馬祖無限時台灣養生涮涮鍋

營業中

休息中

難得放平日同老公去旺角行街，經過瓊華中心見到馬祖主打冇限時放題就去試吓，佢哋而家做緊7:30前埋單$247加一好抵，可以唔使趕住兩個鐘頭還枱👍我哋叫咗Prime grade安格斯餐，鍋底我哋揀咗麻辣鴨血豆腐鍋小辣，雖然係小辣但都幾辣🔥，安格斯牛肉同埋鹵大腸味道唔錯，加上手工墨魚滑、鴨血、墨魚腐皮卷，最特別仲有即炸黃金地瓜條，配上四款唔同嘅味粉好似ShakeShake薯條咁😋呢度有三種自家製凍飲，我哋用飲咗冬瓜檸檬茶同埋芒果茉莉茶，呢兩款味道唔錯清清地好解渴！甜品仲可以每人揀一款Dreyers甜筒、Kitkat雪條或者Movenpick雪糕🍦整體嚟講呢度性價高，仲要冇限時慢慢食幾好！

涮涮鍋吃到飽套餐主力更係食牛啦⋯⋯有極級SRF極黑和牛肩脊肉、極級Prime Grade安格斯牛頸脊、Prime Grade美國安格斯牛肉，三款牛肉都好鬼正，仲有西班牙黑毛豬等等…其他配料都係落單點的，款式多到試唔晒😆有我最鍾意食嘅豬大腸，海鮮類都好多好新鮮。湯底叫左藥膳椰子雞涮涮鍋，聞都已經聞到椰子香味，飲落口好清甜。最尾更係食過王子麵先，吸晒湯底d精華正到呢😋飲品超多選擇有熱有凍。食埋杯雪糕就超級滿足喇。

朋友同我都係莞茜&牛肉控，這間質素整體唔錯，就平日下午嚟試吓，沒想到2點幾嚟到都有不少人食緊，叫左個餐加鍋等吓就食得爆漿岩莞茜豆腐鍋 岩晒我哋 莞茜控 來到果然沒有失望，整體食咗1.5小時個味道都幾濃郁，入面有莞茜仲有豆腐同粟米…打邊爐下吓火岩晒免費食到黃金地瓜條仲有幾款味粉選擇，熱呼呼吸引，地瓜條幾脆口而且加少少粉味道不錯來到當然要食牛肉啦….PrimeGrade霜降牛小排，安格斯牛肉，極黑和牛肩脊肉和牛頸脊當然不會錯過，每款肉質都幾軟熟，牛味都不錯，特別喜歡牛頸脊口感有軟之餘有咬口海鮮幾新鮮，是日海鮮蟶子和蜆叫了幾次，白鱔，蝦都爽口丸同餃唔好好大隻但都幾足料，粒粒份可以食多幾款雪糕每人可食一杯，我選了少有的椰子味入面仲有椰子碎勁好食飲品有罐裝或茶, 有款愛文芒果苿莉花茶真心唔錯有芒果同茶味又不會太甜。朋友就飲韓式飲品今次我哋食個餐7:30前離座每位$487仲有八折優惠，以這質素價錢都可以..

餐廳以無限時任食火鍋為賣點，環境有比較多嘅獨立卡位，唔算坐得特別迫。環境尚可。藥膳花膠雞涮涮鍋： 藥膳味、或者花膠雞湯唔夠重。攞個湯底嚟沾食物，食唔到咩嘢藥膳味。飲下湯，都唔算濃郁。麻辣湯底：反而比較鍾意麻辣湯底，夠濃郁。嗌咗小辣，都好辣！整體嚟講，湯底味道係滿意嘅。肉類：薄薄嘅牛肉，正正常常，冇咩特別。嗌咗西班牙豚肉、都係正常水平。丸類：個人最鍾意三星蔥豬肉丸，口感新鮮，滿足喜歡蔥味嘅朋友。另外芋頭貢丸都夠晒芋頭味。黑松露丸唔OK，冇黑松露味之餘，仲有浸好假嘅味道。海鮮：有蝦、蜆、聖子唔同嘅選擇。正常水平。整體嚟講：水準正常。值得讚嘅係，落咗單佢來貨嘅速度非常快。對於個服務係滿意。環境：★★★☆☆ 食物：★★★☆☆ 值得試指數：★★★☆☆

旺角馬祖涮涮鍋，叫左SET A，Prime Grade 美國安格斯牛肉 +西班牙無激素豬肉片。有好多湯底選擇，我地叫左花膠雞湯，好足料，真係有雞件花膠豆卜粟米等既食材滾個湯底。其他野QR code 任叫，我地當然係主要食Prime Grade 美國安格斯牛肉 同西班牙無激素豬肉，切得薄薄，咁先正，牛既話淥十秒左右就食得啦! 牛味濃同埋嫩，豬就有香甜感，同樣嫩嫩的。海鮮我地都點左蝦、蜆、帶子、墨魚仔、款款都好美味呀，一份通常3件，份量岩岩好。手打既黑松露墨魚滑、芫茜燒賣、芝心豆腐都好有特色。豬肚豬耳牛柏葉都好爽口。鱔片嫩好滑，咁多好餸我仲叫左個烏冬，安格斯牛肉送彈牙稻庭烏冬真係好正。飲品都有好多款式凍熱都有同埋自家冷泡茶，醬汁有我最鍾意既沙茶醬，多蔥多蒜正! 另外佢加既湯唔係普通雞湯黎嫁，一樣係藥膳湯，滾極都唔會淡味，值得一讚。贈送蕃薯條，新鮮炸起，仲配有多款shake shake 粉，有得食又有得玩。甜品方面每人只限一杯，我地食左Movenpick既朱古力味同椰子味，都已經好飽，非常完滿!

日期：28/3/24 1pm -5:16pm 2人朋友聚會埋單$805 (参考openrice食評揀此處首次幫襯）內容：1）假期前夕每人加$10~當時很少客，且同廈火煱也有其他選擇,加上香港食肆淡靜，此加費確實要檢討(若非費時掃興.本欲離場） 2）揀鴛鴦湯底(椰子+藥膳）加$48但味道一般.之後加清湯非原湯 3）照原價加一服務費 4）當天openrice 訂座8折 5）揀咗$327中價肉放題 6）食物正常但不致驚喜 7）環境衛生舒适，职員態度正常 8)原说7：30PM前埋單8折,但去到又說要6PM前離座 9）甜品只迷你雪糕每限1杯，但餐表顯示大多售完，只幾款選，但飲品任取選擇算多(有韓飲/台飲),醬料選擇正常***總結~優勢是不限時可吃得不趕及盡興，但其實价錢貴些相等於其他限時2個round, 也只是羊毛出自羊身上，單從食物質素及性價，加上現有很多火煱選擇,本人未必會回頭選了***

食材新鮮，好滿足！時間充裕！下午2時至7時，有五个小時讓我可以同朋友詳談，不用食得太趕！食物和飲品種類也算多，美中不足沒有咖啡飲品，驚喜有咖啡雪糕！美味的一餐！

之前天氣凍嗰陣，朋友介紹之下，就去咗試呢間火鍋店。我平時好少食火鍋放題，一嚟自己食得唔多，二嚟食物質素參差，所以咁耐以嚟食火鍋放題嘅次數真係1隻手掌數得曬。今次係朋友介紹，加上LUNCH TIME食，又唔限時，感覺無咁大壓力，可以慢慢食；食飽咗之後都仲有時間消化，唔會好似晚餐咁，食到好飽就去瞓覺，勁辛苦。聽講呢間火鍋店食物質素唔錯，店員服務都好，甚具人氣。佢有唔同價錢嘅火鍋套餐，由每位$247-$487不等，主要係牛肉等級唔一樣。我哋揀咗$408 養生涮涮鍋，除咗其他任食食材之外，仲有極級Prime Grade美國安格斯牛頸脊、西班牙伊比利亞黑毛豬、Prime Grade美國安格斯牛肉同西班牙無激素豬肉片都可以任食唔嬲！入座之後，揀好咗湯底，店員喺廚房準備之際，就送上免費嘅前菜小食！嘩，竟然係 shake shake蕃薯條！我勁鍾意，仲要附送唔同口味嘅調味粉——包括麻辣、甘梅粉、蕃茄粉同紫菜。我哋全部味都拆嚟試，覺得最鍾意紫菜粉同梅粉，食完一條又一條，可惜無得REFILL～醬汁同好多任食火鍋店一樣係自己出去醬料吧自由調配，而飲品選擇都唔少，除咗包裝好嘅飲品，仲有一啲特別飲品，如店家自製

最後天氣好凍同好耐冇見的朋友打邊爐最好不過♥️最重要係冇限時可以慢慢傾，慢慢食😆呢間火鍋店最特別係每枱送上一碟即炸地瓜，而且附送五種不同口味的shake shake粉，我哋揀左海苔味，味道好夾帶出地瓜鮮甜～揀左最抵食的prime grade 安格斯牛肉同西班牙無激素豬肉片餐 7:30pm 前離座只需 $247飲品方面有幾款自家製荼，例如：愛文芒茉莉荼，黑糖冬瓜檸檬茶，冷泡日月潭蜜香紅茶～ 味道唔錯，值得推介👍甜品方面：有貴價雪糕比你揀，例如係movenpick, Dryers甜筒，Häagen-Dazs等等！食埋雪糕非常滿足♥️

太耐冇同舊同事食飯,始終不同office難就時間嘅, 無限時餐廳真係非常之適合.menu 已經定好咗三款set最平［hkd 308 +10%,小朋友130 cm 以下178hkd+10%］ ,跟住就係四百幾,然後最貴六百幾一位.始終係我哋第一次食,四大一小就擇咗最平嗰set試下,四位大人就可以擇兩個湯底.湯底嚟到食台式打邊爐,真係會好想試養生系列例如花膠,桃膠蟲草嗰類或者係椰子雞決定order 蟲草桃膠另一個椰子雞湯底跟住所有嘅食物都係自助qr code落單肉方面呢其實雞,牛,豬,都出色嘅p.s. 湯底d 雞好滑,再order 雞脾肉應該就有醃過嘅醉雞味,非常好海鮮方面唔洗額外加錢 ： no limit order 有魚片（鱔片同脆肉鲩) , 有蝦,有蜆,（仲有魚雲）台式丸子+ 餃子: 有手工豬丸，手工牛丸。餃子多選擇: 令人回味的有粟米雞肉餃，韭菜餃service 非常好，食到11pm , 仲提我哋未order Hagaan Dazs / Movenpick ice cream

間店舖好大，係正瓊華中心11樓全層，超級方便，同好姊妹去大刷一餐。叫左個set C中辣既麻辣牛肉湯底。任食火鍋呢度真係咩都有得食，爽到爆炸。🍲湯底：麻辣牛肉湯底（好多大大塊既牛腩，湯底有中藥材成份，好養生，唔係只係得辣，仲有當歸香）🥩肉類：任叫「美國SRF極黑和牛肩脊肉」「Prime Grade安格斯牛麵團」「西班牙伊比利亞黑毛豬」「西班牙無激素雞豬肉片」D肉超高質，好好味火鍋配料：有成60幾款！！有幾款必叫！花膠：好正，每塊都係大大塊，爽口牛柏葉：好彈牙黑松露墨魚滑：好高級既墨魚滑，好夾。超好味！蝦：呢度既蝦，非常之新鮮，彈牙架！元貝：五蚊銀咁大粒。好鮮甜炸魚皮：好脆脆！鮮淮山：好滑，入哂味，超好味私心推小食：黃金地瓜條：有4款shake shake 粉（蕃茄味、麻辣味、甘酶味、海苔味）首先一半用左海苔味，同蕃薯炸條好夾，甜甜鹹鹹好好味，好脆。另一半地瓜條用左甘酶味，點知仲好味。加左d酸酸甜甜嘅味，好正。飲品+調味料：都係自助！飲品品係普通罐裝或紙包飲品，仲有手沖飲品。拿左愛民芒茉莉花茶好飲。調味料好多款。甜品：最後一人一杯雪糕有Movenpick 同Haagen-Dazs選，仲有甜

第一次食，感覺幾好👍🏻首先佢有個早食時段，7:30前離座可以有8折價，都平好多吓👍🏻如果收得早、或者放閒日嘅人食呢個時段就啱晒🥳跟住我哋簡咗中價位，有得食牛頸脊、黑毛豬果個餐，配咗個醉雞鍋湯底🍲開頭略嫌個湯底有啲苦，不過其實烚咗啲食物，食落口個味係啱啱好😋愈食愈好味！食材就同其他台式火鍋🍲大同小異，無乜好好好signature嘅嘢食，不過好推薦啲手打丸，好好味🤤除咗打邊爐外，啲小食都幾好味，一開始送咗碟蕃薯條🍟仲跟咗啲shake shake粉，食落又甜又糯～最後一個細節位都做得好好，就係一開始已經Stand by咗兩壺湯喺枱度方便比客人refill。雖然好似唔係好困難嘅嘢，但真係無幾可有其他火鍋會咁做。所以整體成餐飯都好滿足😌幾出色😚

天氣微涼，去打返個邊爐就最正，天氣凍真係特別有胃口，今次我哋揀咗一間冇限時，輕輕鬆鬆慢慢食！真係非常好，可以放肆咁滿足一下個肚子。😋😋😋😋台式養生火鍋店，地點就腳就喺旺角瓊華中心樓上，每次想食得專門啲、專心食高質嘅火鍋配料，唔想變咗食放題咁雜，就會揀呢一間！佢哋專注喺精選台式火鍋湯底和配料上面，我覺得係我食過好食嘅台式養生火鍋！環境：⭐️⭐️⭐️⭐️地方很大，打邊爐最驚坐得迫，呢間餐廳大部份都係寬敞卡位，枱面有好多空間可以放食物，光猛闊落，入到嚟唔會覺得好侷促，通風唔錯！而且枱面唔會油淋淋，感覺清潔衛生。除咗飲品和醬料係自助之外，全部採用QR自助落單，上菜速度很快。食物🥩🍗🥬：⭐️⭐️⭐️⭐️我們揀了【台灣養生涮涮鍋吃到飽套餐】 7:30pm前離座🥩Prime Grade安格斯牛頸脊 🥩Prime grade 美國安格斯牛肉 🥩西班牙伊比利亞黑毛豬 🥩西班牙無激素豬肉片兩款牛肉顏色鮮嫩，脂肪分布均勻，牛頸脊油花相對較少，肉味突出，而安格斯牛肉油花比較多，厚身食入口即化！兩款牛肉質素都非常好，唔會一碌就散晒消失咗！另外黑毛豬肉片嘅質素都唔錯！肉質嫩滑，冇臊味！配料🍗🍡🥬:一般打邊爐嘅配料，你數得出嘅都有

成日嫌兩個鐘打邊爐唔夠喉，呢度竟然可以由朝坐到晚，餐廳係馬祖台灣養生湯麵館嘅副線，供應多款優質肉類，客人可以按級別選擇唔同價位嘅無限時任食火鍋套餐，適合一大班人嚟聚會🥳今次叫咗D餐，包括極上Prime Grade霜降牛小排、安格斯牛、牛肩脊、西班牙伊比利亞黑毛豬同無激素雞豬肉片🐷 牛塊夠薄，一秒即熟，肉質嫩滑，掛汁，肉味香濃，食多幾碟就回本！湯底要咗爆漿熔岩莞茜鍋，青BB好吸引，味道唔算好濃但出面未見過，試試無妨！另外有黃金地瓜條可以自己shake shake，番茄粉最好味，強烈建議大家叫埋炸魚皮放落去一齊食😏值得一提係呢度嘅丸類比出面多，大部份自家製作，款式多樣化，而且質素都唔錯，個人喜歡芝士牛丸，小心熱，因為真係會爆漿😬 墨魚滑都唔錯，彈牙又新鮮～ 海鮮類會推海蝦同深海魚柳，雖然隻蝦唔係好大隻，但係食落啖啖肉都幾過癮，魚柳鮮甜滑溜、菜類都有唔少選擇，竟然有菜心、飲品仲有自家製少甜茶類，最後以甜品作結，好飽好滿足😋

打邊爐除咗個爐好重要，食物質素要高之外，時間唔知係咪你哋其中一個考慮因素呢，旺角嘅呢間火鍋店就可以無限時任食，可以同一班朋友瘋狂吹水又可以喪食高質食材🤤由於無限時可以慢慢食慢慢傾，所以今次叫咗台灣養生涮涮鍋吃到飽套餐嘅頂版🤓首先揀咗湯底先，湯底都成十幾款，我哋就揀咗藥膳花膠雞涮涮鍋，雞件用上雞髀肉，大大件又嫩滑，花膠份量都好多，湯底都幾好飲😙極上Pʀɪᴍᴇ Gʀᴀᴅᴇ霜降牛小排一上枱真係嘩咗一聲，出面好少可任食火鍋提供比嘅牛小排有咁高質素，油花分佈均勻，入口非常嫩滑，牛味亦相當濃🤤極上Pʀɪᴍᴇ Gʀᴀᴅᴇ安格斯牛頸脊呢款個賣相都好靚，牛味比牛小排更濃郁，無咁嫩滑，但多咗一份爽口😚Pʀɪᴍᴇ Gʀᴀᴅᴇ 美國安格斯牛肉呢款最基本嘅牛肉都用上Pʀɪᴍᴇ Gʀᴀᴅᴇ，入口一樣係嫩滑牛味濃👍🏻西班牙伊比利亞黑毛豬豬肉食落好鮮甜，豬味都好突出，但就無豬羶味，值得一試手工墨魚滑呢個都推介，食落爽口彈牙，墨魚味都好重，成班人都食咗幾條🤣🤣送咗黃金地瓜條，跟咗4包味粉，呢個食法幾特別，我哋就覺得甘酶粉搭佢最好食，其他味都好食嘅，正正常常咁自家製飲品大推愛文芒果茉莉花茶👍🏻👍🏻 唔會太甜，芒果味又香最