香港仔一品魚蛋王

營業中

休息中

香港仔一品魚蛋嘅分店開到周圍都係，緊有一間喺左近！今日午餐咁岩經過，就入黎坐低食個麵啦！點左玩魚片魚蛋河粉，魚片同埋魚蛋嘅份量都落得幾足，唔會好似有啲魚蛋河配料得個兩三件。魚蛋好彈牙同埋爽口，幾有咬口！！另外加魚片質感都唔錯，咬落會滲出魚香味。個湯頭都一樣，帶魚香，幾好味。天氣咁熱，梗係要嗌支可樂飲下啦！呢度係用支裝可樂，可能夠凍，飲得好舒服。紫菜湯，有好多紫菜，仲落咗蔥粒，紫菜味都幾濃郁，個湯底相對地較清，幾夾。

香港仔一品魚蛋王👍🏿今次去到叫左個原汁魚蛋牛腩麵😀 hkd33雙拼加6蚊☺️先講佢啲牛腩去到係必食！真係整到好腍好軟好好食呀💎仲要份量超多勁爆抵食😉加埋啲牛腩汁配埋啲面食一流😈而且佢啲魚蛋又超級彈牙，做到超級入味😎正！另外佢既貢丸同雲吞都可以一試架～貢丸又係好彈牙又有汁😍唔會好乾身，雲吞粒粒都有蝦👀爆晒餡超有誠意～仲叫左個郊外油菜hkd13 😀啲菜唔會煮到好老，同湯面食又得，就咁食都得😎

落住雨，一出地鐵冇遠，見到呢間香港仔一品魚旦王，見甘就腳，而且牛味香濃，價格平民，就入去避雨加醫肚。話明魚旦王，邊少得叫碗魚旦麵試下，魚旦用鮮魚肉打成，魚味十足，而且彈牙，魚片頭炸到好香口，當然都好彈牙的，不愧係魚旦王。而且湯底鮮甜，聽聞魚肉做魚旦同魚片，魚皮就拎去炸，魚骨就淆湯，先至有甘正湯底。朋友點左牛腩魚麵，魚麵係其他麵鋪比較少見，形狀似烏冬，不過魚麵本身有魚味，而且比較軟身，適合小朋友同老人家食。岩就見隔離兩婆孫點左。至於牛腩，略嫌比較瘦，可能見我地女仔既關係，不過牛味十足，店員介紹因為全部牛腩，牛雜都係每日新鮮牛制造，務求令顧客每日可以食到新鮮而且價廉食物。而且全日有九款魚麵做特價，只賣33大元，仲包一杯野飲或者油菜，超值之選。朋友提議不如叫碟牛雜一齊食，即刻舉腳贊成，份量足夠四人食，而且有三塊牛膀，超多牛肚，牛肺同牛腸，點上自制辣椒醬同紅醋，一個字形容--正。如果下次再經過，可以試埋雲吞，都係即日新鮮包，已經急不及待。

今日天氣好好，去完沙灘游水已筋疲力盡，回程係筲箕灣巴士總站見到呢間粉店，睇門面都幾乾淨，因為實在勁肚餓關係，所以二話不說就好撞咗快入去坐下，睇餐牌都幾多嘢食，丸類都好多不過最後都係點了碟淨牛筋腩，講真份量都算幾多，牛筋炆到勁淋又有少少膠口，牛腩肉味好濃好香，真係覺得唔錯而且我真係牛魔王嚟，仲叫咗牛雜河，牛雜同樣份量好多，26蚊嚟講真係好抵食，牛雜一樣炆得好淋身，仲要好香香料味，加上佢啲辣椒油都唔錯

當人人眼中只有雲南風味米線、日式拉麵、重慶酸辣麵等等等時，偶爾來一碗港式的魚蛋粉，找尋最初的感動！-----自製魚蛋河 $26 (魚片頭雙拼+$6)自家製的魚蛋和魚片頭都非常爽口彈牙亦有魚味，河粉滑溜，簡單不錯！四寶魚麵 $39貪心的人當然要叫四寶麵啦！所有丸都頗有驚喜，特別喜歡牛丸和墨魚丸，非常爽口彈牙，十分滋味！唯獨魚皮餃有點散開值得一提的是手轆魚麵，外型似足稻庭烏冬，食落口感非常有驚喜，每條都非常粗身，爽口彈牙，像吃一條條的魚蛋，玩味十足淨腩筋 $75這裡的牛腩牛筋都是只家製，不可不試，炆得非常入味濃郁又夠稔，真係好正呀！總括說，喜歡這裡是自家工場製作出品，用心也有誠意，難怪䇄立多年，是平民的小幸福！

呢間魚旦粉位於巴士總站地鐵站附近，位置很方便。大大個紅色牌很容易識別。大部份嘅粉面，例如牛腩，牛筋，牛什，墨魚丸，牛丸都係＄26一碗。呢個價錢相信係東大街是找不到的。叫咗一個牛腩河，牛雜河及魚旦河。還有瑞士汁雞翼。整體粉麵份量很多，原以為$26餸不多，但是你看圖片餸既份量也不少。牛腩很淋很好食，牛雜味道濃郁而且魚旦很爽很彈牙。不過雞翼鞋左少少，希望會改進。老實說，$26一碗粉同埋呢個質素真係好滿意。呢間比左個驚喜我。魚皮又脆又薄，浸埋個湯好正。

友人素來對西灣河有種情義結，是晚到海濱長廊跑步後便齊齊步行到筲箕灣。回想一下都有數年沒有食香港仔魚蛋粉，所以即興與友人去食！門面尚算光鮮整潔，格局與一般粉麵店無異！食物不外乎圍繞飯及粉麵，但也有特別款泡飯及魚麵！源汁牛腩飯 - 牛腩質感厚身軟稔不黏牙，肥膏位亦不多，配上白飯吃有種簡單的美味。隨餐附送的紫菜湯份量不少，味道不鹹，紫菜口感亦濃郁！四寶河粉 - 嘩！粉的份量很多，大食的我也吃不完？河粉滑身不碎散，魚蛋、魚片頭毫不顯泡，味道挺濃厚彈牙！扎肉口感實身，魚皮餃餃皮不厚之餘又的骰漲卜卜。食熱東西，當然要點凍飲降一降溫度吧！友人的奶茶茶色不算太深，不過小飲情況下茶味尚算濃郁。檸檬茶挺酸，不過酸酸味味確實令人感覺出份外開胃！

今日同同事去左筲箕灣工作, 臨走時同事推介係附近既香港仔一品魚蛋王食完晚飯先走. 原本對尼個提議都有D抗拒, 又係果D標榜香港仔魚旦既連鎖麵鋪, 似乎近幾年實在太多尼一類連鎖店. 不過既然同事推介,就信佢一次啦. 我地叫左四寶泡飯, 牛腩河, 淨豬手同油菜. 尼個組合基本上應該可以試齊尼間鋪頭既食物. 牛腩河淨係賣相已經好驚喜, 牛腩份量真係好大, 配以清湯, 以廿零三十蚊既價錢, 絶對超值美食, 特別係仲要係煮得好冧好入味既坑腩. 淨係尼碗牛腩, 我已經知道我有機會會再黎. 四寶泡飯可以試齊墨丸, 豬肉丸, 魚角, 魚皮餃等等, 味道比較清淡,不過還是有水準既. 個人覺得最可以同朋友推介既係佢既炆豬手, 除了同其他食物一樣保持大大份, 仲炆得好冧好膠, 材料亦新鮮. 完全享受到豬手既鮮味同質感. 整體黎講尼間鋪頭既食物少有地平實鮮味, 没有過多既味精. 平民價錢享受高水準晚餐, 辛勞工作後, 食完尼餐, 終於可以滿足地返屋企了. 至於，餐廳位置亦十分方便， 好容易找， 在筲箕灣地鐵站A3出口， 步行幾分鐘就到 ！大家不妨去試吓啦

今晚約左班波友係筲箕灣踢友賽，９點先開波，剛好放工係呢頭附近搵Ｄ野食完重有個幾鐘可以消化下時間岩岩好。我又唔想食飯，但波友就想食飯，先覺得有氣有力！係球場附近行下搵搵下見到呢間有麵又有飯，岩曬兩個願望！又唔貴牆上大大隻字寫住香港製造，咁就要試下佢Ｄ魚旦啦真係。見到呢到重有牛腩出名，諗諗下剩係一碗魚旦麵應該唔夠飽，重有兩個鐘先踢波，到時乜都消化曬，咁就叫多份牛腩試試佢！加多碟魚皮過下口癮。朋友就叫個豬手飯。上菜時間都快，岩曬趕時間又想要輕食既人。黎個大合照啦。好豐富，食完踢波一定有氣有力，入多幾球！自製魚旦撈麵，白魚蛋都幾大粒，魚片都好厚身，好彈牙，魚味都好重，而且有一種鮮味，明顯食到真係新鮮製。南乳豬手飯，份量好大，攞朋友的豬手飯少少試下，皮厚彈牙，骨膠原多，重見到有骨髓食下！鐘意食豬手既朋友一定喜歡。兩樣野都有大量生菜跟上，可以唔使叫多碟菜。健康夾抵食！炸魚皮，會跟上一碗熱湯，相信係食之前浸一浸炸魚皮再食，又脆又軟！好野味。淨牛腩，又係好大碟，件件牛腩都係好靚，冇ｈｅａ場，好爽口細嫩，夠曬淋，腦內有種想法係，使咩要去上環排隊食Ｘ記牛腩，重要受人氣，又俾垃圾你食，呢到都搵到更好食既牛腩

成日去親筲箕灣都會去東大街嗰邊掃街搵野食 但呢間麵店都係第一次嚟試 估唔到有驚喜喎 首先試咗牛腩魚蛋撈粗加腩汁 啲牛腩質素真係唔錯 煮得夠淋一啲都唔韌得嚟又入味 有啲痴住筋位嘅就更正 比有啲出名食牛腩嘅店更有水準👌🏻 諗起之前喺附近某間幾出名嘅店食嗰啲乾柴又少嘅牛腩 下次我會揀嚟呢度😂另一樣招牌嘅魚蛋都算彈牙👌🏻但就比較普通 啲麵都煮得啱啱好唔會過火之後仲試咗牛雜麵都幾推介 完全無腥味 連平時唔食牛腸嘅朋友都接受到 可惜偏咸咗少少 重點係份量頗大好抵食😌

乖乖的我今天去了筲箕灣接寶寶下班，因為最近吃得太油膩的關係，所以我倆今晚也想吃清淡點。我提意去粉麵店，然後寶寶就帶我去香港仔一品魚蛋王了。價錢很便宜～自稱魚蛋王我又怎可能不叫魚蛋呢？饞吃的我最後點了魚蛋牛肚牛腩米粉。份量很大喔！本以為牛腩只有數件，但竟然放得滿滿的！牛腩也炆得很淋和入味，一點韌也沒有而且肥瘦均勻。牛肚則軟嫩有嚼勁。魚蛋十分彈牙，但只有兩粒，我還想吃多數粒呢嘻嘻～寶寶就要了魚蛋牛腩紫菜麵，他也大讚牛腩很好吃。另外我們還加了一碟芥蘭，芥蘭翠綠爽口，very good！

食個light dinner，去筲箕灣點可以唔食魚蛋粉，係巴士總站對出有一間，又去食下先。有好多新鮮丸類發售。門口聞到D牛味已經想食。除左麵食，仲有泡飯！嘩，有手轆魚麵好特別。以為淨牛什($65)有牛腩和牛筋，點知只有牛磅、牛肚、牛腸和牛肺，但係牛味香氣十足，非常入味，又有嚼頭。唯有下次再食牛腩和牛筋。全魚餐要有酥炸魚皮($16)，用膠袋封住，保持新鲜香脆，不錯。魚皮好爽脆，咸味適中！魚片頭魚麵($33)真係好小見其他舖有，爽口彈牙，乳白色的魚湯加左雞骨和豬骨餚製，十分有水準！特製墨丸魚蛋麵($26)雙拼加$6，白雪雪的魚蛋和墨丸很濃墨魚和魚味，食得出係每日新鲜製造的。

今日天氣真好，同幾個朋友仔去咗港島西行山，回程在筲箕灣搵咗呢到醫一下肚皮門面好多圖片參考，仲有個雪櫃售賣各款自家製丸類跟餃子雲吞粉麵款式都幾多下，除咗粉麵外仲有米線跟飯選擇行完山先叫杯凍檸茶 $13 爽下，茶香味夠，唔會有苦澀味再來碗金牌牛雜河 $26 店員仲話係用本地新鮮牛雜去做，牛雜排得滿滿，炆得嫩腍入味，但又唔會過份地爛，保持一點咬口而粉河份量都幾多，都幾滑身，26蚊咁大碗都幾抵食油菜 $13叫了腐乳通菜，菜都幾新鮮嫩綠，腐乳鹹香味調得剛好炸魚皮 $16魚皮本身是獨立包裝，上檯時才拆開袋口所以勁脆身，香口得來仲帶少少魚香味，不錯

為左行山可以去到幾盡？！今日約左朋友去筲箕灣附近行山，呢個地點真係好遠好遠呀！！行山前喺地鐵站附近食個魚蛋粉醫肚先先點個炸魚皮食下，一碟魚皮跟一細碗熱辣辣嘅湯，比你用黎浸下個魚皮食。魚皮勁好味，同平時出面食嘅有分別，係自家制的。食落口感係勁脆卜卜，而且味道好香，每塊都散發住鮮魚的香味。魚片魚蛋河粉魚片好彈牙，魚蛋好有咬口，同樣係店鋪自家出品嘅，零舍好味。河粉好滑溜，唔錯！支裝可樂夠凍，飲得好舒服。

真係好鬼耐無去筲箕灣喇，如果唔係去開探朋友，應該好少會去開呢頭，我同朋友都未食午飯就隨便搵咗間粉麵舖醫醫肚先見門面啲粉麵相都幾吸引就試了呢到雞翼滷得幾入味，肉質都好嫩滑牛腩河真係有驚喜，首先價錢唔算好貴，仲好大份，牛腩都幾多件，仲炆得好淋身又夠味，河粉份量都多仲好滑添朋友話牛筋河都一樣出色喔，試咗朋友果碗一嚿嘅牛筋，真係炆得好黏口，又夠入味仲好淋身㗎，真係好好味喔另外菜心都幾新鮮嫩綠，唔會烚到過火