馬祖台灣養生湯麵館 (V Point)

營業中

休息中

星期日，下午，在利舞台買完東西，需要歇一歇，那麼當然不要往商場裡面找落腳。在登龍街逐家店看看有什麼好吃，茶餐廳？燒味？魚蛋粉？日本小店？酸辣料理？韓國炸雞？最後選了這店。隔著玻璃看見裡面寬敞明亮，食客可以獨佔一桌，寬敞，沒有壓迫感。門外有詳細的餐單，下午茶，$45！推門進去，坐好。自己QR code落單。食物很快就送上。先喝一口湯，味道不錯。米粉也OK。全部都很熱燙。然後，吃貢丸，相對而言，貢丸的中心溫度較低，不夠熱，於是把四顆貢丸壓在碗底，用湯的溫度補救。這情況不用投訴。吃完了，慢慢享用無糖熱飲。這裏環境寧靜，也沒有要吃完就走的壓力。以後有機會，可以再來。

椰子雞湯米線呢個椰子雞湯充滿椰子咪好creamy ，雞肉都幼滑，椰子雞湯加埋紅棗雲耳，整體味道都係養生嘅，米線煮得幾好味，唔會太霖同埋唔會斷。養生肥牛米線呢個湯低都好濃既紅棗味，加埋啲肥牛同米線，整體感覺上好養生。蕃茄湯墨魚丸米線呢個米線有蕃茄湯既味道，墨魚丸就有點彈牙，飲起上嚟清清爽爽的。#馬祖 #午餐

今日我去咗銅鑼灣嘅馬祖台灣養生湯麵館，試咗佢哋嘅藥膳麻油雞米線同埋藥膳田魚蕃茄龍腸雞手工拉麵。總共兩碗麵，埋單136蚊港元，真係物超所值。首先講下藥膳麻油雞米線，呢碗麵麻油味好重，真係好香。雞肉好滑，食落去啖啖肉，好滿足。不過，可能因為麻油味重，覺得有啲油，但係都唔影響整體口感。藥膳湯底好足料，飲落去暖笠笠，好啱依家嘅天氣。再嚟就係藥膳田魚蕃茄龍腸雞手工拉麵，呢碗麵嘅蕃茄茄汁真係好濃郁，酸酸甜甜，好開胃。手工拉麵嘅麵質好有咬口，同蕃茄湯底好夾。雞肉同另一碗麵一樣，都係好滑。呢個組合真係好創新，又好好食。總言之，呢兩碗麵都好有特色，每款都有自己獨特嘅味道。環境同服務都好好，係一個好適合同朋友一齊嚟嘅地方。如果你鍾意食台灣麵，真係要試下馬祖台灣養生湯麵館。

晚上去銅記行下，天氣凍凍地想食啲暖野，即想起食碗醉雞米暖下身都好喎，上網搵到間馬祖，即去一轉。餐廳面積頗大，裝潢以木系為主調，簡約的格局，大約18:00去到，唔太多人，之後越夜越多人。餐牌，見到湯底有藥膳醉雞、麻辣、麻油及黑蒜等，都係比醉雞吸引左，揀左一人套餐，主食+一款小食+飲品，$98。藥膳醉雞米線。材料頗多有紅棗、雲耳及芫荽等，藥膳醉雞湯底濃郁，酒味較重，但雞味唔算好出，但味道上都可以嘅，配台灣新竹米粉，口感幼身吸味易入口，雞肉份量頗多，肉質嫩滑都不俗。小食-鹽酥雞，又揀左雞，份量都頗多，口感酥脆肉多汁，鹹鹹地幾惹味。柑桔檸檬特飲，酸甜滋潤。食物味道正常，價格尚算合理，服務態度幾好，食完好飽肚又暖身好滿足。

已經第二次喺呢間餐廳食嘢啦。今日特登下午茶時間去，少啲人而且價錢比較平，望住menu諗咗好耐，因為樣樣都好想食。最後揀咗鱈魚包麻藥湯底手工麵。鱈魚包好香口，手工面軟硬適中，最後成個湯飲晒。舖頭辣椒油都好出色，辣椒油香口到最後我將個面加辣油拌麵食，就咁飲個湯

今天去CWB聽講座，順便吃跟朋友吃飯，我特地選了一家台灣料理，叫馬祖，一看名字就很台灣。我們進去的時候剛好是下午茶時段，下午茶還蠻便宜的$45起，我叫了藥膳清雞湯手工麵配豬排，他們這個湯甜到不行，好像像糖水一樣，真的不行太甜了，豬排很像茶餐廳的豬排就是普普通通，手工麵應該是港式手工麵扁的，我還配了一杯熱的黑糖冬瓜，也是太甜。朋友點了一碗上湯貢丸，他的湯頭也是甜到好誇張，太甜了，沒辦法吃，我很懷疑廚房是不是把食物當成糖水在做，我們下次應該不敢再去吧。

下午茶抵食-----在鬧市中的平靜-----人流不算太多可以靜靜傾下計♡♡醬汁豬扒飯配菇和紫菜，味道OK～飯的份量適中，食完都幾飽單拼自選麵餐款式多，可自由搭配！！！

見成條街有多人等位，呢間少人D，係咪代表不好，又唔係。只是稍贵，68元一碗。湯好濃，好大碗，食唔哂。雞也大件，只是冰鲜雞始終味道一般，而且煮太熟。如果可以另外上，可能好D。冬天吃好，暖胃。地方算濶落。很適合女性，補吓。

食左好幾年，可能開左分店，就發覺愈來愈冇誠意。點左佢蟲草花農場雞米線，4件雞全部都係雞胸 （記得以前點都會有隻連翼尖的雞翼），仲要件件煮得過熟，雞肉冇晒水分，鞋到似煲完湯。失望

間中就會想食藥膳湯麵屋企樓下有另一間但始終行遠少少都黎馬祖食佢啲雞係滑啲同埋印象中之前枱冇豉油而家放喺枱自己搞幾唔錯如果啲雞斬得好啲會更好今次食果陣有件雞成條骨斬到好尖差左出黎同埋偏大舊冬天黎會飲埋啲湯👍🏼餐跟既飲品都夠曬大杯

今朝銅鑼灣做完facial，有啲肚餓，返屋企煮嘢食，又要去買嘢，等唔切，於是行去登龍街睇吓有咩好嘢食，見到好耐冇幫襯嘅馬祖，今日就入去食下先，上次叫咗黑蒜藥膳農場雞米線啲湯底好味，但係雞一般，唔太多肉有啲嚡，今日就試吓嗌佢個藥膳古早牛肉湯米線試吓先，有兩大嚿蘿蔔又淋又甜，試吓湯底藥膳加少少辣，感覺好有層次，啱我口味，牛肉有四大條，又淋又有牛肉味，米線淋嘅程度啱我口味，因為我唔鍾意太硬嘅米線，加咗三隻滷水雞翼，滷水雞翼一般，啲肉少少蟹，要咗杯凍嘅冬瓜茶冇乜特別，因為我鍾意佢啲湯底，如果嚟呢附近都會再嚟😌

之前食過幾次都覺得唔錯，份量又夠，所以就過嚟食個quick lunch，趁佢12點未人多唔使排隊。叫咗個蟲草花藥膳農場雞米線，雞肉唔鞋，又夠大件啖啖肉。但個湯底冇之前咁好飲，之前可以飲晒啲湯，但今次鹹咗啲，一路食都要keep住一路飲嘢，好彩加咗杯嘢飲，如果唔係都食唔晒成碗麵。嘢飲叫咗愛民芒果茉莉花茶，芒果味幾濃，不過就甜咗啲。整體嚟講冇以前咁好食，同埋麵嘅份量都少咗。同埋服務都差咗，俾啲職員叫咗我調兩次位，落單嘅時候職員又唔專心聽，講三次先落得啱。

呢度嘅雞米曾經係最愛之一雞有鮮味 肉厚但不肥煮得軟硬適中第一次來時覺得與別不同吃得津津有味很有吃新鮮走地雞嘅感覺可惜世事常變價錢一路向上質素一路下降雞唔好食湯越來越淡冇雞味只係紅棗龍眼杞子水加d油咁 米線唔似有用湯煮過整體淡而無味湯無味所以桃膠都冇味好在有辣椒油幫助唔洗做大嘥鬼牛肉手工麵 牛肉一般福茂貢肉正常 重香菇味牛丸okay 上湯好過鹽酥港式凍奶茶okay港式凍檸茶okay如果下次嚟食鴨血會唔會失望

假期去銅鑼灣行街，夜晚行過黎登龍街搵野食，原本想食拉麵，但見有幾多人排隊，就搵過其他野食，呢間岩岩好見到有位，之前食過覺得唔錯，就再入去食。印象中係麵食加小食餐，今次見到有，就試下。都係同一堆料，不過係2餸麵，加多個餸用碟出咁，都好既，多樣野食🤣🤣呢間賣點真係湯底，好濃味，我叫左個麻辣養生湯底，湯好濃，湯味唔會比啲辣味遮住，好飲👍麵份量ok，唔會覺得唔夠飽，麵咬落有彈性，唔錯。啲餸都ok，冇乜特別，浸住啲湯幾入味，不過我嫌款式比較小，如果多啲啲選擇會更好

餐廳嘅位置喺銅鑼灣登龍街，如果喺時代廣場出口就最好揀A出口，跟住慢慢行上去大概5分鐘就會到，地址你講到上非常方便同埋就腳，我今日係下午時間去食，lunch嘅時間真係好多人真係要早啲到，如果唔係就好似我咁要等下一輪！✔️麻油雞飯，份量我都覺得幾抵食，麻油雞飯非常香，而且啲雞都幾滑，份量嚟講都算幾多，再加埋大大個白飯其實都幾好送飯，見到都好多上班一族都叫咗麻油雞飯，整體嚟講都可以，不過就坐得有少少迫，下次會考慮外賣返公司食！