餃子爺爺

營業中

休息中

主打多款唔同口味餃子 🥟除左餃子仲有唔同麵食·小食等等 選擇豐富🤤麵係卡位 座位好闊落另外仲可以外賣生餃子 拎番屋企打邊爐岩哂❤️🤘🏽餃子可煎可湯上下午茶時段特別抵食 揀麵或餃主食 仲有3款小食加飲品 滿足哂啲願望😋.🫧 芝士玉米鮮肉餃 10隻 （煎）餃子皮薄 內餡肉質鮮嫩 仲有啲粟米🌽同芝士🧀又香又鮮味 口感好濃郁🫧 涼拌鮮魚片涼拌鮮魚片🐠新鮮嫩滑 魚片咬落去彈牙搭配輕輕的香辣醬汁好惹味 選用新鮮的魚片，搭配特製的醬汁🫧 精選餃子下午茶餐｜香菜（芫茜）鮮肉餃5隻 ｜香滷糖心蛋 ｜花雕醉雞翼｜皮蛋豆腐 ｜特濃豆漿|香菜鮮肉餃的香菜恰到好處 粒粒飽滿好足料小食份量岩岩好 呢個價錢可以食到咁多款小食好抵食😜.🫧麵食下午茶餐四川擔擔麵| 花雕醉雞翼|涼拌海蜇|香滷糖心蛋 | 山楂茶|擔擔麵花生味香濃 醬汁掛哂麵好滋味🍜.

每次經過淘大，都會見到這一間餃子店大排長龍，人氣滿滿。今日終於同家人前往進食， CP值高，座位舒適闊落，高質素的餃子店。認識我的朋友都十分知道我很喜愛吃餃子，今日就選了三款不同的餃子進食，個人還是最喜歡最原始的韭菜餃子。1.帶子韭黃鮮肉餃x京蔥牛肉餃（$48 ）煎餃子煎得外脆內軟，而且賣相吸引，是冰花形狀的。餃子的餡料滿滿，用上新鮮的材料製成。帶子韭黃鮮肉餃內有原粒的帶子，京蔥牛肉餃亦非常濃郁。2.石斑魚柳鮮魚湯拉麵（ $50 ）石斑魚柳爽口，沒有骨，配上他們清甜的魚湯，配有豆腐等多款配料。面類還可以選擇米線或拉麵。3.特濃蕃茄湯豚肉拉麵（ $50 ）他們的蕃茄湯底非常濃郁和濃稠。豚肉非常爽口，還配有滑蛋碎和菇菌類。非常開胃的一道主食。 4.韭菜豬肉餃（+$15）上湯煮製的餃子，晶瑩剔透，滿滿的韭菜餡料，非常新鮮。5.花雕醉豬手（ $38 ）豬手含有豐富的骨膠原，用上花雕醃製，非常清新，而且酒味濃郁。6.蒜泥白肉（ $38 ）白肉非常爽口，配上青瓜和大量的蒜泥，非常惹味。7.香酥脆雞（ $35 ）脆雞的份量非常多，有六至$8 ，炸得金黃酥脆，且內裏多汁。8.醉糖心蛋（ $9/隻）9.香

今次試咗特濃蕃茄湯豚肉拉麵$50西洋菜鮮肉餃大$46豆漿一杯$6 (半價加配）拉麵啲蕃茄"湯"其實應該叫醬，唔係湯。麵體太冧， 豚肉屬白烚類。比較失望因為呢度叫"煮餃",啲湯就真係無得同其他有湯底嘅餃子店比較嘅。 份量大隻，西洋菜如果多啲啲，香啲啲更好。餃子味道合格，皮亦不厚，唔錯如果有下次，叫餐更抵呢度環境比較迫，就算有空的卡位，店員都要你搭檯。食完會好快幫你收晒檯面啲野。 如果改善呢點更好，希望下次服務會好啲啦。

之前食過幾次，貪呢間餃子有好多款式選擇，又可以揀湯餃或者煎餃，仲有粉面添！但因為黎得餃子爺爺都係想食餃子😂所以今次3個女仔叫30隻餃子，佢仲有得雙拼添！我地揀咗四款，西洋菜鮮肉湯餃，京蔥牛肉煎餃，芝士粟米鮮肉煎餃(5隻)拼鮮蝦韭黃鮮肉煎餃(5隻)～等咗10分鐘左右聽到隔籬枱話：咦～我地冇叫京蔥牛肉煎餃喎，心諗係咪我地果碟😂點知真係～不過呢啲事都常發生，所以都覺得還好，點知❗️呢個情況出現左3次😅每一碟都去錯枱😓煎餃雖然唔係話10分熱辣辣，但真係好香，特別係京蔥牛肉👍🏻湯餃都唔錯，仲可以配佢枱面上果個豆瓣醬，如果可以有自助掃code落單應該會更方便😅

食過呢間店幾次接待服務可以的食物味道方面普通之前見佢都要等位的最近兩次去已經冇乜人排隊了但係佢哋d 杯同碗、碟係污糟到一個點呀杯水拎到埋嚟面頭有油的個所謂熱山楂茶，又唔夠熱飲左兩啖，先至見到有豆漿漬圍住個杯內食具衛生情況惡劣我覺得呢個問題緊要的咁搞法好容易有傳染病碗麵D湯又係掛曬成個碗外一滴滴碟煎餃子個碟又係油笠笠嘅我點的係香菜餃但係佢又比錯韭菜餃子我所以我都唔要求更換走得快好世界比著你係客人你會點睇呢啲野呢？

一直幫襯開觀塘店，今次去到九龍灣順便試吓新店。環境真係大好多，亦都好乾淨。如果煎餃再脆啲就更好，而味道較觀塘店淡一啲。不過覺得啲麵類大碗咗。整體感覺都好好。👍🏻

第一次食，侍應已經好冇禮貌，黑口黑面！明明有位但係夾硬將d客搭枱坐，感覺好差咁啱有人走就轉坐入去卡位嘅時候，有隻曱甴跑出來，超級唔乾淨！一路爬去其他食客，侍應即刻捉住佢，當冇事發生，同我道歉都冇坐落去嘅時候feel到啲櫈油淋淋，枱面都係黐黐立立，杯嘢飲表面係層油嚟㗎，好明顯係洗得唔乾淨！即刻食唔落嘢，超級唔衛生，真係冇下次！食物方便中規中矩，唔算超驚艷，味道可以食得落不過衛生程度好有問題，連個麵入邊都有頭髮🤮🤮

服務態度惡劣，用厭煩的語氣解釋餐牌，會催促客人點餐，上菜用丟的，客戶體驗十分的難受餐飲有點特色，有不同的餃子選擇，不過性價比差過八方雲集，不會考慮第二次光臨這間餐廳

有冇搞錯呀, 大熱天時, 冷氣好弱...個鋪又對正馬路, 食晒死氣不特止, 仲要夏天冇冷氣, 咁我典解仲要比錢去幫親呀!見到員工都大汗疊細汗, 好慘!!!!!!!!!!!!抵佢多左几間餃子店係附近, 比我都去間有正常冷氣招待啦!

餃子爺爺📍九龍灣牛頭角道77號淘大商場1期地下G4-7號舖店舖裝修簡約為主，牆邊的一幅掛畫色彩繽紛。幫襯咗呢間餃子店有一段時間，試咗好多款唔同嘅餃子🥟， 個人特別推介木耳餃子。今日星期六都一樣有下午茶， 可以任選一款餃子5隻加三款小食連飲品 $43餃子🥟我選擇了我的至愛木耳鮮肉煎餃，餃子脹卜卜，餡料十足，煎餃有一層脆邊圍住餃子😋小食🍡方面我選擇了牛展(+$3)、麻辣手撕雞、豬耳。飲品🥤我點選了凍豆漿煎餃和湯餃價錢一樣，味道各有千秋，抵食👍🏻#香港 #美食 #小店 #餃子 #foodie

今天中午行過見到新開去試試，我們2人要搭枱，佢話對面就快食完。好啦，對面食完我叫老公坐番去對面，唔夠5分鐘又叫咗一個女人來坐叫老公坐番對面，但當時店舖其他位置是有位的，我問點解唔叫那女人坐第二度？個肥服務員話我個卡位係4人枱，咁我話你又有位又唔係冇位，點解迫人搭枱？？好明顯趕客啦！！！我叫了石斑湯麵和韮菜餃，但麵好淋非常唔好食，水餃一般，但咁嘅服務態度，以後都唔會再來了！！！其實我由叫餐至食完唔夠半小時，點解唔可以俾安樂飯我食？？

啲餃子係勁難食，啲餡料一pat野咁又冇味。湯餃：湯唔好飲，個魚湯係腥嘅。啲餃煮到爛晒。煎餃：煎到啲皮係唔脆嘅，都係唔好食。另外個Menu好多野都係冇嘅，新開咩都冇就唔好放入menu啦😅唔建議黎食呢間。

呢間野我由佢幾個月前啱啱開張食到宜家有五六次。 佢啱啱開張嘅時候睇得出啲店員全部都冇經驗，甚至連食客都仲識做過佢啲人。本身我都唔著重呢個問題，總之啲野食啱我就得。到左今日真係食出問題，我如常都係叫番我平時食開嘅煎"白菜木耳鮮肉餃"。我用住電話分心食完第一隻餃覺得個味道好似同我平時食嘅唔同。以為自己記錯，咁我就咬開第二隻check下個餡，發現根本都唔係我叫果款，完全無木耳。我同職員講，佢仲要同我喺度拗話係我叫果隻黎嘅，"啲木耳係好散"， 講完之後佢就走左。佢既然係咁嘅話，咁我都唯有繼續食。食多一兩隻我發現隻餃入面有帶子，明顯地完全唔係我叫嘅野，不過我都廢q事仲同佢拗。連最基本最基本嘅正確營運手法都做唔好，唔會再黎！

之前係觀塘食過一次餃子爺爺，都幾好食，但位置唔太方便，最近難得係淘大開左間分店，所以下晝同朋友就試一試。唔知係咪新開無耐，午餐都幾多人，排左陣隊。人手唔係好夠，客一多落單都要等一陣先落到。可以就咁揀餃子、雙併或者揀半煎半湯，仲有麵餐同飯，都幾多選擇。試左佢個套餐麵餐，可以加錢要多一份煎餃或者湯餃，仲包一杯飲品。午餐黎講好豐富又抵食。要左份四川擔擔麵，少少辣，味道都唔錯。麵餐加左份煎餃，成個午餐好豐富好飽

呢頭附近其實餐廳選擇真係好多下，星期一至日買外賣都唔會重複，懶起上嚟好多藉口唔煮飯。開咗一排嘅餃子爺爺，已經幫襯過幾次，晚市套餐大大份，有麵食有餃子又有嘢飲都係70蚊左右，講真麵食一般，餃子唔錯，套餐以份量取勝今晚揀咗白菜木耳豬肉煎餃+冬菇撈上海麵+汽水。餃子皮薄肉餡多，隻隻大大粒，小妹鍾意食煎餃多啲，餃子皮外表輕輕煎過，貪佢鎖住肉餡嘅肉汁，內裏Juicy啲食過幾次麵，都係偏淋身😬三隻冬菇大大隻，炆得都算入味