馬祖台灣養生湯麵館 (V Point)

營業中

休息中

依間台灣麵餐廳其實之前都食過，幾高質， 啲麵好大碗，價錢又唔貴，所以銅鑼灣開咗一間要即刻去試吓，餐廳嘅位坐得好舒服今日同朋友去 叫咗 每人一個一人套餐一個， 小食有滷水雞翼兩隻， 整得好入味，兩隻啱啱好三隻又太多之後香辣養生湯農場雞米線，啲雞又大舊又嫩滑， 仲要有雞髀肉個湯好有雞味，又清清地咁。好好味！另外一個套餐就有香辣養生湯台灣直送澎湖A級花枝丸米粉拼白菜豬肉餃。叫咗小辣其實小辣都已經幾辣，建議唔食得辣嘅下次唔好嗌咁辣啦！啲花枝丸超級有墨魚味，咬開仲見到細細舊墨魚肉 上湯濃汁手作牛丸有三粒，好juicy呀！勁有牛味，好耐冇食過啲咁這個高質嘅牛丸最後嘢飲叫咗兩杯，凍愛民芒果茉莉花茶同埋凍柑桔檸檬特飲，酸酸甜甜好開胃呀