魚一壽司 (教育路)

營業中

休息中

💛 #魚一壽司 💛 #元朗 小編係火炙三文魚腩既粉絲，鍾意滿溢住魚脂既油香 呢度既壽司比較紮實多飯 刺身都算大塊，但略嫌切得唔夠厚身 鯖魚有少少骨，但燒得好香，而且夠多肉 魚肉嫩滑多汁，點少少檸檬汁已經夠味 牛舌同冬菇都燒得好靚，唔會太乾，鎖住食材本身既水份 最有驚喜係辣醬冷麵，夏天食冰涼爽彈 辣既沙律醬都幾過癮，同蟹柳同蝦既味道好夾

元朗人氣日式小店，平日有set lunch附送沙律仔同麵豉湯。食物壽司款式都幾多，最平腐皮玉子壽司$9有兩件，其他都係10-12蚊就有成交。價錢同平價連鎖壽司店差唔多但質素好好多而且又黃💛今次食lunch所以試得唔多款式壽司推薦比大家，不過回頭率極高下次會再幫襯😙.👓火炙三文魚腩 $14/件火炙系列幾正，入口即溶，魚身都厚肉肥美。而家吾太夠膽食三文魚驚有蟲於是安慰自己食炙燒唔會有食蟲危機😓評分：8.5/10👓火炙帶子 $12/件同樣帶子肥美大粒，新鮮唔會有雪藏味。評分：8/10👓火炙鰻魚 $7/件薄薄的鰻魚片配上鰻魚汁。評分：8/10👓和風肥牛鍋 $68日式甜湯底，夠濃味，肥牛份量都有約八大片，有金菇京蔥娃娃菜等配料。評分：8/10👓西京燒銀雪魚定食 $78 (午市套餐)本身猶豫緊食鯖魚但最後果然無揀錯！銀雪魚有兩大舊肥美多肉，肉質好嫩滑燒得香口，得條大骨無碎骨。搽上甜甜的燒汁和沙律醬，配上一碗白飯。評分：8.5/10

依家呢啲時候都係留番係本區消費😫😷減少搭車🤢或者嗌下外賣支持良心店💛魚一壽司其實我成日食😂當佢飯堂咁一星期食一次🤪但就係成日食懶出post🙈⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬午市套餐有分有3個唔同價錢既壽司set （$78-$138）同埋定食既，全部套餐都會包沙律菜+三文魚湯架🥰定食方面推介鰻魚飯😜好似只係$70唔洗！但係超高質架😍/🔸竹($98)10件壽司+茶碗蒸有3個唔同價錢既壽司set（$78-$138），今次簡左個中等價錢既，包左10件火灸壽司🍣壽司夠哂鮮味，飯方面都唔會沾完豉油一夾就散，加埋用火槍燒一燒變得入口即融💕最後食完超級飽🐷食左咁多次都冇失望過😋/蟹籽沙津($35)大大兜只係$35去邊到搵😍海量蟹籽😚沙律醬份量適中唔會過多～.🔸評分: 9/10💰人均消費: $100-$200

限聚令聽日開始六點之後冇得堂食，換言之即係冇得出街食飯啦夜晚，趁着最後一晚食返我最愛嘅日本野先！講開日本嘢，元朗除咗出名多嘢食之餘，都特別多日本餐廳選擇，今次係朋友嘅介紹下就嚟咗呢度！呢間鋪原來有兩層，地下主要係廚房，冇枱，樓上嘅位置夾埋應該得30個左右，容納嘅人數非常少，我哋6:30左右就到啦，樓上幾乎都坐滿晒人，估唔到今早都咁多人嚟食飯，唔怪得啲食評話要等成個鐘啦！呢度用手機QR code落單，非常方便，節省人手我哋叫咗生蠔🦪$48.1隻 都幾貴😂😂但係好食！啲蠔🦪好滑好creamy好新鮮呀！海膽壽司就正常不過了，好少鋪頭海膽係好食嘅，呢間算可以，有兩片青瓜喺上面成個口感好Fresh叫咗兩個手卷，分別係海膽手卷同埋香蔥吞拿魚，呢兩個手卷嘅紫菜都好脆，海膽手卷好足料，食到落個底都仲有，加埋啲Wasabi豉油真係一流朋友話香蔥吞拿魚都好食😋呢盆壽司最愛係呢個鵝肝！真係好好味呀！上面有浸糖，而且燒過，入口即溶，超級滿足！另外炙燒三文魚腩同埋左口魚裙邊都好食，如果唔鍾意太油嘅朋友可能未必鍾意😂 鍾意瘦啲嘅可以揀炙燒三文魚後面嗰三隻係赤海蝦🦞，新鮮好食😋夠凍，因為我本身都好鍾意食大蝦🍤所以無

高質日本菜！每次去食基本上都係食嗰幾樣其實😂辣味冷麵真心好食。壽司魚生都新鮮。每次去親見其他人都係一盤盤咁叫😂😂店面唔大，要上二樓，都係坐得十幾廿人。如果食飯時間去都要等一陣先有位。

雖然排隊排左1個鐘，但係非常值得！！🤣🤣食物嘅味道好新鮮，而且好抵食叫左一份刺身，最吸引嘅係帶子，三文魚都好好扶食，冇咩渣連壽司同炸物都唔錯好想再去食多次😋😋

《豬軟骨拉麵》豬軟骨好有水準，拉麵偏硬，個湯底平平凡凡。整體來講個拉麵性價比都算高。拉麵質素：8/10。性價比：8.5/10 《三文魚麵豉湯》令人驚喜嘅係跟餐嘅三文魚麵豉湯，雖然係用三文魚邊，油比較多，但真係好好味，所以都比8.5/10分👍🏻😋 《沙律🥗》個沙律就正正常常，配個芝麻醬都幾好食，有7.5/10分

魚一價錢💲: ~$150-250/ppl好味程度😋: 4.2/5服務🍴: 3.6/5環境🗾: 3.4/5性價比🥢: 4.5/5回頭率😚: 3.8/5-元朗呢間黃店壽司成日好出名，又要排隊，所以去開元朗就好book定位啦😬整體我覺得質素ok，未去到驚艷，但真係抵食☺️-壽司全部都新鮮，但未去到話好肥美，特別講下幾款我最中意的🥳 首先係火炙皇帝蟹棒，因為佢好大條，好鮮甜，上面仲有小小沙律醬，絕配😋 第二係火炙和牛他他，雖然佢唔大片，但幾香牛味，仲有陣燒過的味，正😛第三就係燒帆立貝，佢好厚肉，食落鮮味十足，燒一燒過更加加分😀 最尾就係蟹肉蟹膏軍艦，佢地啲軍艦要即刻食紫菜先脆，唔係既話好快腍，但蟹肉蟹膏每樣一半，蟹膏香濃，配啲蟹肉絲中和下冇咁膩🤩-除左好多壽司，我地仲叫左燒牛舌，呢個就一般水準，牛舌略嫌唔夠juicy，偏硬，有啲似放題質素😂 天婦羅🦐就好好多，一碟有成6隻，雖然唔係好大，但絕對對得上個價，每隻都彈牙，粉漿厚度適中，正😚仲有個燒完隻魷魚🦑就不過不失，燒得香，點啲沙律醬食，好上癮😍魷魚仲要不嬲都咁有咬口😼-最尾講樣唔推的就係辣味冷麵！因為好似沙律醬撈麵咁超膩😱 食落一patpat又冇

Book左台，一開始都態度差差地，話未夠鐘wo，甘我咪話ok，出面等，到夠鐘，諗住問得未，個女仔態度非常之差，話點牙？，我只係想知得未，好心態度咪甘差，你好熱，人哋企出面都好熱，反省下la

黃還黃，但係漏嘢漏左半個餐真係好離譜。定食餐牌寫話有前菜、湯同雪糕糯米糍。結果攞到返屋企得返個湯同主菜。52蚊都唔係平架啦，仲要比少咁多野。又唔係人多，都要等咁耐，咁都可以漏嘢，冇下次。

呢間舖頭之前試過扣除成本開支全數捐贈離港學生，又試過罷市，仲專招聘黃色兼職侍應！💛⁣⁣左口魚邊、北海道帶子、油甘魚等精選壽司都係$10一件😍 ⁣⁣特別推介火炙左口魚邊壽司（$10）🤤 油脂感重，入口即溶🥰 仲有火炙三文魚壽司🍣 （$7）半生熟的口感加上千島醬，好好味😋⁣⁣除此之外，仲有好多$10 兩件壽司既選擇，例如三文魚、鰻魚、帆立貝等等🥳⁣⁣挪威三文魚（八切）$68⁣呢個係抵叫之選，三文魚每一塊都係厚切，好肥美又幾新鮮👍⁣⁣雜錦天婦羅 $52 🍤⁣天婦羅有成七件咁多！有蝦、青椒、菇、茄子等等，炸粉唔會太厚，不錯！⁣⁣一次試唔到太多野😢 仲有好多和食、小食、串燒、燒物選擇🥰 如果想飽肚啲，仲可以叫拉麵同丼飯添！⁣⁣實在係平靚正之選🤤🤤🤤 一定會再encore呢間🤤 朋友話午市再抵食啲，等我下次再試試佢！⁣⁣去之前最好打電話book位先，如果唔係要排好耐😛

因為聽過不同人口中講話魚一好好食，所以就衝左黎食，不過我會說是好抵食。刺身一般黎講都係新鮮的，只是我覺得壽司嘅飯硬左啲。第一次見水母刺身，我還以為會是海蜇，可是不是喔，好特別，仲要食極都有嘅感覺。呢個沙律真心麻麻地，我覺得個醬嘅味怪怪的，朋友就說未倒清啲水嘅感覺。烏冬失望是因為個汁完全不夠味道。清酒煮蜆有很強烈的清酒味🍶講到黎呢到先⋯其他食物正常發揮，我這裡就不特別講了。有啲唔記得影相，4個人食咁多野埋單都係$900不到，所以真係抵食架～我覺得😄

星期日叫左外賣，食物質素非常好，朋友很滿意。可惜，我用whatsapp預訂外賣，經溝通後12:00到店取。我12:00到店，付款，問過店員需要等幾耐，店員只叫我等一陣。我以為嘅一陣，係15分鐘之內。明白你哋舖頭較細，叫客出舖頭外等合理。但外面冷氣滴水，三十幾度，你又唔同我講等幾耐，其實我泊左架車，如果你同我講等幾耐，我會番車等。結果我係出面等左一陣，唔對路番車等。到到12:20，我再落車入舖頭問，店員冇同我講得未，話比時間佢對齊野先比得我，當然佢語氣都唔係特別好，結果，原來佢對緊包外賣唔係我嘅。最後，我足足等左36分鐘，先拎到原本12:00拎得嘅外賣。而我原本約左朋友食飯，足足遲左一個鐘大家先有飯開。究竟係咪甩咗單？冇人打算話我知。我只希望你哋往後處理唔到嘅訂單，唔好拍心口接。永遠比客人有expectation等幾耐，好過個客一直乾等。仲有，作為熱門黃店，更加要做好本份，唔好做衰黃店個朵。另外，個日見到壽司師傅們口罩冇帶好，見哂鼻同咀，呢個時勢會唔會唔太好？Sorry ，野食再高質，我都唔會番轉頭。

一直想食好耐但放工時間太多人等位所以放棄左，難得今日閒日放假梗係去會一會佢啦。環境鋪位好細，枱擺得好密，樓上座位會坐得好親密下，肥少少都入唔到去食物刺身：三文魚＆超大帶子都好正，要讚下既係Ｄ刺身佢切得好厚好大片，大大啖令人食落好滿足，個帶子真你好巨型，好鮮壽司定食：壽司都多，跟燉蛋＆沙律，男仔應該唔夠食，但壽司係好味既。牛肉壽喜鍋定食：湯底好甜，牛肉都幾多，雜菜超多，跟左個飯＆面豉湯，食到好飽，總括黎講性價比高。炸軟殼蟹：正正常常服務算殷勤，佩服Ｄ店員可以不停上上落落咁送餐，少Ｄ腳骨力都唔得。不過如果入座時可以提醒左客人要一次過落單會好Ｄ，因為起初佢冇講，我分左幾次係手機到落單，之後有個店員先同我講番最好一次過落。價錢食左好多錢都係＄３２０有找，日本野黎講算平好希望佢可能搬去間大D既鋪，咁平時等位就唔洗咁耐，Ｄ位又可以鬆少少食得舒服Ｄ。

中午去食，叫左個lunch set ,跟餐既個湯同沙律都好好味個滑蛋炸豬排飯不錯，咬落去都脆脆地，豬排亦唔會太乾不過我認為飯方面可以再改善，唔知係咪因為丼飯，飯有啲淋