鳳城酒家 (已結業)

Fung Shing is famous for scrambled milk and many other Shunde dishes.I went to this one because it seemed the oldest out of the bunch located in Whampoa near exit D2.Here are the Shunde classics that we had:The scrambled milk is a signature of Shunde cuisine which is delicate and smooth.Next was the crispy chicken which is always tasty.I loved the chicken wings and chicken drumstick as the chicken was flavourful and tender.The Chinese soup was good as it had a lot of mushrooms in it.Prawn toast

香港中菜餐館其實真係相當多，但如果要搵出一間較有歷史就不是太多選擇。今次同好友相聚就去了呢間經典中式餐館，試佢哋嘅經典名菜。鳳城酒家菜式選擇真係好多，但當中嘅經典名菜每次去到都會試。窩貼大明蝦單看呢個菜式已知道多士炸得相當香脆，表面再配上爽滑蝦肉，一爽一脆配合得天衣無縫。生炒桂魚卷廚師先將魚片起骨再包著冬菇絲、火腿絲、筍絲，已相當考廚師手藝，而每卷更可一口一件食得相當方便，大良炒鮮奶炒鮮奶相當滑溜，而且奶味亦很濃郁，這個是一個不錯菜式，用嚟送飯更加一流。菜片鵪鶉崧鵪鶉崧其實是以豬、鴨肉沬及不同材料炒成，配上生菜片同食，類似泰式生菜包，而味道會更惹味，而且口感更豐富。脆皮炸子雞相信不少中式餐館都有呢個菜式，但做到好食就唔係間間做到，今晚鳳城嘅脆皮炸子雞就做到高水準。皮脆肉嫩，咬落去會感受到豐富肉汁。西米焗布甸貴為鳳城必點嘅甜品當然唔好錯過，食完已經好飽，今晚真係大滿足。

屋企人生日 當然去酒樓食飯慶祝今次一於去食下正宗嘅#順德菜黎到黃埔嘅鳳城酒家首先點左個小食 鍋貼大明蝦($98)香脆可口 好岩我口味另外第一次是大良炒鮮奶 ($88)口味清淡且獨特 奶香濃郁另外點左生菜鵪鶉鬆($108)炒得乾爽利落 配生菜吃更爽口當然唔少得脆皮炸子雞 ($138/半隻)炸得皮脆又入味 真心好味👍🏻👍🏻_________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

朋友住喺黃埔，請我同屋企人去佢樓下鳳城食晚飯。佢話平日下午茶呢度好抵食，晚飯都好實惠。首先叫咗蟲草花燉雞湯補下， 唔使300蚊，可以一枱人飲，湯料又多，全冇味精，我飲咗兩碗，飲完覺得即刻靚曬!我最愛脆皮炸子雞，好夠味， 超級脆皮，肉質滑溜。下次來，我會再encore。朋友叫咗西生菜鵪鶉崧，有鵪鶉粒、豬肉粒同筍粒，好惹味，用西生菜夾起來吃，食起來就冇咁油膩。估唔到小朋友好鍾意食。為咗啲小朋友，就叫咗沙律窩貼大明蝦，即係蝦多士。小朋友食得津津有味，大人就可能覺得有點油膩。最後叫左個鳳城炒飯，佢有啲似西炒飯，加咗蕃茄去炒，好有特色，好好味，果然係signature。

今晚同前輩食晚飯，要揀間傳統特色嘅茶樓。佢係順德人，所以我揀咗鳳城酒家。前輩揀咗野雞卷拼炒鮮奶，佢話野雞卷是用肥豬肉捲起，然後炸，再切一片片上枱，所以唔係雞嚟㗎，好考功夫嘅傳統菜。 另外，大良炒鮮奶就係傳統順德菜，呢個我識😎。 我對肥豬肉都係一件起，兩件止。至於順德桂花魚卷，我也是第一次吃，桂花魚卷入面有冬菇絲同筍絲，也是手工菜，魚肉好滑，又有不同口感，好好吃。最後當然唔少得西米焗布甸同 蛋散。 西米布甸，覺得好香， 甜但係唔漏。蛋散好鬆化，好難找到，我好鍾意佢加咗椰絲同花生粒。

今晚同埋啲舊同事聚舊， 唔想佢地去到咁遠，所以就喺佢哋公司附近搵嘢食。我哋上到去鳳城坐低就即刻叫嘢食，呢排天氣唔係咁好，所以特別叫咗個燉雞湯畀大家補補佢。另外點左由細食到大嘅沙律窩貼蝦多士，呢個餸係我必食之選，估唔到個蝦多士水準 可以食番兒時的味道, 值得一讚! 但係我成餐飯食得最多嘅竟然係順德桂花魚卷, 我本身未食過呢味餸, 桂花魚切片捲住一條小筍及冬菇， 最讚係成塊魚片都唔會有骨 ，口感不錯。唯一要挑剔嘅係如果桂花魚片可以再切得薄啲，有嗰種玻璃魚片嘅感覺會好啲， 入口會更加滑溜。

傳統順德菜在鳳城✨之前試過鳳城1954食新派fusion菜今次就試吓傳統嘅鳳城酒家食傳統順德菜有時一大班朋友一齊食飯 中菜其實都係一個非常好嘅選擇😉🔸蟲草花螺頭燉雞湯工作忙碌 最想嘅就係飲一碗靚湯蟲草花螺頭雞湯非常足料 果然係老火靚湯湯渣又有雞腳螺頭豬展肉 有冇人同我一樣都好鍾意食湯渣㗎😀🔸 鍋貼沙律明蝦即係蝦多士 多士炸得香脆 蝦肉又夠爽 正！🔸 野雞卷拼炒奶野雞卷其實係冇雞架😱係豬腩肉卷住火腿 有點肥膩不過火腿非常香 偶爾吃一夠也可以的😝🔸 順德生炒桂魚卷呢個係我當晚嘅最愛 桂魚卷本身冇骨😋所以啖啖肉而且裏便包住筍、冬菇令到更加香 而且口感更豐富🔸 桂花炒魚翅用桂花炒魚翅 清新啲 就咁食或者拌飯都一流🔸 脆皮炸子雞炸子雞最正嘅就係皮脆肉滑 鳳城嘅炸子雞就正正做到呢一點🙈🔸 鳳城炒飯炒飯嘅飯粒係一粒粒嘅 加咗番茄落去炒雖然蕃茄水份會好多 炒飯依然乾身估唔到效果都可以咁好 🔸 高湯粉果粉果嘅餡料係蝦 外皮炸得脆 加少少高湯 好味道🔸 西米蓮蓉焗布丁超級大個西米焗布甸啊 好多西米同蓮蓉食落有啲滯 不過味道真係好好🥰🍽 鳳城酒家 (紅磡)🔎 紅磡黃埔天地美食坊(第8期) 2樓

老闆收工請食飯 ，跟同事商量 話好耐未食過鳳城，跟住就去咗公司附近 黃埔美食坊 搵食， 我哋6個人大約七點半到咗， 可能由於星期一晚 比較少人出街食晚飯的緣故， 所以可以安排即時入座。睇完個菜牌，真係多咗好多選擇，現在連蒸海鮮九層塔都出埋 ， 不過我哋志在食 懷舊手作嘢 ， 所以我哋都係跟住menu點順德名菜 。我哋點咗 : 蟲草花燉雞湯、沙律 鍋貼大明蝦、野雞卷拼炒鮮奶、順德桂魚卷 、鳳城炒飯 ，甜品分別係西米焗布甸及 椰絲脆麻花。 我個人比較推介蟲草花燉雞湯，一窩大約可以有八碗湯 ，清甜足料， 啱曬鍾意食湯渣的我， 仲要麻煩是應不停幫我換骨碟， 服務值得讚賞，

Lucas小食家 成日周圍走， 體驗唔同地方文化同菜式， 反而少咗機會食廣東菜， 一有機會就會想食番百吃不厭嘅家鄉菜。 招牌蝦多士當然係我最愛， 幾乎每一次黎都必定會點， 蝦滑彈牙得很, 依舊 炸得脆脆卜卜。 金光炸粉粿真係唔係度度都食到， 唔好睇少佢，每一隻都有大蝦， 真係有驚喜。 廣東菜唔少得飲靚湯，我地點咗蟲草花螺頭燉雞， 用料充足，有齊蟲草、花螺頭、雞、瘦肉、杞子等等， 令我相當滋潤，簡直係保持靚靚皮膚必備。 順德生炒桂魚卷很不錯，師傅將雨都起了骨， 令大家食得放心，桂魚包著金腿絲、香芹絲和松子仁， 魚肉十分軟滑，成為全晚焦點。 西米焗布甸又是這家店的招牌貨， 內裡有幼滑的蓮蓉餡料， 令我今晚相當滿足。

2019.03.19 😊【尋味傳統順德之美】食在黃埔順德菜 又名鳳城菜 是傳統的廣東菜式在香港屹立了超逾半個世紀的「鳳城酒家」雖然經歷年月洗禮 依然緊守著以傳統的烹調讓客人認識及回味順德菜👨‍🍳經典名菜如炸子雞、蝦多士、西米焗布甸等這天心血來潮跟友人們來到黃埔的分店「尋味傳統順德之美」😋不說也沒留意 原來黃埔店已經有十年以上歷史小妹是個喜愛傳統文化的「老頭子」店內裝潢簡樸 禮堂一體成型的沒有太多柱位不過最討歡心的當然是酒樓老招牌及羅馬小陽台的設計🏛️一場來到 當然是叫店員給我們推薦幾道必食菜色順德名菜總算離不開炒鮮奶及魚當然我們亦不會放過是次機會不過先來碗燉湯熱身吧蟲草花螺頭燉雞很喜歡傳統酒樓的燉湯材料亳不吝嗇非常豐富🍲蟲草、花螺頭、雞、瘦肉、杞子味濃鮮甜 滋補養生 老少咸宜窩貼沙律大明蝦其實就是我們口中的蝦多士🦐一出場果然是大小朋友都喜愛原隻大蝦釀在多士上 有如一個睡美人絕不能放過相機食先的機會上層爽口 下層香脆金光炸粉粿蒸粉粿常吃 可是用炸的還是第一次炸的粉粿外層金光閃閃 口感有如點心咸水角可是內裡的卻大不同 藏了一隻蝦子 不會太膩浸上高湯 味道口感趣緻大良野雞卷併炒鮮奶雖然叫野雞卷

平日好少黎鳳城食只係好細個有食過不過細個都唔係咁識品嚐美食今次食就覺得超好食😍難怪佢起黃埔美食坊餐廳入面算做得好耐1. 魚香茄子班腩煲 ($98)好入味 啲班腩炸過之後外脆內軟2. 果汁牛仔柳 ($108)啲牛肉好薄而且好淋 唔會有根 一切就切得開 個汁好濃味但又唔太鹹 仲要份量唔細 都幾多同大塊 送飯一流3. 脆皮炸子雞 ($138)冇相因為黎到見佢啖啖肉已經忍唔住食咗先🙈忘記咗影 不過真係靚 即炸之餘慢火出細工 超厚肉而且好滑嫩 又唔乾 可以另點鹽等佢多啲味 但係個人認為唔點已經夠味4. 魚湯鮮竹浸菜依個冇乜特別野寫 只可以話啲菜新鮮唔’老’ 魚湯清清地又夠味5. 西米露布甸 ($118)依篇食評叫’好戲在後頭’係有原因架!因為甜品先最正❤️細嘅$98 大就$118價錢差少少不過份量好有分別所以我地揀咗大冇影到佢成盤有幾大已經分咗黎食我諗可以分到8-10碗黎到仲係熱喇喇啱啱焗起嘅樣面用火槍燒過兩層西米露布甸夾住層蓮蓉而西米露布甸超香蛋味🥚食落味道有少少似馬拉糕口感好特別 唔似一般布甸/啫喱個種口感 而係吉士咁😍甜得黎唔漏令人好想食多碗所以雖然話可以分到8-10碗但其實4-5個人都食得

黃埔對我嚟講係一個充滿童年回憶既地方，間唔中就好中意去😁今晚同男朋友兩個黎左黃埔行街順便食晚飯～突然屎忽痕想去酒樓食，就去左美食坊揀，見到呢間老字號而以前又食過覺得ok就入左去😅原本諗住叫一個菜同一個肉或者海鮮，唔知道個蘭花蚌都有豆，就叫左兩碟好相似同好多蔬菜既餸🙈🙈🙈翡翠蘭花蚌嘅蘭花蚌份量唔少，好爽口，蜜豆都好脆口飽滿，無渣👍荷芹雲耳鮮百合炒得幾好， 食落唔覺得油，全部都唔會過熟， 紅黃椒，唐芹，雲耳同荷蘭豆都爽口，連百合都唔會淋，時間控制得好好，唔容易👏可能客人唔算多，酒樓黎講店員服務都算好快同殷勤👍 下次多啲人可以試其他菜式😅

上個星期六(24日)，我和家人一起飲完早茶，便往收銀櫃檯付款。 穿著西裝的女部長，連單都未睇，已經粗暴地對我大吼大叫，要我不要用500元的鈔票支付給她。 我告訴她這是我錢包裡的唯一現金。 我提議用信用卡付款，但她拒絕，只命令我站在一邊，等到她有足夠錢找為此（但她仍然沒有給我賬單，我想知道她怎麼知道她需要多少錢找?！）。我告訴她這樣做是荒謬, 癡線的，她便 不停開口大罵。 最後，另一位顧客為我拿出五張100元的鈔票, 我才可以付錢。我希望所有其他人都要小心那穿著西裝的女部長, 我再也不會去了。

經過黃埔工作，見到鳳城酒家在黃埔新天地，1:00左右去食lunch，2人不用等位，剛剛入得，不過裡面都full,幾多人食緊Lunch 茶錢$10一個，如果1:45 下午茶$5一位野食都等左一陣。。。。。。叉燒包，口感鬆軟椒鹽豆腐，脆口，味濃蛋散，普通，都鬆化但唔夠蛋味仲叫左蘿蔔糕同菜苗餃，不過掛住食，唔記得左影相！！下次再食其實應該等下午茶1:45先抵d。最後埋單$167 (2人) 每人平均$8x，都可以接受

最近飲茶也偏向找些有蛋散吃的茶樓，但十之有九也是沒有的。而難得這家有，當然要試試🤗！星期日中午12點到達，不用等🤗。1️⃣ 芝麻花生蛋散 — 蛋散面灑了些花生碎🥜、芝麻和練奶。蛋散質感鬆化，惟煉奶份量太少，沒有練奶的部分嘗到微微的油味😧。2️⃣ 鮮蝦腐皮卷 — 腐皮卷色澤偏淺，賣相一般，但味道不錯😋。3️⃣ 煎糯米雞 — 蒸糯米雞就經常吃，煎糯米雞還是第一次吃。外層加了雞蛋漿來煎，色澤金黃，口感外脆肉軟，值得一試👍。4️⃣ 蓮茸焗西米布丁 — 味道像奶黃，又帶點蓮茸味，非常綿滑。回味無窮！😍5️⃣ 牛栢葉、叉燒腸 — 普普通通，沒有特別。回頭指數：7/10（想再吃蓮茸焗西米布丁和煎糯米雞☺️）