馬六

營業中

休息中

天氣凍凍地，就想食碗溫笠笠嘅麵，於是試吓依間喺新商場新開業嘅馬拉菜。 肉骨茶米粉（$52）味道唔錯，肉質好淋，但唔好要求佢好有藥材味。送熱飲：桂圓紅棗茶料好多，夠沖一壺，有紅棗味

屋企附近好順福商場翻新後，進駐左唔少新餐廳，今日專登去試下，揀咗呢間食新加坡菜的馬六餐廳。睇餐牌都幾多選擇，兩個人都唔太餓，諗住share 食，於是就叫咗碗招牌蝦麵；另外叫啲小食：斑蘭咖央多士、蟹肉酥盒、蘿蔔餅；飲品叫咗杯古仔路芒果冰、凍香茅橙茶1. 招牌蝦麵🦐🍜：一試就知無落味精，湯底鮮甜好味，麵底係油麵加米粉兩種，一次有兩種口感，麵質軟硬適中，蝦彈牙、豆卜入味、豆角清甜爽口2. 斑蘭咖央多士：麵包🍞烤得夠香脆😋中間夾住牛油加埋斑蘭醬，牛油🧈微微咸加埋甜甜嘅斑蘭醬，咸甜適中又夾，食完會想再食多嚿3. 蟹肉酥盒：面放咗滿滿蟹籽，好正！蟹籽、蟹肉🦀、木耳、酥皮加埋一齊咬落口感豐富，好食！4. 蘿蔔餅：炸得香脆不油膩，睇落料多食落香口好食飲品：1. 古仔路芒果冰：天氣凍再飲冰凍飲品係別有一番滋味，甜度適中2. 凍香茅橙茶：好有清新爽甜感，飲落覺得好舒服😌整體嚟講食物質素唔錯，份量亦啱啱好，餐廳環境舒適，職員都好有善又有耐性👍🏻👍🏻

成日都會喺呢度附近買野 一路都有留意到呢個商場翻新緊今日見到呢間馬六餐廳已經裝修好，餐牌都幾吸引就決定同朋友嚟試下呢度有個套餐既有海南雞又有喇沙，可以滿足到我兩樣都想試嘅人，唔洗心大心細。朋友呢排就想食清清地所以就揀咗呢個豬頸肉雞絲清湯米線。我哋再點咗個小食五香卷。五香卷：炸得非常香脆，入面係一絲絲嘅肉夾雜配料，外面用腐皮包起嚟，好似充滿餡料嘅春卷咁，好味。海南雞同喇沙：一個餐2種味道，海南雞份量十足，雞皮夠q彈，肉都好滑嫩亦都充滿雞味，仲有有肉汁，正！油飯又唔會太油，讚！喇沙湯底香濃，粉麵吸收湯汁非常入味，仲有豆卜同蛋，呢個套餐cp值太高，一個人食十分飽肚。至於朋友個清湯米線都好足料，豬頸肉醃左唔會太咸，雞肉都唔少，而且就算係清湯個味道都幾清甜同香，唔錯！再飲埋杯橙茶，唔用檸檬片，用橙，都幾清新同香！店鋪環境舒適，員工好服務，要讚下

元朗終於開「馬六」喇🎉🎉🎉食過幾間分店，食物質素都keep到好一致，依家大西北都有分店真係好😋👉🏻厚切豬扒喇沙米粉超～大～碗，下午茶都咁大碗真係估佢唔到。豬扒有一大塊，碎上好方便食，第一啖就食豬扒，醃得好入味，食到香茅味。米粉滑溜，湯底濃郁，呢到嘅喇沙真係好好食。👉🏻海南雞飯轉雞髀有得加$10轉雞髀🍗雞肉滑溜，雞皮都唔會好肥，仲有碗紫菜湯跟👍🏻👉🏻咖吔多士每次必食😌牛油同咖吔醬都落得啱啱好，食完想再食。👉🏻蘿蔔酥餅

公司附近終於有馬拉嘢食新開張之後，每日都有好多人排隊。今日終於有時間可以同同事去食，lunchtime 時間勁多人，12:10之後就要排勁長龍至少要等20分鐘。馬六同Kaya店鋪風格，裝修，menu幾乎一樣。 喺Kaya最中意就係食老街咖哩麵，所以今日都order左一碗對比下。 雞絲雞肉串老街咖哩麫+ $18 炸雲吞(3件)咖哩湯底好正海南雞絲又嫩又滑，好好食但係雞肉串又凍又霉，湯上面嘅炸雲吞都係凍嘅 可能係因為lunchtime會有好多人，所以廚房炸定好多，整定好多雞肉串。我碗咖哩麫轉左摻摻（咖哩湯底同Kaya幾乎一模一樣，但好似Kaya嗰湯底熱啲香啲）好少地方有炸雲吞，碟炸雲吞未到之前好期待，嚟到之後好失望一睇啲顏色就知道係老油，又細隻，又有油溢味，難食以後唔會再嗌。不過不失，但我同事食淨三份一碗拉茶咖啡食到一半，突然間有個侍應安排兩個唔識嘅男人搭枱，仲要坐卡位四人枱嘅同一邊原本兩個男人都有嘈，但係個侍應話唔搭枱，至少等多四個字...之後有兩個女人搭枱，搞到好似相睇咁...跟住兩個男人起身走人

攞咗飛等了半個鐘，終於聽到職員叫號，但前面一大堆人，未有即時去到叫號職員面前報到 ，叫號職員馬上叫了下一個號碼，前後不到十秒的時間，去到同叫號職員同佢講番，佢話因為存即時應佢，所以要下一張才可補番張枱比我們，但問題係等一張枱唔知道要等多久，即時火都嚟埋，一直係到等，存走開，點知比左人先，係唔係應該在叫號後等起碼三十秒才叫下一個號碼，如果唔係不如叫人排隊，其實元朗咁多選擇真係唔值得再等落到，所以即走仲駛諗

馬六有好多間分店 開心終於都喺元朗插旗啦開咗冇耐就決定衝入去試吓装修時尚清新乾淨 坐得舒服食物來講都算係幾地道馬來西亞菜式必須是一個招牌喇沙豬扒摻摻 呢間嘅湯底，超重椰汁味 亦都好濃厚鍾意食椰味嘅朋友，必須試！摻摻就是有米粉同油面混合 口感豐富豬扒葉得唔錯，唔會太柴又唔會太鬆跟住嗌咗個咖喱雞肉串飯雞肉串，超大浸香茅味 口感實淨咖喱嘅味道亦都好好送飯試咗一個甜嘅薄餅你係兩塊薄薄嘅薄餅疊埋 再加煉奶喺面幾新奇有趣嘢飲嗌左班蘭椰汁冰同埋美祿恐龍甜度適中不錯的

喺荃灣食過馬六，早排見到元朗要開馬六真係好興奮🥹連續食咗幾餐馬六外賣平台外賣😂😂😅😅今日決定要試吓去現場食細過荃灣店，但睇得出好比心機裝修，好多人嚟食呀！🌸鮮椰青（跟餐$28）呢度嘅椰青抵飲🤤即叫!!!!平時啲餐廳多數都要$4x 再加一呢度$28唔洗加一真係好抵🌸無骨海南雞飯$72呢個餐啲雞都幾多，油飯好味😋醬料正，雞好滑，仲有個紫菜湯。🌸巴生肉骨茶（米粉）$75呢個餐可以揀米粉或者飯我哋揀咗米粉，份量好多呀！米粉好食😋😋

唔講真係唔知好順福商場差唔多裝修完喎，今日行過見佢變左身做順禮糧倉，暫時得幾間食店同超市，唔知遲啲有咩開呢😆橫掂黎到，就順便食埋野先走啦，揀左食馬六，之前食過荃灣店都唔錯。睇睇餐牌，元朗分店都差唔多，點左兩份下午茶再加小食，餐牌選擇都幾多喎。🐖巴生肉骨茶湯米粉肉骨茶先到，同餐牌上賣相差唔多喎，勁👏湯頭幾濃幾香口，米粉吸滿湯汁幾正。意外地份量大，估唔到下午茶都咁飽。🐓馬六無骨海南雞飯朋友點海南雞飯，賣相也不錯，雞件好多呢，而且雞件好滑，雞皮唔肥，但味道偏淡左啲，點下醬食啱晒。另外附上的紫菜湯都幾好飲，油飯都好香口。🐟新加坡鹹蛋黃魚皮大家都鍾意食鹹蛋黃，就叫夠兩份一人一碟。鹹蛋黃下得很多，正呀，唯魚皮唔夠脆身扣分了。🍞斑蘭咖吔多士呢樣又係超正，厚切牛油入口即瀜，仲塗左斑蘭醬，又鹹又甜真係好好味🤤🥤馬來手工拉茶&馬來桔仔紅茶餐飲叫了兩杯凍飲，凍拉茶幾香滑，唔錯飲。朋友嘅桔仔茶要左走甜，茶底同桔仔都好香，好飲。舖頭唔使加一，百蚊個人頭都幾抵食吖。

經過見到下午茶好多人排隊😂望吓個餐牌又覺得幾抵食，同埋咁多人食😁心思思試吓之前去星加坡嘅時候都食過咖喱麵所以叫咗雞絲雞肉串老街咖喱麵$62以下午茶來講，份量都幾大碗，而且好多雞絲咖喱湯底有椰香味，我哋一度食嘅時候都回憶起喺新加坡食嘅雞麵嘅感覺🥰馬六海南雞飯 $62加$10轉脾位我想講個油飯好食😋飯粒嘅熟度啱啱好海南雞髀好滑！雞皮又爽，一啲都唔乾另外見到隔籬枱嘅小食😂 我哋又叫埋可以跟餐加錢要 咸蛋黃魚皮魚皮係新鮮炸出嚟～～撈埋鹹蛋一齊食新鮮爽脆 而且唔會過鹹～～好食😋茶餐斑蘭咖央多邪惡嘅多士😂不過間唔中食下真係好滿足，一層厚牛油加上1個香甜嘅咖央醬❤️ 忍唔住一口有一口～～餐飲我哋加錢$12 升級古仔路芒果冰呢個好啱口味！唔會太甜，飲落清新 另外今餐唔使加錢可以叫桂圓紅棗茶啱晒女士，一層滿滿嘅紅棗，同埋桂圓好香❤️我哋叫咗咁多嘢食都係$200🫶飽到晚餐都唔使食 😂 唔怪得知咁多人食下午茶抵食下次經過可以encore

.元朗🏘馬六*下午茶時段🤩海南雞喇沙擔擔麵💰53喱間連鎖式餐廳聽好多朋友講過好好味，今日終於有機會去試下，海底係幾惹味嘅，但個雞就偏瘦，有啲失望！🤩肉骨茶湯米粉💰52肉骨茶就有濃郁嘅肉骨茶嘅味，但係總覺得味精味較重，唔夠正宗！🙂桂圓紅棗茶 跟餐免費杯飲品嘅味就唔係有問題，最大問題係佢嘅料無茶包隔住，飲得有嘅麻煩。五星⭐️為最高食物：⭐️⭐️⭐️抵食：⭐️⭐️⭐️環境：⭐️⭐️⭐️⭐️服務：⭐️⭐️⭐️#yummy_sumsin #海南雞 #海南雞飯 #肉骨茶 #肉骨

餐廳好多分店，見元朗分店新開張，立刻去試！竟然Open Rice未有食評，唔知會唔會第一篇呢。🤭餐牌有好多選擇，店員服務好，環境乾淨，整體唔錯，以後又多個飯堂了。豬扒喇沙摻摻 $68摻摻，即兩溝麵的意思，米粉溝油麵，一幼一粗，口感幾得意，一次過滿足兩種願望。湯底是濃香椰奶味，帶點微辣味，好惹味。豬扒好大塊，z炸得香脆，肉質嫩滑，豆腐卜和雞蛋都唔錯，食完好飽，好滿足。桂圓紅棗茶（加$6）用餐加$6有杯熱飲，點咗桂圓紅棗茶，有紅棗玫瑰花菊花，好足料，好多紅棗，散發花香味，不甜，啱哂keep fit 及養生人士。