駒記海鮮大排檔

營業中

休息中

一條街都是大排檔。環境自然是沒的說的“一般”。但是雖然不比一般餐廳，但是地上並不髒，不會油膩膩。服務的話，客人很多，店里人忙著送菜，就是正常。和好友閒來無事來到這裡找美食，整體還不錯，。位置也算好找。店舖裡的所有桌椅擺放都很整齊，很乾淨。大蝦看上去特別漂亮，食上一口很好，香噴噴的蝦，豉汁很入味。炸蠔餅非常大份，而且炸得十分香脆，蠔仔肉亦不少，粉漿不會過厚，配上特製醬汁，味道很惹味，份量真的非常多，吃不完呢！通菜煲的通菜份量也是非常多，裝滿整個煲，而且很有，調味非常濃味，不過也是比較油膩，但我們最終可以吃光這個飛天通菜煲！因為味道真的不錯呢！蒸魚~魚肉十分滑，多肉肥美，蒸煮時間剛好。豉油不會太鹹搶過鮮味

同朋友係銅鑼灣行街,打算去幫襯大排檔食小炒,呢間大排檔非常夠火喉,而且價錢非常公道,都有唔少旅客幫襯.一開始就叫左炸芝士墨魚丸,芝士係我至愛,一咬墨魚丸就流芝士,非常香脆可口!!必叫架!!跟住叫左避風塘茄子,第一次食避風塘茄子,因為自己中意食茄子所以叫,味道又係好香口,如果中意食辣既人一定好中意!!最後叫左蒸倉魚,侍應仲拎左條非常生猛既倉魚比我地睇,好夠鮮.

朋友北漂南返,相約飯聚,怎知搞手記錯店名去錯地方,終於誤打誤撞光顧了此店.駒記位於銅鑼灣鵝頸橋街市附近,大排檔格局飯店價錢,不過依然大把人幫襯,尤其自由人,我們左右隔離方圓十哩全部說普通話.土產港燦跟遊客㸃了同類餸菜,都是最有代表性那幾樣:大排檔弄的雞,離譜極有個譜,特別是中國人,隨便一個家庭主婦烹雞總有兩手;這碟沙薑雞算是中規中矩,雖然談不上別俱風味,至少沒有雪味,雞肉熟度剛好,不霉,已經收貨.炒蜆,明顯不夠鑊氣,送上枱暖暖地..差點懷疑是預先烚熟後兜翻熱..味道也掌握不好,那有豉椒炒蜆"甜"?又沒有豆豉和紅椒,只得幾粒燈爖椒..實在不喜歡.這碟芥蘭又勁咸且油,味精很多...一定要飲啤酒解毒..份量頗多,不過水準不佳,給你多大盆也沒用吧?豆腐炸得很老,魷魚是雪藏貨,完全沒鮮味..單靠炸蒜幫不了多少..有蠔有粥,一大碗,可是香蔥芹菜不足,整體風味不佳..年歲漸長,大家開始在回憶中打轉,彷彿從前慘綠的青蔥時代,必定較現在的黃金歲月美好..久別重逢話題自然離不開食物..記憶中的味道寧舍甘甜..食罷這餐,多少證實從前的大排檔真的好味好多,爐灶紅滾滾,食物熱呼呼,那有現在半溫不死..好奇盛年毒

以灣仔、銅鑼灣一帶咁多食肆酒吧，如果想食d野又飲下酒，去寶靈頓道一帶真係幾好，因為有好多大排檔無呢邊，但一眼吸引我的駒記，門口的海鮮魚缸好大好多海鮮，種類又好多，咪試下囉，咁的確係冇簡錯，因為價錢與味道都幾好，叫左個海蝦伊麵，好好食，芝士底好似食龍蝦咁仲有好多隻蝦係上面，另外伙記介紹食墨魚餅，又係唔錯，好香口，還有叫左碟菜，幾支啤酒，找數都唔洗$300，抵

駒記是KAKA常常幫襯的一間店. 這間位於銅鑼灣鵝頸橋街市內的大排檔, 因為KAKA住在灣仔, 所以十分就腳. 而且因常常光顧, 所以和老闆店員都熟絡了~ 這裡的海鮮小炒都很不錯, 大排檔嘛, 就是要夠"Wok"氣. 而且價錢非常公道, 星期五, 六, 日, 常常坐無虛席. 不過唯一是很多一大班的客人, 就會很吵, 不過大排檔這樣才更有風味吧~ 而這小店亦不少自由人來光顧啊~ 是晚等男友收工, 來到我們的飯堂食個宵夜, 雖然非常邪惡, 但KAKA享受著這種為肚皮帶來的小滿足. 因為我們看了導火新聞線, 所以我們叫了一隻斑馬瀨尿蝦, 雖然店員極力遊說泰國的大瀨尿蝦更爽口, 但我們堅持點都要試一試~ 哈哈~ 這就是電視劇的魔力啊~ 通常一來到門口, 熟絡的店員已招手找個位子給我們坐下, 一坐下, 當然要叫啤酒, 有時返完一日工, 嚐一口啤酒真係priceless呀~ 今晚我們除叫了斑馬瀨尿蝦, 還要了個京都骨同埋叩啫啫通菜煲. 斑馬瀨尿蝦很好味啊~ 啖啖肉, 而且也不是店員說得肉質太淋, 可能泰國瀨尿蝦更爽口就是了. 京都骨甜甜的, 很入味, 而且肉很淋, 一點都不UN, 送飯一流呀~

今日係公司開完會，就同同事食飯.....行左去鵝頸橋街市戈面既大排檔食...一去到門口..老闆娘笑容勁好咁招呼我地2個...哇....位都唔洗等..即入......一坐低...哇..好小何係大排檔見到咁精美既餐牌...D野食樣樣都好似好好味咁......諗緊食咩既時間...有個生力啤妹sell我地..開頭我又唔係好想飲啤酒..想叫汽水..佢話唔緊要喇...幫你拎埋喇.....我覺得唔係咁好意思.....見佢又好有禮貌..就幫佢叫左幾枝生力飲唔知係唔係太耐冇飲...生力冇以前飲咁苦..聽個啤妹講話生力依家香港做..所以同以前唔同左..好飲左入番正題...最後我地2個叫左個粉c雜菜煲,蒜香焗肉排,生力幾枝...埋單$176粉絲什菜煲     $58 清清地味道唔錯蒜香焗肉排    $58 肉排煮得好香口生力             $20

朋友問灣仔銅鑼灣一帶，唔去熟食中心，又想飲下酒食幾個菜又唔係好貴，有咩好推薦，咁緊係駒記啦，起碼上次去過，又驚又喜又平又好食，唔去駒記，仲可以去邊??兩條友，飲下酒緊係吃的野啦中式牛柳/ 又嫩又滑仲厚底添，都係$68，想點??炸大腸/ 外脆內軟，加個甜酸汁食，除左好食，仲有咩講?者者雞煲/ 未埋枱已經香氣撲鼻，味道亦很好，$58抵

正所謂民以食為鮮，又到搵野食既時候。今日，去完thankful week作戰再去times行下，覺得攰攰地就諗住過灣仔坐低食d野飲返兩杯。行到鵝頸橋底聞到好香既味道，就搵下係邊度傳出黎。行下行下就見到幾間大排檔，第一間叫駒記海鮮大排檔，老闆娘親切地招呼我們入來，盛情難卻我地都無所謂就求其坐低左。講得聞到好香既，當然炒返幾味小菜啦。1.回鍋肉:沒有了傳統上海菜的油膩，卻增加了地道小炒的鑊氣，厚切腩肉配以帶麻的辣味又十分配合，好!2.菜膽雞:木桶上的菜膽雞，賣相很已經很好，雞肉很滑，一個薄芡配以薑蔥已經好好吃3.避風塘肉排:炸蒜、辣椒、蔥回鑊的炒法，原來配肉排也不錯，肉排很軟，應該係用刀背逐塊拍出來的效果，好吃4.蒜茸炒白菜:簡單的菜卻有驚喜，應該是以白蒜粒起鑊，上碟前再灑上炸蒜去炒，一碟簡單的菜能吃得出兩種蒜香

是日與友人同遊銅鑼灣，看到一班年青人為理想而爭取，心情少不免受牽引，這天我們需要的是一點情緒上的舒發，所以我們決定吃好一點，再訪駒記。今天是星期五，因此比較多人等位，果然好吃的店，無論在何時期亦有一定的支持者 此店的食物水準於上次到訪已得知，是次還感到店員親切的態度，啤酒小姐甜美的笑容，可真令這個沸騰的社會降溫不少 這次我們點了很多小菜，吃得十分開心，心靈亦因此得到安慰 避風塘蟹-即叫即做的肉蟹，鮮味十足， 黑椒牛柳粒-黑柳粒很林，亦好大粒，好好味! 沙薑雞-味道可以，木桶上，值得加分 蠔餅-只有駒記的蠔餅才可稱得上為煎蠔餅，味道好之餘不油不膩，比其他店炸的好得多，吃完不會一口粉，又能吃到蠔的味道，好

三個大男人吃飯，唔去大排檔都唔知去邊好，呢晚就去左銅鑼灣的駒記。坐底左，啤酒姐姐介紹飲san miguel，夏日熱，飲返枝冰凍啤酒真係爽到爆之後叫個東風螺食下先椒鹽野一向都係啤酒絕配，今晚就你啦---椒鹽鮮魷風沙雞—脆皮肉滑---好!!!今晚飲飽食醉，飲飲下都飲左十幾支啤酒，埋單3個人分返都唔係好貴，GOOD!!

駒記 啲嘢食好新鮮 而且呢 仲又平又抵wor 啲嘢食又大份wor 啲夥計又夠曬禮貌 好Nice 首先 佢嘅避風塘辣蟹 夠辣夠野味 而且重要嘅係夠鑊氣 蒜蓉蒸大勝子王 38蚊條 大條 又蒸得清甜 夠新鮮豉椒炒蜆 正 夠味道佢嘅啫啫通菜煲 啲蝦醬夠曬味 仲有蝦乾 好獨特 總有最出名嘅 瀨尿蝦 泰國嘅比較好食 個肉實啲 椒鹽同白灼嘅都好食 總有 一定要食嘅 就係 魚喇 老鼠🐭斑 呢條魚抵食 先780 而且仲幾大條 啲肉好嫩 清蒸夠鮮甜👍抵食抵玩 以後去鵝頸橋 就嚟駒記 保證你話正！

書展期間，再到灣仔、銅鑼灣一帶行下，今晚再帶友人到訪駒記，果然"久別重逢、滋味尤在"星期五到訪，約7點，還未見排長龍，一行3人可以即時入座，二話不說，啤酒、點菜栗米斑塊:炸得外脆內軟，汁另上不會整淋魚塊，細心、好吃!!椒鹽手查骨:味道控制得好好，不太鹹，送酒一流!!!水煮肉片:味道可以，豬肉亦不鞋口，唔錯!吃飽埋單，8:30左右，好彩早黎，原來好多人等位呀!!

已經好耐冇去過銅鑼灣一帶,o岩o岩朋約左晚上睇波德國對葡萄牙,12點先睇緊係食下野先,上openrice睇下有咩好食,又見到呢度個食評唔錯就黎試下啦,果然真係幾好食喎,唔試唔知原來係銅鑼灣都有又平又好食的地方椒鹽瀕尿蝦...好食又唔貴唔係好記得係唔係叫風沙雞但係好脆皮好好食蠔仔粥...好似比的潮州菜館煮得仲好

因為去咗外國住咗幾個月，所以好掛住香港嘅大排檔式烹調嘅海鮮只係番咗香港幾日就已經忍唔住，今晚特登約咗幾位識食嘅舊同事聚舊食飯即使八、九點已經特登過去，留咗「十點半四位」，去到都係要等好在一早已經留咗蟶子，否則連食都無得食～（十點過去見到已經無哂！）我個人最～～愛食九肚魚，所以每次食飯都會叫椒鹽九肚魚！駒記嘅椒鹽九肚魚真係值得一讚！除咗最基本嘅新鮮之外，個皮唔係一團粉、外脆內軟都做得好好～～ （雖然你可能會話「九肚魚點會唔軟？」但係佢真係做到，令我覺得軟滑得好完美嘅感覺～）下一碟出場嘅就係白灼東風螺！螺肉嘅生熟剛剛好，鮮甜而且肉厚，絕對值得一試！之後就係豉椒炒蟶子，等咗成晚就係為咗食佢！呢間店最好嘅就係價錢唔貴、份量又多～～（呢個係例牌＄９８）所以，蟶子都唔例外，份量一啲都唔ＨＥＡ！而且真心欣賞佢唔會好似某啲店咁成碟殼或者配菜（椒）所以即使四個好大食嘅人食，每個人食嘅量都唔會少～豉椒好香，但唔會太濃而遮蓋咗蟶子原有嘅鮮味 　讚！！再點食都要叫碟菜～尤其我哋呢啲為食鬼～～所以都叫咗碟椒絲腐乳通菜，普通＆穩陣嘢，無咩特別，唔講咁多～～朋友話叫嘅炸豬大腸呢店嘅大腸夠哂肥美，炸得亦夠脆皮～不

星期六晚同朋友到時代廣場傾野，不知不覺傾到9點幾，有點肚餓，2個人走左去附近的大排檔食野，去到門口有好多人等緊，正想搵第二間之際，老闆娘好nice咁同我地講，比10分鐘佢即係換張枱比我地…咁都得??好多人等緊喎??老闆娘話:唔怕，因為佢地等大枱，同埋佢地係熟客一星期黎幾晚，好好朋友的，冇問題!既然佢咁肯定，咁我都唔客氣啦，因為真係好肚餓，坐低冇耐有個侍應好有禮貌佢比左個餐牌我地，睇左陣點左2支啤酒及3款小菜:芝士墨魚丸、白灼東風螺及小炒皇。芝士墨魚丸:外皮炸得香脆唔油，咬落夠彈牙又有芝士慢慢流出，好食!!東風螺夠鮮甜，小炒皇有鑊氣都唔錯!埋單2佰蚊左右，都ok，走的時候老闆娘仲同我地傾幾句及好客氣地同我地道別……唔怪得你咁多熟客…