馬六

營業中

休息中

叫咗個茶燻鴨飯拼新加坡喇沙點知嚟到個鴨係煙鴨胸有啲取巧失望🥲🥲😓😓個新加坡喇沙尚算合格話梅桔仔水有啲偏甜其他服務環境尚算OK 下次都係要問清楚，先至好再試新嘢

呢間咁嘅餐廳，其實食就食過，食物質素認真麻麻，d 員工禮貌都係麻麻，不過有陣時真係諗唔到食乜好，先至食下呢間。好啦，今日就係諗唔到食乜好，就經熊貓下單呢間野嘅外賣，叫得外賣就梗係想要方便，咁餐具要加$1，ok無問題，就係因為唔想洗野，甚至自己根本無餐具丫嘛～～～～～好啦，一打開個袋，餐具呢？影都無！！！！！喂，我係因為你地有賣餐具先落單嘅，你無餐具我就唔落單啦，我大可以叫第二間，仲要餐具係我俾錢，錢就識收，貨物就唔提供！依家同d食物互望，扮有餐具導人落單，有料！！！！！

今日想食貼近平民價既午餐（即係唔想過100，唔想有加一服務）。有時經過太安樓外面，見到有三間分別食台灣、東南亞同越南嘢既餐廳拍住上（有時見其他區都有分店），三間都拎晒飛等位，就揀一間快既。等既過程，馬六有個員工幾好問幾位，幫手睇下座位情況，等左約5分鐘內，有個卡位。之後先發現其實可以提早用apps早啲拎定飛。喺等既時候睇定餐牌有咩食。東南亞美食我會諗起海南雞、叻沙。馬六有個叻沙係海南雞滲掺，滿足到我可以一次過食晒海南雞同叻沙既願望，加上可以揀米粉混油麵，或者只係米粉或油麵。午餐連熱飲$72。咖啡奶茶係東南亞既白咖啡同拉茶，可以揀甜度。叻沙第一口食落有少少辣，但食落唔算好辣，係開胃辣。湯既椰漿味偏重既。米粉混油麵軟硬度都可以。海南雞幾嫩滑，不錯。拉茶揀左少甜，因為我唔係食好甜既人，所以覺得少甜都偏甜。差啲忘了值得一提既係，碗麵隻雞蛋幾好食，竟然係糖心蛋。見隔離位叫海南雞飯，醬料幾滿幾多，飯同雞份量都算大。覺得下次再去既話，可以試下。

下午茶一向好食的，今日再叫喇沙摻摻，要豬頸肉，個湯唔同咗味，失望，$48，凍飲加$3，橙茶，真係有橙片的。巴東牛肉綠色飯，其實還衣個就一直都好一般，朋友鍾意食，加拉茶，就有水準的。$58。斑蘭咖央多士，正，大火仲好，$28包熱飲。最大特色係去到6點，所以都好多人食。

是一次非常非常差的一個體驗。店員服務態度差，得過且過，非常不建議大家光顧。進店時不招待客人，亦不主動為客人下單，直到我與朋友多次要求下單，店員即表示已過時間（但距離菜單上的時間還有2分鐘，無論我還是友人的手錶和電話均顯示還有2分鐘），令人非常失望。我十分懷疑店員的說明是違反商品說明條例：在所有菜單及門外的說明均表示下午茶會直到下午六時，但原來未到六時，原來已經不會為顧客提供下午茶服務。其實光顧的顧客多是平常來的街坊，店員這樣的服務態度令人真的不想再光顧⋯其實我也很少寫食評的，但是這次的用餐體驗真的令我感到非常失望，沒想到今時今日，店員能有這樣得過且過的服務態度，實在不希望再光顧此餐廳。

{馬來咖喱豬扒 - $62}超趕時間嘅晚上，求其諗住入一間連鎖快餐店食嘢，走咗入呢間馬來西亞嘅馬六！叫咗呢個馬來咖喱豬扒飯，質素相當普通，冇咩特別😅純粹係有啲魚乾仔，同埋花生增加去馬來亞風味，完全冇驚喜咁樣完成咗我今晚嘅高速晚餐！返嚟睇返openrice，見到大家post嘅都係呢間餐廳嘅下午茶，就咁網上同埋餐牌覺得比起晚餐吸引！我覺得下次可以試吓下午茶時段嚟呢間！美味程度：😋😋😋環境指數：🎇🎇🎇番食機會：🦍🦍🦍📍 #馬六 (西灣河)西灣河筲箕灣道57-87號太安樓地下G24號舖

呢間餐廳有好多分店，今次去咗西灣河分店⭐️海南雞飯配紫菜湯⭐️如果轉雞髀要加$10雖然我冇加到，但係有幾件雞係雞髀位置肉質都好嫩滑🤤有幾舊係雞胸位置，但係肉質都唔錯，唔會太嚡海南雞飯配上三款醬汁，薑蓉，黑醬油，辣椒醬海南雞同汁嘅份量好充足☺️ 本身係配油飯，不過我想keep fit嘅關係轉左白飯一般海南雞都會配雞湯，不過呢間就配紫菜湯紫菜湯不過不失😕感覺有落到味精🙈總結：海南雞質素幾好，如果紫菜湯換成雞湯整體會更加好🙈

9-7-2023大約下午15:45左右，本人致電西灣河馬六分店，購買外賣後，大約16:00到店詢問外賣是否已安排妥當，分店員工表示外賣仍未準備好，到大約16:30左右我再次詢問當值主管外賣還需時多久，那位主管立即幫我叫在場員工幫我跟進，之後那位員工立即大聲說，追都冇用快唔到架喎，然後那位主管和員工說 這位客人已經等左半小時 可否盡快跟進一下之後那位說大陸口音的胖嬸嬸說 出一個外賣要15分鐘 自己計啦 唔等得入去自己追囉😓😓 以後唔會再幫襯呢間垃圾餐廳 馬來西亞菜大陸服務態度 咁既員工都請 衰過茶餐廳Ps: 16:45先拎得外賣 足足一個鐘

價廉物美新馬菜一打開個餐牌有啲嚇親，原來新馬菜都可以咁抵食，本身期望唔係好高，因為見到個價錢咁平😂😂點知原來性價比咁高，仲發現馬六原來有咁多分店，下次一定會再encore!!馬六無骨海南雞飯併新加坡喇沙米線海南雞好滑唔嚡，真無骨😂😂個雞飯都好香，（三款醬汁：濃豉油好濃味、辣醬微辣唔會太辣、薑蓉味道正常）另外，新加坡喇沙味線好足料，有豆卜有蝦有雞蛋，味道都好濃，滿滿喇沙香料味，重口味人士必點°

良好外賣自取體驗一開始叫左雞飯跟紫菜湯，落單後先想轉改跟喇唦，原本的已包裝好，謝謝經理幫忙作臨時更換😄無骨雞飯雞肉嫰滑份量十足，喇唦辣度適中，班蘭咖咉多不會太甜很美味，特別是盛載的膠盒開了一個小孔透氣，十分細心。

分別食左幾次lunch同下午茶。都好推薦時間許可的話食tea當late lunch/early dinner。因為真係抵食d (平$10-$20不等)，份量都多！海南雞喇沙摻摻($53連飲品) (摻摻即係油面同埋粉絲)🐔喇沙湯底夠Rich，海南雞全部都冇骨，好方便懶人～- 份量方面，自問都大食，下午茶海南雞喇沙有mark輕量，但我覺得大份過lunch portion嘅蝦麵，都覺得好夠飽。🍞班蘭咖央多士($32連飲品)不過不失，不過有時好撞手神👀睇下多士夠唔夠熱。見到唔少人會特登六點前叫多一個外賣返屋企😋如果真係唔夠飽都可以優惠價配啲小食（試過串燒味道幾好，但個人覺得小食性價比一般，自己會揀隔離麥當勞😂）雖然價錢來講未算係西灣河最平最抵食嘅餐廳，但係真係啱晒有時突然好想食喇沙/馬拉野嘅時候去～～

早幾日朝早有野做到好晏都未食lunch, 行得去食嘢已經係下午茶時間啦，食tea都好，又平幾蚊，希望唔會細份左啦，因為今日做左成朝野未食嘢好肚餓呀！第一份種黎到嘅係無骨海南雞飯，一定要走油飯，怕肥渦🤭飲左杯熱桔仔話梅水，都好足料呀，有粒桔仔，有粒說梅，酸酸甜甜，好味！跟住仲嗌左碗厚切豬扒喇沙參參，大碗到你唔會以為係下午茶，咁就岩哂我啦，我真係勁肚餓！加埋杯特飲，最愛嘅芒果沙冰😄成餐好完美啦！總括佢啲下午茶係好扺食，size同午晚市一樣，係價錢平左一截！扺！

喺附近逛完，未到晚飯時間、肚子有點餓但又不想吃太多的尷尬時刻，好在仲有下午茶。店內燈光明亮，座位寬敞，店員也耐心等待我們點好餐後才換晚飯菜單。魚仔醬櫻花蝦蘿蔔糕好多櫻花蝦，醬汁鹹鹹地幾好味，蘿蔔糕煎（炸？）得金香，外脆內軟。最喜歡這一份。娘惹蟹肉酥盒用酥皮製成盒仔形狀，放上蟹肉與蟹粉，外觀豪華，酥皮略乾硬但味道不錯。南洋咖央多士也是麵包偏乾。相對其他餐點較為遜色。桂圓紅棗茶滿杯紅棗，和黃菊，不見桂圓

参觀完香港電影資料館,係附近呢間馬六食午餐。正值lunch time,都要等一等先有位。店舖唔算大,但都幾乾淨企理。午餐介乎六十幾至八十幾,包埋飲品,都算抵食。點咗碗厚切豬扒喇沙摻摻+杯熱飲$68,唔使加一。熱飲叫咗杯紅枣菊花茶,有紅枣嘅微甜同花香,都唔錯。如果加個杯蓋焗一焗,味道應該更濃些😜。碗麵份量都唔少,湯底微辣中帶椰香。半個糖心蛋嫩滑,大大塊豬扒幾入味。一碗麵滿足兩種口感,油麵光滑唔黏口,米線爽口。

時間唔晏吾早，未到六點。成日喺太安樓掃街，都未試過附近新開嘅餐廳。所以入咗嚟試呢間😈因為太肚餓，叫咗好多嘢食🫣男朋友就叫咗佢鍾意嘅海南雞，啲雞都好滑唔會有血絲，仲有三個醬汁，仲有一個紫菜湯，好多紫菜好好飲🥳我就叫咗個大雞髀伴油麵，都送菜湯入邊有青瓜花生脆卜卜，仲有一個特別嘅鹹魚乾配菜。仲有嗌咗兩份，沙嗲雞肉串，全部都係肉哈哈🤓不過我覺得啲汁多得滯又啲口渴，下次都係要嗌嘢飲🥹最後叫咗個斑斕多士，斑斕味唔係好出，淨係食到煉奶同脆多士嘅感覺，大致上覺得e個少少吾扺！如果有下次嚟，我想試吓啲湯麵