馬祖台灣養生湯麵館 (V Point)

營業中

休息中

銅鑼灣登龍街又有新店進駐，呢間主打滋補藥膳湯底的「馬祖台灣養生湯麵館」，有啲blogger甚至話可以飲晒佢哋啲湯，有無咁誇張阿小編今鋪真係要試試佢！-藥膳農場醉雞米線 💰67 9⃣佢哋湯底真係飲得出相當有水準，聽店員講用咗勁豐富藥材熬製例如當歸紅棗等等，呢款仲額外加咗花雕酒，入口溫和啱啱好唔會過濃，唔怪得一上檯就問到濃郁藥膳醉雞香味。大件又滑身雞件配埋超級爽滑嘅米線，真係知道點解咁多人願意排隊一試！-藥膳麻油雞米線 💰66 9⃣小編其實嗌之前都驚麻油會好膩，但實質真係唔會反而令到湯頭更加香，台灣人咁鬼鍾意食麻油雞進補。而且仲有薑同埋米酒嘅味道。想進補嘅朋友真係要order呢款。配上同樣嘅鮮嫩滑雞同埋爽口彈牙米線，美味又滿足不是講經！-鹽酥濃汁手作牛丸💰30 🔟呢款鹽酥牛丸灑左幾多鹽同胡椒，味道主要係咸咸辣辣都幾惹味過癮。重點一提牛丸無因炸嘅原因變得好乾好柴，反而依然保持好juicy！呢個味真係需要讚！同埋口感都幾煙韌彈牙！

The first time I ate at 馬祖台灣養生湯麵館 (English name: Taiwanese Mazu Lifestyle Noodles), it was in Tin Hau and I really did like it. Their focus is healthy Chinese medicinal based chicken soup.  I've gone back a few times. Much to my surprise, they now have a shop here in Causeway Bay. Even closer to where I live! More convenient.  So, on a lazy evening when I didn't feel like making dinner, boyfriend and I came here for a bowl of noodles.Located in V Point, this is a much more spacious restaurant th

今年中秋節🥮要一個人過，所以我出咗去咗買咗一份一人外賣套餐，食住過中秋🥮餐廳環境大又乾淨，坐得又舒服。唔叫外賣，堂食感覺都好正「一人商務套餐」$97，有齊哂小食 + 主菜 + 飲品，百份百滿足到你既胃😋【小食🥡】鹽酥墨魚春卷(3條)煙煙韌韌好好咬口既墨魚春卷，又香又好味，咁好食得三條咋🤭我仲想再食【主菜🍜】藥膳桃膠農場雞米線勁香濃既藥膳湯，好重藥材味，真係可以補下身😍仲有桃膠，夠哂養顏，對皮膚又好，仲有農場雞雞肉仲好嫩滑😋米線仲好好味【配餐飲品🥤】柑桔檸檬特飲 凍飲+$2柑甜好味，又可以解渴馬祖台灣養生湯麵館 (銅鑼灣)銅鑼灣登龍街18號V Point地下2號舖

呢日同屋企人係銅鑼灣整完野之後好肚餓，比我見到原來開左間馬祖，之前係中環食過幾次都覺得唔錯，不過餐廳都係長長既人龍，費事排隊之下決定買外賣返歸，個全日一人商務套餐有小食、主菜、飲品夠曬吸引🤭▪️ 鹽酥台灣澎湖特A級花枝丸（3粒） + 蟲草花藥膳農場雞白飯 + 熱無糖茉莉花茶 （7/10）💲5 + 97面頭灑上辣粉同埋椒鹽粉，花枝丸口感非常彈牙，食到好多新鮮既墨魚粒，惹味到好想食多十粒😍湯底係滿滿既藥材味，有蟲草花、紅棗、木耳、杞子等等，感覺都頗為滋補，雞件份量足夠，啖啖肉不過不失，因為驚米線拎到返屋企會發脹或腍身，所以呢次叫左白飯可以當做泡飯咁食🐔▪️ 鹵水雞翼（2隻） + 藥膳農場醉雞白飯 + 熱蜂蜜茉莉花茶 （7/10）💲97鹵水雞翼好入味，而且肉質嫩滑😈湯底亦都有驚喜，藥膳味依舊，多左陣香濃既花雕酒香🥂🔎 整體評分（7/10）

女朋友今日OT，特登叫我買外賣加餸。我揀咗呢間以養生做賣點嘅台式餐廳，幫女朋友滋補下😆。.🐔藥膳養生湯農場雞飯$65雞肉肥瘦適中，口感嫩滑，而且雞皮有彈性。配上清甜美味嘅藥膳湯，令人食慾大增。紅棗、杞子等等嘅藥材好滋潤，啱晒女仔食。.🐙鹽酥墨魚春卷（六條）女朋友特登叫個鹽酥小食，感覺好似置身台灣夜市咁。墨魚春卷口感彈牙，經過油炸之後表面好香脆。.🥢馬祖台灣養生湯麵館 (V Point)銅鑼灣登龍街18號V Point地下2號舖

銅鑼灣食肆眾多搵間特別啲試下行完time square見到有間大玻璃光猛食麵鋪頭近睇原來食藥膳養生麵所有湯底都係藥膳湯底有唔同既餸配搭店舖闊落舒服座位寬敞點了兩個一人商務套餐藥膳農場醉雞米粉配藥膳濃汁手作牛丸雞件嫩滑juicy配以醉雞湯底米粉索哂湯汁好快就食哂米粉藥膳濃汁手作牛丸湯汁有紅棗，杞子湯底偏甜適合女孩子牛丸彈牙juicy份量剛剛好藥膳古早牛肉湯手工麵牛肉好林蘿蔔甜得黎冇渣麵條煙奀掛湯一流花枝丸A級的花枝丸咬落彈牙咬落有一粒粒墨魚口感豐富配餐飲品也很特別愛文芒果茉莉花茶柑桔檸檬特飲是開胃之選

今晚同朋友去銅鑼灣shopping，正愁緊食甚麼好，見到V Point 這間麵館，我囡囡係荃灣那間麵館的粉絲，我自己則從未試過，就拉我朋友入去。我哋揀咗兩個「一人商務套餐」，貪佢有齊小食+主食+飲品。最先上是飲品，我要了柑桔檸檬特飲，朋友是愛民芒果茉莉花茶。小食就要藥膳上湯福茂貢丸（3粒），因為我兩個都是好飲湯之人，果然無令我們失望，湯好飲，丸夠彈牙！另一款小食是鹽酥墨魚春卷(3條），因為有椒鹽粉的關係，非常惹味！主食的藥膳養生湯農場雞白飯($95)，湯底當然美味，湯底有𣏌子、桂圓、蜜棗等，鷄件也頗大件，肉質鮮嫩！古早牛肉湯米線（$105），牛肉炆得夠火侯, 肉好腍，蘿蔔又好入味，這個湯底比鷄湯較濃。終於明白為何囡囡是她的紛絲了！

這條街道的餐廳已經轉營了很多次，所以偶然經過這邊，不時也會見到新店開張。這家還在試業階段的台式麵店，主打養生雞湯湯麵，餐牌全部都是藥膳養生湯或是加入香辣醬汁的湯底。銅鑼灣這邊鬧市區來說，以價錢及食物質素來說真的挺划算。藥膳養生湯台灣直送澎湖 特A級花枝丸拼白菜豬肉餃米線大大碗的湯麵，十分飽肚。湯底加入藥膳食材加雞湯熬成，有桂圓、杞子、紅棗等。麵條方面加錢轉成手工麵條，口感蠻好的。不過水餃一般，可能浸久了，水餃皮已經破掉。花枝丸彈牙，入面有粒狀的墨魚，很有嚼勁。

依間台灣麵餐廳其實之前都食過，幾高質， 啲麵好大碗，價錢又唔貴，所以銅鑼灣開咗一間要即刻去試吓，餐廳嘅位坐得好舒服今日同朋友去 叫咗 每人一個一人套餐一個， 小食有滷水雞翼兩隻， 整得好入味，兩隻啱啱好三隻又太多之後香辣養生湯農場雞米線，啲雞又大舊又嫩滑， 仲要有雞髀肉個湯好有雞味，又清清地咁。好好味！另外一個套餐就有香辣養生湯台灣直送澎湖A級花枝丸米粉拼白菜豬肉餃。叫咗小辣其實小辣都已經幾辣，建議唔食得辣嘅下次唔好嗌咁辣啦！啲花枝丸超級有墨魚味，咬開仲見到細細舊墨魚肉 上湯濃汁手作牛丸有三粒，好juicy呀！勁有牛味，好耐冇食過啲咁這個高質嘅牛丸最後嘢飲叫咗兩杯，凍愛民芒果茉莉花茶同埋凍柑桔檸檬特飲，酸酸甜甜好開胃呀

咁好耐無出過銅鑼灣，難得出去就搵野食。見依間馬祖都好似好健康就入去試下。入面都幾大幾新，疫情下都將啲位既距離隔遠左，所以都幾舒服。員工態度都幾nice，感覺幾好。咁餐廳選擇都多既，一人餐好似幾抵食，又小食，又主菜，又飲品。叫左兩個一人套餐，一個要蟲草花藥膳農場雞跟飯，一個要藥膳農場醉雞米線，小食要左一個鹽酥墨魚春卷同一個鹽酥台灣澎湖特A級花枝丸。先黎既係蟲草花藥膳農場雞跟飯，先飲啖湯，係好清甜，有啲藥材味，蟲草既香都出既。食落啲雞好嫩好入味！仲要比左隻雞脾我，真係好滿足！仲要好好咁比左隻碗我裝骨，依個位好細心。之後就係藥膳農場醉雞米線，個湯係好明顯一飲就有啲酒香，但都係好好咁有少少藥材味，好正。米線唔會太多，晚餐黎講岩岩好。雞又係好入味，酒味幾濃，整體係好好食。又係有碗裝骨，抵讚。之後小食鹽酥墨魚春卷同鹽酥台灣澎湖特A級花枝丸，個春卷入面好實好多墨魚肉，好有咬口。花枝丸就幾彈牙，墨魚都多既，口咬都好有層次，有硬有軟。跟餐仲有杯野飲，要左杯無糖茉莉花茶，同一杯愛文芒果茉莉花茶。咁無糖個杯飲落好清新好岩夏天飲，好解渴。愛文芒個杯就唔會太甜，芒果味都幾重。唔錯。

銅鑼灣登龍街又有好食米線！由天后開到中環，而家進駐埋銅鑼灣，以後想食溫暖粒粒嘅湯米線就唔使周圍搵，因為佢係only choice💕💕💕銅鑼灣舖頭地方闊落，間隔都比得天后同中環高端。上菜位位於餐廳正中間。餐廳內時鐘裝飾。疫情期間進店前需要量度體溫，同挫消毒液。蟲草花藥膳米線（$66）雞肉非常嫩滑，啖啖肉，雞骨都唔會吉口👍🏼想再滋味啲？都可以叫一個墨魚春卷（$30）又可以有多啲菜食👍🏼👍🏼

和朋友第一次吃藥膳湯麵。我們來到銅鑼灣的馬祖台灣養生湯麵館。套餐有小食，湯麵，跟花茶等飲品。我點了蟲草花藥膳農場雞湯飯。湯底散發著很香的蟲草花香氣，亦有雞的清香味，感覺很滋補。湯飯很足料，除了有用木耳，枸杞，紅棗和龍眼肉等藥材餚製，雞件份量也不少，農場雞肉的肉質很嫩滑。朋友點了藥膳彭湖特A級花枝丸拼白菜豬肉餃米線，湯底亦帶清甜藥材味。花枝丸口感彈牙有咬口，豬肉餃亦足料，皮薄餡靚。小食方面我們點了鹽酥墨魚春卷和鹽酥濃汁手作牛丸。鹽酥墨魚春卷很香脆，表面有撒上椒鹽粉，更突出鮮味。鹽酥濃汁手作牛丸亦很香口，牛味濃郁。飲品點了愛文芒果茉莉花茶和黑糖冬瓜茶。味道很清甜又消暑, 一杯帶淡淡的芒果香, 另一杯又有冬瓜茶的清香。

而家好似越來越多賣養生湯嘅店舖，呢間馬祖都係用藥膳湯底，難得喺公司附近開咗分店，終於可以試吓。今日選擇外賣不堂食，入門口探熱後，店員都招呼我入去坐低慢慢揀，餐牌上提供好多款套餐，最後選了商務套餐，勝在小食、主菜、飲品樣樣齊。兩個套餐的小食包括藥膳上湯福茂貢丸三粒和鹽酥台灣澎湖特A級花枝丸三粒（加$5 ），貢丸幾彈牙，又大粒。花枝丸有少少辣醬更加惹味。主菜選了一個「藥膳桃膠農場雞米線」（ $97 ），另一個是「藥膳養生湯墨魚春卷配白菜豬肉餃米線」（ $95 ）。外賣盒將米線和湯分開，估唔到桃膠分量這麼多，雞件都幾大件而且唔會太老，米線份量都多。至於墨魚春卷就相對較實淨，豬肉餃都足料好味。重點梗係個藥膳湯啦，都見到有好多紅棗杞子桂圓等材料，味道都好好啊！飲品選了蜂蜜茉莉花茶和金橘檸檬特飲，健康又好味。

食左當去左台灣系列🤩冇得去旅行，唯有四圍去搵野食去解思鄉之苦🥺放工近近地去一轉台灣先~2個人叫左2個set，真心飽👍🏻⭐大辣花枝丸手工麵⭐古早牛肉湯手工麵麵底好煙韌QQ份量仲好夠花枝丸食得出係靚野，肉質唔散，真心有花枝粒係入面牛肉炆得好鬆軟好好食另外小食叫左⭐藥膳湯貢丸D湯好飲，比我飲哂⭐鹽酥墨魚酥卷香，鬆，脆，feel到係即炸既飲品叫左一凍一熱冬瓜茶味道都唔錯熱飲更加香其實睇下張相食哂就知好唔好食了👅👅👅👅😍讚一下店員都好好服務初頭比左對住牆既位置話想轉位聽到店員即刻同其他同事講好快就有位轉不過我地坐落覺得對係牆又幾自成一角同埋原來都唔迫決定唔使轉位之後店員都有再問多次我地需要真係幾細心❤️一晚台灣回味之旅完滿結束🥰

之前係天后食過既馬祖又開多間係銅鑼灣啦! 銅鑼灣分店係正vpoint樓下, 而且店內燈光同裝潢色調明亮, 加上一邊落地玻璃, 仲有2人同4人卡位, 座位設計寬敞左, 整個空間感更大更舒適。11點後有全日一人餐, 包括小食, 主菜同飲品。 如果想散叫都可以, 另外有個晚餐menu既, 見佢小食多款又幾吸引, 就一於叫一人餐化算d藥膳上湯濃汁手作牛丸牛丸咬落好有質感有咬口, 叫得濃汁牛丸果然咬爆個下有汁必出黎, 正!鹽酥墨魚春卷墨魚春卷面頭脆身內裡彈牙, 鹽酥加上少少辣粉, 香口又惹味。藥膳麻油雞飯 $96未食已經聞到超勁麻油香, 呷一口湯, 除左麻油味外仲有藥膳味既後勁, 而且不失清甜, 唔會因為麻油而令湯變得油膩, 當湯飯咁食好正~ 雞件份量多, 而且件件都好好肉地, 好足料!香辣養生湯農場雞米線 $96食親粉麵都要加辣既我, 揀左香辣養生湯, 一次過滿足兩個願望可以見到養生湯底藥材配料, 紅棗圓肉杞子齊哂, 仲有木耳添, 湯底夠哂濃味! 中辣對我黎講岩岩好, 辣汁又香又有辣勁。另外幾中意食完成個米線都唔覺口渴, 全無味精感, 真係幾健康!無糖茉莉花茶 $2 依度既自家特飲好抵飲, 好