駒記海鮮大排檔

營業中

休息中

自從轉左工之後都好耐無黎灣仔食駒記大排檔，今日約左個朋友仔一齊去食，懷念下以前既日子，駒記最出名就係炒蜆，今日黎到當然要即時點黎食啦，炒蜆除左d蜆要新鮮外，當然就係講鑊氣，炒出既蜆熱，但係d肉仲好多汁，好嫩，正。第2道菜係椒鹽豆腐拼海蝦，豆腐就炒得比較硬身左d，不過海蝦都算新鮮，最鍾意用佢地椒鹽撈飯，夠香，惹味。第3道就係鹵水併盤，我最like食佢地鵝腸，佢地用新鮮鵝腸做唔係急凍，所以食落有口感。