馬祖 (形點 I)

營業中

休息中

台灣家常味嘅小店，菜式選擇多，份量充足，每道菜都充滿暖心嘅台灣味道，仲有啲小驚喜✨.1️⃣ 藥膳養生湯白菜豬肉餃米粉🥢 湯底藥膳味濃郁，入口帶陣陣中藥香氣，飲落暖胃又滋補。白菜豬肉餃大大隻，皮薄餡靚，啖啖肉汁好滿足！米粉吸晒湯底嘅精華，質地爽滑唔黏牙，呢碗真係「湯粉餃」控嘅必試之選！🫶.2️⃣ 上湯浸時蔬🥬 一碟清新嘅蔬菜配上鮮甜嘅上湯，睇落好簡單，但食落感受到用心。菜色仲保持住清脆口感，冇過火亦冇太多調味，特別啱一啲鍾意輕食健康嘅朋友！💚.3️⃣ 鹵水雞翼（3隻）🍗 鹵水味道滲透雞翼每一絲肉，鹹香濃郁之餘，帶少少甜，正宗嘅台灣鹵味風格！雞翼嫩滑唔乾柴，食到停唔到口，三隻真係唔夠喉，建議大胃王直接加多份！😂.4️⃣ 台灣麻辣鴨血拼凍豆腐🌶️ 湯底係屬於中辣偏麻嘅類型，第一啖已經好驚艷，越食越過癮！鴨血質感超滑溜，完全冇腥味，係嗰種台灣小火鍋裡面必有嘅經典味道。凍豆腐吸滿湯汁，入口後豆香混住辣香，無敵好味！如果唔怕辣，一定要試！🔥

元朗地鐵站連接既形點，SHOPPING🛒🛍️和美食盡在一起，開始轉天氣🍂約埋朋友烚下烚下非常好🫕馬祖火煱任食自助餐，有多種獨特的湯底，湯底是打邊爐靈魂所在，揀左個蕃茄紅棗杞子湯底非常足料，麻辣湯底可以揀大中小辣🫕任食的形式可以根據自己的口味選擇食材，肉類方面有幾款，牛肩胛肉，西班牙無激素豬肉片，台灣沙茶牛肉係自取的，還有雞件，海魚柳🐠🐽🐔🍦最後仲有雪糕做甜品，非常滿足🥬🥦蔬菜方面有很多款 粟米南瓜很甜，豆腐，蟹柳魷魚，仲有多款肉丸🌟服務好好，時時來清理枱面和加湯🌟假日有點人多，需要等位

呢间马祖台式鸳鸯火锅 新开张，朋友话佢啲食材比较新鲜，岩食！任食黎讲性价比⬆️ 咁多间嚟讲呢间价钱系划算今日食 120分钟任食 牛肩胛放题套餐～$228*任食Movenpick雪糕呢个系我至爱，其他嗰啲多数每人得一盒，盒呢度可以任食！！大爱💗🍨🍨🍨*一人一锅自选台湾药膳汤底我拣咗药膳桃胶 同 药膳椰子鸡🤩药膳清香 、椰子鸡亦清甜👍🏻*任食超过30款火锅配料30多款基本火锅配料都有，我觉得佢啲牛肉好味 ，牛味香浓入口即溶，如果对肉嘅质素有要求，仲有几个高档啲嘅套餐选择👍🏻👍🏻*任饮超过15款饮品呢度有多款饮品选择，而且仲有多款甜品任食、亦有Movenpick 名牌雪糕食 👍🏻我钟意食甜品同菜，呢到甜品都有好多款！而且蔬菜嘅款式比较多同新鲜 😋 #聚会 #围炉 #任食 #火锅#今晚食咩好 #元朗 #元朗美食 #元朗餐厅 #冰淇淋 #雪糕 #吃到饱 #香港美食

無人主動加湯夠鐘出面無人 野食未食晒 佢二話不說倒晒落湯底然後清走 咁夠鐘趕人走岩嘅 但會唔會做得更好呢始終呢行競爭咁大 下次唔會選擇你啦最難受叫左杯芒果茉莉茶勁難飲 同個侍應講可唔可以幫我換個杯佢勁大聲 同廚房講客人話你杯野勁難飲 換個杯茶出黎首先你間野 食物真心唔差 但可唔可以員工態度好少少 希望可以正視下

經常去 "馬祖" 食火鍋放題, 原來除咗火鍋放題之外,  午餐係有米線同飯食👏👏🥔生薑豚肉香蔥海苔燒汁飯 $57飯量及豚肉好多, 豚肉飯內有本姑, 但姑腥味太重, 影響整個飯嘅味道😟🥔藥膳香辣蕃茄農場雞米線  $61蕃茄湯底非常濃郁😋, 酸酸甜甜好開胃, 雞肉嫩滑👍, 份量可以🌟馬祖(形點I)元朗朗日路9號形點 l L2樓2041號舖

前幾天想去食火鍋，間間人多到爆，得返馬祖冇乜人，同門口四眼女人講四位，佢話要等枱，下，明明入面都冇乜人都要等，等咗差唔多半個鐘，先叫飛可以入座，唔知點解要人喺門口等😡果個女人可能係經理，長期企收銀位收錢同吹水已經冇乜客，都要做到咁差

完全唔知門口女帶枱做緊咩黑色眼鏡嗰個女仔已經係非繁忙時間，入邊勁多空枱同佢講咗兩位食放題，食咩餐佢呆咗十幾秒之後先反應得到之後後面有六位大媽諗住插隊佢又係完全唔理，反而處理咗後面六位先終於明點解成個商場得佢唔使排隊將二人枱隔離有兩張凳完全係頂住人坐張枱喺員工室旁邊員工出出入入一直撞到張凳食物方面質素還好湯底好正但係牛肉完全冇解凍冇湯唔會主動加湯完全唔會主動收碟食過同集團旺角嗰間服務質素好好多起碼員工係熟練總括而言，就係一間冇服務質素可言嘅餐廳

之前食係ok嘅。果日中午一個人，想食餐，企咗一陣，我見到門口已經有兩張吉嘅4人枱。但門口無名牌嘅長髮接待小姐都不帶位。之後黎咗兩組2人又等位，居然俾咗佢地入座，果兩組人坐一張枱，用板隔開。我一個人仲要繼續等位。之後接待小姐都無再理我。我又唔係要求一人一枱，叫咗我攞飛又比其他人入，咁即係想點呢？？

今日同舊同事聚餐，揀左台式火鍋～馬祖，以前黎都係食米線，第一次來打邊爐，因為有一位唔食牛，一人唔食豬😂一人一爐就最好。叫左個「全日120分鐘放題」分別有牛肩胛、極黑和牛肩脊肉、黑毛豬，送一杯飲品，我地要左蜂蜜綠茶，另外菜、丸、飲品、雪糕任食，食物有一定嘅水準，百多蚊一位超值啦⋯⋯用餐時間90分鐘，準時埋單，但係我地多坐一陣，侍應都無趕我地走，又唔係無客喎，陸陸續續都有人入來，性價比高，價錢合理，食物不錯，環境乾淨，會再來的。

今日去開元朗搵食嚟到YOHO，突然想食吓醉雞麵，咁就去呢間食啦叫咗個藥膳醉雞湯米粉米粉都幾好唔錯，雞塊都嫩滑，醉味就一般啦，唔係太濃，58蚊價錢黎講算係好好了另外叫咗個黑糖冬瓜茶，唔太甜幾好飲，啱晒食醉雞麵

馬祖台灣湯麵，主打任食自助火鍋，之前食過火鍋都唔錯，一人一爐。不過今日唔想食咁飽，餐廳有好多款湯麵套餐，價錢由$56起，飲品就另加錢。🥢藥膳養生湯農場雞新竹米粉🍜$56藥膳湯底有很多紅棗，感覺好滋補，湯底好飲，唔會有過重藥材味，仲有幾件農場雞件大大件，肉質嫩滑，新竹米粉都份量大，食得飽飽好滿足。🥤柑桔檸檬特飲（凍）+$8一樣大大杯柑桔檸檬味道夠唔會淡茂茂，仲好多冰夠晒凍冰冰。另加一服務費是日消費$70

今次去咗‘馬祖’外賣自取晚餐，叫咗個‘’黎試吓我用咗唔同嘅角度去分析一下今次嘅餐飲體驗。份量：偏細份，但係都夠食嘅味道：味道都唔錯，係藥膳泡飯味新鮮度：估唔到啲雞好新鮮有雞味鹹度：唔算好鹹油度：正常油餐飲：沒有包含上餐速度：相當快速三至5分鐘就整好成個餐店員態度：對答態度良好店內環境：裝修新淨企理交通地理：位於YOHO Mall來交通10分方便付款方法：八達通人均消費：大約$60改善方案：如果份量多啲，多啲配菜更加好下次希望試吓生薑豚肉香蔥海苔燒汁飯～

食到最後甜品 食到一半 都要催我出去收銀埋單 用膳時間仲有35分鐘 當時9:51分 員工coffee 行埋黎 要我地埋單 當時甜品食緊 本來食完出去埋單走人 。問佢我地夠鐘離場？ 佢答 要到收銀比左錢先7百幾蚊埋單食澳牛既服務質素 冇下次喇

推住BB車而又可以放埋架BB車一齊食既餐廳真係唔多選擇🙇🏼‍♂️🙇🏼‍♂️因為好多餐廳都要收起架車放係出面🙇🏼‍♂️🙇🏼‍♂️Yoho Mall既馬祖就方便到要照顧埋BB既食客❤️午市唔食火鍋可以選擇單點麵食👍🏻都幾多選擇👍🏻自選麵套餐😁😁一個湯底一個麵底加2個餸👍🏻藥膳麻辣湯(小辣）油麵，濃汁手作牛丸(3粒）+ 白菜豬肉餃（3粒）$57麻辣湯小辣唔算好辣，冇乜麻嘅感覺，藥膳味唔夠出，但整體個湯都好飲嘅👍🏻油面唔錯，冇乜油益味👍🏻👍🏻韌度啱啱好👍🏻白菜豬肉餃可以唔洗試，個人認為超級普通冇乜特別🙇🏼‍♂️牛丸必食推薦🔥🔥超好食，咬開真係有汁滲出來👍🏻👍🏻藥膳養生清雞湯 新竹米粉，台灣花枝丸（3粒）+墨魚春卷（4粒）$56藥膳味好出❤️新竹米粉 爽口韌度岩岩好👍🏻花枝丸同墨魚春卷好好食🔥🔥必食推薦🔥🔥***套餐熱飲+$6，凍飲+$8總結：馬祖麵食套餐抵食又唔太差👍🏻👍🏻$5x起👍🏻地方闊落，BB車入埋冇難道🫶🏻🫶🏻

食物質素唔錯，環境舒適，食物種類及數量都很多。但服務態度就……，尤其是門口帶位個主任，完全唔識帶位，一時又話跟時間入先，一時又話跟人數入先，睇住遲過自己攞票都食得津津樂道時，但自己仲喺門口等待中，難得有大枱空出，佢寧願拆散，都唔比較早等待的食客。總之就係隨佢喜好，等到發火。反正門口係佢企，我就寧願揀第二間。牛肉質素性價比高，都有多款類別嘅食物在冷櫃任揀。飲品方面都多選擇，最窩心係有個暖櫃放左幾款飲品，唔飲得凍飲的人士多一個選擇。