餃掂手工餃子雲吞專門店

營業中

休息中

以前食過一次，覺得很普通，有點名過於實，不明白為什麼要排長龍， 現在人龍不見了，再去吃一次， 感覺還要差過普通點了韭菜豬肉餃七隻，$43 有七隻價錢合理， 但餃子唔算大隻，所以食完都唔飽。有一個很大的問題便是每一隻餃子都包得唔紮實， 餡料和皮完全分開， 連餃子皮封口都封得唔好。 朋友點的大白菜豬肉餃有一隻基本上完全沒有 包好， 用匙羹一拿起，便散了， 一間專食餃子的店，包出這樣質素的餃子， 真的有點太過份。我的韭菜豬肉餃也包得不夠紮實， 餃子皮鬆鬆散散。餡料味道還可以 ，要讚的，是豬肉和韭菜比例均衡， 不會將貨就價而多韭菜少豬肉。而湯底是店舖引以自豪的狀元九鼎湯， 一飲便知是粉葛鯪魚湯， 飲得出是真材實料煲的。 不過個人感覺粉葛鯪魚湯和餃子配搭有點格格不入， 飲湯品嚐湯本身的味道， 然後吃餃子吃餃子本身的味道， 好像是兩種完全 截然不同的味道， 感覺有點像用家中煲淨的湯用來煮餃子。

相信返灣仔區嘅人都會知道有間餐廳專門賣餃子,由11點零開始就會有人排隊等堂食或者外賣, 呢間餐廳只計餃子嘅種類有差不多10種, 有葷有素, 能夠照顧到不同人仕需要, 而且近年推行輕食文化, 所以份量不多嘅餃子都大行其道, 響眾多嘅餃子店裏面相信唔少人都聽過餃掂今日想食清d 所以就決定去食餃子~~咁呢間餐廳主要提供嘅食物都係同水餃有關嘅, 好似齋湯水餃, 煎水餃同水餃麵, 另外都會有不同嘅小食或者拌麵, 本人之前都食過唔少次, 不過以水準來講都係水餃最到家 呢個係栗米豬肉水餃麵加底, 因為如果冇叫加底份量就會差好遠, 大約少一半, 因為當日較餓嘅關係所以都加一加底頂肚, 價錢就10蚊, 我覺得以分量而言係值得嘅, 不過都因為太多麵嘅關係, 湯會比較快吸乾, 而呢度嘅麵會煮得一般更軟身, 所以唔食快d 就會好似食緊柯仔米線咁一團糊嫁啦, 湯底方面就有帶酸嘅, 所以連醋都可以唔落, 另外餐廳都提供菜脯豆瓣醬, 我試過放湯同另外點黎食, 除非係食煎水餃, 否則放湯效果會更理想, 因為湯底主要都係酸味來提升胃口, 加埋豆瓣醬會多一層次味道水餃麵可以拼6粒水餃, 體積唔係大隻, 但非常結實, 由相

不嬲都鍾意食餃子，今日去咗灣仔嘅餃掂食個tea ，真係好掂👍👍煎餃同湯餃都非常美味，難怪餐廳人流不斷。灣仔店環境好闊落，坐得超舒服，慢慢歎😋粟米豬肉湯餃配狀元湯系我的心水，每隻湯餃都大大隻，入面嘅粟米好香甜。狀元湯真材實料，飲得出材料豐富，味道鮮甜，落足心機。前菜叫咗雲耳冷盤，好入味，酸酸甜甜少少辣，啱啱好。叫咗雙拼煎餃，大白菜豬肉拼元貝豬肉餃，煎得卜卜脆熱辣辣。蜜餞雞翼都好好食，忍唔住連食三隻。飲品都係自家製，有誠意💕檸檬薏米水夠曬養生。

好唔明白點解咁多人食，午飯時間大排長龍。入到去因為座位安排問題搞到3個人要坐2個位，都算了，最後都解決到。我叫左個松茸豬肉餃，等到其他人食曬都未黎，催左幾次單每次都話好快😑😑到終於有得食，竟然話漏左一隻，等陣後補返一隻，叫我食住先。點解可以咁搞笑？餃子個樣上到黎已經有幾隻穿左，仲有一隻係大白菜豬肉餃混左係入面，而且食落口覺得無驚喜，唔值得大排長龍等食。跟住飲左啖湯，真係淡而無味到令我懷疑係一碗水。淡到就好似用十碗水溝稀一碗湯黎俾人飲🙄🙄🙄🙄結論係 唔會再去食🚁🚁🚁🚁

#holidayouthk美食 #holidayouthk推薦【龍鳳松茸雙煎餃 8隻】 HKD86.【龍鳳蛋配黑白松露醬】 HKD32.依間手工餃子店🥟，以養顏保健嘅狀元九鼎粉葛湯🥣配湯餃聞名。湯底會加入排骨、順德活鯪魚🐟、香山活鰂魚🐠等🔟多種材料製成。食過幾次，個人始終比較鍾意香口嘅煎餃。有壽喜燒牛肉餃🐮、元貝豬肉餃🐽、軟心芝士餃🧀等多款選擇。其中最愛嘅就係龍鳳松茸雙煎餃，黑松露同白松露各有4️⃣隻。餃子🥟雖然唔係大隻到好澎湃，一啖食得曬，但勝在餡料帶濕潤，松茸亦增添唔少咬口，味道非常香濃，特別係黑松露味🖤更為突出。.📍餃掂手工餃子雲吞專門店銅鑼灣景隆街19號地舖🚇銅鑼灣站D4出口 步行約3分鐘🕑星期一至日 11:30-23:00#holidayouthk銅鑼灣 分店眾多，不能盡列，遍佈港九新界

手工餃子自己包，搞唔搞得掂？出街食，即刻～～～餃掂。
位置位於修頓對面，隔離係利東街，門口對正大馬路。
環境一入門口已經見到天下第一餃的牌匾，裝潢整潔光猛。店鋪主打手工餃子同自家靚湯，好有家的感覺。收左工今日同媽媽一行二人，排排坐，食餃子。兩個人叫左小食同餃子，唔算太飽，岩哂我地番左一日工無胃口。首先上台既係狀元九鼎湯係我地其中一個煎餃跟的湯狀元九鼎湯其實就係粉葛排骨+魚一齊熬嘅湯冇落味精，同埋鹽，養顏滋養！另外兩款小食都好開胃，分別係：龍鳳蛋 糖心溫泉蛋開邊，上面分別加上黑松露同白松露醬白松露感覺較淡，比較淡淡的松露味。而黑松露就較有咸香，我自己中意重口味多點。唐芹豆荀唐芹超香，咬落去soksok聲，而豆荀豆味都幾好，無比辣味遮蓋，咬落有辣，麻油香。到主角出場啦～餃餃餃餃餃餃子～～就試一個煎一個蒸餃，share食，好好食。係脹卜卜又冇味精餃，是也～野生松茸豬肉煎餃 餡料飽滿，超多松茸菇粒 ，配埋豬肉，好match 松茸味好重。外皮煎得香脆及入面仲有餃子湯汁。加埋太極造型松茸醬，好香口。元貝豬肉湯餃有陣瑤柱味，有海味鮮甜味同海水味。
食到一粒粒瑤柱碎，鮮味十足。但我自己就中意野生松茸豬

正到連續去咗兩日！食左松茸餃及韭菜餃，兩款都好正。隻隻餃包得好靚，感受到煮食的誠意。煎餃好香，已經諗定下次去食什麼！但個九鼎湯就淡左啲，但也影響我對餃子的種愛。

在旺區有很多分店的新式餃子店網上評論正面 午飯時間也很多人排隊等入坐餃子皮厚度適中 但味道比現象普通 素餃入面嘅餡切到好碎 軟綿綿的如果加一些硬一點的食材 口感可能會更豐富

煎到金黃色的煎餃是我的comfort food🤤和芫茜粉絲朋友一起叫了芫茜豬肉煎餃($63)和湯餃($46) ，煎餃兩邊都脆脆的，而且有小許肉汁，而湯餃味道稍淡。四川涼皮($32)香辣惹味，涼皮滑滑的，加上花生十分香口，叫了小辣也頗辣的🌶️.The fried dumplings are my comfort food🤤 Ordered the Pan Fried Dumpling with Coriander & Pork ($63) and soup dumplings ($46), the fried one are crispy on both sides. Sichuan Liangpi ($32) is spicy and tangy. The cold non-wheat noodles are smooth and spicy🌶️

《香港灣仔 餃掂》從小吃餃子大，看到灣仔一間專賣餃子的店便忍不住想試試他們的質素。看到店門前一些老闆與明星食神的合照，對餃掂充滿心信，但希望越大失望越大...餃子價格不算便宜，但都進店就要試店員介紹的壽喜燒牛肉餃，一隻要八元，但沒有想像中好吃。皮厚到適中，但咬落較乾；肉的部份並沒有牛肉的香味，肉吃起來有點怪，口感也不像肉。只能說不難吃但也不想再吃...反而鮮肉雲吞和涼拌麵較優勝，雲吞40元便有12隻，份量適中味道不錯；四川涼皮與四川涼麵比較下，涼皮較為出色，爽口彈牙，惜醬汁不算十分出色。兩者都只係三十多元，可以一試。店舖最值得一提的是醬料的部分，四川辣椒醬和菜脯豆豉醬味道超好，與每一道菜都十分配合。如果想再來這店，醬料是最吸引我的原因！

听说这间饺子店很出名，今天经过湾仔店来一试。叫了一款汤饺子一款煎饺子二人一起分享。汤饺子我们叫的是元贝猪肉饺，叫了大碗，有10只。汤底是店铺出名的状元九鼎汤。其实是粉葛汤。汤底很清，没味精，不错。饺子皮薄，馅料的猪肉加上了芹菜，感觉清爽，不油腻，但略嫌元贝味不足，猪肉有点松散，不够滑。煎饺方面，我们点的是龙凤松露猪肉饺，松露味几突出，饺子煎得香脆，但是只只都连在一起，一分开它们时饺子皮便穿，肉汁流出，有点可惜。饺子沾上一点陈醋或四川辣椒酱，更加惹味，味道更丰富。总括而言，饺子合格，但价钱略贵，味道亦没有很大的惊喜。

排了一陣先食得呢間名店，總是有條龍在外。松露餃香口好食，韮菜餃一般般。黃金蛋有幾層口感與味道，流心蛋甜甜滑滑的。分量頗細，食完都唔飽，建議加麵。服務也勤快，整體不錯。

成日聽同事講「餃掂」嘅餃子🥟點好食，今晚假期前夕，就去左銅鑼灣果邊接阿女放工，順便行過去餃掂，睇下係咪真係咁好味呢🤔。7點幾已經要係門口等位，差唔多等左15分鐘，終於可安排入坐啦；餐廳乾淨衛生，食具同調味醬擺放整齊，真係令食客食得好放心。睇睇餐牌，有肉餃、素餃，煎餃、蒸餃。餃子🥟 餡料選擇非常多，仲有幾款湯麵🍜同小食供選擇。🌶四川粉皮 - 粉皮滑嘟嘟，呢個涼拌好岩咁熱天時食，個汁辣辣地，粉皮又凍凍地，仲有好多花生粒、青瓜絲同蔥花，另整個涼拌更香口同增加口感😋。🥒回味手拍青瓜、蔥味酸辣雲翠雲耳青瓜青脆，個醬汁帶微辣；雲耳爽口，醬汁酸酸辣辣，以上三個涼拌真係好醒胃架😋。 🥟韮菜豬肉煎餃、🥟元貝豬肉餃 - 皮薄、餡料十足，成隻餃子脹卜卜、煎過後外皮脆脆，但入邊餡料仍保持濕潤。🥟韮菜豬肉餃，韮菜同豬肉比例岩岩好，韮菜好鮮嫩唔會有渣，啖啖都食倒韮菜獨冇嘅香味。🥟元貝豬肉餃，可能有元貝關係，令豬肉更加鮮甜，而且仲勻入小許芹菜粒，增加餃子香味😋。蜂蜜檸檬意米水 - 冰凍解渴消暑之餘又有益，可以去水腫，健脾胃，好有益架😋。

我呢D懶人，鍾意食肉但又唔鍾意食骨，然後又大食最岩食咩？餃子真係可以話滿足晒我三個願望龍鳳松茸雙煎餃唔好以為食餃子都係cheap野，其實都可以食得矜貴又招積呢個龍鳳松茸雙煎餃就係用左黑同白既松茸做餡而整食每一件都有滿滿既松茸，每一啖都係滿滿既松茸香而且呢到既煎餃煎既水準好高真係做到外面香脆，同時又保留到入面既肉汁元貝餃子麵餃子麵既麵身較柔軟易入口，而且索晒酸酸味味好開胃既湯底餃子我加左8蚊轉左元貝餃，令餃子增添左唔少鮮味龍鳳蛋估唔到連食蛋都可以咁矜貴淡淡既蛋香同埋松茸唔會互搶味道流心蛋口感又CREAMY 極力推薦大家落呢個四川辣椒醬佢辣度唔會太辣，但佢辣中帶香，香中帶麻，好有層次不論係用黎點餃子定落麵食都一流最後忍唔住加多左一份龍鳳松茸雙煎餃咁樣先兩舊幾水抵食

佢既餃子大只紮實啖啖肉個人最推介芫茜餃 市面好小見 味道一流夠清新松茸都超正 真材實料 好香好惹味最後係佢個9鼎湯 冇味精 次次都飲左一大半不過環境唔算舒服 幾迫下 最好等非繁忙時間去