餃掂手工餃子雲吞專門店

營業中

休息中

路過呢間餃子店，見到門口標榜有有名食家蔡瀾介紹，即刻提起興趣吸引了我的目光。Menu裏面都有好多唔同款式嘅餃子介紹，今次點左招牌松茸豬肉餃，重慶小雲吞，還有煎韭菜餃。原本以為呢款招牌嘅餃子好美味，但識落比想像中普通得多。咬落的而且確有菇菌味，但不算很重，附送的湯底名叫鼎王湯，但實際上和滾水冇乜分別。重慶小雲吞最叫人失望，身為重慶通的我，完全感受不到一點重慶的味道，味不夠濃，辣不夠勁，完全係改錯名。

見到咁多like先黎試下，點知伏左。。。同朋友order左個元貝豬肉餃。。。點知食食下發現係酸的omg。原本以為係落左醋，企冇理由會落醋包餃子。咁岩隔離檯又食元貝餃，佢都食到酸，要求換。我同我friend問個侍應係咪落左醋，佢又唔知頭唔知路，話係咁既味，係我地食唔慣元貝。但我記得元貝唔係酸。。。佢地出名既狀元湯底一d特別都冇，好淡。。。於是最後佢幫我地換左個白菜豬肉餃同素餃，其實都唔係特別好食。總括伏

係屋企食餃子食得多 灣仔碼頭水餃好方便有時自己一個食飯 無咩時間 又想快又想食得健康 依個係不二之選 有無諗過食餃子都可以食到有人生態度依間連湯都可以飲埋既水餃🥟店感覺好正面🍏佢既湯底係 九鼎狀元湯 — 鯪魚粉葛扁豆湯湯水係標榜無MSG 味道清淡 有少少淡 但感覺好清新 🥟皮薄餡靚 每隻都大大隻 👍🏻大白菜豬肉餃 + 韭菜豬肉餃 都好好味 有肉汁得黎又唔會太肥 菜既份量都有2/3 感覺好健康🥬仲有加埋杯自家煲山楂雪梨汁 整個感覺都好fresh 😽水餃有分7隻/ 10隻如果女孩食既 7隻已經好夠飽繁忙時間有時要排隊

以事論事，餃掂餃子係好食。我幫襯咗好多次。不過今次應該係最後一次，我唔想再食到提心吊膽。今日嗌咗碗粟米豬肉餃拼芫茜豬肉餃，食到第3粒粟米餃，竟然入面生勾勾  接近全生！我同其中一個阿姐A講，佢即刻攞咗隻餃入廚房，然後答我「我哋啲粟米餃係8成熟」(黑毛豬？)，又猛叫我睇吓另一隻餃熟唔熟。我對同佢講：「你哋有責任確保比客人食嘅每粒餃子都係熟！唔係另一粒熟咗就冇事！」佢見我冇比佢說服，就搵另一個可能係話事嘅阿姐B幫手。阿姐B就問我攞隻餃嚟睇，但送咗入廚房邊搵得返？佢就話粟米餃有啲落先有啲落後，可能有啲唔熟。好彩我影咗相。當佢見到幅相塊豬肉生到咁，先唔再砌辭，然後話叫廚房淥返粒比我食當無數。我拒絕，佢最後取消我張單。我行開咗再折返，同佢講：你哋唔係第一次煮得唔夠熟(上次外賣啲餃子都係偏粉紅)，請你同廚房講佢哋有責任煮全熟嘅餃子比客人！我今日係特登嚟開OPENRICE ACC寫呢篇食評，希望餐廳可以改善，唔好因小失大，而其他人如果想食呢間餃掂灣仔店，請小心留意餃子夠唔夠熟！

星期六下午，獨個兒在灣仔吃午餐。試吓雙拼煎餃 (四揀二)，我揀了大白菜豬肉，和韮菜豬肉煎餃子 ($61/ 10隻雙併)；無食早餐，所以好肚餓，再加多碗粟米豬肉餃子麵 ($52)。味道：麵，ok，中上，湯味有㸃特色。粟米豬肉餃子 (湯)，ok；煎餃皮好脆，有兩隻煎過火，整體都 ok 。

最近周圍都看到有一家餐廳叫"餃掂"，今天跟朋友去灣仔又看到，立刻去食一下。周圍環境又大又光明，還有好多特別的裝潢，第一感覺已經好舒服，本來好多人，沒有位置，店員非常好人幫忙轉一轉位，給我們坐。－香煎軟心芝士餃－每一樣都可以選擇湯的還是煎的，只有這個沒有湯的，煎出來剛剛好，黃金色的，裡面才是重點，芝士直接流出來，味道非常香濃，配有栗米粒，特別合適，外面脆脆，獨特做法。－蜜餞雞翼－甜甜的蜜糖在外面流進裡面，肉質有點硬，但出奇入味，甜在心頭。－上湯松茸時蔬－今天是菜芯，但做法絕對不是普通菜芯，它們是用上湯松茸來煮的，松茸是一種藥材，有助抗癌，穩定血壓，降低膽固醇等等，非常有益。－重慶鮮肉雲吞(小辣)－湯底唔太辣，麵質幾彈牙，雲吞比較特別，雲吞皮彈牙，裡面肉好鮮甜。－自家製山楂雪梨水，可樂－山楂雪梨水材料有：山楂片，雪梨，甘草，冰糖，麥芽，水等等非常解喝，消暑，清甜容易入口，夏天最好飲料。－麻辣松花皮蛋－少有的溏心皮蛋，麻辣味不會太重，有一點點蔥香味一齊。－元貝豬肉湯餃－湯底是它們最有名的狀元九鼎湯，材料有粉葛，順德活鯪魚，香山活鰂魚，紅蘿蔔，扁豆，赤小豆，新會陳皮，蜜棗，鮮排骨等等，非常豐富

本身諗住去bakehouse 食lunch, 點知去到條龍長到呢。。。🤦🏻‍♀️ 之後捐窿捐罅，上埋openrice搵，行下行下見到匿間餐廳，見有勁多餃子唔同味嘅選擇，剛剛好又唔使等位，所以就入咗嚟試吓喇！2條友仔，一人一杯豆漿，2個小食（黃金原味皮蛋 ＆ 蜜餞雞翼）及 2個餃子 （煎韭菜餃子 ＆ 湯大白菜餃子）😋豆漿 — 正常嘅！不太凍！不同醬料 — 菜甫豆豉醬好食，不過都幾辣😅蜜餞雞翼 — 好味！夠曬蜜👍🏻湯大白菜餃子 — 餃子好食，個湯更正👍🏻黃金皮蛋 — 一般煎韭菜餃子 — OK

晚上8點，一個人食，唔駛等位。不過，餐廳內九滿。啲侍應阿姐好忙，唔太得閒招呼你。問佢拎餐牌，佢好無禮物咁叫我自己拎隔離檯。有客來，又好無禮物咁叫我坐過隔離。差啲嬲到想起身走人，但在太肚餓，唔想再周圍行搵野食，唯有忍一忍。成餐就係不停聽到啲阿姐呼喝。好嘈。無叫貴野，叫左個雲耳椰菜餃。其實個餃係幾好食，仲有個葛湯做湯底，感覺似老火湯，幾好飲。我係飲哂個湯的。不過，我諗呢個服務質素，再好食，我都唔會再幫襯了。食完即走。

Fatbrown 是日約左舊同事食飯，黃同事近排減緊肥，所以想食得清淡D 於是乎，推介左呢個餃子店俾Fatbrown，想清淡可以嗌佢的湯餃子，想簡口D又可以叫煎餃子，名副其實的「豐儉由人」<雲耳椰菜豬肉餃$52> (好味:3.5/5) (抵食:3.5/5)朋友仔叫左湯餃，Fatbrown 試左啖，湯底都算清甜唔系好重味精，唔錯豬肉餃用的豬肉唔見好多肥膏，減肥人士之選，加埋雲耳同椰菜，呢個組合系健康人士之選<韭菜豬肉餃$56>Fatbrown 鐘意食香口野，嗌個煎豬肉餃就perfect 喇煎得香口又唔會好油膩，隻隻餃子都好肥美，咬落去巧多餡，好味<四川涼面$30>涼面相對普通，面條太硬，Fatbrown 呢D老人家咬得好辛苦胡麻醬唔系好特別，都系餃子正D

呢期天氣又熱又濕，好似飽飽滯滯咁，搞到成個人都冇晒胃口，唔食野又唔得，所以最好就係輕食餃子，一講起餃子，我就一定諗起呢間餃子專門店。由我最初食既太子店開到去港島區都有分店，今晚我就黎到灣仔分店喇。佢同其他分店一樣，裝修都係清一色簡潔光猛，而牆上面就掛左佢地既宗旨。Menu呢度既招牌就係至尊松茸餃，仲有其他唔同口味既煎餃、湯餃、麵類、小食等等...食開重口味既朋友唔駛擔心，呢度仲有自家制菜甫豆豉醬、四川辣椒醬、豉油、醋等等既醬料比你調味，加埋醃制蘿蔔幫助開胃tim至尊松茸豬肉餃（大）$115今次呢個松茸豬肉餃我就揀左煎餃，煎餃外皮煎得香脆金黃，食落卜卜脆，口感一流，至於入面既松茸豬肉餡都塞滿成個餃子皮，夠晒juicy惹味；配埋個狀元九鼎湯，去濕清熱健脾，arm晒宜家翳焗既天氣飲龍鳳松茸雙灼餃$86呢個龍鳳松茸雙灼餃係黑松露同白松露餡，灼餃食落仲更加原汁原味，餃子皮薄多汁又多餡上湯松茸時蔬$32呢個菜心鮮嫩爽口，又唔會overcook

個人一向對餃子情有獨鍾，所以成日都會周圍去試下唔同嘅餃子店。呢間餃掂就係其中一間我覺得好好食嘅餃子店。今次係我放工一個人去食，所以叫嘅份量唔多，但每樣食物都非常好味！小食方面我就叫左呢個蜜棧雞翼，雞翼煮得較惗，食落非常之甜，我個人都幾鐘意。主食我就叫左餐廳招牌嘅松露松蓉餃，非常值得推薦！松露餃分別有兩款口味，就係黑松露同白松露，兩款都非常香，味道一流。每款湯餃都會配上一碗葛菜湯，味道相當清甜，飲得出係無加味精。

同事介紹去一間位於灣仔嘅餃掂手工餃專門店 專程帶埋老婆仔囡去試下 7點幾去到 坐滿晒人 等左一陣到我地 坐低後我地點左龍鳳松茸雙芍餃 黑白松露兩款口味仲送養顏保健無味精湯一碗 由九種材料煲成 呢個餐都係86蚊 松露兩款餃甘香可口 物超所值 另外老婆叫10隻芝士栗米豬肉餃 芝士溝落去好特別 白菜豬肉餃面就比較普通 食完都有d口渴 試埋佢地自家製山楂雪梨水 6種材料泡製而成 叫左一杯兩份飲 唔太甜好消暑 "孕婦就有注明唔飲得嘅" 仲有幾樣野想試 但太飽 埋單300有找

同媽咪去咗食餃子 🥟生意好好，見都好多人食入到去發現仲有小菜揀都幾多選擇喎～每枱都有一大樽醃蘿蔔同薑仲安排埋啲碟仔俾人裝住嚟食啲嘢醃得好入味，蘿蔔酸酸爽爽 👍🏻自家製嘅山楂雪梨水都係味道酸甜雪得冰凍解渴又開胃～小食都係廿零蚊，好抵食拍青瓜非常爽脆，食到「索索聲」，哈哈！酸辣雲耳都一樣，係爽口嘅唔算非常辣，媽咪都食到 😋松花皮勁好味，最外面精瑩剔透彈牙中間個溏心質地好軟，味道好濃郁！元貝豬肉餃揀咗湯餃子係狀元九鼎湯嚟，湯料有九樣嘢～又有魚又有排骨，食完餃子要飲埋湯 😚芫茜豬肉餃就揀咗煎餃煎得好靚，係金黃色嘅外皮！餃子好有肉汁，而且咬落去好香脆 ❤️

Happy Friday Lunch 去食餃掂。其實食過幾次已經，絕對是回頭客！餐廳位置比較多同寬敞，基本上都唔駛等位。本人每次都係點韭菜餃子麵，有6隻餃子加個麵底。韭菜餃好足料，韭菜分量多，而且好香，皮又唔會太厚，果然係而餃子出名的餐廳！麵屬於幼麵，唔會煮到好軟，我就覺得麵分量唔算多。一個同事點左18隻雲吞，雲吞細細隻，餡料方便就比較少，味道普通，同大大隻餃子相比就真的遜色了。另一個同事點左10隻玉米豬肉湯餃。餡料分量又是十足，玉米同豬肉又係非常夾的配搭，有鮮味。但個人就比較鍾情於韭菜餃子了！除此之外，餐廳的自家製作菜圃辣椒油真的要一提！非常香，唔會太辣，好惹味。餐廳仲免費提供腌蘿蔔，不過我就無食了。正正正！

本人一向係餃掂嘅常客，今日同朋友過左黎灣仔，正值午飯時間，要搵地方食野，我提起附近有間餃掂，可以食餃子🥟，朋友竟然話未食過，吓！點得架！一於要拉佢試下先朋友睇到門口餐牌後，話估唔到有咁多種類店內裝潢設計有別於傳統餃子店，比較時尚，而且樓底夠高，空間感十足元貝豬肉餃，我都係第一次食，估唔到咁鮮味足料，咬落食到一絲絲嘅元貝肉，滋味無窮䐄料十足，湯底係狀元湯，濃濃粉葛味，朋友話非常美味龍鳳松茸雙煎餃，賣相吸引，大大隻，新鮮熱辣，黑白松茸各4隻，面層煎得好脆，口感juicy黑松茸比白松茸濃味，白松茸就比較清，兩款都好好味上湯松茸時蔬，新鮮嫩綠，好香松茸味，清清地相當不錯蜜餞雞翼，好林好入味，味道偏甜，好滋潤，不會熱氣甜蜜滋味，值得一試朋友表示十分滿意，一定會再encore