食遇上海料理

營業中

休息中

二次回訪，今日又嚟到天水圍新北江做嘢！經過呢間小店又想入去食午餐。今次叫咗🥢韭菜水餃擔擔麵 $45湯底濃郁，花生味香濃。一碗有四隻韭菜水餃，皮薄餡料多，每隻都飽滿。麵條口感爽滑，份量都好多。🥢口水雞 $46雞肉嫩滑，唔會鞋，辣油麻香味道調較得啱啱好，唔會好辣。🥢上海排骨粗炒 $62有冬菇絲、娃娃菜一齊炒，麵條口感煙韌，唔會太乾，非常惹味。排骨係即炸的，外皮酥脆，內裏仍保持到肉汁。🥢炸饅頭 $26即叫即炸，咬落去仲有聲，每次嚟到都係必點的。🥤黑豆漿 (跟餐+$8)低糖黑豆漿，豆味濃郁，又唔會好甜。總結:價錢合理，味道唔錯，服務員有笑容，值得推薦📍食遇上海料理天水圍天湖路1號嘉湖新北江商場地下A93號舖

餐廳有唔少選擇 小籠包、餃子、炸饅頭⋯一律即叫即整 新鮮熱辣辣🙆🏻‍♀️ 同埋係短短一個鐘嘅食飯時間 見到有好多熟客嚟食午餐 睇嚟係信心保證 可以回頭嘅😆！午市套餐確實掋食 今時今日已經好少地方可以$60樓下 份量多又包嘢飲 可以食飽一個lunch lol 口水雞 (例牌) 💰$46雞肉嫩滑 無雪藏味，配上特製嘅醬汁 唔辣又惹味 令人即刻想嗌碗白飯🤭 例牌嚟講 份量都唔少呀 兩個人平均每人都食左5-6舊 確係唔錯👍🏼上海排骨擔擔面 💰$45先講花生擔擔麵底，湯底睇落好清 但食落實質好濃郁！好香嘅花生味 再配上肉碎 蒜蓉 香蔥，真係一啖湯一啖麵咁食😆 而個麵好彈牙 小店來講煮得相對有水準👍🏼 排骨原塊即叫即炸起 聽到利落嘅刀切聲 食落有陣陣五香粉嘅味道 唔錯✨上海粗炒 💰$53麵條煙靭有口感 忍唔住問老闆娘係咪佢自己搓麵條🤣 原來來貨嘅都係新鮮生麵 朝朝準時運到👍🏼 加埋啲旺菜、冬菇片、肉片⋯一齊炒 食落有鑊氣 亦都好夠味，隔籬枱客人加埋辣椒醬一齊食都嗌正😝🌟午市套餐均送 黑/白豆漿一支，或可樂/雪碧/忌廉/ 無糖可樂一罐❤️💯(食完就明點解咁多回頭客🤭下次要再嚟 試試佢個小籠包😎)

呢間主打上海料理的小店，對佢整嘅酸辣湯底念念不忘，再次回訪位於商場嘅小小角落，雖然唔顯眼，卻坐滿左客人午市過黎食，佢嘅麵套餐非常優惠，$46-$52 已經包飲品，黑/白豆漿都唔少加錢😊，麵又夠大碗，簡直係窮人恩物🥹🍜 花雕雞麵配雲吞2隻 酸辣湯底 $52 花雕雞酒味道濃，食落雞肉都爽滑，係有一點點偏苦雲吞好大隻，咬落口啖啖肉酸辣湯底有冬菇絲，肉絲，豆腐，筍絲，木耳絲，蛋絲，好足料，食完好開胃🍜雪花肥牛麵配雲吞2 隻 豬骨清湯 $52 肥牛份量多，冇雪味又唔韌，淡淡清湯味上海小籠包🤩🤩 $32/4隻好抵熱辣辣上枱，皮都幾薄，咬開一口爆汁，豬肉鮮味，肉汁豐富，點埋醋食更好紅糖棗皇糕 $30/4件自己本身好鐘意食紅棗糕，一於試下望落去係千層嘅感覺，咬落煙韌，但紅棗味唔夠濃，食到微微甜🥟上海鮮肉鍋貼 $29/4 隻良心價❣️外皮煎到香脆，唔會太油膩裡面係鮮味飽滿嘅豬肉餡手拍小黃瓜 $ 20/細 食到蒜茸味，麻油香味，青瓜爽脆

位於天水圍新北江嘅街坊小店，舖頭細細但食客多，星期六中午去食keep住滿座，而且仲有好多外賣單，睇得出深受街坊喜愛😆🍽️口水雞翼酸辣湯麵湯底用料十足，雲耳及筍增加爽脆嘅口感，肉絲及蛋花令酸辣湯更加濃郁，辣中帶香，非常惹味，麵條韌道適中，條條分明，更加容易掛起麵汁。麻辣雞翼調味較香口，紅油汁加上辣椒增香。🍽️上海排骨擔擔麵排骨同之前去上海食嘅相似度有八成，其實可以理解成豬扒🤣 擔擔麵嘅湯汁同傳統嘅相比轉為稀，但不失特色，應有嘅香味都有。🍽️蒜泥白肉比起一般連鎖店嘅切得比較厚實大片🤤，而且肉量十足，口感更豐富，附上青瓜絲令蒜泥白肉更清爽👍🍽️上海小籠包小籠包即叫即蒸，皮薄餡靚，咬開有好多湯汁，所以要小心燙嘴🤣

⭐️蒜泥白肉-肉質鮮甜，配上餐廳特制既酸辣汁，好開胃⭐️花雕酒酸雞，雞肉鮮嫩，配埋酒香，甘甘甜甜，甘香可口⭐小小辣的米線，充滿上海菜的風味，湯底夠特別，食完又想再食餐廳位於好多好野食既新北江，距離天水圍西鐵站只係2個站，好方便。另外餐廳嘅環境好闊落，坐得舒服，推介大家過嚟試吓🤗

難得今日同朋友入左天水圍做野，收工都差唔多8點行入商場仔搵到呢間上海餐廳黎食，舖頭細細但望落都吸引，就算夜晚8點幾9點都仲唔少人坐低食野。上海小籠包 $32/4隻 叫左籠小籠包食，即叫即蒸。望落皮唔算太厚，吹凍少少成隻放入口食。入面多湯汁，肉湯同肉香都係晒到，沾左少少薑陳醋一齊食，正。蒜泥白肉 $42另外點左小食同朋友兩份share。發現都唔少，幾厚切。蒜末夠多，醬汁有d豉油加埋少少辣油，食落幾惹味。上海排骨擔擔麵 $45 湯汁唔算太過杰身，但湯汁嘅杰度可以掛到係麵身身上，麵身咬落有彈性幾好食。個花生醬味幾濃厚嘅，少少地嘅辣度食落更加有胃口。塊排骨炸得夠脆，食落夠味，肉身厚。椒鹽排骨菜飯 $54菜飯無油健康嘅，塊椒鹽排骨好大塊而且夠脆。椒鹽幾香口，少少辣，個味夠晒開胃，不過有多個醬可能會仲好。上海津白 $24菜就不過不失啦，份量OK唔算少。叫返個菜食消消膩都要。

平生第二次寫post, 估唔到遇到一間餐廳可能令我嬲到寫劣評post。外賣叫了上海排骨菜飯和酸辣湯面。排骨菜飯疑似是翻叮，飯已經結成一舊舊硬塊，筷子篤落去，成舊長方柱體的飯可以剷起。菜量極少（如圖），菜亦已變黃。排骨炸粉完全淋，應一早已炸好入盒，客人order 就全盒排骨飯翻叮。酸辣湯面更離譜，不酸不辣，湯水是稀如水，只有色，沒有味。共付$146，但買咗兩碟垃圾。以上所言均有下圖為證。四個字總結「不知所謂」

陪好友去新北江商場，看看維修工程。完成後，去遇見上海料理，再次品嚐美食。先飲豆漿，然後點小籠包，蒜泥白肉，年糕酸辣湯和上海粗炒。食到差不多，叫甜品擂沙湯圓。價錢合理，味道不錯。- 小籠包：不僅皮薄餡鮮，而且可以即叫即蒸，保持了包子的鮮美口感。必食。- 蒜泥白肉：蒜味十足，薄薄的肉片不錯。- 年糕酸辣湯：酸辣湯既酸辣味道恰到好處，令人回味無窮。- 上海粗炒：熱辣辣的，醬汁的鹹度適中，令我胃口大開。- 擂沙湯圓：擂沙湯圓內部既黑芝蔴，味道香甜，很好吃。店長熱情地招待客人，有人情味既食店。

*/係天水圍上完堂，於是去搵好嘢食，想平平地食一餐，最好去平民商場😆😆餐廳環境：係新北江商場入面，都要行得比較入先搵到，餐廳吾太大，大約坐到十幾人，係小店一間，好彩有位吾洗等，預左坐得比較逼少少🤏😂😂😂食物方面：我哋叫左兩個麵，一個必叫小籠包，同埋蒜泥白肉😍😍😍雪花肥牛擔擔麵🍜勁多肥牛好足料😍😍😍擔擔麵好好食，麵底吾會太淋，加上配料同辣度岩岩好👍🏻👍🏻👍🏻👍🏻韮菜雲吞上海麵🍜勁香韮菜😍😍啖啖肉，仲要湯底夠清，夠鮮甜，配埋上海麵食，簡直一流😆😆😆👍🏻👍🏻小籠包🫓必點之一，皮薄餡靚，勁多汁，一咬就爆汁😂😂😂好食到不得了😍😍😍蒜泥白肉同平時出邊食嘅差唔多，水準幾好，夠多蒜，食落口好惹味👍🏻👍🏻👍🏻另外我哋仲叫咗黑白豆漿飲，雖然呢度係小店，但真係好多人幫襯，食佢哋嘅人情味😎😎😎😎食遇上海料理 (天水圍)天水圍天湖路1號嘉湖新北江商場地下A93號舖

再次encore ，我每次都係必食酸辣湯底的年糕，酸辣湯底有蛋絲、木耳絲、豆腐絲、竹筍絲等等，今次的羹汁比較稀，入口較滑口。年糕一如以往煙煙韌韌，口感十足。上海排骨擔擔麵一上枱花生味已經好濃郁，湯底係好濃厚既花生醬和麻醬，現搭埋麵條一齊食啖啖花生醬味。尼間擔擔麵仲有得揀辣度，即使唔食得辣既人都食到👍🏼排骨的炸粉好薄身，肉質鬆軟，亦唔會乾身。上海小籠包即叫即蒸都唔會需要等好耐，咬破皮後，流出的湯汁好鮮甜，食材充足。記得要趁熱食吖。$32有4粒，我亞媽話比其他餐廳抵食👍🏼口水雞的醬汁一流，十分開胃又唔會好辣，雞肉質感比較軟淋。一份例牌已經足夠兩個人食，順帶一題，我見到依家有做午市套餐送埋飲品，價錢仲優惠。

最近去咗網友介紹嘅新北江商場  "食遇上海料理"，價錢和食物都很大眾化，雖然座位不多，但食物質素唔錯，就決定食呢間試一試啦。上海排骨擔擔麵     $45擔擔麵份量都唔少，麵質柔軟帶麵粉香，擔擔肉醬好香甜，呢個份量兩個人share就啱啱好喇。排骨炸至金黃，口感酥脆，外層粉漿唔會太厚，內裡唔乾身，食落好香口。菜肉雲吞擔擔麵    $45          上海菜肉雲吞比廣東雲呑較為大隻，呢度啲雲吞餡料滿滿，肉味鮮嫩多汁，菜亦都好新鮮，這碗同樣係擔擔麵湯底，濃郁花生味、肉碎、蒜蓉同蔥花，口感特別豐富，層次增加。可自由揀選辣度、花生湯底、麻辣湯底或加錢轉粗麵/年糕。花雕醉雞    $46呢碟以嫩滑嘅雞肉醃製係花雕酒中，帶嚟酒香撲鼻嘅獨特風味，雞肉吸入咗花雕酒，入口滑嫩同時又帶有微微嘅酒香味道。上海小籠包    $32依間嘅小籠包係即叫即蒸，熱辣辣嘅上海小籠包，原汁原味，新鮮滿滿嘅餡料，湯汁好足料，一唔小心就會溢出嚟，充滿肉味，味道香濃好鮮甜。黑豆漿    $12     白豆漿    $12無論黑豆或黃豆，兩款豆味都係濃，甜度適中，只係少少甜，飲起嚟順口。

遊歷西北區天水圍真係好有外國feel，空間感十足~🌟上海小籠包🌟即點即蒸，熱辣辣初嚐一口，入面既餡料帶有肉汁，肉餡亦夠味道。🌟花雕醉雞🌟前菜醉雞份量都足夠，酒味都好濃郁🍶。🌟上海排骨菜飯 (糖醋汁)🌟炸物幾好，排骨同雞翼都好脆口，排骨菜飯配上糖醋汁，食落就唔會咁寡同膩🤭🌟香炸雞翼酸辣湯麵🌟呢款香炸雞翼夠哂邪惡，雞翼外屠十分脆口，咬落去好多汁，肉質又嫩滑，差啲想encore一碟🐥❗酸辣湯底平時比較少叫，多數係分開叫個湯，跟湯麵底感覺又幾好喎，啲麵吸埋啲酸辣湯料味🍜➡️去西北區就好似去左個小旅行咁，過左個輕鬆週末😌

今日又同老友黎到食上海料理，呢到仲有得周圍掃街，仲有好多公仔機比你玩，估唔到呢間商場咁大仲有好多野行，同老友仲可以周圍行下食下好西😆呢間上海料理小店，座位有幾枱大枱地方闊落，餐廳仲主打上海小籠包、擔擔麵同埋蒜泥白肉，呢d一定要試啦！上海小籠包：即叫即蒸新鮮滾熱辣，食落仲爆汁要小心食，湯汁融入豬肉入邊，所以好入味，皮唔係好厚所以質感幾好，要趁熱食花雕醉雞擔擔麵：花雕醉雞擔擔麵係小店最招牌嘅菜式，例牌份量既醉雞，醉雞仲有好濃厚既花雕酒味，雞肉同酒混合左之後好入味，新鮮雞肉仲好鮮嫩，唔似d冰鮮雞咁鞋身，而擔擔麵本身好辣，可以選擇辣度，建議唔食得辣就唔好嗌咁辣，擔擔麵用左好濃厚既麻醬+花生醬湯底，所以食落去好香好有質感，仲可以配一支香港荳品廠出嘅豆漿，豆腐好彩甜味適中，所以都啱我口味蒜泥白肉：呢份蒜泥白肉就爭少少了，肉片上充滿左好濃厚既蒜蓉，加左少少薑所以食落去有d辣，五花肉肉片夠薄切，底下仲有少少辣油，食落都係較辣📍地址：食遇上海料理 (天水圍)天水圍天湖路1號嘉湖新北江商場地下A93號舖

一向鍾意食餃子既我，係新界西搵間平靚正既上海食店真係好難，無意間發現左呢間上海食店，價錢平，環境整潔，所以就入去試試佢，食完後覺得呢間店性價比高，款款都係四五十蚊，好抵食，下次可以再去👍口水雞（例牌）口水雞既醬汁好好食，唔太辣，但又夠味，適合想食下重味野，但又唔食得太辣既我。酥炸雞翼上海麵四十幾蚊，大大碗麵，加上3隻大大隻既雞翼，個炸粉唔太厚，食落香脆，食瑋碗麵夠晒飽。素炒年糕又係四十幾蚊，好大碟，雖然只係配上菜炒，但味道唔錯，最鍾意佢係用上海粗炒既方式炒呢個年糕，好好食，適合唔鍾意太多肉既我，下次去都一定會叫呢個煱貼好有舊式上海菜館味道，依家好少食到呢隻感覺，外皮煎得香香的，大大啖肉，好食重點係加埋兩枝豆漿，成餐埋單都只係百靚蚊，好抵食，依家係香港要搵間咁抵食既食店都唔容易👌🏻

新北江商場係天水圍出名多小食，今日入到天水圍去發掘下隱世小店，係地下夾公仔店對面發現左間高性價比上海小店。上海小籠包$32/4隻皮薄餡靚，湯汁十足，仲要即叫即整熱辣辣。蒜泥白肉$42蒜味十足，生蒜辣味強勁，用料十足，而且肉量份量十足，令人食過翻尋味。排骨酸辣湯麵$45排骨酥脆不在話下，酸辣湯更加係整個麵既靈魂，酸辣湯用料十足，有木耳同冬菇，口感豐富。酸辣湯帶點微辛及酸味，非常醒胃，再配上掛湯既上海麵，令人食唔停口。上海粗炒$53上海粗炒鑊氣十足，用料豐富，有肉絲、冬菇、娃娃菜，口感豐富。上湯津白$24津白新鮮、爽口，再配上熱辣辣既上湯，非常暖身。食遇上海料理 (天水圍)📍地址：天水圍天湖路1號嘉湖新北江商場地下A93號舖