香港永年車仔麵茶冰廳

營業中

休息中

嗌左個「慢煮鐵板1人套餐」。套餐包括：沙律或餐湯、主菜及飲品。❤️揀左餐湯——周打蜆肉魚湯食材豐富，入面有好多粒蜆肉！重有薯仔。餐飲嗌左熱檸檬茶。❤️生菜魚肉細細個媽咪成日買比我食，可以話係充滿童年回憶！夠晒熱！生菜同魚肉都多👍🏻。生菜又甜又爽脆。魚肉彈牙。❤️因為白蘿蔔實在太好味想encore就嗌多個「永年三寶」，分別有魚蛋、豬皮同白蘿蔔。❤️煎釀三寶分別有青椒🫑、苦瓜和豆卜。煎釀三寶青椒就成日見，苦瓜同豆卜就較少見，好特別👍🏻。❤️樽仔烏龍茶用樽裝飲唔晒可以拎走慢慢飲，幾好👍🏻。❤️哇呢個鐵板厚切豬扒冇得輸呀，鐵板夠熱辣辣渣渣聲，豬扒真係肉質好鮮嫩 ❤️永年大碗麵有豬皮、豬紅、魚蛋菜心，雞翼尖、魷魚、豬腸、蘿蔔全部王牌喺晒度，要贊一贊啲蘿蔔全部咬落去係冇渣，今次我叫咗油麵。唔會好似其他車仔麵咁全部嚟到枱啲麵散修修，麵質煮到啱啱好，食到「雪雪聲！」

同朋友喺沙田行街，餓餓地順便入咗呢間食晚飯～ 餐廳位於新城市廣場，主打懷舊風味嘅鐵板餐，除此之外亦有車仔麵、港式小炒、小食供應，裝潢頗有香港特色，行新派造型路線，會話值得到訪😃晚市有慢煮鐵板套餐，包沙律、餐湯、主菜、小食同飲品，整體份量十足，性價比幾高！前菜叫咗打蜆肉魚湯同牛油果薯仔蝦沙律，前者creamy濃厚、後者味道清新，面頭仲有幾隻爽口彈牙嘅大蝦添🍤主菜有安格斯封門柳同雜扒，封門柳要咗五成熟，肉質鬆軟，食落唔韌，牛味突出，個人十分喜歡💕 雜扒包括西冷、嫩滑雞扒同厚切豬扒，配埋洋蔥同黑椒汁就最合適不過了～ 旁邊仲有脆脆嘅炸麵，創新又好味😋 小食都有幾多選擇，蝦多士有三小件，酥脆可口，好有懷舊嘅感覺～ 酸忌廉煙肉焗薯原個上，可自行加配調味料，健康又飽肚🙈 生菜十分新鮮，搭配腐乳令到主角更加鮮甜！

永年士多一向都好出名，而家開到嚟沙田，住喺呢區嘅朋友又多間選擇啦！今日同媽咪出嚟下午茶，未食Tea前見到隔誰枱鐵板餐滋滋聲，好吸引，決定嗌返個嚟食先！.懷舊鐵版豬扒餐 $108一嚟到緊係趁熱將黑椒汁淋大大塊嘅有骨豬扒度啦！熱辣辣嘅鐵板，一淋上去滋滋聲，黑椒味出晒嚟！豬扒唔會太乾、軟冧易咬。因為唔想食太飽揀咗跟薯菜，懷舊波浪形薯條外脆內軟，單食都好正！.黑芝麻流心西多士餐 $63其實食完個鐵板餐都有小小飽，但見到下午茶有流心西多士，仲係媽咪最愛嘅黑芝麻，一於嗌多份嚟share！濃濃嘅黑芝麻醬，夾喺西多士入面，甜而不膩，絕對值得嗌。.+$9 仲可以升級做永年特飲好耐冇飲紅豆冰嘅豬太郎就嗌咗抹茶紅豆冰，滿滿嘅紅豆加埋香而不澀嘅抹茶，絕對係邪惡下午茶嘅必叫item！.📍香港永年車仔麵茶冰廳 Hong Kong Wing Nin 沙田正街18號新城市廣場一期1樓113號舖

沙田🚇新城市廣場呢間「永年車仔麵茶冰廳」主打🇭🇰港式鐵板餐，入面裝修亦🥰充滿懷舊風，而且四百幾蚊💰就食到勁豐富嘅慢煮🥩鐵板2人套餐添！餐飲☕️有多款選擇，最吸引😍我嘅係可以加💰$15轉🍵抹茶🫘紅豆冰🍹，抹茶🍵味濃唔會太甜，🫘紅豆料足又香甜🤤。牛油果🥑薯仔🥔蝦🦐沙律🥗配咗千島海鮮醬，開胃可口。周打蜆肉🐟魚湯🥣用料足，鮮味濃郁😋，好啱我口味！小食懷舊🍤蝦多士🍞炸得好鬆脆👍，配上鮮味嘅🍤蝦膠同埋沙律醬，十分之開胃🤤。主菜加💰$40可以升級做SRF🏯和牛肉眼芯，我揀咗五成熟🔥同埋配黑椒汁。鐵板上🔥熱辣辣，倒汁落去即時🤩滋滋聲，香氣撲鼻。五成熟👍啱啱好，份量足又嫩滑😋，正呀！佢哋嘅🇺🇸美國安格斯🐂封門柳亦都唔差，肉味濃郁而且揀咗佢嘅永年招牌🌶️辣椒汁，少少辣好惹味🥰。佢哋鐵板餐🍽️配嘅麵都幾特別，係炸🔥到又脆又香口嘅麵🤩。黑芝麻西多士🍞伴雲呢拿雪糕🍨份量十足，楓糖漿🍯加上雲呢拿🍨雪糕同埋香脆西多士🍞香甜美味而且有🧊冰火🔥感好有趣。西多士🍞中間充滿黑芝麻，入口更加豐富😍滋味。

今日我要同大家分享一個令人滿足嘅餐單！最近我去沙田市中心嘅永年茶餐廳，試咗佢哋嘅「慢煮鐵板2人套餐」，真係好好味！牛油果薯仔蝦沙律蝦仁彈牙，牛油果襯托出淡淡嘅奶油味道，非常開胃，同薯仔一齊食更加順滑。湯類方面，酥皮周打蜆肉魚湯實在令人驚艷！湯底濃郁鮮甜，加上蜆肉，令湯更加豐富滋味。佢哋嘅SRF 和牛肉眼芯真係煮得好拿手。成熟度掌握得恰到好處，七成熟嘅牛肉眼芯咬落去，口感嫩滑多汁。配上鐵板上嘅永年招牌辣椒汁，真係增加咗一份辣味，令牛肉更加香口。真係加味到恰到好處，辣而唔會太過濃烈，真係令人回味無窮！另一款牛扒係美國安格斯封門柳，同樣七成熟度。黑椒嘅香氣滲入牛肉之中，帶出一種濃郁嘅味道，真係令人垂涎欲滴。秘製瑞士雞翼，雞翼汁調得唔錯！特別一提嘅係佢哋嘅黑芝麻西多士伴雲呢拿雪糕，脆皮西多外面係滑溜溜嘅雪糕，味道層次分明，一口咬落去，每一口都帶來層次豐富嘅口感，絕對係一種享受！飲品方面，紅豆奶茶冰同抹茶紅豆冰，滑滑嘅奶茶配上紅豆，味道清香唔會太甜；而抹茶紅豆冰口感順滑，又唔會太濃。香港永年車仔麵茶冰廳 Hong Kong Wing Nin地址 沙田沙田正街18號新城市廣場一期1樓113號舖S

不經不覺， 結左婚三年，只想跟張生好好地享受一下一餐普通的既餐💕。 今次張生帶我去試一個慢煮鐵板套餐。好似都好唔錯🤩（5⭐️最高）慢煮鐵板2人套餐 （整體5⭐️）餐湯🥣周打蜆肉魚湯淡淡的蜆肉配上薯仔及忌廉湯， 好滋味🤩港式牛尾羅宋湯飲落有少少辣辣地， 牛味濃， 而且有蕃茄香， 份量足料又滋味， 正😝小食🍤芝士肉醬焗薯皮利用肉醬焗薯仔，使薯仔吸引了肉汁， 加上芝士， 好野味呀😘😘砵酒燴牛尾香濃牛尾煮得好入味， 又炆得好林， 好味之選南乳雞翼炸既火喉岩岩好，食落有少少南乳香味😍而且脆卜卜💕
主食🔪🍽️1️⃣美國安格斯封門柳跟意粉選了5成熟的封門柳， 咬落肉質細滑而不老。加上洋蔥汁， 一流👍🏻🧡
2️⃣美國頂級西冷扒跟白飯相比起， 西冷肉質較為成熟， 但會比起上黎較容易吸收到洋蔥汁的鮮甜味🤩特飲抹茶紅豆冰🤩好特別的， 紅豆香不會過於搶了茶味。 當食到紅豆時， 會感受到有淡淡的甘香茶味💕綠茶紅豆冰綠茶紅豆🫘一向都有試， 但作為飲品， 都係第一次🧡

好耐冇食過港式鐵板餐呢，於是嚟到朋友介紹嘅香港 永年車仔麵茶冰廳。店內嘅環境開揚舒適，裝潢以舊式香港情懷為主，啱曬一家大細嚟試試地道港式美食。✨厚切豬扒鐵板餐 ✨嫩滑雞扒鐵板餐扒餐上枱後，店員提醒我哋要拎定紙巾準備，之後就幫我哋倒上洋蔥汁，聽到鐵板嘅滋滋聲，就知道可以開餐嚕！今日點咗兩份鐵板餐，熱辣辣又香噴噴，雞肉肉質嫩滑，而豬扒厚實足料，外皮同樣煎得香脆，今餐非常豐富呀🤤鐵板餐可以選配炸麵、白飯🍚、意粉🍝同薯菜，平時都係配飯多，今日就試下炸麵先，呢度嘅炸麵炸到又脆又香，加埋洋蔥汁，味道唔錯！✨酥皮周打蜆肉魚湯🫕酥皮湯嘅酥皮金黃鬆脆，湯嘅餡料豐盛，啖啖都飲到香滑濃郁的忌廉湯同蜆肉、魚肉嘅鮮味。✨懷舊蝦多士蝦肉爽口彈牙，炸得酥脆可口，食落唔會太油膩，如果有多件就好啦🥹✨黑芝麻西多士伴雲呢拿雪糕🍨第一次食黑芝麻味嘅西多士，入口酥脆，中間餡料充滿黑芝麻，配埋雲呢拿雪糕一齊食好夾呀。

再訪懐舊風冰廳，裝潢佈置非常有心思，環境寬敞坐得好舒服，客人可用二維碼自助落點餐。食物選擇多元化，結合車仔麵及冰廳的元素，食物款式創新有特色☺️ 食物份量多，叫二人套餐，絕對會食到好飽😆晚市二人消費：$493 （連加一服務費）💖💖💖食評💖💖💖- 慢煮鐵板2人套餐 -招牌港式牛尾羅宋湯✨ 味道香濃偏辣，惹味開胃🤤 湯料十分豐富，有牛尾及雜菜美國安格斯封門柳 配炸麵 (五成熟)✨ 美國頂級西冷扒 配炸麵 (五成熟)✨ 牛肉好厚身，肉質有驚喜！封門柳質地特別柔軟，西冷扒較有嚼勁，牛肉味十分濃郁！五成熟口感極佳，外皮煎得微脆，切開中間牛肉呈粉紅色，肉質十分鮮嫩，亦做到鎖住肉汁的效果，不用醬汁都好夠味👍 特別一提，牛肉底下放了洋蔥，鐵板熱度不會影響肉質，十分貼心~豬大腸生菜 (+$20)✨好惹味😍 喜歡豬大腸的必點！配上爽脆生菜一流懷舊蝦多士✨多士口感好酥脆，配上沙律醬好好味黑芝麻西多士伴雲呢拿雪糕✨鬆軟西多士夾住黑芝麻餡，十分香甜，配上雪糕 冰火交融 口感層次豐富樽仔奶茶 (+$15)✨

好耐無黎沙田新城市廣場，行過見到永年，以為佢只係賣車仔麵，點知仲有鐵板燒食，一於試試佢～🔎 慢煮鐵板2人套餐 （$398）💝沙律/餐湯我同朋友揀左港式牛尾羅宋湯同周打蜆肉魚湯。▪️羅宋湯：飲落酸酸甜甜，好開胃。▫️周打蜆肉魚湯：好幾忌廉味，飲落Creamy.💝主菜▪️永年雜扒（洋葱汁）：雜扒包括雞扒、豬扒同牛扒，岩曬鐘意食肉既朋友❤️份量好多，而且食落唔會乾，都算Juicy!▫️ 美國安格斯封門柳（7成熟、黑椒汁）：封門柳肉質結實，但唔會韌～配埋黑椒汁，味道岩岩好。以上主食可以揀跟炸麵，非常少見。炸麵香脆可口~💝小食▪️ 懷舊蝦多士：比較少地方有蝦多士，上枱炸到熱辣辣同脆卜卜，好邪惡！▫️ 黑芝麻西多士伴雲呢拿雪糕：平時西多士係花生醬為主，今次見佢係黑芝麻咁特別，當然要試一試啦。黑芝麻味道都幾濃郁。西多士熱辣辣，配埋凍冰冰既雪糕一齊食，冰火二重天既感覺非常特別❤️💝飲品▪️抹茶紅豆冰(+$15)：抹茶味都算出，紅豆好淋👍🏻▫️菠蘿冰(+$15)：清新解渴，而且唔會太甜。㊙️另有加一服務費

之前同朋友講到永年士多，跟住立即想起有一間永年茶冰廳，有朋友話想去試下，於是便帶他去試一試☺️餐廳內部裝修主要是懷舊的主題，鐵板餐是其中一個特色🙂經過深思熟慮之後最後決定點了一個慢煮鐵板2人套餐（$398）酸忌廉煙肉焗薯原隻焗薯，配上酸忌廉之後又是另一種特色🤩腐乳通菜食了這麼多肉，要吃一點菜來幫助消化🤣牛油果薯仔蝦沙律好耐冇食牛油果，聽講牛油果比較健康，而且配上薯蓉和蝦之後令整個沙律層次升了級😆招牌港式牛尾羅宋湯前菜必點之一，湯中間會有牛尾，學下去有一點辣，十分惹味😚永年雜扒一共有豬牛羊三種，西冷扒口感十足，比較煙韌；豬扒採用西班牙黑毛豬，有少量肥肉；雞扒配上洋蔥汁之後能感受到雞肉濃郁的味道😋美國安格斯封門柳封門柳肉質比較鬆軟，不會太煙靭，牛肉味十分濃郁，配上脆麵底簡直就是一流，值得畀個like👍🏻黑芝麻西多士伴雲呢拿雪糕黑芝麻西多士比較少見，夾心以芝麻為主，十分特別抹茶紅豆冰 & 奶茶紅豆冰大家各有特色，以紅豆為主，當中以奶茶紅豆冰比較正😜好味指數：10/10性價比指數：9/10

要在熱鬧的沙田市中心找好餐廳不難，但要外望悠閒景觀並不容易。這晚未到六時便走進餐廳，首次光顧，純粹被其懷舊的裝修吸引，覺得甚有特色，可能時間尚早剛開晚市，因此被安排了正對落地玻璃的寬敞卡位，外頭雖說不上是甚麼美景，但整體感覺開揚，看到外頭匆匆忙忙的行人，覺得自己就像置身於鬧市中的綠洲，滿有悠閒感，女士會著重「食環境」和「食感覺」呢! 那偌大的落地玻璃也正好作拍攝背景，適合喜歡打卡拍照的。點了二人鐵板餐，視乎選擇，可以有齊頭盤、主菜、小食、甜品和飲品，選擇相當多,因此也對得起這個價格。食物上桌後放滿一枱，相當賞心悅目。甜品在沒有特別要求下會自動自覺後上，挺細心的安排。主菜點了美國安格斯封門柳，另一份加錢轉了SRF和牛肉眼，早前介紹過SRF牧場是將美國安格斯牛和日本和牛混種，取安格斯牛的肉質，又有和牛的油花。這塊肉眼的確相當多油花，以個人口味來說，肉眼位置油花偏多，不大合意，反而喜歡安格斯封門柳，牛味足且鬆軟易切。此外牛油果蝦沙律和抹茶紅豆冰也是不錯的選擇。

永年車仔麵間中都會encore。沙田分店原來出左鐵板餐，2人套餐好抵食，食到勁飽。2人套餐 $398沙律/餐湯＋主菜＋小食＋飲品前菜羅宋牛尾湯- 好足料，真係有牛尾。周打蜆肉魚湯- 加$15 要酥皮。餐湯入面有蜆肉、薯粒、煙肉，酥皮焗到好脆再浸落湯道好味😋主菜一個+$40 升級SRP和牛肉眼芯配黑椒汁另一個揀左 豬扒配洋蔥汁成塊鐵板上，倒汁落去喳喳聲，好有童年回憶，好懷舊。牛扒同豬扒都好腍好易切。跟餐有個炸麵，幾特別。小食薯條- 係茶餐廳嘅粗波浪薯條，好多薯仔，炸到好脆。黑芝麻西多士伴雲呢拿雪糕- 呢個幾有驚喜，黑芝麻餡好少見，有芝麻香又唔會太甜，配埋雪糕好食。📍 香港永年車仔麵茶冰廳 (沙田)沙田沙田正街18號新城市廣場一期1樓113號舖

永年出名車仔麵，但呢期餐廳推出懷舊茶餐鐵板燒，有唔同的扒類可以選擇，仲可以叫返啲車仔麵小食我哋叫咗呢個鐵板二人餐，$398包餐湯/沙律，每人一個鐵板主食，仲有小食同飲品，星期六同星期日都有套餐，抵食韭菜豬肉：鮮蝦牛油果沙律永年雜扒鐵板燒：入面有豬扒、西冷牛扒同雞扒，一次過滿足晒三個願望呀另外叫咗個美國肉眼扒，五成熟，牛肉粉嫩，唔錯唔錯 小食：紅酒煮牛尾，牛尾炆得好入味甜品：雲尼拿雪糕西多士，超邪惡，但勁好食

今日行完新城市，想食港式就醒起之前食過永年既鐵板餐有酥皮湯，食過翻尋味今日就一於再encore!今晚同朋友order慢煮鐵板2人套餐見到有新嘢，竟然有佛跳牆鐵板食😂朋友就嚐下鮮，花膠扒份量多又有厚度，鐵板上食鮑魚麵好過癮😂😂食肉獸既我一如既往 點能夠唔點鐵板牛🫢封門柳牛味香濃，份量之大睇相就知5成熟，粉嫩既肉質令我每次黎都點必！推薦大家封門柳鐵板✨✨😍食鐵板點可以無酥皮湯！！酥皮周打蜆肉魚湯，濃郁既湯帶住厚實既口感，材料超足！之前黎食過大蝦牛油果沙律，今日就試下雞扒鹹魚凱撒沙律估唔到鹹魚同生菜出奇地夾，咸香味令沙律既清新感更突出見到有砵酒燴牛尾就緊係要加點！牛尾好入味 肉質好軟腍😽愛牛之人一定要加配埋！例牌，食港式又點可以唔食西多，熱辣辣既西多加上雪糕，凍熱交加係一種味蕾上既享受，切開入面仲要係唔常見既芝麻餡，呢個黑芝麻西多伴雲呢拿雪糕為今餐港式鐵板劃上完美句號😽順帶一提，友人邊飲邊大讚抹茶紅豆冰，唔會死甜得黎又特別，我下次都要點黎試下🤭

[ 香港永年車仔麵茶冰廳 ]港式茶記食得多，呢間位於新城市裡面既冰廳想試好耐，平時好多人排隊，見平日晚上唔洗排隊就去試吓先🤓鐵板2人套餐包沙律或餐湯+主菜+小食+飲品✿ 慢煮鐵板2人套餐 $398餐湯🥘招牌港式牛尾羅宋湯牛尾羅宋湯味道香濃，湯汁口感濃稠，牛尾粒肉質鮮嫩，好足料。周打蜆肉魚湯傳統西式周打蜆肉魚湯，唔會好腥，湯汁鮮甜。主菜🥩SRF 和牛肉眼芯🐮 +$40鐵板燒有黑椒汁、洋蔥汁&招牌辣椒汁選擇，和牛肉眼芯肉質柔軟，口感嫩滑，油脂分佈均勻👍🏻用鐵板上熱辣辣更正。永年雜扒雜扒有牛扒、雞扒&豬扒，三樣款扒都整得唔錯，牛扒中規中矩，唔會過韌。雞扒&豬扒肉質唔嚡口。另外每款鐵板燒都會跟一個炸麵，炸麵口感脆卜卜，食咗咁多肉肉食翻啖炸麵，口感特別。小食懷舊蝦多士🦐🍞🍞秘製瑞士雞翼🐥🐥兩款都係港式冰廳必點！蝦多士外層麵包糠炸得香脆，再配上蝦肉則鮮嫩多汁；瑞士雞翼甜甜哋，肉質柔軟多汁。餐飲凍檸檬水 +$4凍檸茶 +$4總結🫦價錢比一般茶記略為高少少🤏🏻，但勝在可以比到好既質素你，餐廳座位闊落舒適，既有特色懷舊風味，食物又有水準，回頭率應該都幾高😉✿✿✿✿✿✿✿✿✿✿✿✿✿✿✿✿✿✿✿✿✿✿✿✿