餃掂手工餃子雲吞專門店

上次喺西環店食過黃金皮蛋，我同朋友都念念不忘，今日喺中環又見到餃掂嘅分店，點可以唔入嚟再食一次呢！金黃色皮蛋賣樣本來已經相當吸引，外層Q彈，內裡流心，蛋黃入口味道香濃，加上辣油蔥花，美味程度真係難以形容。酸辣雲耳，細細朵雲耳爽口彈牙，配上洋蔥芫茜同秘製醬汁，又係另一味我喜愛嘅小食。粟米餃餡料飽滿，粟米粒粒爽甜。至尊松茸餃，鮮肉同松茸味道相當合襯，配埋招牌松茸醬，滋味再度提升。點湯餃子都配上一碗狀元九鼎湯，湯頭清甜無味精，仲可以提升免疫力！

喺中環想簡簡單單食啲嘢，而且人唔會太多，坐位都算寬敞，最緊要係唔會趕你走，所以喺中環上完條大斜路嘅呢間餃子店，雖然位置上唔算好方便，因為要經過嗰條長長嘅扶手電梯先到。呢間餃子店有好多分店，其他分店之前都有去過，今次嚟到中環都想食下。佢除咗提供餃子之外呢亦都有提供其他小食，餃子有分湯餃同埋煎餃，我個人喜歡煎嘅多啲，因為比較香口。當然怕熱氣嘅咁叫湯餃係會好啲。呢個係龍鳳餃，入面有黑松露同埋白松露，香噴噴呢個係龍鳳蛋，你見到上面都係有切到啲松露喺度。配埋杯金橘薏米，非常解渴！所以除咗位置有啲格攝之外，啲嘢食都唔錯嘅。

呢日黎到中環餃掂~ 聽個名就知道係主力食餃子!餃子種類可不少野生松茸煎素餃~$65煎餃外脆香口，材料味道不會因係素食而遜色，松茸味香，沾上黑醋非常可口!龍鳳松茸雙灼餃拼狀元九鼎湯~$86灼餃外皮厚薄度不錯，松茸香味因灼熟關係比煎素餃更濃。配九鼎湯正好解膩，湯濃但又不鹹，幾好呢度食物種類都不少，仲叫左兩款小食~蜜餞雞翼~$32雞翼非常抵食，雖然不是主力食物，但配餃子食都不錯。龍鳳蛋~$32龍鳳蛋配黑白松露醬~賣相不錯，一口一隻，過過口癮

皮薄饀鮮～煎餃湯餃～養生手工餃👍🏻放工係屋企附近搵野食，簡簡單單食個餃子，有驚喜😋叫左2款煎餃，1款湯餃同埋小食。首先講下最突出嘅「龍鳳松茸雙煎餃」$86/8隻，煎餃外表完美地做到金黃香脆，龍鳳松茸即係黑白松露，直接昇華左餃子既鮮味「壽喜燒牛肉煎餃」$56/7隻 日式嘅壽喜燒牛肉餡料包係餃子皮裡面再煎，鎖住嘅肉汁咬落去，再係口裡面噴哂出黎，食個陣對面個位真係要小心「元貝豬肉湯餃」$49/7隻叫咗兩碗煎餃，特別叫一個湯餃試下，湯餃係會配餐廳最出名嘅 配狀元九鼎湯，個湯清甜滋潤真係忍唔住叫多碗😋餃子裡面既元貝更令到個湯多出一份鮮味PS 台面上有好多醬料，最吸引我係依個「菜脯辣椒醬」裡面仲加左豆豉，配埋餃子食好好味，值得試下👍🏻日本龍鳳蛋配黑白松露醬$18隻100分既 糖心蛋配上黑白松露醬，簡單嘅雞蛋馬上變得不平凡蜜餞雞翼$24/3隻好小地方可以食到， 雞翼入味得嚟甜而不膩～真係3隻自己都可以食得哂黎開中環嘅朋友真係值得去試下👍🏻十分推介平民價不平凡的用心手工餃子店。

今晚收工近近地去咗中環威靈頓街「餃掂手工餃子雲吞專門店」吃晚餐～店內裝修簡約潔淨，感覺乾淨衛生野味酸辣雲耳雲耳口感爽脆，加入咗酸醋、蒜頭、辣椒、紅洋蔥、芫荽等等調味，酸酸辣辣，果然好惹味龍鳳松茸雙灼餃配狀元九鼎湯鎮店招牌龍鳳松茸餃🥟龍鳳分別代表黑松露及白松露，餃子皮薄餡靚，充滿豬肉鮮味，同時散發着濃郁的松露及松茸香！狀元九鼎湯店舖招牌靚湯，入口清甜，飲得出係無添加味精，好有屋企老火湯嘅感覺元貝豬肉餃子湯麵+$8可以轉餃子為元貝豬肉餃，餃子裏面除咗有粒粒鮮元貝肉，仲有豬肉、芹菜粒等等，味道同口感都好豐富哦！配上幼滑上海湯麵，夠晒飽肚香煎韭菜餃韭菜餃包到好似金元寶咁靚，賣相一流！餃子外皮煎到脆脆的，內裏係滿滿的韭菜豬肉餡，每啖都係韭菜香呀熱山楂雪梨水由雪梨、甘草、山楂片、麥芽、冰糖等等材料煲製而成，味道清甜，感覺滋潤，一年四季都啱飲

呢晚朋友話想食餃子，所以我地見到呢間餃子專門店就入左去！！！店內位置不多，不到七時己滿佈座上客睇黎呢間都係好受區內歡迎既食店～店員姨姨們都好熱情，既有禮貌又有笑容！！我地小食同餃子都點左幾款一齊share～小食方面分別點左 蜜餞雞翼同黃金皮蛋，仲有新出既涼皮添！！！呢度既黃金皮蛋有別於傳統既皮蛋，皮蛋真係透徹既黃金色架：）涼皮可選辣度，小辣已經好刺激加上花生碎食落更香口！！！餃子要左店內既兩款熱門餃子：龍鳳松露灼餃同芝士粟米煎餃～兩款餃子餡都十分飽滿，調味得宜煎餃拉絲香脆，灼餃外皮適中有韌度最後仲可以飲埋灼餃附上既足料湯品添：）

✨龍鳳松茸雙煎餃$86 8隻～本身就濃郁嘅黑松露白松露香氣，係煎過之下，顯得更為濃郁，佢哋嘅煎餃唔會太油膩 👍而且外皮薄脆，內裏餡料又唔會太油，整體感覺好食得來幾健康。✨粟米豬肉餃 湯 十隻＄54～非常飽滿嘅粟米豬肉餃食落去香香甜甜，好多汁，同樣係配搭九鼎湯，雖然浸泡喺湯入邊，但係每一隻餃都冇爆到👍✨蜜餞雞翼五隻$32～香香甜甜蜜餞雞翼，食落去好似倒瀉咗蜜糖黎浸泡係啲雞翼到咁，感覺so sweet，小朋友好鍾意❤️✨蜂蜜檸檬薏米水 ＄28 ～檸檬薏米水飲落去幾消暑 ，入邊真係有粒粒薏米，加上酸酸地嘅檸檬🍋做調味，感覺開胃，味道自然。

❤️韭菜豬肉餃煎餃子韭菜餡料份量幾多，好香口惹味，感覺同樣適合煎多過湯 ，因為湯嘅話韭菜味可能會令到九鼎湯冇咁清氣，但係煎就唔同，反而迫出咗韭菜嘅香氣感 。❤️麻辣松花皮蛋蔥花皮蛋嘅皮蛋皮上面滿佈雪花，中間嘅皮蛋黃就非常流心濃郁，加上少少麻辣香氣調味 ，令到平凡嘅皮蛋顯得不平凡。❤️上湯松蓉時蔬唔知點解佢哋嘅時蔬格外翠綠 ，食落去幾脆身，本身唔係特別鍾意食菜心嘅我，都有好好食晒啲菜。❤️四川涼麵冰涼透心嘅四川涼麵，就最適合夏天食，加埋少少麻醬，彈牙嘅面條，每一啖都滲透住夏日氣息，由於我哋屋企唔食辣嘅關係，冇落辣醬，但係食落去味道依然到位 。❤️豆漿水準不錯嘅豆漿，唔會太甜 豆味幾重。

餃掂系我好鍾意的一間餃子專門店，耐唔耐我哋都要去食下餃子，今次我就去左中環威靈頓街的分店，雖然佢門面不算大，但都尚算好坐，環境乾淨，服務態度都好好。同其他分店一樣，呢間分店都有九鼎狀員湯，各種餃子及小食供應。最愛龍鳳松茸雙灼餃，黑松露&白松露豬肉餡餃子，香味十足！隨龍鳳松茸餃會附送一碗狀元九鼎湯，店家沿用古法以粉葛、紅蘿蔔、赤小豆、扁豆、蜜棗、陳皮、新鮮鯪魚等材料熬製而成，完全不含味精，湯汁呈奶褐，色澤醇厚，不泛油光，散發著陣陣的粉葛清香，十分清甜！另外元貝豬肉湯餃都幾好味，元貝味道突出夠鮮甜。小食麻辣皮蛋，麻辣開胃，值得一試。

今日行經中環，正想食餃子，正正碰到"餃掂"。看看Menu都有十分多餃子選擇，而且十分特別，外面好少有的餡料。蜂蜜檸檬薏米水（凍）$28/支我們各點了蜂蜜檸檬薏米水，潤潤喉。四川涼麵 $30涼麵爽口彈牙，配上麻醬，掛汁有口感。灼素野生松茸素餃 $48/7隻朋友食素，所以點了野生松茸素餃，他說味道很好，餡料十分豐富，用料上乘，造得十分精緻。重慶鮮肉雲吞 $40/12隻（中辣）愛吃辣的我，選了中辣，但也沒有想象中的辣，下次可以試大辣，有風味，每隻都飽滿，一點不馬夫。龍鳳松茸雙煎餃 $86/8隻餐廳招牌獨有的餡料，是黑松露餃和白松露餃，一次過滿足曬我，煎得底部香脆，豐富多汁，味道香濃，余韻長，配上營養價值豐富的松茸，有多種功效。下次還有很多不同款式可試。

想飲靚湯真係唔係度度都有，每次嚟到餃掂都一次過滿足我N個願望，至尊松茸餃子（大）$107，好香松茸味嘅餃子配上一大碗狀元九鼎湯，個湯飲一啖就知夠足料又無味精。元貝豬肉餃（中）$49 元貝鮮味唔黐牙，豬肉唔會太肥，餃子皮帶點煙靭，口感十分好。咁熱嘅天氣點少得冷盤。野味酸辣雲耳($25)回味手拍青瓜($25) 雲耳夠彈性，青瓜又爽脆，麻辣醬汁比例完美，唔會太辣又帶點刺激。呢度嘅自家飲品都真材實料！檸檬薏米水($28)自家製山楂雪梨水($28)

香港要搵間無味精既餐廳真係難🍴呢間已經有幾間分店既「餃掂」就係其中一間，而且佢地仲好特別係主打松茸餃，一定要嚟試下！所有餃都係即叫即整既，叫水餃都會另外附上無加味精既狀元九鼎湯，味好夠仲可以飲晒佢都唔怕頸渴👍🏻今日就食至尊松茸餃同龍鳯松茸雙灼餃，餃子大小啱啱好。至尊松茸餃包既料就只有簡單既豬肉同松茸，但松茸好香好重，餡料方面都唔算吝嗇。店員跟一個辣醬上既，點咗醬之後個辣辣地仲好食！龍鳯松茸雙灼餃係黑松露同白松露餃😋從個餃子皮外就已經睇到有d黑松露係到，龍鳯餃咬開之後都會有好強既松露味岀晒嚟，有驚喜👍🏻仲叫咗18隻重慶鮮肉雲吞，只係$50非常扺食！有四個辣度選擇，朋友唔食辣所以叫唔辣。嚟到之後食得辣嘅就可以自己加枱面有既四川辣椒醬，一樣好惹味！😆小雲吞一啖一粒，皮夠滑。湯底好重蒜味，同埋睇相都知係好香芫茜味😂煎餃因為係即刻煎所以嚟得慢啲，外表煎到金黃色，咬落好脆口。呢隻壽喜燒牛肉味，比較重口味一啲。餡料除咗牛肉仲有爽口既洋蔥，所以食落d味好搭，口感極佳！店舖唔大，偶爾會睇到廚娘係廚房包水餃🥟呢到仲有其他麻辣小食同其他味既水餃，款式都算多。最緊要係佢係有大同中碗揀，多人嚟就食多啲，就算兩個

和小米在中上環遊走, 由大館經過擺花街, 再轉入威靈頓. 小米發現店門的辣椒和餃子圖片, 是我倆都喜歡的餃子呀! 在內堂就座後, 很快就選擇自己的心頭好!        龍鳳松茸雙灼餃   黑白松露&豬肉的餃子. 為了那碗狀元九鼎湯, 所以選擇灼餃.  小米很喜歡西餐的黑松露白松露意粉, 所以也喜歡這龍鳳餃!      至尊松茸豬肉煎餃   先嚐一口原味松茸煎餃.  果然有粒粒松茸! 松茸跟松露對比, 松茸香氣相對較弱, 反而能嚐到豬肉味呢!   跟餐奉送2款醬料:松茸醬 & 香辣醬   松茸醬的松茸味, 比松茸餃子更濃郁, 果然係秘密武器.   而香辣醬不算太辣, 反而以香辣配料為主.    狀元九鼎湯   餐牌這樣寫 : 粉葛鯪魚鰂魚紅蘿蔔扁豆赤小豆陳皮蜜棗排骨   印象中都是清熱健脾利水去濕又滋陰的湯料.....   很適合調整如今脾虛濕重的身體 : 易累, 塊面生粒粒, 皮膚偏黃.....     狀元九鼎湯入口平和順喉, 没有太突出的藥材道. 反正小米不懂欣賞老火湯, 自己可以一人獨吞2碗.      麻辣豬肉餃   小米為了這款餃子而在此用餐. 自己更喜歡餃子的額外功能 &

回味手拍青瓜🥒($25)超級耐冇食過手拍青瓜, 之前試過自己整落得太多醋算到爆🤯 始終都係啲專業整既比較好, 青瓜超級爽口, 酸酸辣辣幾開胃👍🏽四川涼皮🌶($32)呢度都幾多四川風味既野, 我地怕太辣, 所以揀左小辣🔥 涼皮份量頗多, 不過就唔係平日食開闊身果隻, 而係比較幼身冇咁煙韌既涼皮😕 質感差左啲, 不過味道辣得幾過癮, 麻麻辣辣真係會食上癮😂芫茜拼元貝豬肉餃🥟($62)個人黎講我比較鐘意食煎餃, 拼餃既好處就係可以食多啲唔同款式💁🏾‍♀️ 餃子皮薄, 肉又大舊, 不過汁就可以再多啲😌 芫茜果款咬開之後真係會見到芫茜本身同埋味道都幾濃😍 元貝果款我個人就麻麻地, 感覺元貝同餃子唔係好夾😅係中環搵到呢個價錢既食物其實唔容易, 雖然食物唔算特別出眾, 不過佢既菜脯真係好正, 有濃濃蝦乾既香味加埋麻麻辣辣, 配餃子真係一流🥰

平時好多活動範圍都集中係蘇豪區，或者蘭桂坊區，  加上都好鍾意周圍去搵啲特別嘅嘢食， 啱啱經過蘇豪區附近見到一間都好似幾正宗嘅餃子店，  見到周圍嘅掛畫、字畫同擺設，都好似入咗一間新式嘅北京餃子店咁樣，坐低之後就問一問服務員有咩特別推介， 佢哋話最特色就係黑白松露餃子， 於是點咗一份（86蚊），  另外我朋友又想試下啲香口嘅煎餃， 侍應就建議煎韭菜餃比較香口（47蚊）。 因為我朋友半唐番，好多時關於中國嘅菜式都鍾意問長問短，啲員工非常有耐性介紹唔同嘅菜式畀我哋。另外，我自己好鍾意中國傳統嘅冷盤小食，所以就叫咗多骨膠原嘅黑醋木耳（25蚊）同埋可以排毒嘅拍青瓜（25蚊）， 我自己就幾鍾意有辣味嘅小食，我覺得啲辣味啱啱好，加上係冷盤所以辣辣地好開胃又啱夏天食，佢哋啲材料都非常之新鮮，可惜我朋友就唔係咁食得辣。 所以大家喺叫小食嘅時候，要睇一睇同埋問一問可唔可以承受到個辣度。第一次食到黑白松露， 黑白松露真係非常之香口、味道好濃郁，每咬一啖都有香噴噴嘅黑白松露味道，完全冇偷工減料，配嘅湯比較清淡完全冇味精，好啱夏天飲，大家都知道黑白松露係超抗氧化，簡直女士恩物。 因為我同我朋友又相機先食，又邊