駒記海鮮大排檔

營業中

休息中

今晚約左FD去飲野, 見放工仲有小小時間就去食D野先!我同我個FD兩個叫左3個餸加1個炒飯，叫左福建炒飯，小炒皇，黃金墨魚餅同椒鹽豆腐，好夠鑊氣，正呀!!呢度食飯吹水一流!

岩岩出左糧，想請屋企人食餐飯，就去左駒記大排檔。門口d遊水海鮮好正呀，睇中左大瀨尿蝦同蟹。我地總共叫左5個送，椒鹽大瀨尿蝦，避風塘炒蟹，雞，乾炒牛河等等。樣樣都好正，會再幫襯👍🏻

之前去working holiday果時識左幾個朋友黎左香港，一講到想食local野，我就諗起要帶佢地去大排檔食飯!上次去過駒記覺得唔錯，所以想帶佢地去試! 我用我初初都擔心唔岩佢地食，點知一入到去佢地就好有興趣周圍望，因為D游水海鮮放響出面比佢地選擇，響外國好少見。我地一邊飲藍妹一邊食左好幾個餸，包括手揸骨、椒鹽蝦、鹵水併盤、雞、炒麵等等!佢地讚不絕口，話我無介紹錯呀!

自從轉左工之後都好耐都無過銅鑼灣果邊食野，今日約左班舊同事聚聚，就想去食個大排檔吹水兼飲酒。咁岩行過駒記，見有位個個又唔想等就入左去試下啦! 佢比我地感覺好地道，門口又擺曬游水海鮮，見咁新鮮我都忍唔住叫左碟椒鹽焗魚雲送啤酒。好香口好好食! 我地另外叫左潮州鹵水拼盤、韭菜豬紅、大蝦粥。D鹵水好地道好好食，個粥又好鮮甜，全部野都好正呀! 我地再叫左幾支大藍妹，傾到成點先走，埋單都係一人250蚊有找，正!

今日響銅鑼灣打完波勁餓，班隊友話去食飯，咪上openrice search下有咩好食。見呢間D好評幾多，就去試下。幾個男人叫左8樣野，乾炒牛河、豉油皇炒麵同福建炒飯夠獲氣，手揸骨夠入味堅好食!豉椒炒蜆、枝竹田雞煲，碟碟都清曬! 另外我地再叫左避風塘炒蟹同椒鹽賴尿大蝦配藍妹，夠曬爽!下次要再約多D FD試埋其他野!

收工感受到陣陣寒意，突然好想食個豉椒炒蜆，就叫埋d兄弟去啤啤佢。因為我地響銅鑼環附近返工，近近地揀左駒記。5個人叫左個牛仔粒、鹵水鵝片、生炒骨、芝士鮮墨魚丸、手揸骨、黃金鮮魷、蠔餅同乾炒牛河。我自己最中意個鵝片，佢D鹵水配藍妹真係一流!另外牛仔粒都正，推介。吹水吹到2點，飲飽食醉，爽呀!出面d游水海鮮勁新鮮，下次一定要試!

在銅鑼灣逛街逛到累了就來到附近一間很出名的海鮮飯店吃晚餐, 這間店還有微信付款, 非常方便!店外放了很多活海鮮, 也太吸引了吧! 最後經老闆介紹後選擇左比較多人推薦的小菜! “避風塘炒蟹”是這裡的招牌菜色呢，每次來到必點, 絕對是香港數一數二的地道菜！ 首先是是招牌瀨尿蝦, 嘩, 超多肉的, 而且肉質鮮甜, 再加上炸蒜炒香, 很惹味! 粉絲蒸扇貝的扇貝很大一粒, 超滿足, 而且很鮮甜, 令粉絲的味道更香! 另外一個就是蟶子, 又是超大一條, 這樣的海鮮價錢絕對值得, 真的非常新鮮, 即叫即做的感覺. 推薦這間店! 員工好食物好, 下次要再來!

今日約左個台灣朋友食飯，佢話想試下香港特色野，我第一時間就諗到去食大排檔!咁岩佢個酒店又近灣仔，我地就搵左呢間黎試啦。未入到去，門口已經放左好多D游水海鮮比客人揀，我地見到D大瀨尿蝦咁新鮮，忍唔住叫左2隻試下。我地3個人總共叫左4個餸一個炒飯，有沙拉骨、椒鹽大瀨尿蝦、鹵水併盤、蝦醬炒通菜加個蛋白炒飯同3支大藍妹。我最中意係個沙拉骨，酸酸甜甜好開胃，加埋D沙律醬響上面，我一個人食左半碟呀!今晚食飯吹水好開心，朋友都話好有香港特色好滿意呀!

去完Sogo諗住食餐好，原本想到極尚大喜屋食磯燒，點知行到銅鑼灣廣場一期樓下，人龍多到由軒尼詩道繞了去波斯富街，係冇訂位情怳下我地決定另覓地方食晚餐。我們沿著駱克道前行，本欲到越華會吃，但被樓下職員告知冇位，只好去登龍街看看。行完一輪都冇乜心水，醒起附近有些海鮮茶館就心癮起啦。呢條街有數間菜館，比較積極拉客的要算是明記，而因為之前食過所以想試下未食過的。Openrice見到駒記都好似唔錯，雖然舖外無人拉客，心中感到有點冷淡，但最後都入內一試。見門外海鮮有大隻游水瀨尿蝦但一隻價錢都二百多，雖然想吃但總覺得好像貴了點而放棄。看看餐牌最後要了四個餸，分別有椒鹽豆腐海蝦、招牌黑椒手揸骨、西蘭花花姿及避風塘炒蜆。首先上菜的是避風塘炒蜆。豉椒炒蜆吃得多，避風塘炒蟹都吃過，但避風塘炒蜆卻是第一次見到，好奇下便要了這個餸。辣，真的很辣，早知要小辣。初嚐此菜，份量頗大，但吃過後都是濕濕的有點汁的豉椒炒蜆才是我杯茶。然後到的椒鹽豆腐相對來說當然沒有辣的感覺，然則為何是甜甜的?是搞錯了鹽跟糖嗎。起初對椒鹽豆腐抱有一點期望，但始終都是越華會的才嫩滑，越華會的椒鹽豆腐天下無敵。再來的黑椒手揸骨簡直是極大的驚喜!

自從轉左工之後都好耐無黎灣仔食駒記大排檔，今日約左個朋友仔一齊去食，懷念下以前既日子，駒記最出名就係炒蜆，今日黎到當然要即時點黎食啦，炒蜆除左d蜆要新鮮外，當然就係講鑊氣，炒出既蜆熱，但係d肉仲好多汁，好嫩，正。第2道菜係椒鹽豆腐拼海蝦，豆腐就炒得比較硬身左d，不過海蝦都算新鮮，最鍾意用佢地椒鹽撈飯，夠香，惹味。第3道就係鹵水併盤，我最like食佢地鵝腸，佢地用新鮮鵝腸做唔係急凍，所以食落有口感。

果日想食有鑊氣D,所以又係上OPENRICE搵大排檔CWB來講, LEE間好似吾錯最中意佢有好多相睇, 可以指住黎叫都得叫左3個小炒同一個炒飯1)椒鹽魷魚LEE個已經成為每次去大排檔必叫的應該冇死先係...點知LEE間炒得好咸2)欖菜四季豆 (左上角果碟)不過不失, 沒有太咸, 但四季豆略為"林"身如果可以爽口點就更好喇3)炸蒜辣子雞好好食, 有少少辣, 好似食緊避風塘炒蟹0既雞版本咁LEE碟清曬~4)蛋白炒飯得2個人食, 食到最後反曬艇LEE碟食吾曬了, 不過都幾好食0既如果白飯可以改做炒飯咁細細碗就好喇~題外話:由於第一次去LEE度, 又吾係太熟銅鑼灣所以去果陣都行錯左少少路去到果條街0既街頭時...見到有大排檔喇唸住搵番"駒記", 第一間個名吾係駒記但有個伙記叫我地入去坐仲話間間都係同一間好喇, 入左去睇個餐牌大大隻字寫住"駒記"又真係同一間喎~

Tried this local seafood restaurant the first time with a foreign friend the first time. The seafood was so fresh and the dishes were amazing!! Most importantly, it was so cheap! The beer promoter was the only weakness as she keeps pouring the beer into your glasses without asking so you feel pressured. At the end we have to tell her to stop but in general, super happy with this restaurant. Toilet was ok too considering in a low end restaurant like this. 👍🏼👍🏼😋😊👏🏼🍻

好耐都沒去食大排檔，去到銅鑼灣諗住行年宵，我朋友二話不說揀咗食大排檔。記得上年行年宵我地都係去呢間大排檔，雖然今年沒甘齊人，不過只要大家開開心心食餐飯已經好滿足。我地叫左4個小菜，大約80蚊一個人。我哋叫咗個炒蜆，不過比較多沙，而且好多蜆都係合埋，搞到大家要不斷搵啲肉去咗邊。但係味道拎黎送飯就一流佢既豆腐拼魷魚外脆惹味只不過魷魚既分量比較少⋯我地最中意叫既沙拉骨呀好中意沙律配塔，好開胃，我地人頭都食左一碗飯。沙拉骨既調味適中，酸酸甜甜。豆豉鯪魚炒油麥菜好有鑊氣，五會爛晒同好老。

食材冇驚喜,招呼差劣。有兩個大叔成晚企係收銀機隔離,客人成檯垃圾都唔理。樓面上菜見檯面有位就擺低,機乎放去隔離檯。海鮮價超貴228元8隻中蝦（每隻不足一両）平均逾30元両,是次8隻中，更有直了的。計起仲貴過“西貢”

聚舊。想搵個可以坐得耐嘅地方。諗到大排檔係個幾好選擇。近近地就灣仔啦。五個人叫左六樣野。椒鹽鮮魷。麻麻地。啲炸粉好厚。蛋白菜粒炒飯。樣子麻麻。味道還可以嘅。雜菜粉絲煲。呢個唔錯。菜都算多，啲粉絲都夠味。唧唧芥蘭煲。好夠味。但好油。粟米魚肚羹每人起碼食到兩碗。魚肚都幾多。最滿意係呢個。中式牛柳啲牛肉淋到有啲奇怪5個人食左$496坐下傾下兩個鐘想搵地慢慢食。呢到ok.店員都好客氣。但上菜就慢左啲囉。