鮮入圍煮花膠雞海鮮火鍋

營業中

休息中

夏日熱辣辣亦無損小妹去食火鍋嘅意欲，閠蜜話之前試過一間火鍋店，發現佢近排轉咗去新場就諗住帶我去試下。一坐低店長就介紹佢地皇牌湯底-花膠雞湯，2個人揀細size 已經好夠，花膠雞湯好足料而湯底介係奶白色嘅，上台後店長就建議我地可以等佢滾咗之後先飲咗個湯先，之後再加高湯打邊爐。$288嘅湯底好足料，花膠都唔算細片而且份量好多，加上真係有半隻雞，換為佢會係你面前幫手剪開成雞件，雞肉煮到份哂味仲已經骨肉分離，滿滿精華嘅濃雞湯嘅骨膠原感爆哂棚，飲完之後你個嘴仔會黏黏地咁，好滋補又養顏。我地每人都飲咁兩碗湯再加上雞件花膠等都已經飽咁6-7成，所以雖然火鍋配料種類繁多，我地只係揀咗兩款先😂我地揀咗原粒帶子鮮肉水餃同脆肉鯇魚片，前者大大粒好飽滿，內餡真係有原粒帶子，後者份量都唔少，大片又厚身，魚鮮味濃，肉厚甜鮮👍🏻下次要搵多幾個好友一齊再嚟，咁就可以試多幾款配料啦😆

疫情慢慢好轉，係時候跟朋友一起外出聚會，難得朋友約好，一於到朋友推薦的鮮入圍煮試試！店子裝修亦十分雅致，座位闊落，兩個人坐空間十分足夠店子主打老火湯火鍋，我們點了花膠雞湯火鍋底。湯底入口鮮甜，而且有大大件花膠及雞件，完全可以當成一碗老火湯喝，喝起來完全不油膩，用來作火鍋更加有滋補感覺火鍋料方面推薦脆肉鯇，食落十分爽口，不同於坊間切得薄薄的，店子將脆肉鯇厚切，更能提升脆肉鯇口感稻庭烏冬入口彈牙，配著老火湯吃感覺十分滿足無論環境及食物都值得推薦！

天氣好熱呀！放假約朋友出嚟真係唔知去邊，行一陣已經又累又攰行吾郁。行到尖沙咀又肚餓，朋友話出咗咁多汗要補番下，話有人介紹咗間好好味健康補生食店。位置於尖沙咀食街：厚福街8號H8大廈8樓，聽到個名都開心「888」——『鮮入圍煮』入到裡面，好舒服，環境好好，店舖吾大，但係竟然有個魚池d象拔蚌好大隻，大過我個手掌d蝦成隻手指咁長，好大隻好多野食喎😋海鮮類火鍋料丸餃粉麵類蔬菜類⋯⋯，應有盡有。咁多鍋底，老闆介紹佢哋食店最出名嘅原隻雞煲花膠湯。既然係老闆介紹又話佢哋食店最出名，當然一定要試吓啦，因為我哋得兩個人，所以叫咗個小（半隻）原隻雞煲花膠湯。等左一陣，離遠已經聞到雞香味，嘩好香呀😋😋😋d雞湯好好飲，d雞好入味好好食，d花膠好大塊我哋仲叫左個桶蠔，哈哈，又係好大隻超讚👍得兩個人，叫吾到好多野食，因為碟碟大碟夠份量，已經食到好飽了，但係見到餐單有個好特別嘅（紫薯）蔬菜麵，忍唔住叫埋佢試吓不負眾望，超好味超彈牙超正👍波菜麵就食得多，紫薯蔬菜麵真係第一次食，估唔到咁好食。佢仲有個胡蘿蔔蔬菜麵我想試，不過真係太飽了。下次啦！下次一定再嚟食過😋鮮入圍煮這間店舖就係唔錯，碟碟好味碟碟夠份量，價錢合理👍

雖然話係夏天熱辣辣，但係冇阻我超想去打邊爐嘅心🤣🤣🤣今日就去咗食好多人介紹推薦嘅花膠雞煲！！空間感十足！！見佢都有幾款湯底揀嘅！不過今日帶埋阿媽就一於補下collagen 食花膠雞啦hahaha落咗單，就有醬料送到俾你自己調配！正咼！好新鮮個樣！！都多選擇💕坐咗一陣間，個煲就送到啦！！好香！！！！個湯係乳白色！！好想快啲飲🤣🤣不過原來佢地係入面已經滾過，所以唔洗好熱就飲得！！第一啖！！好正！飲到心心眼😍好補！！同唔會太咸，就咁飲可以飲好多！結果我哋去食野之前，已經每人飲咗3大碗🤣🤣🤣🤣個湯非常足料！眼見都有成4-5塊大花膠，同半隻雞！我地2個人，所以就淨係叫半隻夠🤣🤣$288唔算好貴咼又！！我地再叫咗牛胸爽！！$148睇上黎好似好肥咁，但係入口即溶！！同原來係根個啲黎，有豐富嘅鐵質🥰健康！！再試咗2個雲吞，2款都係56蚊4隻！1.花膠鮮肉雲吞2.帶子鮮肉雲吞我覺得帶子好食啲🤣🤣好少見嘅mix n match!!好創意，大大粒，皮薄餡靚😮‍💨🥳正！

期待左好耐，今日終於有機會黎試佢個招牌花膠🐔，我們二人，order左一個小份量，黎到見到份量都好多，有一隻雞+好多花膠。先試花膠，入口好有膠質，好彈口，一食就知唔係平價貨👍🏻👍🏻👍🏻，食左幾件花膠後，就有服務員幫我吔剪開隻🐔，等我吔容易去食，🐔肉仲好嫩，一啲都唔鞋口，再配上濃厚入味兼冇味精既雞湯，冇🉐️輸！😋😋😋另外我們再order二隻好新鮮大扇貝，及招牌花膠🦐丸！期待下次再去試佢吔招牌美國手切🐮&其他新鮮海鮮！🤗🤗😋😋👍🏽

雖然大熱天時，但打邊爐係無分季節夏天都一樣可以約朋友打邊爐架！今次就黎到尖沙咀出名美食雲集既H8試下出名花膠雞湯既鮮入圍煮先餐廳裝潢都係以街市為主題，連啲燈都特登用照雞蛋個啲燈～黎到就緊係要試馳名既花膠雞湯底，雖然我地得兩個人，但餐廳都好貼心地會有分$288半隻雞（2-4位人用）同$438全隻雞（5-7位人用），所以都唔洗怕可以照叫呢款湯底話咁快就有職員拎左盤雞湯過黎，仲會細心咁過黎幫你剪下隻雞，等食客容易食啲～店員建議一開頭先飲左啲湯，之後先開始打邊爐。個湯真係好鮮甜好濃雞湯，雞肉嫩滑，花膠煲到好重膠質仲好爽，湯底唔會過於油膩，而且湯底真係好足料，花膠同雞食極都未食完我地兩個人前前後後都差唔多每人飲左3-4碗～好足料！飲到個湯7788，我地就可以叫店員加豬骨湯底打邊爐。其實去到呢個時候，我地都6-7成飽叫左碟羊肉片、烏冬、生菜、牛骨汁濃湯牛丸，都已經食到我地捧住個肚走～羊肉片質地爽口，牛骨汁濃湯牛丸有驚喜，唔會一咬就爆汁，但內裡好juicy，牛味濃，不錯不錯呢度既醬油材料你任加唔嬲，成個盤放係你側邊、不過其實食花膠雞湯已經好夠味整體而言，鮮入圍煮食物質素不錯，店員亦都好有禮貌細心，不

We had ordered a small size of signatures soup base, with chicken and fish maw. The waiter were helpful and helped us to cut the chicken. But the other food is not fresh and quite overpriced.

夏天熱辣辣，有時唔想食煎炸類嘅食物，想食得清啲，打邊爐又驚會唔會熱氣呢？ 於是見到呢間有花膠雞煲，養生得嚟又健康，就決定一試一心諗住嚟食花膠雞，但原來勁多火鍋配料選擇，有唔少海鮮例如脆肉鯇魚片、白膳片、蠔肉等，丸類、菜類、手切牛肉等，睇到花多眼亂，一班人食岩哂，但我同朋友2個人嚟，食唔到太多，就點左花膠雞& 手切頂級安格斯牛肉火鍋當然唔少得整個靚鼓油去搭配，蒜、蔥、花生、辣椒等任人搭配叫左2人份量嘅花膠雞湯，首先係要飲左個雞湯先，好鮮香，冇腥味，冇味精味，亦唔會太鹹，飲得出師傅的心機，煲好雞湯必須將血水徹底清洗乾淨，功夫都唔少，雞肉食落好滑，花膠大大舊，絕無欺場我個人鍾意食啖雞，再飲啖雞湯手切牛肉勁大碟，厚度適中，我本身好驚任食類型餐廳比d低質素嘅肉，只有高質素嘅牛先食到牛肉味，呢度嘅牛絕對高質

女人時不時都要補一補，養顏花膠當然係首選啦，所以今次就約左朋友，一齊試尖沙咀出名嘅花膠雞海鮮火鍋。估唔到天有不測之風雲，今日出門口嘅時候明明好天氣，點知一出地鐵站就傾盆大雨，有遮都濕左半邊身。一入餐廳，侍應見到我由頭濕到落腳，即刻安排一個冇咁凍，唔係出風位嘅座位俾我地，仲預備紙巾俾我地，非常體貼。可能淋一淋雨，個人特別凍，即刻order花膠雞湯做湯底。湯上枱之前，自己可以先溝定蒜頭，蔥花等醬汁。花膠雞湯黎啦。 大大煲湯加半隻雞，一睇就知雞湯好足料，有雞有大件花膠，超正。正式打邊爐之前，先飲兩碗花膠雞湯。雞湯熱辣辣，又香又濃，啖啖雞嘅精華喺口內徘徊，好得呀。花膠好大件，又膠又滋味，感覺骨膠原返哂黎。至於雞肉又滑又嫩，唔似煲湯豬肉咁嚡，食多兩舊，飲多兩碗湯，已經半飽啦。其他火鍋配料選擇都幾多㗎，不過我地都半飽啦，叫小小火鍋料就夠。蟹子墨汁墨魚滑，彈牙爽口牛骨汁濃湯牛丸，牛丸超爆汁，一咬開仲會辣親嘴，食嘅時候要小心啲先得呀。原粒帶子鮮肉水餃，真係有原粒帶子喺入邊㗎，真材實料，唔錯唔錯。出前一丁，吸哂雞湯精華，好食。呢餐食完即刻覺得自己靚左呀

最近好忙，無時間煲湯，成個人殘哂，想飲些滋潤湯水美顏補身。今午朋友約食飯，她話帶我去鮮入圍煮花膠雞湯海鮮火鍋飲花膠雞湯兼打邊爐，她說試過好正。這火鍋店位於尖沙咀厚福街H8大厦8樓。朋友發辦，我們兩個人叫了半隻招牌濃厚原隻雞煲花膠湯底。個湯好足料，內有半隻雞和多塊花膠。湯煲得香濃順喉夠火路，雞湯很甜，充滿膠質和骨膠原，極富營養又滋補。雞件雞肉嫩滑，花膠好正，淋滑厚身。雞湯太好飲，我竟然飲了三碗，朋友也飲了兩碗。其實個湯夠3至4人飲。飲完湯吃完雞肉花膠已半飽，於是我們灼量叫了一個招牌手打蝦滑，一份鮮淮山和一份唐生菜。店員加了雞湯給我們打邊爐。蝦滑真材實料有蝦味，好吃。唐生菜滑，鮮淮山爽甜，用雞湯灼熟更好味。滿足!這店還有很多新鮮的食材，例如海鲜，肉類等值得試下。下次約多幾個朋友上來飲湯吃火鍋食海鮮。店內有魚缸，石班，瀨尿蝦，海蝦，鮑魚，貝類等都生猛新鲜。飲品選擇多，價錢合理。朋友飲完青島啤讚好。店員服務態度好，座位舒適，通風良好。

#ftf_尖沙咀香濃花膠雞湯 健康無味精邊爐濃厚原隻雞煲花膠湯 （小）$288⭐️⭐️⭐️⭐️⭐️湯底雞味濃郁，唔油膩，冇味精，飲咗幾碗都唔口渴，加上厚厚嘅花膠，骨膠原level up，飲落都好rich。隻雞係店員即場剪開，所以雞肉完全鎖住肉汁，口感滑嫩，唔鞋口，有鮮味！花膠份量都好慷慨，大大塊又厚身，食落有口感，好滿足！娃娃菜 $38⭐️⭐️⭐️⭐️打邊爐必選，令到個雞湯更清甜，吸晒啲雞湯又好味！而且份量都好大盆！鮮腐竹 $42⭐️⭐️⭐️⭐️⭐️好吸湯，必叫！唔好睇佢細細份咁，食落有好多！而且真係好新鮮，唔會一煲就散開晒。中山脆肉鯇魚片 $78⭐️⭐️⭐️店舖推介，魚肉好新鮮！但有少許碎骨，個人認為厚身啲，應該會再爽脆啲？同朋友兩個人食，完全係捧腹而歸！建議個湯飲到最後夠喉先落豬骨湯，我哋就完全冇加豬骨湯，完全原汁原味！醬料人頭$15，須加一，只收現金。回頭率🤡🤡🤡🤡性價比🤰🏻🤰🏻🤰🏻🤰🏻#feedtiffood #吃吧孩子 #吃到懷孕

阿媽話好耐無打邊爐，又諗起有朋友介紹過尖沙咀有間火鍋店很不錯，所以就走左去厚福街搵食喇。店內裝修很中式，有一個大魚缸，保證海鮮一定新鮮啦。火鍋湯底好多選擇，我地就選擇左點餐紙上有隻讚好手指公既濃厚原隻雞煲花膠湯，不過由於得我同阿媽兩個人，所以就只係order左半隻。濃厚原隻雞煲花膠湯 – 店員拎到埋黎，係我地面前剪個半隻雞，叫我地飲左花膠雞湯先，飲夠就會幫我地加豬骨湯再落火鍋配料。個湯真係好濃，好夠味，而隻雞亦相當嫰滑。中山脆肉鯇魚腩 – 極厚肉的綄魚腩，味道非常新鮮，食到津津有味，正。值得一讚是店員的服務態度，大部份都是年青人，但十分有禮和貼心。

疫情以來，好少同媽媽出街食飯。上網見到呢間有花膠雞湯做湯底嘅火鍋店「鮮入為煮」，即刻帶媽媽去試吓😁地點好方便，喺尖沙咀厚福街，地鐵站出行幾步就到。呢度嘅湯底其實有好多選擇，不過見網上介紹花膠雞湯係招牌湯底，一定要試咗先。店員教我哋要先飲咗啲湯，不過唔好飲晒要剩返啲，之後再加湯打邊爐用。嘩，超濃味嘅花膠雞湯，雖然叫我哋唔好飲晒，但係我都飲咗幾碗🤣🤣花膠都好足料，好多，同埋大大嚿，淨係飲個湯已經好滿足😋，我哋仲叫咗西班牙豬腩片、炸魚皮、淮山、鮮冬菇 & 帶子鮮肉水餃，啲材料都好新鮮，炸魚皮好有驚喜，未浸落湯就咁食都已經好香脆。鮮冬菇用雞湯淥嚟食，真係好香，好好味😋😋。帶子鮮肉水餃估唔到咁爽口！今餐實在太飽，本身個湯好足料，淨係飲湯已經飽咗一半了～

早上因要到尖沙咀和公司客戶進行面談會議，意外地進展順利，完成離開時還未夠正午12時，屆指一算，我豈不是還有約2小時外出午膳時間，不用像平日怱忙買個外賣、怱忙食完。難得忙裡偷閒，就盡興一些。前幾天晚上，心想吃下火鍋，無奈很多食店都要等候很久，或未有預約無法招待。好啦，今午就嚟一個"中午快食火鍋餐"。記憶中，我好像未試過，上班日中午去食火鍋。好，我以我身處厚福街開始搜尋，原來我前面的H8大廈有好多間火鍋店。由於午膳時間其實唔係太多，要計算埋交通時間，因此，最好火鍋湯底內，有基本的即食已熟食材便最好，所以就揀咗這一間，鮮入為煮。店內環境：窗外環境：濃厚原隻雞烋花膠湯288元首選是這個花膠雞鍋，只是速加熱數分鐘，鍋內的食材便已可以進食。雞件都算多和肥美，質量不錯、有咬口的花膠件快有6~7塊左右。我和同行的同事進食完鍋內食材已有約7成飽。餘下的3成胃部空間，就點了幾下幾款小食。原粒帶子鮮肉水餃56元。炸枝竹42元。炙燒流心芝心丸48元。水餃肉量夠，還真的有原粒一小粒的帶子BB在裡面。炸枝竹一碟份量都已超大份，最終我們只灼熱左一半進食。芝心丸外皮香香地，加熱後咬半散熱(因為曾試過被加熱後的流心丸內

呢帶出名多嘢食 仲要有埋呢一棟成棟都係餐廳可以慢慢揀 今日約咗個女仔朋友 之前上網見到好多人推介呢度嘅花膠雞火鍋湯底 兩個女人又想滋補下就決定嚟佢個花膠雞湯底可以揀半隻或全隻 我地兩個女人就揀半隻啦 但估唔到佢個份量係咁多所以我哋兩個人淨係食完個湯底嘅材料已經好飽 之後叫咗少少配料都食唔曬講返個湯底先啦 一上檯視覺上已經非常吸引 黃澄澄嘅湯底 店員幫手剪開隻雞 雞都幾大隻好嫩滑咁 食落真係好味 雞胸都唔會鞋 重點係花膠大大條 既爽又腍嘅口感 非常足料 試飲啖湯 好香濃 滿滿雞肉香夠晒滋潤，又覺得好滋補。兩個女人仔飲咗佢半煲以上嘅湯 而且之後飲完都唔會覺得口渴（真係飲左半煲架）之後我哋就叫咗啲配料啦揀咗墨魚滑，枝竹，准山，手工韮菜餃同埋紅薯粉當中我哋最欣賞嘅就係個墨魚滑同手工餃。墨魚滑彈牙，韮菜餃入面韮菜超新鮮，好香，唔會淋晒個種。紅薯粉都好q彈，份量太多都食唔晒，同枝竹都吸曬個湯汁，好味道。店員親切，午餐唔算多人，有梳化邊坐得舒服，推介！