馬六

營業中

休息中

平時晚飯時段經過，經常很多人排隊，今天專程在六點前去試吃下午茶，果然明白為何常有長龍。喜歡星馬食品的朋友都知道一般都味道比較香濃，例如叻沙、巴東牛肉。下午茶平均$50以下，非常抵食，因為份量簡直可以是一個正餐。我是大概5:30pm去，所以那下午茶便成為了我的晚餐，好足份量，食完根本之後吃不下晚飯或宵夜。下午茶餐牌有很多選擇，這幾張相是十二月底的，好像一月已改了，最近去又改了，所以把這張與大家分享可以同現在的比較一下，最重要的是價錢沒變😊午餐多些選擇，價錢因是正餐會貴少少，可能份量也會多些吧。燒雞配碟豆花椰漿飯下午茶餐 $48 ⭐️⭐️⭐️⭐️現在價錢仍一樣，已由碟豆花椰醬飯改為普通白飯了🙁份量一樣都依然大碟，而且燒雞肶好大隻，重點是雞皮好香脆👍😊 $48還包飲品，又大份又好味，真係抵。海南雞飯下午茶餐 海南雞飯下午茶餐$42⭐️⭐️⭐️海南雞夠滑，有齊薑蓉、辣醬、豉油膏。飯像是普通白飯，不是一般 海南雞飯的油飯。班蘭咖央多士 (追加 $18)⭐️⭐️⭐️⭐️班蘭醬看上去也不算少，但班蘭味道不算太出，幸好我好喜歡牛油，還是食得好滿足好開心🥳餐飲: 熱鹹柑桔水⭐️⭐️⭐️⭐️有個小青檸，還有一些似韓式柚子蜜茶的渣在杯底

去完太古買嘢，番到西灣河突然覺得肚餓先醒起原來未食lunch，行過太安樓見到馬六好多人，下午茶都好抵食，就入左去食。海南雞喇沙摻摻 $46呢個摻摻麵底好得意，係麵同米粉mix，食落口感好特別，海南雞無骨啖啖肉，喇沙湯底帶少少辣，甜甜地幾開胃。柚子蓮藕 $26小食冷盤，酸甜嘅柚子醬配上爽口嘅蓮藕好夾。娘惹洋蔥蘿蔔餅 $12蘿蔔絲份量多，加上洋葱煎，好香口。馬六無骨海南雞飯 $68海南雞份量多，雞肉嫩滑，油飯香，軟硬適中，湯好甜好似用左好多雞骨去煲，好飲，醬汁有齊薑蓉，辣醬，豉油，可以自己喜好加。

下午茶時間又到了，今日來西灣河開會，又見到馬六，就好想食馬來西亞野，所以二話不說就入去。馬六位置坐得都舒服，適合食飯時傾計傾野都得,我們點了好多美食，有出名的海南雞飯，濱城松露蝦多士，糯米釀雞翅，蛋黃加央多士，真係極之豐富。海南雞夠滑溜，蝦多士同蛋黃多士都超脆超邪惡，而蝦多士更是超香松露味，糯米釀雞翅夠煙韌口感，好正好滿足。來杯熱手工拉茶是我最愛，呢度的熱飲都大大杯，又夠香濃，邊食美食邊嘆茶真係舒適。朋友對點的熱白咖啡都讚不絕口，有馬拉當地飲過的水準，下次食馬拉野一定來馬六。

沙巴燒雞古法秘製醬拌摻摻 Fried Chicken Blending $46燒雞一上枱已香氣撲鼻，已經好想即刻咬一啖，果然入味丶肉嫩多汁，正！佢個古法秘製醬好好好味！類似參巴醬，以為好辣，但又唔係喎~ 秘製醬只屬微辣，配埋銀魚仔丶花生用嚟撈摻摻，好惹味！新加坡魚片喇沙摻摻 Singapore Laksa Blending/ Fish Sliced $42好耐冇食過喇沙啦～ 湯底似樣，味道不錯，豆卜索晒啲湯，魚片絲都可以，唯一個魚旦真係麻麻。馬來手工拉茶 Teh Tarik (Milk Tea)拉茶係由兩杯反覆拉製，拉得越長起泡越多味道越好，但又唔係港式奶茶嗰種重茶味，茶與奶香滑均勻。偏甜，唔記得走糖... 如果唔飲甜的話，記得走糖。

今日和T行經西灣河，諗住食個快飯快D返屋企，在馬六門口見到個Menu有頗多選擇，頗為吸引，價錢也很實惠，一於就呢間啦。細看Menu, 原來還有一個馬六自由選非常吸引，$88/一人, 包小食，主食和飲品，我和T揀左2個套餐一齊share咸蛋黃魚皮~鬆脆而帶咸蛋黄的咸香，不錯。灼通菜(参峇醬)~今次沒有揀馬拉盞而改参峇醬，參答峇醬是由十多款香料混合炒成，有少許辛辣和十分惹味，好正呀！巴東牛肉拌掺摻~巴東牛肉獨特的味道來自以印尼香料和椰漿慢煮而成，牛肉肉質軟腍，微辣而帶椰香，好味！摻掺麵即是油麵溝米粉，加埋巴東醬非常滋味。巴生肉骨茶湯米粉~肉骨茶味道不算濃，反而清清地無咁腻。食埋兩大條排骨和豆卜已經好飽。紅棗桂圓枸杞茶~紅棗横切成一片片，和桂圓枸杞一拼焗茶感覺好滋潤養顏。馬來手工拉茶~奶味，茶味，滑滑的恰到好處，正！

It has a funny chinese name (老鼠粉) but it actually is Silver needle noodles. It is short, about 5 cm long and 5 mm in diameter. It has a white semi-transparent colour. It was served on a extremely hot pot. And its cooked with some chilly oil, dried shrimps, dried fishes. Very delicious.Malaysian Milk Tea (Tea Tarik) is made with tea leaves placed in water just before it boils. Spices such as cardamom, cloves and ginger can be added together with the tea for added flavour.This  milk tea is smooth.

西灣河大家都會諗起太安樓， 呢度最出名仔多嘢食。 向住鯉景灣嗰邊， 有幾間特色食肆。 今日朋友帶咗我試試 馬六， 佢仲特登約我六點鐘之前， 試下呢度超抵食嘅下午茶。睇下個餐牌真係超抵食，大部分套餐都係50蚊以下， 仲可以加少少錢 配沙冰 或者特飲。😍😍😍😍😍我哋揀咗以下呢幾樣嘢食， 食物分量畀我哋預期中多😚😚😚新加坡喇沙摻摻🍜🌶🍋🦐湯底充滿濃濃嘅椰汁 同埋香料味， 記得加埋青檸個湯底就會更加鮮味。 喜歡馬來西亞 菜嘅朋友都會知道， 摻摻即係米粉+油麵, 真係好鍾意呢個咁特別嘅口感。馬六無骨海南雞飯🐥🍚🥒油飯爽口 夠鹹香， 雖然係下午茶，海南雞分量也不少， 雞肉嫩滑， 跟餐醬料亦都跟足傳統， 有齊曬薑蓉+辣醬+豉油膏， 真係好味。沙巴燒雞古法秘醬撈摻摻🍗🌶沙巴燒雞醃得入味， 外皮炸得香脆脆， 再配埋花生小魚乾 同埋秘製醬料， 非常惹味。另外 加幾蚊就可以 飲🍧椰汁冰，🍹鮮柚子沙冰， 賣相好靚，而且啲沙冰打得好滑。呢餐只係食咗百幾蚊， 真係非常超值。

隨意經過，看到馬來西亞菜想一試，幸好不用排隊。踫巧正是下午茶時間，立即叫了兩個下午茶餐。新加坡喇沙摻摻，摻摻是油麵和米粉混合，口感特別，湯底濃厚，微微辣味令人開胃。巴生肉骨茶配雞油飯，雞油飯挺香，令人多吃幾口，肉骨茶有點淡，排骨未能做到很入味，點些甜醬油會比較好吃。馬來手工拉茶，奶味濃。馬拉盞通菜，味道清淡，馬拉盞的香味較少。古仔路芒果冰，大大的半顆芒果懸掛在杯邊，十分誇張，我將果肉都括到杯內沙冰裏弄得冷冰冰的，很甜又清涼。

同個朋友經過間餐廳，見到個下午茶餐牌價錢咁平，咪入去試下囉，就算中伏既話，都唔係好貴者，可接受既~😅😅咁既價錢…估到d野食唔會好大份，但估佢唔到d野又唔差…幾好食添~😋😋😋我地坐底已經5:50，咁個餐廳職員就行埋黎同我地講：6:00就無下午茶，因為電腦入單，所以無得遲…心諗個職員都幾有心喎，提一提下我地~👍👍咁我地即刻梗係那那聲叫左d野食啦~我叫左個海南雞喇沙摻摻，當時我都疑惑咩叫摻摻…原來係米粉拼油麵底😅😅但又幾好食喎，而且個喇沙湯又好夠味，又夠辣，d雞又唔鞋~四十幾蚊真係底食！我朋友就叫左件咖央多~一個字！正！！個多士d牛油同咖央都搽得好多，所以好好味！想話叫多份，但諗諗下不如試下其他野，所以無再叫~咁我地就再叫多三樣小食…糯米雞翼,蝦春卷,雞肉串燒，春卷同串燒就正常囉…同出面其他餐廳大同小異，但隻糯米雞翼就好好食，因為我之前食過有餐廳既糯米雞翼d糯米好硬，完全係失敗，但呢間唔會囉~真係又辣又好味！！最後叫左個原隻椰青同埋手工奶茶解下渴😆😆總括黎講~百六蚊食到咁多，而且d野食又唔差，值得返黎再食個tea呀！

呢間新加波菜喺太安樓附近，一出地鐵站行前少少就到💫-無骨海南雞飯拼白胡椒肉骨茶呢款肉骨茶同平時食嗰啲唔同，好濃胡椒味🤣而家天氣凍飲落去真係好暖身😙好入味！😍海南雞係去咗骨嘅，有三款醬俾你點黎食，好嫩但我覺得調味可以再濃少少🙈🤏🏻評分：7/10價錢：$68-檳城傳統老鼠粉 🐭老鼠粉即係銀針粉！呢煲老鼠粉炒得好有鑊氣👅🍳配料十足，有雞肉絲，菜脯，肉碎，乾魚仔，花生...🥘成個煲都好惹味，唯一美中不足係老鼠粉稍為乾得滯🥺🤭-評分：7.5/10價錢：$88-📍馬六 西灣河分店📍-

西灣河太安樓一向被譽為「小士林」，但除了掃街，太安樓其實亦藏有許多特色堂食店。就好似今次幫襯嘅「馬六」，一看店名就知道是間主打馬六甲海峽美食的餐廳。品牌開業超過一年，走平民路線，加上唔係開喺大街大巷，好明顯是主打街坊生意。店舖門面很光鮮，裝修帶點異國風情，像用上星馬菜館常見的藍綠色調，再加上一室木系檯凳及仿古燈飾等，環境很不錯。本來打算來吃午飯，不過由於來到時已經過了午市時間，所以就決定改吃下午茶套餐。選了一客馬六無骨海南雞飯 ($42)，一碗喇沙摻掺，另外再加左三款小食。海南雞飯分量不大，不過上桌時還附有三色醬，製作毫不馬虎。先吃飯面的雞件，肉質非常爽滑，嫩身得來又充滿彈性。雞飯同樣叫人眼前一亮，雞飯用左香料提煉過的雞油烹調，入口香而不膩。至於碗新加坡魚片喇沙摻掺 ($42) 口味亦非常地道，湯底金黃味美，遠遠便飄來陣陣香味，咖喱及椰奶配合得恰到好處，而且最難得的是多喝幾口，也不覺油膩。配料方面，有魚蛋、魚片、豆卜、芽菜同溏心蛋，加上檳城風味的「摻摻」，即油麵跟米線混合，惹味十足。娘惹洋蔥蘿蔔餅 ($12)：蘿蔔餅炸得好香口，外表金黃酥脆，縷縷的洋蔥絲和蘿蔔絲分明可見，食落鹹香爽口，

來開西灣河食飯，朋友問我新加坡菜有咩推介，我第一時間唸起馬六，特別係下午茶時間，真係好味兼抵食架。今次我選了海南雞啦沙掺掺，大大碗的啦沙，仲有皮滑肉嫩的海南雞，真係好正好好味，食到lamlam俐。而朋友選的巴東雞肉配飯，這個巴東雞肉我還是第一次試，原來味道都好正好濃郁，真係正宗新加坡菜式，配住d花生一起食更是野味。因為啦沙真係好好味，我仲點多個烤蔥餅，沾著啦沙或者巴東雞的醬汁一樣好味。再來多份珈央多士，其實有幾隻味，我們點了傳統的班蘭味，多士焊得夠脆，真係正。食咁多野又點少得飲返杯解渴，呢度有我最鍾意飲的椰青，係好新鮮的，椰汁更是鮮甜，食埋d椰肉就更好，證明椰青是十分靚貨，朋友點的熱白咖啡☕️也是正宗新加坡咖啡，下午茶嘆杯靚咖啡真係最正不過。如果大家鍾意食新加坡野，真係要來馬六試下，果真便靚正。

今日晏就去左馬六食lunch, 可能時間較早所以無咩人坐係舖頭入面食～想食海南雞但又想食湯麵，所以叫左一碗海南雞喇沙摻摻，有油麵同米粉（油麵比較多），口感不錯👍🏻同一星期內其實食左2次海南雞喇沙摻摻，只不過上一次明顯紅d辣d，今次就多奶d望落白d所以無咁辣，可能唔同師傅所以質素有出入既地方。除此之外，一開始落單或者中間需要店員幫手既時候，呢度既店員有時可能會掛住傾計所以反應會遲左，呢點需要改善呢～

在赤柱行完山，坐車回到筲箕灣站感到有點肚餓便到附近的馬六吃下午茶當晚餐原來馬六是間連鎖的飯店巴東雞肉配米飯(牛湯烹製) - $48那堆醬汁很惹味，但雞肉沒有什麼味道，醃得不夠味沙巴燒雞古法秘製拌摻摻 - $46燒雞腿非常巨型，可惜炸得有點過火，導致有點乾、硬同樣地燒雞醃得不夠味，沒有什麼味道而摻摻就是油麵加米粉的意思底部有些辣醬，可拌起來一起吃至於跟的湯類似廣東的一乾三濕南洋咖央多士(班蘭) - $18班蘭很淡，被牛油味搶了南洋咖央多士(榴槤) - $18榴槤比較好，起碼有味道馬拉盞通菜 - $26份量意外的多，醬炒得很惹味檳城烤蔥餅(一件) - $15馬來手工拉茶凍飲+$3味道類似泰國奶茶，偏向甜，有些人可能會不喜歡

I was craving Laksa and happened to drop by Sai Wan Ho so came visit this restaurant for lunch. We managed to get a 4-person cart seats with windows even during lunch hours.There was no service charge while you could top up your drinks and set by adding a snack.As I craved Laksa I ordered this 新加坡喇沙摻摻 at a price of $68. It had really delicious soup which wasn’t too spicy and of the right degree of spiciness. The fish balls and deep fried fish balls were chewy and tasty too. There were three piec