餃子爺爺

營業中

休息中

去九龍灣行街街，係淘大食~餃子爺爺~填滿個肚先。呢度除左餃子食之外，仲有好多野食揀。人多可以試多啲。先黎啲開胃小食，涼拌鮮魚片清爽鮮美，魚片嫩滑，搭配酸辣汁，青瓜紅蘿白絲，口感豐富。同埋麻辣皮蛋香，兩個小食好適合重口味愛好者。芝士玉米鮮肉煎餃，外皮金黄脆口，肉餡多汁，芝士既濃郁同粟米既甜味好鬼match，正。呢度仲有季節限定既餃子，今期係鮮蝦豆苗，蝦肉鮮甜，豆苗清香， 豬骨鮮魚湯好濃郁，必點呀。四川擔擔麵好正，麵條彈牙，食唔停口。藥膳雞湯生菜，好滋補，生菜脆爽，仲有索哂味既冬菇😋。