餃掂手工餃子雲吞專門店

營業中

休息中

佢既餃子大只紮實啖啖肉個人最推介芫茜餃 市面好小見 味道一流夠清新松茸都超正 真材實料 好香好惹味最後係佢個9鼎湯 冇味精 次次都飲左一大半不過環境唔算舒服 幾迫下 最好等非繁忙時間去

餃掂.呢排終於開返劇場， 壽臣劇院睇完劇，同朋友嚟呢度食餃子。黑松露一向都係我嘅最愛，所以呢度嘅招牌特色絕對啱晒我！.龍鳳松茸雙灼餃 $86/8隻+湯所謂龍鳳餃其實係豬肉餃分別配白松露同黑松露，黑松露味道好出，白松露就鮮味啲🥰視乎個人鍾意重口味定係鮮味，灼餃就可以好食得出松露嘅真正味道！.呢set灼餃仲配埋湯😍佢叫狀元九鼎湯，其實係粉葛排骨同唔同嘅魚一齊煲嘅足料湯，聲稱冇落味精🤭飲完又真係冇眼瞓冇口乾👍🏻中湯養顏保健最好飲！.韭菜豬肉餃 $47/7隻覺得要評論餃子係咪真係好食，真係要試吓最原始最正宗嘅韭菜豬肉餃，韭菜煎得好香，豬肉嘅味道亦都好鮮好夠，餃子皮煎得香脆， 咬落去係脆卜卜，而且韭菜豬肉富有肉汁，所以除咗餡，煎得靚唔靚都決定咗餃子嘅成敗！.香煎軟心芝士餃 $55/7隻最後呢個芝士餃，內裏有芝士粟米等餡料其實都幾豐富，鍾意傳統餃子嘅人未必會鍾意芝士餃，但係呢一個一定係小朋友嘅最愛！因為咬落去煙煙Un Un咁樣，行中帶少少芝士嘅香甜，幾過癮！.同一般餃子店唔一樣，呢度裝修比較光鮮乾淨，店員服務態度都唔錯，鍾意棋你嘅朋友可以嚟呢度食餃子😎

路經灣仔，想食清清地，本身都係餃控，見環境乾淨企埋，門口仲有蔡瀾合照，入去試下啦~環境舒適，但唔好坐咁近門口，因為係地舖，仲對住馬路，熱之餘仲坐得無咁舒服好多選擇，我地唔係好餓，要淨餃就夠湯餃跟狀元九鼎湯。個湯好似家常湯咁舒服，飲落好似去濕粉葛湯，清清地，飲晒成碗。到主角，元貝豬肉餃。味道可以，但無咩元貝味，亦只見少量元貝絲。豬肉好似不夠新鮮，餡料較易散開，餃內肉汁欠奉。外皮不錯，厚薄軟硬亦適中，勝在大隻抵食。到粟米豬肉餃同之前果款感覺差不多，餡料略鬆散，豬肉亦不夠滑身，有點乾。黄金皮蛋，隻皮蛋係完全無味既，食個質地，就好似象膠咁，完全靠個豉油，都係鐘意傳統皮蛋多d總括黎講，呢兩款餃只屬正常味道，有特式d就係個狀元九鼎湯，勝在係灣仔區黎講算抵食之選，好好味又講唔上。

成日lunchtime經過都見到依間餃子店大排長龍今日見有時間，就排隊等下啦等咗15-20分鐘就有位嚕餃子麵 (韮菜豬肉餃) $53 湯底似係酸辣湯無落芡，酸酸辣辣咁韮菜餃係唔錯嘅，但又未去到驚為天人無乜特別囉，普通餃子店嘅質素壽喜燒牛肉煎餃 $74 有咗啲錯誤嘅期望，搞到好失望一心諗住係華御結壽喜燒飯團嗰隻味點知.......錯晒係酒樓牛肉球嗰隻味無肉味，淨係一pat嘢，仲要有陣我唔鐘意嘅香草味另外仲嗌咗黃金原味皮蛋 $28 Errrrrrrrr.......唔係唔好食但都唔知係乜嘢味嚟搞唔掂嘅餃掂

之前冇留意依度原來開到十一點，今日加班後行過見有得食，緊係坐低食埋先返屋企。叫完食開嘅雲耳椰菜餃後，先發覺新加左牛肉餃，下次要試吓。今晚個粉葛湯底好味道，餃子好味。

今日去灣仔見完客，諗住去食個lunch，見到呢間餃子專門店，人頭湧湧，好多人排隊等位，一於去試下先！餐廳主打餃子，加入創新材料，有煎焗和放湯傳統做法，門口放上食家蔡瀾照片，名人加持，水準應該唔錯！蜜餞雞翼 (小)雞翼滷得入味，肉質嫩滑入口即溶，伴上蜜糖，甜甜蜜蜜，醒胃滋味！龍鳳松茸雙煎餃招牌松茸餃，松茸香味濃郁，建議食煎餃 ，香味會更加突出。龍鳳餃另一款式 是黑松露，松露用作餡料，又幾配合!壽喜燒牛肉煎餃必食推介。有點似山竹牛肉的感覺，口感嫩滑，肉汁豐富，調味適中，蘸上陳醋來食，提升鮮味！上湯松茸時蔬菜心新鮮清脆爽口，松茸湯汁味香濃，加上杞子明目養顏，多吃有益健康！淨麵餐廳除咗餃子真材實料，麵條都十分有驚喜，爽滑彈牙軟熟煙韌，湯底帶有淡淡酸醋味道，令人胃口大開！蜂蜜檸檬薏米水、冷豆漿自家製檸檬薏米水，去濕清熱，加入蜜糖 酸酸甜甜，消滯減膩。 凍豆漿，豆味濃沃 冰冷清新，解渴怡人！

大食妹話說好鍾意食餃子，間唔中係屋企都會包下餃子食，但係要食到一碗好嘅餃子其實都唔容易出街食餃子好容易試到伏，一係就餃子皮太厚，再唔係就係豬肉餡太肥膩，一隻好嘅餃子，少咗其中一味，味道都差好遠之前聽朋友講灣仔有間好好食嘅餃子店，今日特登去到灣仔搵朋友食晏順便去試吓先<雲耳椰菜豬肉餃麵$53>最後叫咗個雲耳椰菜豬肉餃麵，雲耳椰菜清甜爽口，豬肉用咗半肥瘦豬肉絞成，唔會太肥膩都唔會太乾爭爭啱啱好陽春面配水餃食真係冇得頂，清湯無味精，食完成晚都唔會口乾

過親港島肥妹仔要諗食乜嘢其實都係一件好煩惱嘅事，因為港島區肥妹仔唔熟之餘，好多時候行行地食餐飯都幾貴。 所以如果肥妹仔果日無咩budget嘅話呢，阿妹仔都會嚟呢一間飯堂度食飯。龍鳳松茸煎雙餃  $86呢一款煎雙餃肥妹仔真係百食不厭呀!好香松茸味，而且佢嘅豬肉亦都好多好飽滿，外皮煎到脆卜卜，好正。野生松茸素餃  $60肥媽就鍾意食湯餃多啲，同埋佢鍾意食味道清淡，所以就叫咗呢一款素餃。入邊嘅餡料好飽滿，有好多菇粒 ，食落去一啲都唔寡，清清地，好好食。四川涼麵小辣  $30呢個四川涼麵費用花生醬，麻醬同埋花生碎粒撈個麵一齊食，少辣，好開胃。蜜餞雞翼 $30好聽蜜糖味嘅雞翼，甜甜地。龍鳳蛋  $18即係溫泉蛋上面加咗黑松露同白松露醬上去，冇得輸啦。自家製山楂雪梨水  $28五花茶 $15

平時食餃子既鋪頭好多都殘殘舊舊, 好似唔干淨咁~ 鐘意食餃子既我好多時會因為咁而卻步 終於搵到間又靚又光猛的餃子專門店啦~ 餃子文化其實好多年啦, 當中仲有一個傳說 話說東漢末年，醫聖張仲景告老還鄉後，在家鄉白河岸邊見百姓捱饑受寒，耳朵凍爛，他叫弟子在南陽東關附近搭棚派藥，用羊肉、驅寒草藥煮熬成「祛寒嬌耳湯」，加入用饀皮包成耳朵狀的「嬌耳」，據說吃後身體會發熱，兩耳很快就痊癒了。張仲景派藥持續到年三十。年初一時，人們開始仿嬌耳樣子做過年的食物，並在初一早上吃，稱之為「餃耳」、「餃子」。 隨住多年黎既發展，雖然餃子既餡變左好多，不過外型仲KEEP到似一隻耳仔啦~ 呢度既餃子有分湯同煎兩款 不過餡既選擇就非常多啦~著名的，有龍鳳松茸餃~~最近仲加入左2款新品 大滿貫素餃同壽喜燒牛肉餃 食餃子，辣醬都係加分的一部份 呢度既辣醬好有特色，有菜甫豆豉醬，四川辣椒醬，好有家鄉風味飲品呢，有自家制的山楂雪梨水 仲有新品的蜂蜜檸檬薏米水 兩款都好清甜健康，唔會太甜 我地叫熱飲，姐姐好細心咁幫我地兩溝，變左溫溫地，易入口青瓜係我的至愛，當然要點啦～ 回味手拍青瓜　 賣相有點兒怪

同囡囡向來喜歡食餃子，朋友介紹我地去餃掂手工餃子雲吞專門店。佢地有好多分店，今次就嚟到灣仔分店試下，果然冇介紹錯👍😍水準非常有驚喜，出乎意料的美味。話明是餃子專門店，呢度有好多款式嘅餃子，令人眼花繚亂，款款都想試。最後點咗有特色嘅龍鳳松茸餃，同囡囡喜愛嘅粟米餃，配湯餃嘅湯都好好飲，真材實料，無味精， 喝得一滴不漏。 另外再叫一些小食，蜜餞雞翼非常入味，有甜甜嘅蜜糖味，好惹味。龍鳳蛋即係加上黑松露白松露嘅烚蛋，有特色嘅小食。另外叫左上湯時蔬，菜心炆得夠淋，上湯甜甜地，有什菌同杞子，健康又美味。

之前喺太子食過呢間人氣餃子店，餃子有好多唔同嘅款式選擇，而且幾特別。原來而家灣仔都有分店，咁啱黎開呢頭，決定要帶朋人黎試下😋 太子間分店經常大排長龍，通常要等半個鐘以上先有得入座。灣仔呢間分店相對冇咁多人，就算係星期六嘅中午，唔使排隊就有得入😌葱味酸辣雲耳好開胃嘅前菜，雲耳爽口入味。龍鳳松茸餃配狀元九鼎湯呢個係餐廳嘅招牌菜式，每次黎必點。好新穎嘅配搭，松茸味好重，香味四溢，一試難忘。湯頭比較淡，飲得出佢冇落味精。芹菜豬肉餃皮薄餡靚，芹菜同豬肉嘅比例剛好，配埋個湯一齊品嚐，很不錯👍🏻香煎軟心芝士餃餃子煎到外脆內軟，而且好足料，滿滿嘅芝士，一咬開有拉絲嘅效果，好正😋😋最後嗌左杯新推出嘅蜂蜜檸檬薏米水，唔會太甜，好滋潤，可以一試。

平日中午喜歡食餃子，因為感覺比較輕盈 。今日經過灣仔一間餃子店, 在這個環境下，都算有好多人客，三個人點了差不多50隻餃子，12隻雲吞，好滿足呀!🐮 壽喜燒牛肉餃，牛肉有肉汁，加上 落了一些馬蹄，趙口非常好。🥟 龍鳳松茸雙灼餃子，真係幾有松茸香味，幾特別。🍥 元貝豬肉煎餃係最香的，一來煎餃比較脆口，另外元貝有啲鹹香味，相對野味。🥣 湯餃全部都會配上 狀元九鼎湯，用粉葛，鯪魚，鰂魚等等煲成，落好少鹽 ，感覺好下火，啱曬最近的天氣， 提高免疫力，滋潤腸道。🌶 我最欣賞就係 菜脯豆豉辣醬，不太辣啱我，同時好有口感，特別香味，特別滋味 😋

經過灣仔電車路，見到門口放咗好多明星名人嘅相，又標榜手工餃子，一查之下發現呢間餐廳原來都幾出名，餐廳牆壁上亦掛上天下第一餃的牌匾，便試吓。龍鳳松茸餃跟狀元九鼎湯係呢度出名嘅特色餃子之一，狀元九鼎湯似係老火湯，味道濃郁，唔會太鹹應該冇落味精。咬開餃子感覺震震松茸香氣湧上嚟，呢個配搭做餃子都幾特別。元貝豬肉煎餃，外皮煎得脆及保持到餃子內的湯汁，食落有少少蝦乾味，零舍香口。壽喜燒牛肉餃標榜鮮牛肉，食落去牛肉嫩滑，有少少似山竹牛肉的口感及味道。韭菜豬肉餃係最傳統餃子之一，水準合格。雲吞湯麵，雲吞比餃子細隻一半size，但咬落肉質結實，一口一隻豪爽地食。龍鳳蛋配黑白松露醬，似日式半熟溜心蛋，黑松露醬比較香濃及夾。

最近疫情反覆嚴峻，好遺憾，第二波搶蛋搶米潮又再出現，超級市場的白米雞蛋又再被極速掃清。一來香港食米雞蛋供應充足，希望大家不要自亂陣腳。二來香港飲食百花齊放，除了米食主糧，還有很多既飽肚又美味的副食可供選擇。餃子就是其中一款廣受香港人歡迎的美食。今日正當人人撲米撲蛋時，我就安坐灣仔莊士敦道餃掂手工餃子雲吞專門店，享用特色餃子，懶加入搶米行列，不為社會在疫境中添煩添亂，順便支持香港經濟。餃掂手工餃子雲吞專門店位於灣仔莊士敦道44號地下，交通方便，佈置簡單整潔，環境舒適。餃掂有多款特色手工餃子、雲吞、面食、小食如皮蛋、雞翼、酸辣雲耳和手拍青瓜等供應。鎮店極品、山珍之皇的松茸餃當然是首選。叫了灼野生松茸素餃，餃子飽滿，餡料十足，絕不欺場。餃子入面包住唔少菜蔬同野生雲南松茸，口味新鮮，食得健康。淡香松茸，再蘸上自家製的菜甫豆豉醬和四川辣椒醬，更加惹味。吃完灼餃，再試煎餃。叫了推介的和風壽喜燒牛肉餃，煎餃同樣做得出色。外皮煎到金黃色，又脆又香。食落帶壽喜燒的甜味，搭配上新鮮嫩滑的牛肉，既有和風味道，又有中國煎餃特色，值得一試。再來全蛋宴，龍鳳蛋和黃金原味皮蛋。所謂龍鳳蛋其實係日式半熟蛋，龍鳳蛋上碟

見呢間餃掂有好幾間分店，今次過開海就試下，下午茶時間比較少人，唔洗等位啦😄店員好有禮貌，同其他熟客都有傾有講咁，幾舒服！一打開menu真係好多款餃，好難揀，見佢主打松茸餃，我地叫左松茸素餃，元貝豬肉餃，同一個煎既壽喜燒牛肉餃😂😂😂松茸餃係全素，不過口感都好好，香味都好突出，配埋辣菜蒲，我更加喜歡！而且餃子皮煙韌帶點厚度，剛好又唔會太粉！元貝豬肉餃有陣瑤柱味，甜甜地！另外都想推介山楂雪梨水，酸酸甜甜好開胃！