753
24
8
| 餐廳: | 香香宮煮 (金輝大廈) |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
影片
開飯介紹
走中國宮廷風的特色主題火鍋店，仿宮廷裝潢外，更提供男女宮廷服讓食客拍照留念，或穿著用膳。其火鍋湯底口味多樣，如花膠雞湯鍋、辣酒花螺鍋等，配料亦相當豐富，包括來自不同產地的肉類及各種海鮮。
繼續閱讀
營業時間
今日營業
12:00 - 23:45
星期一至日
12:00 - 23:45
公眾假期
12:00 - 23:45
公眾假期前夕
12:00 - 23:45
以上資料只供參考, 請與餐廳確認詳情
有關獎賞計劃
優惠
| 餐廳: | 香香宮煮 |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
相關文章
🪭熊妹一早聽聞過尖沙咀有間宮廷風做主題嘅高級打邊爐《香香宮煮》，而魷魚妹都話想食好耐，咁少女心咁fancy🌸嘅地方梗係湊埋公主們👸🏼去烚吓烚吓啦。📌《香香宮煮》係尖沙咀地段開咗有4、5年，就係以宮廷風的裝潢🏺同粉紅色公主的色系🩷，以「香香公主」的諧音打響名堂，吸引大眾們來感受一下身處宮庭享受佳餚的味道。雍穆公全•花膠雞湯鍋（半隻），$328魷魚妹好鐘意食花膠雞湯，鍋底點算呢個就岩哂佢喇！招牌花膠雞湯鍋，雞湯味超濃味，每天新鮮熬製，飲落係啖啖好濃烈的雞湯精華，仲要唔係無咩雞油，配上好多塊厚身花膠，大大塊花膠煲到膠質出哂黎，果然係真材實料，成煲花膠雞湯真係要飲碗頭啖湯先好再打邊爐，岩哂公主們養生美顏夠哂補。然後一大碟半隻三黃雞倒入鍋煲入面，本身已經煮熟，係煲入面滾熟就食得，肉質嫩滑有雞味，唔係雪藏雞，索埋雞湯食好正！艾莎公主牛肉寶盒，$498打邊爐梗係要食牛，叫個牛肉寶盒就夠哂滿足喇！一打開公主的華麗寶盒，一陣陣霧氣飄出嚟，公主呀嘛，真係仙氣滿溢。寶盒有7款牛肉：手切牛三角 、手切牛肉、新鮮牛展、頂級雪花肥牛、牛黃喉、牛肉粒同牛舌花。每款都有4-5件，份量幾多。當中，一家係雪花肥牛跑出喇，小小一件淥兩淥，食得重牛味又軟淋，從來雪花肥牛真係無得輸。伊比利亞橡果豬，$188好華麗的古式冰筒上陣，成個賣相已經好吸引。冰筒上有5-6塊橡果豬片，薄切容易恰熟，比較多肥肉位，連瘦肉一齊食，肥瘦均勻仲有油脂味，係橡果豬的優勝之處。手打蟹子蝦滑，$138兩大碌蝦滑，面頭怖滿蟹子，刮一刮蟬滑落鍋度恰，有粒粒蝦肉夠彈牙，點埋調味醬料食好滋味。即炸黃金炒響鈴，$98好特別的響鈴係加入了黃金蛋黃起沙炒起，所以係即食，唔係平時一般浸入湯鍋索汁食。蛋黃沙沾滿整條響鈴，食落口仲和暖，又脆卜卜，超惹味又邪惡的炸物小食。皇帝菜，$52菜洗得新鮮，浸滿湯汁一齊食夠哂味道。自家製足料竹蔗茅根(1渣），$78嘩！竟然用上古代酒呈，直呈好似穿越時空去左古代咁。酒呈相信係鐵打造成的，非常有重量，咁靚的酒呈就緊係扮下古代人籣花手幫魷魚妹斟返杯喇。📌《香香宮煮》靚裝大飽眼福，用料上乘夠滿足味蕾，萬事俱備，只欠「公主駕到」🧝🏼♀️。
繼續閱讀
香香宮煮 📍：香港尖沙咀加拿芬道16號金輝大廈1樓🚗：尖沙咀地鐵B2出口 步行1分鐘📞：+852 2338-1515💲：~HKD800/head for dinnerFood quality✔️：伊比利亞橡果豬、香香煮宮響鈴拼盤、美濃水蓮、艾莎公主牛肉寶盒👌🏼：松露芝心墨魚丸、自家製竹蔗茅根、香香公主鴛鴦湯鍋(芫茜山湯鍋、椰子雞湯鍋)、公主醬介總結：😋一間行宮廷風嘅邊爐🍲打卡一流 食物一上枱有wow factor 架勢十足 夠哂體面非常適宜帶客去😋打邊爐一定要食牛 所以牛肉寶盒一定必叫 一上枱陣陣煙霧瀰漫🌫️未食都夠震撼 包7款: 手切牛崩沙同牛肉 新鮮牛𦟌 雪花肥牛 牛黃喉 牛肉粒 同牛舌花 一次食7款 當中以牛肉粒有啲驚喜😋豬肉片好食過牛 擺盤又係勁靚仔 大塊肉 肉質又靚 冇得輸😋我最喜歡💕佢嘅響鈴同水蓮 響鈴外層係咸蛋黃 好香口同惹味 水蓮又係必點 我以為得台灣有 比較鮮甜但又爽口 重點冇土味🤔打邊爐有得揀竹蔗茅根真係特別 以龍嘅偽青銅造型示人夠哂威 重點係食食好漏 飲下啲竹蔗茅根又有返啲胃口😝🤔環境就行豪華宮廷風 仲準備咗啲清朝服裝畀你影相📸隔離枱應該生日 我見有哂氣球做足功課 員工都頗細心 唔駛叫都識加湯🤔叫鴛鴦湯鍋就一次滿足兩個願望 試咗芫茜山湯鍋同椰子雞湯鍋 作為茜客覺得唔夠茜 椰子🥥味嗰款夠出 同埋好多雞 足料嘅🤔松露芝心墨魚丸就幾好食嘅 芝士都做到流心效果🥺🤔醬介以九宮格呈現 每枱都有 咩都有 但個人建議可以加麻醬😨性價比確實是很低 所以比較建議同客食有得claim公數冇咁肉赤 另外openrice午市68折 某啲晚市時間78折👍🏼
繼續閱讀
門口已經有種古典宮廷嘅感覺，入到去更加有皇帝座位，可以感受一下當皇帝嘅感覺😚而且有好多唔同嘅卡位，更加有心思改晒名😍雍穆公主花膠雞湯鍋(半隻)一上枱店員建議可以飲咗湯先，非常之清甜，而且入邊有好多花膠，非常足料😍。最後可以落埋半隻雞落去，雞使用了龍崗雞，肉質爽嫩，配埋湯一齊食一流👏🏻👏🏻👏🏻艾莎公主牛肉寶盒🐮真係好似成個寶盒咁樣，仙氣滿滿。唔同部位嘅牛都喺度，滿足大家嘅願望🎁。印象深刻竟然有手切牛崩沙、牛黃喉、手切本地牛肉，味道非常之濃郁，又夠嫩，想試唔同種類嘅人一定要揀呢個伊比利亞橡果豬擺盤都十分豪華🐖，而且食落去肉質好好，唔會好煙靭，而且亦都有味道手打蟹籽墨魚丸手打丸好驚喜，非常之彈牙 ，每粒都真材實料，值得一讚🍡🍡香香宮煮響鈴拼盤最鍾意有拼盤選擇，可以一次過試晒唔同款，有原味和黃金口味。非常之鬆脆，黃金口味即係鹹蛋黃，超級惹味同香口，個人鍾意浸幾秒湯即刻食，豐富咗口感🥰🥰竹笙竹笙超正😍😍😍，質地鮮脆，索哂清甜的湯竹蔗茅根清熱一流，非常健康，而且唔會太甜香香宮煮 (尖沙咀)尖沙咀加拿芬道16號金輝大廈1樓
繼續閱讀
係尖沙咀想打個高質手工邊爐，即刻諗起#香香宮煮，宮廷火鍋，好有特色既裝修，座位舒服😌每次都覺得啲湯底好吸引，花膠雞湯鍋、卜卜蜆鍋、酸菜魚湯等都好正✨仲有生啤飲，有Stella、Hoegaarden揀👍🏻昭陽公主椰子雞湯鍋，上枱好多椰子條，淥起飲湯，救命😳超清甜，椰子味好夠又夾雞湯味，好好飲🤤雞味都濃，龍崗雞肉質好好👍🏻滑又夠味，清得黎好好味既湯底🥥艾莎公主牛肉寶盒，驚艷又名貴，牛黃喉爽身，牛舌心濃味，牛柳粒口感正又濃味😮💨牛頸脊同牛小排既牛味無得輸，油脂紋靚，好高質既牛🥩伊比利亞橡果豬，又嫩又好有肉味，油脂好味又唔膩，推！😍香香宮煮響鈴拼盤，咸蛋黃即炸響鈴，香脆又濃味，響鈴配椰子雞湯好好味👍🏻手打蟹籽鮮蝦丸，非常鮮彈，極爽，好好味😋美濃水蓮，好似菜麵咁，淥左口感輕爽脆幾得意，要試下🤞🏻極之高質既手工火鍋料🍲多選擇又好味，服務超體貼又殷勤，讚👍🏻食得爽而開心，好好既聚會之選✨
繼續閱讀
上星期難得天氣轉冷左幾日，把握時間去打邊爐。今次去左尖沙咀嘅「香香宮煮」，餐廳走宮廷風華麗路線，連卡位都分左唔同「宮」，有延禧宮、坤寧宮等，好有創意。仲有兒童宮廷服俾小朋友換裝影相添。火鍋湯鍋選擇多，每一款都好吸引！今次試下昭陽公主椰子雞湯鍋。呢個湯鍋真係好足料，入面有豐富多樣嘅材料，用左新鮮椰青水配三黃雞，再加入蕃薯蜆去提鮮，味道好清甜滋潤之餘，雞嘅精華亦滲透到個湯入面，而且個湯好清唔會好油膩有負擔，未打邊爐之前飲左好多碗湯。入面嘅三黃雞肉質爽嫩，吸收左椰青水嘅清甜，就咁沾火鍋醬已經好好味！另外點左竹笙去配搭呢個椰子雞鍋。用黎索湯真係一流。打完邊爐之後就正式開始打邊爐。艾莎公主牛肉寶盒。一次過試到唔同款式嘅牛肉。一上檯嗰下仲自帶煙霧效果，啱晒打卡。有頂級安格斯牛肉、手切本地牛肉、新鮮牛展、頂級雪花肥牛、牛黃喉、牛肉粒同埋牛舌共7款牛。牛肉質素普遍都高，牛味突出有油脂香，油脂分布平均，唔會太過油膩。好中意牛黃喉特別嘅爽脆口感。伊比利亞橡果豬。比起其他一般嘅豬肉肉質更加細嫩，同樣油脂分布平均，肉味濃厚！香香宮煮響鈴拼盤都係必點。拼盤有兩款口味嘅響鈴，分別係原味同埋黃金。黃金係鹹蛋黃味，每款有3件！響鈴係即炸，所以特別酥脆！鹹蛋黃嗰款雖然會膩啲，但係真係好惹味同香口，鹹蛋黃嘅鹹香滋味無窮。松露芝心墨魚丸。手打嘅墨魚丸好彈同好鮮，有淡淡松露香，咬開仲有流心嘅芝士餡，口感同味道都好豐富！打邊爐再配搭清潤嘅竹蔗茅根黎解膩。竹蔗茅根真材實料，又唔會太甜。
繼續閱讀