鳳城酒家 (已結業)

朋友住喺黃埔，請我同屋企人去佢樓下鳳城食晚飯。佢話平日下午茶呢度好抵食，晚飯都好實惠。首先叫咗蟲草花燉雞湯補下， 唔使300蚊，可以一枱人飲，湯料又多，全冇味精，我飲咗兩碗，飲完覺得即刻靚曬!我最愛脆皮炸子雞，好夠味， 超級脆皮，肉質滑溜。下次來，我會再encore。朋友叫咗西生菜鵪鶉崧，有鵪鶉粒、豬肉粒同筍粒，好惹味，用西生菜夾起來吃，食起來就冇咁油膩。估唔到小朋友好鍾意食。為咗啲小朋友，就叫咗沙律窩貼大明蝦，即係蝦多士。小朋友食得津津有味，大人就可能覺得有點油膩。最後叫左個鳳城炒飯，佢有啲似西炒飯，加咗蕃茄去炒，好有特色，好好味，果然係signature。