香港老飯店

營業中

休息中

香港老飯店都係第一次嚟, 原來係食上海菜, 朋友話個名似係食廣東菜, 一點也唔似上海菜的名字. 環境都好靚, 這裏是新店. 感覺好優雅.前菜酸菜一碟, 花生, 酸菜都幾好味呀, 有些椰菜, 紅蘿白絲, 唔係好酸, 花生夠香.餐牌也很吸引的, 有晒圖片. 好清楚分晒類, 好整齊的感覺.我們點左好多嘢食, 鎮江餚肉, 一客十二件, 夠晒凍, 應該雪左好耐的, 加醋一齊食, 好味道, 唔會好肥, 好結實的口感. 花雕酸雞, 份量唔算好多, 都係好凍的, 雞肉都好滑, 不過唔夠醉, 唔夠花雕味道. 如果濃味D會更加好.燻蛋伴合桃, 賣相好吸引. 燻蛋係流心蛋黃的, 好效功夫, 中間放了一些合桃, 將合桃放係蛋黃裏面一齊食, 好好味呀, 蛋黃好滑, 好香, 每隻也是流心的, 好平均. 合桃好香甜又夠脆. 好好味.清炒蝦仁, 蝦仁好細仔, 但係好白的, 沒有腥的味道, 好清甜, 爽口, 份量都好多的.津白肉絲炒年糕, 這碟比較油, 年糕都好粘的, 吸左D醬汁的味道, 入味, 份量都多, 津白, 肉絲都好入味鮑魚紅燒肉, 冇諗過生日的主角竟然話要食飽魚, 原來係鮑魚仔, 另外加三隻, 每隻40元,

紅燒元蹄首發食評，源於美食，若不苟同，願聞其詳。上海特色，原隻元碲，時蔬米飯，豈能缺一。皮肉沾汁，熱氣飄然，味濃微甜，腍滑不膩。入口即溶，齒頰留香。略知彩頭，家財皆有。

由朋友介紹才得知這有歷史的餐廳，最好笑的是最初還以為是一個吃香港舊式食品的餐廳，在朋友再三推介後才知道原來是吃上海菜的。門外的招牌都很有氣派。而這個射燈卻很新穎，真是中古皆宜。內在的裝修也不錯，這燈飾的線條也算宜古宜今。這個菜譜也表給人一種有歷史得來，也與時並進的感覺。另外特別喜歡這些水墨國畫，很有意境。到食物了，先來兩款前菜：薰魚及素鵝。兩款前菜的味道和份量都不錯。薰魚酸酸甜甜很開胃，而素鵝則很香口，忍不住要吃多兩件。之後也是與薰製有關的食物就是薰蛋。這薰蛋的煙薰味比薰魚更重，很有特色。而配上合挑則令軟軟的蛋以外加上一點香脆的感覺，而這香口的合桃自然也叫人「愛不惜口」！也是一款香口的食物：蔥爆牛肉。京蔥味辛，牛肉味也香。不錯。這味東坡肉雖然不是由一個大盅成載着，但味道都不錯。肥而不膩當然是重點，軟軟的肉加上淡淡的肥甘味真的很正。生煎包也很香口，特別注意的當然就是肉裏的各湯，一定要小心地吃，慢慢地吃，否則便傷自己的口了。甜品當然就是最經典的豆沙窩餅及高力豆沙。兩款的餡料雖然都是豆沙，但因為外層不同，味道及感覺都不同。豆沙窩餅外脆而內軟；高加豆沙則整件都是軟軟的，還加上了濃濃的蛋味。就自

今天老闆突然吹雞請食午飯, 為了試試新搬遷的「香港老飯店」！舊店在美麗華酒店19年，2014年年尾突然搬到寶勒巷，雖然也是搬回尖沙咀區。餐廳內的裝修仍保存傳統特色~~ 很好！同事一行12人，所以老闆叫了兩個六人餐, 再加一些小食！美食當前也沒有一一記下名字, 但今次想推介幾道誠意美食！1) 沙窩雲吞雞~ 雲吞皮薄, 濃濃的肉汁餡, 再加清甜的湯, 很有傳統風味2) 松子魚~ 部長說是用黃魚, 刀功一流, 因為叫了兩個餐, 所有上了兩碟, 而兩碟炸起的形狀簡直差不多, 可想而知刀功一流! 據部長說魚是用 "龍鬚粉" 去炸, 真的特別香脆!3) 獅子頭~ 以為這道菜很普通, 因為普通的上海菜館可以食到！但一食下便知不同。因為普通菜館, 往往都令到豬肉很實, 吃得多很膩。但這裡煮的肉很鬆, 有入口即溶的感覺，可以多吃一口也不膩！4) 雞絲粉皮~ 也以為是普通小菜一碟, 但這碟夠晒足料！因為竟然雞絲多過粉皮！天啊，真的感到大廚及餐廳對客人的誠意!5) 雷沙雪糕 (不是餐, 另外order)~ 雖然這是甜品, 也一定要寫！因為這是傳統老飯店的創新甜點！一般在上海菜館只食雷沙湯丸 (內餡多是芝麻)

媽媽今年生日飯想食中菜，見老飯店啱啱新裝修就去試下。今日都叫左幾多菜，Show下相先~醉雞就食過好多次~今次試下醉鴿~原來啲肉好嫩~而且好入味~素鮑魚~呢個不得了~紅燒肉豆苗!!! 不嬲豆苗都係我至愛~加埋紅燒肉啲肉汁就不得了~而且啲肉一啲都唔油膩，送飯一流呀!下次一定要再點!小籠包必食，隻隻都好多湯汁~隻隻都好飽滿~我姨生仲想食多隻~不過唔夠分~下次先再請佢食啦 重頭戲，大閘蟹~不過我海鮮敏感~都係借人地隻 大閘蟹影下相~雖然我冇食~但我見隻隻都好多羔!啖啖肉!佢地食 大閘蟹食得咁滋味~我唯有叫個甜品滿足下自己!值得一讚係甜度啱啱好!我好怕啲好甜好甜嘅甜品~所以今次我食左2件~哇哈哈~讚!總括黎講~今餐好滿意~下次外國朋友黎我會帶佢黎呢到食~

爸爸想搵間好食嘅小籠包, 知道呢間餐廳都開咗好耐, 價錢都幾貴, 依家佢大個仔啦就黎試下啦 鎮江餚肉, 海蜇皮$168餚肉有入口即溶既感覺 做得幾好海蜇皮形狀同口感似雪耳烤雙方 $92/2件蜜餞金華火腿好酥化 有甘香味陽春麵$40麵質幾好 用黎撈鱔糊 賽螃蟹$108有魚肉係裏面更加鮮味, 蛋白有部分炒得好大舊蟹粉小籠包$28/隻有蟹粉味嘅 但咁唔好彩6隻得3隻有肉汁 有d失望韮黃炒鱔糊$148醬汁味道太咸 無突出嘅味道 瑤柱白菜仔$148味道用料都係一般 唔扺食

這菜館是由以前美麗華商場搬遷過來，沒有試過舊店，這家新店是等一次嘗試。裝修簇新、光猛而簡潔，每張枱之間距離頗闊，環境不算嘈雜。枱面佈置亦簡單整齊，令人舒適。餐牌彩色印刷，圖文並茂，設計精美。我們點了：蟹粉小籠包一共四個，剛送來的時候有一陣陣輕煙升起，熱騰騰的。表面有一點點蟹膏，表面滑不溜口，有彈性又不易穿。內裡有半肥瘦的豬肉，混有蟹粉，甚至吃到蟹的軟殻，湯汁有一層淺黃色的蟹油。素雜錦其實是羅漢齋，有粉絲、雲耳、粟米芯、冬菰、紅蘿蔔、豆腐乾和椰菜。炆得入味，醬汁不太濃但亦不會水汪汪。蔬菜新鮮爽口、甜美，特別一讚是豆腐乾，軟腍但同時很有豆味。芋頭雞骨醬這是芋頭炆雞，雞肉鮮甜，肉質嫰滑。有大量芋頭，切得圓形，細小的，易入口。芋頭煮得半溶，吸收了雞汁的味道，入口多汁。上海炒粗麵有肉絲、椰菜、小堂菜和麵條，用老抽炒得很香，但不至於過鹹。粗麵很滑溜，口感甚至有點似稻庭烏冬。油份不算太多，肉絲煙韌。加一些辣醬，味道更特出，更開胃。服務員大多是伯伯和嬸嬸，全都很友善，很殷勤，整晚幫我換了三次碟呢！一般小菜和飯麵每款至少一百多元，我們兩個人共花費了五百多元，價錢偏貴。

尖沙咀分店搬遷，等了好一陣子，昨天得知新店裝修完畢已開始試業，今晚迫不及待要老公陪我去試試！因為我倆都不是大胃王，3款菜已經太足夠，所以點了我最愛的【醉乳鴿】，【清炒蝦仁】，和老公的最愛【豆苗紅燒肉】！點好菜後，環顧四周的新裝修，舒適又不失氣派，典雅中有新鮮感！據店員說，新店的格調，是30年代上海飯店最「潮」的，柔合現代風格，就成了新店的新面貌！聊了一會，冷盤【醉乳鴿】就來了，酒香肉嫩，酒味剛剛好，不會太濃變苦味，依然是我的最愛！然後【清炒蝦仁】到，蝦仁清甜彈牙，這是老公和我最喜歡的口感！最後【豆苗紅燒肉】上桌，豆苗清甜，紅燒肉入味，配搭得非常好，而且肉稔不黐牙，每次老公都要加上2個白飯呢！愉快滿足的一頓晚餐，下次再多約幾個好友，嚐嚐更多不同的菜式！哈哈~