花蝦充滿每一啖拉麵，份量不少。另外我哋都叫一份芝麻雞翼，即叫即炸，滋味香口值得一試。

放假行經新都城中心3期，估唔到[鳴虎]都開到嚟將軍澳😊座落於商場嘅拉麵店座位間隔更加闊落，舒適。圍著店鋪都有水耕植物作裝飾牆，綠油油一片眼睛好舒服。龍蝦沙律夏天吃特別清新！像極了一球雪糕😋，果然吃到啖啖蝦肉。鳴海老最掛住嘅就係依個蝦湯底拉麵，集合咗北海道鮮蝦，櫻花蝦粉，蝦嘅味道濃郁得來還是有層次的，加入了味噌，同時突顯蝦嘅鮮味！配料也相當不錯，原隻糖心蛋，蛋白好柔軟，蛋黃亦有流心嘅效果。👍🏻麵條質哋較為粗及挺身，食到最後都唔會冧身。😋👍🏻炙燒過的日式叉燒，香口亦帶點油脂，肉質軟腍又大塊，配襯着濃郁嘅湯底着實美妙～有不少加配小食~ 由於一碗拉麵份量啱啱好而且相當滿足，只加配紫菜和糖心蛋😋鳴虎（日本魚乾豬骨湯拉麵）同樣是人氣湯底，堅魚豬骨湯底感覺較溫和，鰹魚味並不突出，反而豬骨湯味是那種熬煮過的醇厚風味，配料也是滿滿的：木耳，紫菜，青蔥缺一不可！學生割引，穿校服有九折優惠！

依家寶琳都多咗拉麵既選擇，今次去試3期既呢間拉麵，店舖係好開揚，坐得都舒服啲。#赤虎 💰98 呢款係濃厚辛口拉麵，食得辣既朋友當我要試試佢！拉麵一黎既時候都聞到好香好香，令人流曬口水。呢間既拉麵其中一個吸引位係佢有全隻既流心蛋！麵係幼身，所以特別吸湯！叉燒係肥美同大塊啲。#鳴海老 💰88 呢款係蝦味噌豬骨湯拉麵，加入咗北海道鮮蝦、櫻花蝦粉、味噌味好夠出，湯底好濃味，同時又食到既鮮味。中意蝦味既朋友一定要試吓！

經過難得見到有新開嘅拉麵店🤤🤤🤤當然要去試吓啦因為係啱啱開 所以剩係得拉麵飯嗰啲遲啲先有得叫今次就叫左黑蒜油豬骨湯拉麵叉燒十分軟熟入味配料都算多可惜嘅係隻蛋切開唔係流心蛋但係湯底十分出色希望佢快啲有飯 可以試吓其他嘢啦

𝒥𝒶𝓅𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝑒𝓊𝓃𝑔 𝒦𝓌𝒶𝓃 𝒪餐廳周邊有啲𝘦𝘤𝘰 𝘴𝘺𝘴𝘵𝘦𝘮有水管同埋透明發光膠箱黎種沙律菜，真係𝘧𝘢𝘳𝘮 𝘵𝘰 𝘵𝘢𝘣𝘭𝘦😂夠晒𝘧𝘳𝘦𝘴𝘩🌟鳴虎魚乾豬骨湯拉麵 （$86）湯底非常濃厚😍而且食落唔會覺得油膩，麵身偏幼口感少少硬，非常掛湯。整體配搭得幾好，材料都好豐富🤣🌟綠虎香蔥油拉麵 （$88）中意佢呢度既溏心蛋有係日本食既味道 果種煙熏味👍🏻👍🏻不過比起魚乾果個冇咁重味，啱晒健康既我，飲左好多湯😂🌟小食：芝士魚餅拼魚條（$38）一上枱好香魚餅味 ， 咬落去口感一般，食左幾啖就好濟 。📍鳴虎 𝐍𝐚𝐤𝐢𝐭𝐨𝐫𝐚 𝐑𝐚𝐦𝐞𝐧將軍澳新都城中心3期1樓161至162，169 及171至174號舖

新開張去試下，叫左兩個拉麵，兩個小食，麻醬菠菜，燒叉燒，份量好少，唔抵又唔好食，拉麵等左25分鐘先黎，豬骨湯底還可以，但櫻花湯底超級咸，食完好喉乾，最敗筆係碗拉麵，麵質好硬，食完胃痛，才驚覺點解冇問人客麵質要求？🤔總之幫襯過就算，冇下次😬

經過新都城三期，見新開了一間拉麵店#鳴虎 , 喜歡嘗新的我便即進入☺️，餐廳佈置得簡單精緻，坐位闊落舒適。餐牌食物選擇主要有拉麵，5款口味可選，赤虎、鳴虎、海鳴虎、綠虎、黑鳴虎，仲有丼飯、小食和飲料🥤。 我點了紅虎，辣味嘅湯底不是太過辣，叉燒肥瘦比例適中，配有原隻溏心蛋、木耳及一片紫菜，溏心蛋蛋味香濃，拉麵爽彈煙韌份量足，食完都很飽了。老友見到相片便即點了綠虎，因佢係蔥迷，上枱時我都聞到蔥的清香，試飲了佢嘅豬骨湯湯底，都幾香濃夠味，相當不錯。 要添加纖維，故點埋青嫩的菠菜，加埋胡麻醬，這個天時食佢，真是清新又開胃！

今晚想食拉麵就拉埋朋友一齊黎呢間新開嘅日式餐廳，店鋪嘅空間都算大，而且係商場入面都好容易搵到。除左有拉麵，仲有唔少丼飯同埋小食可以選擇😊。1. 蝦味噌豬骨湯拉麵湯底味道濃郁，充滿蝦嘅鮮味😋😋，拉麵嚼勁十足，但份量啱啱好係一人份，唔算特別多，所以較肚餓嘅可以加麵，加麵只需要+$8。另外，叉燒肥瘦適中，非常入味😍😍。溏心蛋與其他拉麵店冇咩唔同☺️2. 濃厚辛河拉麵呢款湯底辣味十足，完全可以滿足鍾意食辣嘅人。同樣具有叉燒、溏心蛋。3. 肉餃子餃子嘅外皮酥脆，肉質鮮美多汁，再配合醋一齊食，真係食到津津有味🥰如果想食拉麵，不妨一試。

比呢間鋪門面嘅沙律菜吸引入去，感覺好健康好環保～ 之前去其他分店嘅時候都未有出過丼飯，不過今次我都係想食拉麵多啲，因為係即叫即整。紅虎 $98係辛辣味嘅湯底，辣味十足，麵條糼身，豚肉薄片好嫩👍🏻 另加一份荀$8，爽甜爽甜，因為拉麵內本身冇， 只有半熟流心蛋😋鳴虎 $86日本魚乾湯底，鮮味十足，湯底濃厚，麵條超掛湯好好飲👍🏻 芝麻雞翼 $38我哋都好鐘意食芝麻雞翼，新鮮炸起，脆卜卜又好香口，外脆內多汁juicy😍

同家姐喺新都城行街，經過三期發現新開咗間拉麵店就入嚟試下🍜鳴虎($86)：用上4種鮮魚加上入鳴虎豬骨湯底熬煮，入口鮮甜令豬骨湯嘅層次更加豐富， 碗湯飲曬都唔會覺得口渴！拉麵軟硬適中，配料份量啱啱好！綠虎($88)：四國香蔥以蔥香出名，豬骨湯湯底濃郁但口感唔黏稠仲帶有清新嘅蔥香，望落好似唔係好多蔥但入口香氣四溢！半生熟嘅日本蛋蛋味香濃！叉燒肥瘦適中又唔會太過薄，仲有兩塊咁多！胡麻菠菜($38)：菠菜加上胡麻醬，冰涼又開胃！但係如果份量可以多啲就更加好啦😆芝士魚餅拼魚條($38)：強烈推介芝士控一定要叫，啖啖都係濃郁嘅芝士味🧀 好味到想外賣返屋企可以日日有得食😍本身想試埋丼飯，但因為餐廳剛剛新開張店員話聽日先開始有飯類，唯有下次再嚟試啦😊

有一段時間冇嚟將軍澳新都城3期，今日再嚟已經煥然一新，1樓開咗好多食肆，而我哋就揀咗鳴虎👍呢度的食物選擇貴精不貴多，店鋪雖然唔係好大，但好雅致，坐得舒服😄鳴虎～湯底係用日本魚亁豬骨熬成的，我哋加咗$8加麵（麵另上）湯底超正👍每口都鮮味十足，材料有日本火炙黑豚肉，大怱粒，紫菜，木耳和唐心蛋😋黑鳴虎～即係博多黑蒜油拉麵，湯底好濃，好香😋拉麵爽口彈牙，再配有2大塊日本豚肉，原隻糖心蛋，仲有木耳絲和紫菜😋鰹魚浸菠菜～1小碟，青嫩的菠菜帶有鰹魚的鮮味😋

鳴虎係將軍澳開了新店，適逢週末，反正不想煮飯，即刻去試下MENU有主打五款拉麵：赤虎、綠虎、黑鳴虎、鳴虎、海鳴虎、丼類和小食等；呢間餐廳以豬骨湯出名，當然要食拉麵啦！點了黑鳴虎拉麵，博多黑蒜油，好香濃，湯底濃郁！拉麵爽口，配兩塊大叉燒、原隻溏心蛋、木耳及紫菜，非常豐富鳴虎拉麵，湯底以日本魚乾及豬骨組合而成， 多了一重魚乾香氣，加上半肥瘦嘅叉燒，我覺得這個質素嘅拉麵，算唔錯小食：芝士魚餅拼魚條，即叫即製，上碟仍然非常燙口，絕對有關東煮嘅感覺，芝士魚餅真心好食，作為小食非常吸引這店剛開不久，埋單才知只收Cash好彩附近有櫃員機，習慣用電子支付的我真係好狼狽