鳳城酒家 (已結業)

香港中菜餐館其實真係相當多，但如果要搵出一間較有歷史就不是太多選擇。今次同好友相聚就去了呢間經典中式餐館，試佢哋嘅經典名菜。鳳城酒家菜式選擇真係好多，但當中嘅經典名菜每次去到都會試。窩貼大明蝦單看呢個菜式已知道多士炸得相當香脆，表面再配上爽滑蝦肉，一爽一脆配合得天衣無縫。生炒桂魚卷廚師先將魚片起骨再包著冬菇絲、火腿絲、筍絲，已相當考廚師手藝，而每卷更可一口一件食得相當方便，大良炒鮮奶炒鮮奶相當滑溜，而且奶味亦很濃郁，這個是一個不錯菜式，用嚟送飯更加一流。菜片鵪鶉崧鵪鶉崧其實是以豬、鴨肉沬及不同材料炒成，配上生菜片同食，類似泰式生菜包，而味道會更惹味，而且口感更豐富。脆皮炸子雞相信不少中式餐館都有呢個菜式，但做到好食就唔係間間做到，今晚鳳城嘅脆皮炸子雞就做到高水準。皮脆肉嫩，咬落去會感受到豐富肉汁。西米焗布甸貴為鳳城必點嘅甜品當然唔好錯過，食完已經好飽，今晚真係大滿足。