餃掂手工餃子雲吞專門店

營業中

休息中

返學前搵食, 見到這有趣店名, 就是它吧!有態度的小店, 不錯餃子選擇不少, 而且比較獨家, 尤以松茸餃子最特別配搭也很多, 亦有其他小食及麵食, 不錯; 自家製的山楂雪梨水, 清甜解渴每張枱上都備有的醃漬酸蘿蔔, 非常受歡迎; 眼見每枱客人點了食物都即時夾食; 試一試, 酸甜味道突出, 蘿蔔質感夠爽, 怪不得店員說要吃快手先來了唐芹拌豆荀, 豆荀的刀切法令辣椒更能入味, 令本來偏淡的豆荀變得惹味;個人偏好煎餃, 今晚叫的是元貝豬肉餃, 小小的元貝夾雜在豬肉內, 有趣的口感特別一提, 餃子煎得非常香, 而且不油膩

侍應好趕客，又冇禮貌！未到中午時段冇乜人，想是但坐一枱都話唔得，成間舖得3個人，都要逼人地坐埋一枱，叫人調位仲要態度差！算～諗住好又一餐唔好又一餐，可能等陣人多，大家都讓一下！初初叫左碗水餃麵，後來想再加單，明明冇乜人客，但叫左3次都冇人應我，個個侍應都話等陣，叫第4次終於有人黎落order；等左一陣，水餃麵到，水餃幾好，餡正正常常，唔算突出，啲皮比較厚！醬料好味，麵都尚算爽口，不過略嫌湯底太酸！食完碗麵，等左好耐！加單既野食都未黎，一直又冇比單據我，斷估佢應該漏單！我又趕時間，因為侍應太忙，叫佢地又冇反應，我咪諗住埋單走人！去到櫃台，個阿姐問我係咪有野未到，我話我係嗌左，但一直冇比單我，以為你同事冇落order，佢夠膽死叫我外賣，我當然拒絕！仲要叫我體諒佢哋，佢地好忙！雖然佢口講唔好意思，但態度極差！好似我嗌左專登唔要，其實我一直都冇出過聲，只係拒絕外賣，何來唔體諒？！無論幾抵食或幾好食都假，成班侍應根本冇心做！絕對趕客特別係收錢個阿姐！

等已經經過兩次， 都因為節日休息同太多人， 都試唔到😭，今次有幸經過灣仔， 見時間好早（約7:00）， 未見有人龍， 所以就去試一試。叫了一碟中size 的芝士粟米餃及大白菜豬肉餃， 上湯松露時菜一碟，兩杯山楂雪梨茶。芝士粟米餃藉得推一推👍🏻唔會太過濃味, 份量剛剛好， 山楂雪梨茶好開胃。 提一提， 因為人太多， 所以記得早D 去食.

This place is great. However, please note that even though the hours of operation are until 11pm, they stop serving pan fried dumpling after 10 pm. Bit disappointing. Other than that this is a great place and I encourage you to eat here.

幸好早到一步，一到左六點半已經住場爆滿😅煎餃即叫即煎，一場黎到，一定要試招牌松茸餃，皮薄餡靚，唔會有肥豬肉配埋招牌XO醬，即刻香味提升晒仲有粉葛湯，飲到淡淡既魚味，冇味精ha,飲完唔會口渴細細個已經勁鍾意乾瑤柱，當然要食元貝餃，食到絲絲既乾瑤柱，呢個相對清淡食晒都唔覺邪惡，湯都可以飲埋麻辣雲吞，唔想食咁厚皮又想一口一粒絕對推介小雲吞，麻辣味唔會太搶麻辣皮蛋，皮蛋係溏心ga松茸菜心又係必食，勁翠綠，加埋個湯一流滷水雞翼夠晒入味

過開嚟灣仔，搵間粥麵店食個lunch 先，在利東街附近，上網睇咗一陣，有間口味好似唔同，向前行好快到，就揀呢間！至尊松茸豬肉餃 跟狀元九鼎湯 $72最特色係有碟松茸醬比你點，8隻灼餃子，唔知晏d會唔會好快肚餓呢？！唔點醬d餃子比較淡口，點咗就好味d，餃子都漲卜卜，餡多，第1次食唔咁叫咁多住。狀元九鼎湯其實係睇住個湯叫餃子，原來睇漏咗，55蚊有10隻灼餃子，不過就無咗碟松茸醬，再散點碗湯20蚊，加埋只75蚊；講返個湯先，無咩鹹味，有材料原汁原味，會飲得出有魚、有粉葛、豆味，反而豬肉味就無咁重，原來唔加鹽湯都ok 的。

朋友約左我去灣仔食飯，我地想食清d，就係電車路睇下有咩簡，見到餃掂好多人，有人排緊隊，有d等緊外賣。睇完餐牌都幾吸引，等我又黎試下先前面有6個人，排左5分鐘就入到，入面勁光猛我地落完單之後好快手就上晒菜！出面keep住都有人排隊，但等一陣就入得，可能係歸功於快手既店員👏🏻枱面有豉油、醋同其他醬料俾你自己落，齊晒就開餐先🤤🎈野生松茸素餃-中碗7粒 （$48）餃子皮好薄👍🏻入面包左松茸、菜同木耳，清清淡淡，勁健康！🎈龍鳳松茸雙灼餃跟狀元九鼎湯（$86）朋友一見到餐牌就話佢要松露餃😂一碟有4隻黑松露，4隻白松露黑松露勁香濃，白松露都好香，但個味冇黑松露咁濃郁，我地重口味人士就比較鐘意黑松露😆狀元九鼎湯係由粉葛、順德活陵魚、香山活鰂魚、紅蘿蔔、扁豆、赤小豆、新會陳皮、蜜棗等，個湯偏淡味，但原汁原味，冇味精👍🏻🎈上湯松茸時蔬（$32）清水灼左個菜心，淋上上湯，味道唔錯🎈蜜餞雞翼5隻（$32）一入口已經勁重蜜糖味，雞翼本身醃得好入味，外層係滿滿既蜜糖，超好食😍我地係咁講好食，隔離枱聽到都問女朋友試唔試😂🎈回味手拍青瓜（$25）好清新好fresh！🎈自家製山楂雪梨水（$20）酸酸甜甜！好重雪梨味，好

知道香港開咗幾多餃子專門店,今次黎灣仔試吓呢間嘅餃子係點樣。我見到餐牌入面有幾多唔同款式嘅餃子，配搭有啲都幾新穎同吸引。例如我叫咗至尊松茸豬肉餃子，由於唔想食煎餃子咁熱氣，揀咗湯餃子，配狀元九鼎湯湯底，松茸餃子飽滿，入面有白松露，都有黑松露，湯餃子清清地，點松茸醬會釣到豬肉同松茸嘅鮮味，而且醬料本身鹹鹹地，亦帶少少乾瑤柱味，點餃子食幾好食。個狀元九鼎湯餐牌寫咗用粉葛，鯽魚，鯪魚等材料煲成，見到個湯好濃，但係唔油膩，飲落都清清地，唔會太鹹，可以配餃子食，連埋湯一齊飲好滿足。兩個人食，仲叫咗一碟雙拼餃子，揀咗雲耳椰菜豬肉餃同埋元貝豬肉餃，雲耳椰菜切成絲，包埋豬肉做餡料，有菜有肉幾健康。元貝餃子就乾瑤柱絲撈埋豬肉入面，食落鹹鹹地，亦都食到瑤柱鮮味。個人比較鍾意食餃子，覺得呢間鋪頭餃子味道都唔錯，餡料都夠多，下次會再試一下其他款式。

中式餃子喺我印象中係簡單嘅美食, 但呢間餃子店竟然將矜貴松茸加入餡料, 今日就同朋友專誠嚟試松茸餃！至尊松茸豬肉餃 跟狀元九鼎湯 先講講湯，係家嘅感覺呀！好似媽媽煲嘅甘。淡淡魚香，油唔算多，粉廿葛湯飲落清甜，有下火嘅感覺。而餃子粒粒脹卜卜, 外皮柔軟而帶點韌性, 口感非常好！餡料方面, 豬肉不會太肥, 大大粒松茸在中間，松茸香氣誘人, 令人一粒接住一粒, 完全停唔到口。平時屋企包餃子，每人都大約食到十幾二十隻，所以叫一碟係唔夠的😂所以我哋再叫咗元貝豬肉餃同煎芫茜豬肉餃。元貝豬肉餃可以見到隻餃入面好足料，新鮮嘅豬肉再有元貝令個味道更加出。十兩豬肉比五兩元貝，完美比例！餃子皮薄，餡又多，味道鮮甜多肉汁，值得一試再試🤣🤣煎芫茜豬肉餃芫茜豬肉餃就來個煎的，煎比水煮多一份香口，餃子皮煎得好脆，一咬好多肉汁咇出😂，芫茜清香，愛芫荽的朋友不要錯過這款餃子💚

龍鳯松茸豬肉灼餃配狀元九鼎湯($72/8粒)賣點之一既狀元九鼎湯令我有啲失望，標榜無加味精，材料包括粉葛、赤小豆、鰂魚、鯪魚等，味道偏淡，唔夠味。枱上有多款醬料可沾餃子，例如四川麻辣醬、菜甫豆豉醬。除左灼餃 仲可以揀煎餃。餃子皮薄餡多，充滿肉汁，加左黑白松露，配搭好特別，結果味道好夾。

唔講唔知原來一直好鐘意食既餃掂原來係灣仔開左分店一見到就梗係沖過去食啦個人覺得呢間分店比起太子個間比較容易搵，一出地鐵B出口就見到地方同太子個間一樣企理，乾淨泥到梗係見我最鐘意既龍鳳松茸双餃。因為鐘意飲佢個壯元九鼎湯，我每次都係叫佢既灼餃。九鼎湯其實係粉葛湯，最岩就係而家咁濕既天氣，可以去濕。所謂龍鳳松茸双餃，除左松茸之外，重有黑松露同白松露。本身以為餃子裏便嘅松露應該好少，但係原來咬咗一啖之後發現餃子三份一都係松露。味道真係好濃郁，浸落比較清淡既九鼎湯, 有味做得來又唔會掩蓋左松露嘅香味。去咗松露餃子之外，我哋都嗌咗灼元貝餃。呢隻餃子唔同嘅地方就係佢比較有鮮味，浸係個湯度就便加滋潤好味。除咗呢兩隻餃子之外我哋亦都帶咗留心芝士餃同麻辣雲呑。雲吞同佢餃子唔同嘅地方就係佢比較細粒但係係會比較薄同滑。加埋喺呢個麻辣湯底裏面真係好惹味。最緊要佢個湯底都好足料，啲芫荽都遮住曬成個碗!如果驚辣嘅話就好似叫我地咁叫小辣啦。你好鍾意食芝士嘅人一定就唔可以錯過流心芝士餃。只要你咬一啖裏邊一啲事就流晒出嚟。而且因為佢係邊搞所以脆脆嘅外皮我好好味。注重健康嘅我哋就梗係嗌左個松茸浸菜心。唔識唔知道原來佢隻菜心

long queue and horrible service. Waitress yelling through the whole store. When I asked a question, she answered me rudely. And It took 45 min to serve only 7 dumplings. Another 7 was still being prepared at the kitchen.

今日午餐突然之間好想食餃子，所以同同事就行到莊士敦道呢一間餃掂手工餃子專門店餃子已經算係日常嘅餸呀，我哋去到嘅時候下晝兩點半，見到餐廳入面都已經有唔少嘅人客環境光猛，空間感十足，我同同事就一人要一款煎餃，一碗湯餃互相試下，元貝豬肉餃$60元貝豬肉餃配既湯底狀元九鼎湯！飲落先知道原來係粉葛湯，粉葛湯完全唔覺得味精係屋企煲嘅味道仲可以降熱氣添十両豬肉，五兩元貝，剛剛好嘅比例口感非常豐富，餃子皮薄，而且多餡入口香滑，味道清甜，係唔錯㗎至尊松茸煎餃一碟有八隻， 餃子需時都要20至30分鐘所以都等咗一段時間- 餃子煎得香口有膿澳嘅豬肉香味同埋淡淡清新嘅松茸香，味道好食山楂雪梨水味道清涼，潤喉潤肺口痕痕想食番啲菜，就嗌咗個上湯時菜菜心好大棵，煮得都幾軟食完呢一餐之後我覺得可以再encore嘅

知道餃掂在灣仔開左了 甘岩今日過開黎灣仔 就一嚐餃掂 門面好光猛 下就6點過黎 好彩唔駛等位 一聽「狀元九鼎湯」好似好勁 今次叫左 1）雙拼（湯餃）白菜豬肉餃 加 元貝豬肉餃 2）雙拼（煎餃 ）韭菜餃 加芫荽餃 3）蜜餞雞翼 湯餃配上狀元九鼎湯 配搭新鮮 個湯都好清 不過不失 元貝豬肉餃子味道正常 而白菜同豬肉比例好似不均 反而欣賞煎餃 唔會煎得過火 色澤均一 韭菜餃比起芫荽餃好 蜜餞雞翼 甜度適中 總捨而言 餐廳環境 不錯的 坐得舒服 餃子款式都幾多 味道就一般般

甚少搵食搵到灣仔，剛好今晚和老公一起在灣仔看完醫生，順便吃晚飯，想吃清淡一點，便在openrice看到這間手工餃子店。餐牌上餃子款式眾多，經常吃到得韭菜豬肉餃、大白菜豬肉餃、粟米豬肉餃等等都有。我們第一次來吃，當然要試一些特別的！見店內標榜吃松茸的好處，我想松茸餃應該是招牌了吧！我們點了一份至尊松茸豬肉灼餃和龍鳳松茸雙灼餃，兩款水餃都配了狀元九鼎湯。還怕不夠飽，多點了一碗上海淨麵和菜芯。狀元九鼎湯是用了活鰂魚、扁豆、排骨等材料熬成，湯頭不算濃味，一點也不油，也喝得出沒有加味精，很清很潤，不錯。菜芯用上湯灼，上湯中還有一些杞子和松茸，感覺挺健康。上海淨麵麵質幼滑，也不錯。原來龍鳳松茸雙灼餃其中一款餃跟至尊松茸豬肉餃是一樣的，我較喜歡加了黑松露的水餃，味道較濃較香，水餃大大隻很足料飽肚，而且水餃皮真的很滑很薄，我非常喜歡。