香港老飯店

營業中

休息中

上海菜甜品來來去都係高力豆沙，酒釀丸子，雷沙湯丸，豆沙鍋餅，芝麻湯圓，呢啲都食到厭啦，不如試下呢個芋泥紅豆餅，師傅即叫即整，大概等10-20分鐘，煎到香香地，真係食完一塊又一塊

極好味非常有水準上海菜館夏日超值宴以$1288(6位）三冷盤拍青瓜、醉朱手、烤麩（忘記影）火肪雲吞翅👍🏼👍🏼👍🏼4款小菜及抄飯最後來埋甜品及菓盤非常滿足及好味晚餐😋😋

同小學同學一齊去食飯，因為同學大肚，所以我哋專登揀咗中菜餐廳食。同學話呢間餐廳已經好耐歷史，所以特登黎試一試。呢間餐廳真係好耐歷史，連裝修都幾懷舊，係一間傳統嘅老式飯店。我個人都幾鍾意食上海野，而呢間鋪頭都幾正宗。高力豆沙，好好食而家已經好少餐廳會再整高力豆沙，好開心仲食到。雖然係油炸，但係一啲都唔油膩，而且入邊嘅豆沙香甜吾漏。茶鴨普通，雖然好香，但係感覺好似食緊煙鴨胸，而且肉質偏硬，冇咩肉汁。仲有貝殼形狀嘅饅頭，聽講可以夾鴨肉食，但係饅頭口感好乾。

香港好多哩D上海菜餐廳，哩間朋友再三推薦好有歷史既餐廳就係其中一間啦，店裡氣氛很溫馨，環境都好好，感覺好優雅，射燈也很特別，歷史與新時代並進的一種裝修風格。生煎包係我好期望既一味，食落口都好香，建議各位朋友食既時候要慢慢食呀，入邊既湯汁要小心熱呀，如果唔係就好容易辣親自己啦，包底唔夠脆，不過哩個生煎包我有少少失望，唔知道係咪我對佢期望太高呢？哩味茄子炒四季豆就OK啦，有驚喜，好餸飯，味道好濃郁，總體來講值得一試。

都有好些年沒有到訪，心想味道可能大不如前。有朋自遠方來對此店念念不忘，所以專程安排一頓晚飯作為酒餚一開始冷盤就已經先上了五碟，而且份量也不少淆肉肉量非常均勻，很多時吃到的都會很明顯兩層，肉和汁凍分開這一份脆鱔大受歡迎，脆而鬆化這份炸魚是部長介紹，雖然是啖啖去骨魚肉但略嫌沒有魚味，令人失望主角出場了，保持著一貫水準，皮滑軟綿入口融化，完全不會給人油膩口感，難怪受人一值推薦這個豆沙鍋餅分量跟價錢有點差距，以為有驚起但亦不外如是

朋友們同我昨晚去香港老飯店食飯，本來是很開心的事，朋友也問為甚麼選這間，我覺得有好多like (OpenRice)所以來試試。菜式的味道很好，上菜也快，但朋友說我們預先book的位置不好，所以是調過的⋯最後我們也吃了所有食物。到埋單時，問題來了，原來朋友們放了蛋糕在店（店員已說了幾次收切餅費，都合理的）但是收得切餅費，竟然沒有任何服務，求其放個蛋糕在枱（身為主角的我，不想發怒）但朋友也按不住，已同侍應理論，最後我們自己切餅同分餅（侍應態度惡劣）連打火機也不想借，所以埋單時，我們要求不應該收切餅費，侍應話收$50（原本$100）是放置蛋糕費用，我們話報警處理，他們一聲對不起也沒有，又說經理放工，可以叫警察⋯最後他們改單了事（不收切餅費）其實食店處理手法很有問題，如果他們做得恰當，客人是會再來，根本是趕客，什麼老店？今事今日的服務品態度不是這樣🤬🤬🤬

香港其實有好多開左好耐既上海菜餐廳，哩間就係其中一間啦🤗🤗🤗🤗食上海菜梗係要一大班人黎食啦，哩間餐廳全部都係圓枱，一大班朋友都容易啲夾餸呀！！聽講哩度既薰蛋係必食架，賣相一流呀，究竟係鴨蛋定雞蛋黎架呢？個蛋既味道好濃郁，係我食過最好味嘅薰蛋，配埋香脆嘅合桃真係好好味呀，合桃加埋蜜糖同芝麻拎咗去炸，脆卜卜，配埋嗰蛋食真係一流，然後就嗌左個樟茶鴨，啲鴨肉好結實，但係又唔會好un 好鞋一啲肥膏都無呀，食幾多都得呀！上海菜好出名既豆沙鍋餅點可以唔嗌喎。。正呀！

香港老飯店，前幾年都層經嚟食過，但呢次食，沒有之前般咁好食，地方也殘舊了許多，地方還有一陣陣的’酸臭’味😖😖，員工都是上年紀一族，沒有那麼快手前菜，無乜味道蝦仁🍤尚算爽口，不算太油膩小籠包，可能放左一陣，食落口唔熱，多汁，還可以松子魚，口感好油膩，唔夠酸，肉質比較’鞋口’反而呢個薰蛋合桃小食，合桃好好味，好脆口乳鴿冇乜出色，食一舊瘦肉無分別金華火腿，有陣豬肉味，麻麻地上海粗炒好食，不會太油膩👍

今日公司食飯，選了這家，平時午餐都有食過幾次，但晚餐還是第一次，菜與菜之間等近15分鐘，由第一道菜到第3度，已經用了半小時。。。沒時間的要多考慮。。。味道還算可以。。。。。。

2007年12月31日晚上與朋友到尖沙咀香港老飯店吃晚飯倒數。本來想在除夕吃自助餐，但朋友建議到香港老飯店，香港老飯店是一間超水準的上海菜館，不論食物及服務都超水準。食物嘅味道非常好。我們點了幾款招牌菜，特別推介樟茶鴨肉質鮮嫩，烤雙方火腿甘香腐皮鬆脆，更是必食的，小籠包皮薄肉質鮮味，核桃燻蛋，醉雞，素鵝也好好味，雲吞雞湯超正，仲要試吓生煎包，肉質鮮味和包厎香脆，下次一定會再約埋屋企人再品嚐這美味的菜餚。

今晚又來了。又食溏沁蛋跟合桃，溏沁蛋都保持水準，好流心的，好味呀，合桃有芝麻的，夠晒香脆。花生酸菜good肴肉也是好夠凍，好香唔太肥。豆腐煲，夠晒滑，味道也是啱啱好，有些磨菇，笋。紅燒肉炆枝竹，也好淋好入味。味道較濃！！松子魚，也是有水準，好味的，魚肉唔係好滑，酸酸甜甜開胃呀！！炸鱔，好脆卜卜，但是冇肉食。好似只是皮冬菇扒時菜，好味道的，不過又是濃味了d。冬菇也夠軟的。生煎包也是要等好耐，也是煎到金黃香脆，肉汁也夠多，不過，也是好咸呀！！！小籠包等了好耐，皮也夠薄，也有肉汁，不過好咸呀！！！可能當晚有包房的客人，所以也是分身不暇去招待我們，上菜好慢，也冇咩服務。水準也下降了！！！

突如其來的一餐飯局 哥哥想到這家香港老飯店爸爸一定喜歡 一行九人訂了六點 入座時場面不滿座 可能時間尚早的關係哥哥也一早想到點什麼特色菜 我就不用傷腦筋先上的是合桃燻蛋相信無人不歡 合桃沾上蜜糖與芝麻最香口不顧的配搭燻蛋是溏心的 我最愛再來中菜十大必點 小籠包 皮薄多汁 一不小心燙傷嘴巴 賽磅蟹乃是送飯首選 蛋白不會老 加上蛋汁 確是一流紅燒元蹄 會有專人切開 好讓食客方便進食 這菜能比美和牛 入口即溶 而且十分入味 讓人停不了口松子魚上湯時蔬高力豆沙 再飽都要點 為一餐飯劃上句號

由美麗華商場吃到搬了過來寳勒巷的老店子，來了不下五次，今次沒有吃當時得令的篜大閘蟹，反而吃了實而不華，用心做的上海菜。頭盤由涼菜，鎮江肴肉，至主菜清炒豆苗(朋友問服務員才知道他們的廚房是人手逐一度摘，所以每條均一)，大閘蟹炒年糕，炒蝦仁，醬茶鴨，蟹粉湯包，酸辣湯和不得不提的芝麻湯圓，芝麻湯圓是自家製，每天把新鮮芝麻炒香後兼人手搓皮，逐粒包好。每次一定是我必吃的甜品，我敢說他們的芝麻湯圓是我在香港吃過數一數二。今次朋友跟他們的服務員閒談才知道廚房背後下的苦功，值得一讚！今次太飽沒有吃他們的山煎包，有少少失落，下次一定再來吃過痛快。老店又保持水準在香港已買少見少，希望他們継續努力和創新菜色！

經常聽到朋友說我個老飯店值得一試，於是就去試一下，叫了薰蛋、樟茶鴨、生煎飽、小龍飽、元蹄、上海粗炒、漕溜魚片、高力豆沙。食物質素果然很好。尤其是那個元蹄，肥而不油膩，必食。那個薰蛋真的令人感到有煙燻的味道（市面上的餐廳很多說自己的是薫蛋，但其實都沒有煙燻的味道）。那個小籠包，第一眼望見便感覺他不是蒸的很美的小籠包，所以可以不試。樟茶鴨及高力豆沙沒有什麼特別但可接受。服務態度可以，不是特別的招呼周到，但尚算合宜。總括來說雖然價錢不是非常便宜，但也算值得，可以接受

生日月份正式啟動，今晚舊同事好有心咁為我慶祝生日我話想食上海菜佢地就話不如去尖沙咀嘅香港老飯店，交通方便大家放工過來都唔遠。我哋星期四七點鐘到都好多食客喎，果然平日生意唔錯由想當年喺美麗華商場搬過嚟寶勒巷只係食過一次，果次仲要係最少兩年前了。色澤金黃，十分吸引！中間啲合桃新鮮冇油益味不過不失，酒味夠重不過就冇乜雞味。好大碟，我自己就好喜歡，無論調味和肉質都做得出色，加埋啲汁送飯一流雖然肥膩邪惡不過耐不耐一次係要放縱下自己嘅比我想像中好味，嚟到嘅時候仲熱辣辣，皮脆肉滑，食到停唔到口，果然有驚喜每一隻都肥嘟嘟咬落去啲湯會流晒出嚟各位朋友食小籠包嘅時候要小心啊賣相已經攞滿分煎得好靚，煎到一半金黃食落好juicy，冇諗過生煎包內都咁多肉汁總結: 食物質素比起我兩年前來大大進步，不過餐廳生意唔錯，客人比較多所以都好嘈。回頭率100%