魚一壽司 (教育路)

營業中

休息中

平時經過魚一都見大排長龍，今次難得人少啲，緊係要試下啦！我哋叫咗竹（火炙壽司）$98同燒汁牛柳飯配溫泉蛋$52~兩個set都有前菜（沙律）同三文魚麵豉湯，碗湯有大大件三文魚肉同白蘿蔔，好甜好好飲~竹仲有茶碗蒸，不過啲蛋有啲老，麻麻地~但啲壽司件件都好正~隔離枱新客見到都忍唔住問我呢set係咩，跟我嗌~~✌️咁多件壽司入面我最鐘意係左口魚邊，好肥美，燒到少少焦，好鬼香~唔係度度有得食架~至於珍寶蝦鮮同皇帝蟹肉棒我都勁鐘意，啖啖肉，大滿足！牛柳飯啲牛柳多到鋪滿晒碗飯，抵食+好食過吉x家嘅牛肉飯多多聲！味道拍得住日本食嘅牛肉丼，係個飯差啲啫~~ 全餐都係$165埋單，CP值太高了~~

元朗壽司日式食物都出哂名.甘港島區朋友慕名而來.甘友人一極度愛食左口魚.友人二極度貓海膽.上網search下邊間滿足到二位友人的願意.見到勁多推薦魚一🥢海膽魚子飯 海膽好新鮮.成板甘多😋真係好抵食.魚子大大笠係我鍾意食既口感😁🥢芒果蝦子沙律 芒果新鮮.不會酸.靚芒🥭🥢左口魚飯🥢壽司好抵食.生蠔壽司 正🥢炸芝士炸粉不會太多.岩岩好.一啖一舊.點埋沙律醬就完美原條左口魚第一次見😂😂還以為是送錯了枱.肉質很嫩.有種淡淡香味.可能是醬汁吧🥰大愛👍🏻總結.性價比與質素都很高的店.價錢不貴.但食物都保持質素.四位大人食 結帳約hkd 1000👍🏻以食品和量來說都是十分抵食的.大家也飽得很的離開.滿足🥰🥢原條左口魚第一次見😂😂還以為是送錯了枱.肉質很嫩.有種淡淡香味.可能是醬汁吧🥰大愛🥢鰻魚飯基本上係無得輸.鰻魚夠肥.醬油夠香.入口軟林林感覺 超正👍🏻總結.性價比與質素都很高的店.價錢不貴.但食物都保持質素.四位大人食 結帳約hkd 1000👍🏻以食品和量來說都是十分抵食的.大家也飽得很的離開.滿足🥰唯一不足.店舖很細.樓上都有位坐.不過比較迫.

呢間位於元朗教育路嘅小店嘅出名大件夾抵食，刺身夠晒鮮味，就算平日行過都不乏捧場客。個人幾推自選刺身飯，配料平平地$12-$20有交易，今次就豪小小揀左珍寶帶子、油甘魚腩、三文魚腩同京蔥吞拿魚腩蓉，每款配料都好鮮味，當中珍寶帶子size十分誇張，幾乎成隻碟仔咁大，而且都幾厚肉，食落好有滿足感，而油甘魚腩紋理好靚仔，味道甘香。另外呢度嘅壽司性價比都係非常高，味道唔會話驚為天人，但絕對係一過壽司癮嘅好選擇。

魚一係由第一次去就愛上 之後每逢得閒都會間中去嘅壽司🍣店🥰呢度啲刺食特別新鮮 全部即點即做 尤其鍾意點呢度嘅蠔😛😛會依據邊種啱時令推廣俾你有日本同法國嘅🇫🇷同埋價錢好實惠 質素拍得上高級餐廳 款式又多 無論熟食定炸物 刺食到麵食都好多選擇！最值得係食到種人情味 因為老闆好有禮貌 經常親力親為服務態度非常好 見到對員工都親切

去到元朗返工，唔太熟周圍有咩食，又好想食壽司，就搵下附近有咩日式餐廳，之後就入左呢間度食午餐。一個人食搭枱唔洗等位，入到去地下有吧枱，樓上再有坐位，都幾乎坐滿。環境都幾有日式居酒屋Feel，夜晚會想坐係度慢慢飲酒傾計。餐牌既午市定食，價錢同款色都好吸引，但由於我好想食壽司，所以揀左壽司定食. 梅 Bai，入面有我鍾意既油甘魚、鱆紅魚、魷魚。幾近坐滿黎講，上菜速度都算好快。首先黎既係麵豉湯，有三文魚肉、豆腐、蘿蔔片。麵豉湯黎講味道算係偏甜。個人鍾意食湯入面既豆腐、蘿蔔同三文魚肉，幾開胃。再來就係好細既沙律，無乜特別。湯差唔多飲完既時候就上茶碗蒸同壽司速度都好快。茶碗蒸做得唔錯，蛋夠滑味道啱啱好，而且夠熱。到主菜壽司，我認為除左海鮮夠唔夠新鮮最重要就係壽司飯。呢間店既飯做得幾好，夾落去唔會好易散開，唔會同刺身還刺身，飯還飯。唔會點完豉油就散左，亦都唔會太實太硬，好似食緊擦膠咁。另外就係飯既味道，壽司醋既份量都適當，有味道得黎唔會太酸，就算唔點豉油就可以就咁食。重有我會睇一間店既Wasabi 係用粉溝定係磨出黎，用粉溝會一Pat野好似醬咁，磨出黎會明顯見到植物既纖維，佢地係磨出黎既，而且都夠

元朗都算多中低價壽司小店，呢間算係當中比較出色！壽司種類話多唔多，話少唔少，算普通啦。大路野都試過，全部都新鮮，推薦火炙左口魚，入口即溶，而且好香！略嫌不滿嘅係海膽軍艦，味道係好嘅，但海膽份量太少，舊青瓜仲大過海膽，$22一件都唔平。另一樣最欣賞嘅就係佢唔似其他中低價位嘅壽司店咁大大舊飯，飯量適中而且舊飯仲暖暖哋👍🏻熟食方面有天婦羅、炸物等等。試過幾款，味道唔錯，但我覺得壽司好食啲。價錢非常合理，雖然環境坐得麻麻地，但食物高質，長期幫襯👍🏻

見上星期我朋友試咗喺魚一食晚餐，兩個人食都係三百蚊左右，好抵食，而且賣相好唔錯，今日經過元朗決定lunch試試佢。十二點半左右到，好彩唔駛排隊。Lunch時間有lunch set menu，有熱食、壽司同魚生丼。見lunch set嘅壽司同刺身set同自選魚生飯嘅價錢差唔遠，都係揀d自己想食嘅嘢。跟餐會送三文魚麵豉湯，非常足料，好好飲。三文魚腩 劍魚腩 大赤蝦 丼 $68 😋三文魚腩 油甘魚 珍寶帶子 丼 $84 😋剌身好大件，又厚切，好抵食。三文魚腩同劍魚腩都好肥美，帶子鮮甜，大赤蝦好彈牙，一啲都唔腥。最重要嘅係佢價錢好合理，強烈推薦！

🔹滑蛋親子丼($52)🔹京蔥拖羅蓉飯 ($58) ..午市套餐包沙律、三文魚麵豉湯、雪米糍！其實係好抵食！沙律有芝麻醬好開胃，麵豉湯入面有勁多舊三文魚，好足料呀！🤪.親子丼飯超大碗，上枱個蛋半生熟又勁滑，仲係好燙口！撈埋珍珠米食，有味啉香得嚟又有洋蔥嘅口感，個蛋可以sir入口，雞肉又嫰滑入味，我覺得好高分！不過真係勁飽～🥰.京蔥拖羅蓉飯嘅魚生分量好多，上面仲有鵪春蛋，用紫菜夾住壽司飯同拖羅蓉，啪入口勁正啦！😚見到隔離有勁大條鰻魚飯都只係$62蚊！好想再去！👍🏻

第一次食魚一壽司~~見到有蕃茄湯牛肉拉麵立刻在某外賣APP落左單用某外賣APP落單的~~牛肉拉麵非常好味~~蕃茄湯底非常清甜~~差唔多連個湯底都飲晒~~🤤😍真係好好味~~而且對我個人而言份量夠飽~~一定會再叫多次~!!!!😍🤤👍👍👍👍

用 panda 叫外賣，叫咗個三色刺身丼，有三文魚海膽帶子，非常新鮮足料！我老公食得太快食曬，相都唔記得咗影 丼既Wasabi 好好，我未夠pro 食唔到係未新鮮但似新鮮wasabi 好味，性價比高，期待下次親身落黎食！

魚一壽司休閒午餐～ 食左個便當～汁燒牛柳飯配溫泉蛋有8塊都算大塊既牛柳牛柳有濃郁既燒汁味，但略嫌燒得太熟飯量超多，用珍珠米取代普通米撈溫泉蛋食味道唔錯，下次會叫多燒汁P.S. 餐廳午市食物選擇較少，晚市多d野食

-🦄魚一壽司-西京燒銀鱈魚定食 Hkd78Rating🌕🌕🌕🌕🌗-係元朗既閙市中有呢一間小店💫💫星期一至五既午市套餐都唔洗加一架！雖然今日係星期一但都好多人叫左一個西京燒銀鱈魚既定食餐🐟一直以來我都好中意食呢個燒物好難係出面食到高質素既而且又平既🤤但呢個真心唔錯 好大既一條銀鱈魚🤤魚肉好鮮嫩 味噌燒到好入味 甜味比較多🥳魚既邊邊都燒到剛剛好咁脆口 脆卜卜咁正呀中意既仲可以配埋沙律醬但唔點沙律醬都好夠味然後白飯又係一大碗咁 仲要熱辣辣出煙架🤭真係好幸福呀 定食仲配左三文魚味噌湯味噌湯好足料有好多塊都幾大塊既三文魚🐟三文魚有骨 同埋有白蘿蔔同豆腐 唔會好鹹基本上呢個定食好邪惡啲魚油出曬來 但我真心推介而且都只係$78就食到咁高質既定食😭絕對係一個cp值高既午餐 大家經過都可以一試-

今日同朋友行完山搵飯食，經過見倒一間細細既日本壽司店，就膽粗粗入咗去試，結果有驚人發現。我點了：1️⃣自選刺身丼飯 - (飯底$10 另加最少三款配料) $102三文魚腩 ($18 2切) ，中拖羅 ($24 1切) ，劍魚腩 ($24 2切) ，蔥啓拿魚腩蓉 ($26 1份)壽司飯的酸味調得剛好，醋和飯比例恰。三文魚腩夠肥美，唔錯。中拖羅入口溶，雖然有少少根，但都唔錯。劍魚腩切得較厚身，都幾鮮味蔥啓拿魚腩蓉，好滑身，唔會太肥，配酸味剛好既壽司飯一齊食，正朋友點了2️⃣竹($98) - 包括三文魚x2 ，珍寶壽司蝦 x 1 ，皇帝蟹肉棒 x1 ，左口魚邊 x1 ，帶子 x 1 ， 牛肉他他 x1 ，鰻魚 x1 ，加洲卷 x2 ，茶碗蒸 x 1件件壽司都大大件，以$98 呢個價錢，有前菜 + 10 件壽司 ＋ 茶碗蒸 ＋麵豉湯，簡真係超值。有機會會再來。

依間曾經係我係元朗食壽司刺身既最愛，因為魚生水準夠新鮮又好食，甘耐無食，覺得水準好似有下降叫左一款自選丼，一個壽司梅沙律同湯係一定有三文魚湯，三文魚仍然有少少魚味，蘿蔔夠甜，係個湯油左少少，飲哂成碗會有d 滯沙律正常，茶碗蒸d 料都係蟹柳個d 假海鮮。。蛋無乜蛋味，而且偏硬身自選丼叫左三文魚，北寄貝同蝦三款刺身都好新鮮，好好味，而且三文魚都算厚切，係個飯差少少，少左珍珠米個種甜米香壽司梅一睇三文魚就知唔得，隔離三件大家都有眼睇啦。。主打壽司刺身。。睇個樣都知水準跌左帶子，蝦係ok但見到甘樣，都係係元朗搵過第二間食

講多都晒氣，當你係貨多過當你係客，明明自己黎少左件野食仲係到質疑你食左，野食去錯左隔離枱俾人聊左幾下都照俾番你，未試過寫食評佢真係我既第一次，永遠都唔會再幫襯。