影片
更多
2024-03-04
544 瀏覽
之前天氣凍嗰陣，朋友介紹之下，就去咗試呢間火鍋店。我平時好少食火鍋放題，一嚟自己食得唔多，二嚟食物質素參差，所以咁耐以嚟食火鍋放題嘅次數真係1隻手掌數得曬。今次係朋友介紹，加上LUNCH TIME食，又唔限時，感覺無咁大壓力，可以慢慢食；食飽咗之後都仲有時間消化，唔會好似晚餐咁，食到好飽就去瞓覺，勁辛苦。聽講呢間火鍋店食物質素唔錯，店員服務都好，甚具人氣。佢有唔同價錢嘅火鍋套餐，由每位$247-$487不等，主要係牛肉等級唔一樣。我哋揀咗$408 養生涮涮鍋，除咗其他任食食材之外，仲有極級Prime Grade美國安格斯牛頸脊、西班牙伊比利亞黑毛豬、Prime Grade美國安格斯牛肉同西班牙無激素豬肉片都可以任食唔嬲！入座之後，揀好咗湯底，店員喺廚房準備之際，就送上免費嘅前菜小食！嘩，竟然係 shake shake蕃薯條！我勁鍾意，仲要附送唔同口味嘅調味粉——包括麻辣、甘梅粉、蕃茄粉同紫菜。我哋全部味都拆嚟試，覺得最鍾意紫菜粉同梅粉，食完一條又一條，可惜無得REFILL～醬汁同好多任食火鍋店一樣係自己出去醬料吧自由調配，而飲品選擇都唔少，除咗包裝好嘅飲品，仲有一啲特別飲品，如店家自製
今次係朋友介紹，加上LUNCH TIME食，又唔限時，感覺無咁大壓力，可以慢慢食；食飽咗之後都仲有時間消化，唔會好似晚餐咁，食到好飽就去瞓覺，勁辛苦。聽講呢間火鍋店食物質素唔錯，店員服務都好，甚具人氣。佢有唔同價錢嘅火鍋套餐，由每位$247-$487不等，主要係牛肉等級唔一樣。我哋揀咗$408 養生涮涮鍋，除咗其他任食食材之外，仲有極級Prime Grade美國安格斯牛頸脊、西班牙伊比利亞黑毛豬、Prime Grade美國安格斯牛肉同西班牙無激素豬肉片都可以任食唔嬲！
入座之後，揀好咗湯底，店員喺廚房準備之際，就送上免費嘅前菜小食！嘩，竟然係 shake shake蕃薯條！我勁鍾意，仲要附送唔同口味嘅調味粉——包括麻辣、甘梅粉、蕃茄粉同紫菜。我哋全部味都拆嚟試，覺得最鍾意紫菜粉同梅粉，食完一條又一條，可惜無得REFILL～醬汁同好多任食火鍋店一樣係自己出去醬料吧自由調配，而飲品選擇都唔少，除咗包裝好嘅飲品，仲有一啲特別飲品，如店家自製嘅黑糖冬瓜檸檬茶、愛文芒茉莉花茶同冷泡桂花烏龍茶等。湯底
超多選擇，一共有12款咁多數，有養生醉雞、田園蕃茄雞、藥膳姬松茸雞、古早牛肉養生蟲草、日本壽喜燒野菌、芫茜豆腐、麻辣鴨血等……我哋就揀咗養生蟲茸花桃膠雞湯底。湯底清得嚟又勁足料，見到唔少蟲草花同桃膠，啲雞肉又勁滑，感覺好滋補。湯底好夠味，加水滾到最尾都唔會淡晒。
養生蟲茸花桃膠雞湯底
18 瀏覽
0 讚好
0 留言
因為任食嘅關係，所以套餐裡面嘅食物都可以揀，總數接近60幾款咁多，前菜亦可以無限追加，除咗蕃薯條。而為免造成浪費，客人需要自己用店家提供嘅ipad menu選擇食物同數量。食物種類超多，睇到我哋眼花繚亂。我哋將想試嘅都叫咗小量，試過覺得好食之後再追加，所以一共點咗3輪。值得一提嘅係，店家每一次都上齊，每漏上任何一樣食物，呢樣絕對要表揚！食物種類實在太多，篇幅亦有限，我重點分享一啲推介items：
19 瀏覽
0 讚好
0 留言
蔬菜及菌類
蔬菌類選擇都多，樣樣都好新鮮！最難得係有羽衣甘藍揀，一定要試！
21 瀏覽
0 讚好
0 留言
海蝦肉質新鮮爽彈；手工黑松露墨魚滑同手工墨魚丸😍口感超彈牙，黑松露味好突出，質素都唔錯。超長蟹柳棒鮮甜，肉質細嫩。仲有試咗鱔片同帆立貝，前者爽滑，好食！
手工丸及手工餃
42 瀏覽
0 讚好
0 留言
18 瀏覽
0 讚好
0 留言
試咗手工三寶丸同其他幾款丸同餃子，當中以醬爆濃芝牛丸最令人難忘，牛味同芝士都好出色，肉嘅味道夠濃，口感彈牙！自家製手工餃，皮薄而軟滑，餡料新鮮。
飲料好特別，我哋最欣賞就係有台式飲品，唔係一般嘅汽水；我哋最鍾意芒果茶，酸酸甜甜，好開胃，又夠fresh！
飲料
33 瀏覽
0 讚好
0 留言
甜品雪糕
26 瀏覽
0 讚好
0 留言
餐廳夠光猛，環境又乾淨，空間夠寬敞，坐得好舒服。店員服務都好，親切友善，會不停主動加湯同收碟，好細心。餐廳又唔會催人埋單，所以今次真係食得幾爽，當日真係飽到夜晚飯都唔使食XDDD
張貼
