馬六

營業中

休息中

黎到港島區西灣河大約下午3點多，於太安樓內見到有好多美食，今次就試一試馬六。下午茶套餐都有好多選擇，仲包熱飲，或加錢轉凍飲及特飲。仲可以追加地道娘惹小食1. 沙巴燒雞(脾)配蝶豆花椰漿飯( $48)，因為加左蝶豆花先將飯變左藍色，第一眼見到感到怪怪地，但食落好香椰漿味，而雞脾即叫即燒，需要等，所以上枱時仲熱且皮脆仲配上炸魚仔，十分惹味2.南洋咖央多配班蘭醬（$18），中間片牛油雖然超級邪惡，但配上多士後超級好味，首選推介必食。3. 石叻單骨雞翼（4件) $22，整體無乜特別。4. 凍桔仔檸檬茶，有原粒青桔仔，天氣熱飲後成個人透心涼

星期日晚六點幾去到，門口有十幾人等緊。㩒飛4位等兩張枱，諗住都吾會好耐，所以就決定等。眼見不斷叫1-2位枱，等左三個字就入左張四人枱，諗住下張到我。再等三個字後，個電腦牌show左我之後個號碼，有人客入左去。我以為電腦出錯，即刻入去問。有個女侍應同我講人地3位，有張枱仲有一個客未食完，所以比佢地先，一句吾好意思都冇。有冇諗吓我地感受！點解吾可以等嗰位客人食完比張枱我哋？!咁我地㩒飛排隊有咩意思！起碼同我講聲先，問我介吾介意吖！淨識賺到盡，冇heart冇誠意，d野幾好食都吾會幫嚫！

其實今次寫食評，都唔係因為第一次食呢間餐廳！印象中，應該係第二或者第三次架喇！純粹見果晚要上醫院探親，就夜左先有飯食，一心就諗住去馬六食個靚晚餐。而家真係好少食到咁好食既星馬泰風味既餐廳啊！價錢方面，我自己就覺得中價啦～性價比好高！首先，最令我眼前一亮既就係班蘭咖央多士！個包真係烘到好脆，食落去會聽到「炸」一聲！！不過班蘭味就唔係好出，但係夾埋咖央味一齊食，甜甜地咁，食完一件又一件啊！另外，佢仲有個黑骨茶（肉骨茶），好似係用左雞湯之類，個味真係好濃郁，佢果舊骨唔係硬架！唔係湯渣！係好鮮嫩既肉質佢個叻沙麵，椰香奶味就重啲，反而就唔同於我喺其他餐廳試到咁重既蝦味！不過，想食邊種呢，就見人見智啦！佢仲有個蔥油雞脾撈麵都係我每次納入考慮既選擇！不過唔好單單睇佢係撈麵，真係超飽肚，例牌食唔哂！佢個鹼水味同個蔥油汁都幾夾，不過就有食兩啖就飽咁既感覺。不過佢啲飲品，我就無抱好大期望，都係一般普通飲品，不過不失啦！佢仲有好多野食俾大家揀架！有興趣既話，可以去食下啊～高性價比之選唔好意思！一時興起寫既食評，無食相提供🤭🤭藍晴之得閒就寫既食評仔

我最近人比較懶，動不動就落街食，又唔想誇區，又唔想出去... 所以放工，放假如非有約都係賴係屋企XD都有一段時間無黎“馬六”，點知我最期待既菠蘿冰已經唔再賣啦！好失望... 不過佢既海南雞飯同喇沙都keep到，我地今次試埋佢呢個咖哩湯，老實講呢餐佢1.5份我0.5份XD 呢個月我既無胃口都差唔多正常返!但講到海南雞飯，我依然都係鍾意太安入面個間囉~但呢間，我地可能都唔再食囉，所以如果諗起想食就唯有排入面個間平靚正既!

上次我係第二個食評，串過呢間野。今次帶位終於有改善，一個人攞一兩人飛。咪玩死自己，Turn Over唔夠快。今次啱啦，一個人就求其有啲死位攝落去，咁樣先係搵食。一日30個人係咁，全日做多半場客。我做20年餐廳經理你唔好同我坳。因為做生意其實係同時間鬥，要贏人先要贏自己。講番正經野，去到呢間野梗係要試吓肉骨茶啦。肉骨茶唔係講笑，好多派別。我冇記錯的話，唔拋書包費事俾人串，講認真幾好食，跟幾舊油炸鬼，喺馬六甲風味。我最適合呢啲餐牌，可以加少少錢叫個小食，叫咗雞翼香茅嘅幾好。但講真椰汁冰冰粒太粗，甜度爭小小。條form要跟一跟。後來我見到有人兩樣嘢細細碗原來有雙拼，我頂個肺，睇唔到蝕左底。下次再去試吓叻沙啦。收銀連帶位有點串，這樣會暗性趕客的，Even就算係老細都應該收斂下。食品就好好，睇自己造化啦！論食品我推介！

剛喺文娛中心睇完戲，就同媽咪到附近搵食醫肚。見馬六不用等位又有卡位座坐就不多行了，直接入去食飯。玻璃芥蘭 $48馬拉盞炒水魷魚加芥蘭，好惹味，水魷魚份量比芥蘭多。海南雞食拼肉骨茶 $82海南雞質感嫩滑不油膩，肉骨茶不錯，油飯味略為不夠。古仔路芒果冰 $28跟餐加$28，外觀精美但飲落比較失望，不是鮮芒果冰而是由果汁打製而成的。凍芝士手工拉茶 $12 充滿芝士咸香味，比起平日飲既奶茶，多一份特別味道，好滋味。

今日咁啱經過呢頭發現咗間新開嘅餐廳👻門口有好多人等緊位啊淨睇餐牌好似都唔錯咁喎🤔加上望到入面環境幾光猛同乾淨👍🏻就決定試下！✨✨南洋咖央多士 - 蛋黃口味（港幣$23）呢個多士嘅賣相確實係相當吸引！😍一咬落去係十分脆口 食到周圍都係麵包碎啊👅👅但好可惜嘅係 牛油太過香濃啦！搞到完全蓋過咗蛋黃味🤦‍♀️食唔出有蛋黃味啊💔不過以馬來西亞菜嚟講 屬於平民價啦👍🏻味道不過不失咁啦有機會都會再嚟試下其他野食嘅👀

馬六分別有兩個朋友向我推薦家附近的馬六，使我迫不急待地去試試它的味道，可惜今天不太餓，有了今次相信下次會吃更多。的確不錯👍餐廳環境就是我喜歡的馬來簡約風，一進去就想起去馬來西亞🇲🇾吃過的各種美食。由於不餓，點了個柚子沙律🥗好少，但真的好好吃😋蔬菜🥬新鮮爽甜，汁酸甜美味。班蘭多士十分邪惡卻真的好吃到不得了😍😍好香脆，牛油溶化後使多士咬下去再流出牛油香🙏🏻我要再吃我要快快再吃芝士手拉茶也香滑，茶味不錯，略甜了一點。整體是九十分以上，不錯不錯，再來再來！

係太安樓覓食期間見到有得坐又好耐無食馬拉菜就飄左入嚟🤣兩個人叫左幾樣野,味道同價錢都合理👍🏼海南雞肉質非常嫩,三種醬汁各有風味,雖然中間的有少少辣但有種令人上癮的味道🥴至於肉骨茶真係好耐無飲,依然有種好飲既中藥,好養生既感覺叫呢個純粹被顔色吸引,味道就係一般椰子飯味,真心好奇蝶豆花有無味🤔玻璃=魷魚比平時既魷魚口感更爽,少少辣不過我食哂🤣面包烘得啱啱好,中間除左班蘭醬外仲有一塊牛油,食落去有罪惡感但幸福🙈🙂

太安樓附近真的是美食天堂，平貴中西都有。幫手搬完屋後，我地就去左食馬六。 🥢馬六無骨海南雞飯 $68海南雞份量夠多， 又夠嫩滑。油飯略嫌味道不足， 淡左d。🥢燒魔鬼魚配椰醬飯 $82魔鬼魚比較少地方有得食， 魚肉嫩滑多汁，一梳梳的魚肉， 可連骨一拼食， 口感特別， 不食魚怕骨既我都食到。椰醬飯麻麻地， 無椰香味。🥢玻璃通菜 $46水魷魚炒通菜，爽口惹味，份量多。🥢凍芝士手工拉茶 $12 （加配價）拉茶入口香滑， 淡淡既芝士味，又咸又甜，味道好特別。

從馬來西亞回來，一直都好想念這味道，太值得祝慶的是，馬六都分店越開越多👍🏼👍🏼👍🏼今次揀了咖哩麵，本想煮淋啲的，但職員哥哥說太淋不太好味！所以都是按傳統的吧！啖啖都是香濃的咖喱味，還有豆卜可以吸盡咖哩的醬汁，食過番尋味！再要加推的是咖央多，又脆又熱辣辣的! 一試難忘！是必食的！如果少女們為口不太大，可以選擇在下午茶的時候來的，坐無虛席的！試過的都說好吃啊！喇沙都一樣不失望的啊！必食必食！

今天我早下班，去西灣河接老公下班後一起到太安樓看看吃甚麼。經過馬六，我以為是新開，之前沒見過，老公說開了一段時間，平日午飯時間都爆滿，現在人還少，而且未夠6點，還可以點下午茶！很多飯類正價是六十幾元，下午茶價只是四十幾，還可以以十多二十元再加配小食，又跟了杯品，最重要是⋯⋯份量不變！！！😱😱😱麵類都由本來的六十幾元，變成三十幾四十元，不過就是輕量版。我們點了沙巴燒雞配蝶豆花椰漿飯（$48）、馬六咖喱麵（$42）、雞肉串燒（$22）、馬拉盞炒通菜（$26），再用正價點了一份班蘭咖央多士（$23）。飲品就點了熱的手工拉茶和凍桔仔檸檬茶，才總共$164！手工拉茶可以先嚐一啖，覺得不夠甜才再加糖，我覺得甜度剛剛好。先來班蘭咖央多，麵包烘得香脆，咖央的甜、牛油的香，入口化成了滿足！😋雞肉串燒也不錯，雞肉和醬料都很香，吃到沙嗲醬裡的花生碎。沙巴燒雞配蝶豆花椰漿飯椰漿飯加入蝶豆花來煮，染成了藍色，蝶豆花本身有美容瘦身功效，多吃無妨😂米身較長，有點像印度米，很有咬口。燒雞腿非常大隻，皮燒得香脆，肉質結實飽滿。馬六咖喱麵有魚條、扎肉、雞絲、豆卜和芽菜，咖喱湯底極濃稠，入口還嘗到絲絲椰香。麵條有點像油麵，

馬六@西灣河味道還可以不過上次介紹深水埗果間值得去啲，因為再抵食啲😌食物：❤️❤️❤️❤️海南雞飯拼白胡椒肉骨茶還可以，但係白胡椒肉骨茶啲胡椒味超級勁，有啲似俾人整蠱加咗好多胡椒粉落啲例湯到😅😅😅糯米釀雞翼，味道正常馬拉盞炒通菜，一般凍美綠，正常普通咖央蛋黃多士，都幾脆味道唔錯熱手工拉茶，唔錯正常份量：❤️❤️❤️夠食，勉強夠飽環境：❤️❤️❤️唔係咁多car位，有啲迫服務：❤️❤️❤️普通正常無乜特別價錢：❤️❤️唔貴，以上嘅嘢加晒$219 ，不過深水埗食得再飽啲都係$170幾蚊，不過唔同地區都冇得比較，深水埗出名多嘢食平靚正，西灣河來講可以食馬拉菜都唔錯又唔貴，如果突然想食馬拉菜又喺附近都值得一試！#馬六 #malaccacuisine #hkfoodie #hkfoodies #hkfoods #hkfoodieblogger #hkfoodieblogger #hkfoodieyiki #saiwanhofood #saiwanhofoodie

因為今日要去文娛中心睇表演，所以諗住早啲食，快啲食但都想舒適、又無乜時間嘆果種。搵晒成個區竟然發覺除左太安樓掃街，真係無咩好食⋯⋯搵左呢間新新地又好似幾好坐，又正評多既試下。搵到我地hihi,勁難搵⋯⋯放工時間都無乜人，裝修幾簡約，但卡位坐位同枱之間超窄，一行四人唔肥都坐得唔舒服。我地一早openrice睇左menu所以快手落單～加央多士，脆薄，夠熱多醬，如果舊牛油再凍啲就好，而家溶晒哈哈，不過都好夠香，呢個係成餐最好味香茅蜜，無乜味，飲完攞起條香茅本身就超香，但溶唔到落水度參參，米粉略粗，湯唔夠濃，隻蝦剝左殼抵讚，同埋跟果半隻柑桔仔帶返出啲個未但都係唔夠雞絲扎肉金邊粉，好淡口，金邊粉量夠多都幾多配菜，清淡之選巴東牛肉飯，食過屯門間娘惹菜巴東牛返唔到轉頭，其他即時比下去。肉都唔韌既味都濃，就係唔夠果間好味咁解。唔夠汁送飯白胡椒肉骨茶配油飯，油飯唔夠香又唔滑口，米本身個質地太乾個湯好夠辣好胡椒，有一整隻連皮蒜頭一齊煮蒜頭好淋幾好味，但肉太少骨多得三舊成餐加埋320，無加一好好，味道不過不失咁，當茶仔依肚係ok既

黎西灣河搵食，唔一定要去太安樓既!今次就去左太安樓…後街嗰間馬六。睇個名都知佢食馬拉野，晚飯時段都有d人排隊，等左十幾分鐘就入得，都OK。食得星馬野梗係要食海南雞同肉骨茶啦，佢有雙拼既，每樣細份d，可以食多d👍所以仲有quota叫多個喇沙同咖央個雞幾滑，肉骨茶有藥材味但唔算好勁，係我鍾意既口味。喇沙係摻摻，有少少辣既，冇得走辣，唔食得辣就唔好叫喇最後最後，而又係最好食既，就係個咖央多士喇！！！塊多士脆口又香口，牛油大大塊，個醬又唔太甜，perfect池！件咖央為呢一餐畫上完美既句號